* प्रतिनिधी
दुधी भोपळ्याची वडी
काय लागेल
* पाव कप बेसन
* पाव कप मुगडाळीचं पीठ
* १ कप दुधी भोपळा किसलेला
* १ छोटा चमचा आलं व हिरवी मिरची बारीक चिरलेली
* १ छोटा चमचा लसूण पेस्ट
* पाव छोटा चमचा हळद पावडर
* १ मोठा चमचा कोथिंबीर बारीक चिरलेली
* १ छोटा चमचा जिरे
* चिमूटभर हिंग पावडर
* २ मोठे चमचे रिफाइंड ऑइल
* मीठ व मिरची चवीपुरतं.
कसं कराल
बेसन आणि मुगडाळीचं पीठ एकत्रित करून जिरं, हिंग व तेल सोडून सर्व साहित्य त्या पिठामध्ये एकत्रित करा. २ कप पाणी टाकून पातळ घोळ बनवा. १० मिनिटं झाकून ठेवा. एका नॉनस्टिक कढईमध्ये एक चमचा तेल गरम करून हिंग व जिरे टाका. नंतर दुधी भोपळा व बेसनाचा घोळ टाका. मंद आचेवर परतवत रहा. जेव्हा मिश्रण गोळ्याप्रमाणे होईल तेव्हा एका प्लेटला तेल लावून हे मिश्रण त्यामध्ये पसरवा. अर्धा इंच जाड पसरवा. थंड झाल्यावर हवं तसं वड्या कापून घ्या. एका नॉनस्टिक तव्यावर तेल टाका आणि दुधी भोपळ्याच्या वड्या दोन्ही बाजूंनी भाजून घ्या.
