* रवी शोरी नीना
काही अपवाद वगळंता प्रत्येक तरुण वा तरुणीला आपल्या आयुष्यात वर वा नववधू बनण्याची संधी फक्त एकदाच मिळते. यावेळी अनेक तरूणांना वरूण धवन वा आदित्य धरप्रमाणे स्मार्ट आणि तरुणीना यामी गौतमप्रमाणे सुंदर दिसावंस वाटतं.
लग्नाच्यावेळी लग्नाच्या आयोजनाची सर्व जबाबदारी तर कुटुंबीयांचीच असते. वर वधूना तर फक्त लग्नाच्यावेळी स्वत:साठी पेहराव निवडून जवळच्या मित्रमैत्रिनींना या कार्यक्रमात येण्यासाठी आमंत्रण देणं आणि स्वत:च्या फिटनेसबद्दल विचार करणं एवढंच काम असतं.
या क्षणी अनेक तरुण-तरुणी स्वत:ला सजविण्यासाठी फिटनेस मिळवण्याच्या मागे लागतात. फिटनेससाठी या दिवसात ते खूप मेहनत करतात.
संतुलित आहार आणि नियमित व्यायाम
स्वराजचं लग्न ठरलं होतं परंतु त्याचं लग्न दोन महिन्यानंतर होणार होतं. या अल्पावधीतच स्वराजला स्वत:च्या शरीरामध्ये अशी सुधारणा आणायची होती की लोकं त्याच्या सासरच्यांना म्हणाली पाहिजेत की मुलगा तुम्ही सुशिक्षित निवडलातच परंतु तो सुंदरदेखील आहे.
आपल्यांकडून आणि दुसऱ्यांकडून स्वत:च्या व्यक्तिमत्त्वाचं कौतुक करण्यासाठी स्वराजने जिम जॉईन केली. तिथे तो भरपूर घाम गाळत होता.
स्वराजला जेव्हा तू या सर्वाचा अगोदर का विचार केला नाहीस, लग्नाच्या वेळेसचं फिट बॉडी बनवण्याची कशी आठवण आली? यावर तो म्हणाला, ‘‘मला माझा मित्र गौतमच्या लग्नातली घटना आठवते. माझ्या मित्राच्या सप्तपदीच्यावेळी त्याची होणारी पत्नी प्रियाच्या अनेक मैत्रिणी कुजबुजत होत्या की प्रियाच्या कुटुंबीयांनी मुलाचं फक्त पद आणि कुटुंबच पाहिलं आहे. हा मुलगा तर प्रियाच्या जोडीदारापेक्षा काकाच जास्त दिसतोय. प्रियाच्या कुटुंबीयांनी चांगला मुलगा बघितला असता तर बरं झालं असतं. ही जोडी तर अजिबात छान दिसत नाही आहे.
‘‘म्हणून मला आणि माझ्या पत्नीबाबत कोणीही अजिबात म्हणू नये की ही जोडी अजिबात चांगली दिसत नाही आहे. हे मला अजिबात ऐकायचं नव्हतं. मला खात्री आहे की माझ्या लग्नापूर्वी फिजिकली मी असा फिटनेस मिळविन की लोकं म्हणतील की अरे व्वा! किती छान जोडा आहे. जेवढी मुलगी सुंदर आहे, तेवढाच मुलगादेखील सुंदर आहे.’’
केवळ तरुणच नाही तर लग्नापूर्वी अनेक तरुणीदेखील उत्तम शरीरसंपदा मिळविण्यासाठी भरपूर मेहनत करतात.
स्मृती व्यवसायाने ज्वेलरी डिझायनर आहे. तिच्या कामामुळे तिला तासन्तास एका जागी बसून काम करावं लागतं म्हणून ती थोडी ओवरवेट झाली आहे.
स्मृतीला वाटतं की लग्नानंतर हनिमूनला जातेवेळी तिच्या वजनामुळे कोणी तिच्या पार्टनरची ताई वा काकी समजू नये. म्हणून ती लग्नपूर्वीच नियमितपणे जिमला जाते आणि यामुळे ती खूप आनंदीत आहे की समतोल आहार आणि नियमित व्यायामामुळे आता ती पूर्वीपेक्षा कमी वयाची आणि ताजीतवानीदेखील दिसते.
जिम जॉईन करण्याची गरज का?
या प्रश्नावरती मधूचं म्हणणं आहे की ‘‘प्रत्येक तरुणीचा बॉडी शेप वेगवेळा असतो. एखादी तरुणी आपली ब्रेस्ट शेप तर एखादी तिच्या थाईज आणि हीप्सचे प्रॉब्लेम्स घेऊन येते. या प्रॉब्लेमचं उत्तर केवळ नियंत्रित आहार, डायटिंग व स्वत: आपल्या मर्जीने व्यायाम केल्याने होऊ शकत नाही. मी ज्या जिममध्ये जाते तिथेदेखील लेडीज इन्स्ट्रक्टर आहेत, सोबतच डायटेशनदेखील. इन्स्ट्रक्टरच्या मदतीने हेवी भागामध्ये मला चांगलं काम करायचं आहे, तिथे डायटिंगशियनच्या मदतीने संतुलित आहार व पौष्टिक आहार घेण्याचं गायडन्सदेखील मिळतं.’’
रत्नाजवळ जिममध्ये जाण्यात, शरीर संवर्धनासाठी वेळ नव्हता तेव्हा तिने घरच्या घरीच ट्रेडमिल मशीन मागवली. ट्रेडमिल मशीनच्या माध्यमातून घरच्या घरी ती अधिक चालण्याचा प्रयत्न करू लागली.
लग्नापूर्वी सजण्याचा लाभ आजदेखील आहे
लग्नापूर्वी सजण्याचा लाभ लग्नाच्या प्रसंगी तर मिळतोच, १०-२० वर्षानंतर जेव्हा तुम्ही तुमच्या लग्नाचे व्हिडिओ बघता तेव्हा एक सुखद अनुभूती होते. तेव्हा पुरुष विचार करतो की किती स्मार्ट होतो त्या दिवसात तेव्हा किती घनदाट केस होते डोक्यावरती. ना ढेरी होती आणि ना ही डोळयांवरती आजच्याप्रमाणे जाडजूड चष्मा होता.
तर स्त्रिया विचार करतात की मी किती बारीक होती तेव्हा जो कोणी पहात असे तो पहातच राहायचा. म्हणून व्यायामाची सवय आपल्या आयुष्याचा अनिवार्य भाग असायला हवा. कोणत्याही कारणामुळे लग्नपूर्वी ही सवय नक्कीच लावून घ्यायला हवी आणि लग्नानंतर आपल्या छोटया बहीणभावंडांना फिटनेसचे फायदे समजावत व्यायाम करण्यासाठी उत्साहीत करायला हवं. म्हणजेच लग्नाच्यावेळी त्यांना फिटनेससाठी अधिक मेहनत करण्याची गरज लागणार नाही
