* पुष्पा भाटिया
हिवाळयाच्या दिवसात घराच्या सजावटीतही काही बदल करणे गरजेचे असते. लेअरिंग, एक्स्ट्रा कम्फर्ट आणि वार्म फेब्रिक इंटेरिअरमध्ये छोटे-छोटे बदल करून हे काम अगदी सहजपणे कमी मेहनत आणि कमी खर्चात पूर्ण करता येते. जाणून घेऊया घर सजावटीच्या काही टिप्स :
रंग : हिवाळा आणि उन्हाळयातील फरक रंगांमुळे स्पष्ट होतो. उन्हाळयात सौम्य रंगांचा वापर चांगला वाटतो, तर हिवाळयात उष्ण आणि उजळ रंग खुलून दिसतात. त्यामुळेच या ऋतूत तुम्ही घरात रंगकाम करणार असाल तर उष्ण आणि उजळदार रंगच निवडा. त्यांच्यामुळे घरात उबदारपणा आल्यासारखा वाटतो. सोबतच यामुळे घर उठावदार दिसते. याशिवाय लाल, भगवा किंवा पिवळया रंगाचा वापर केल्यामुळेही घरात ऊर्जेचा संचार होतो.
या गोष्टीकडे लक्ष द्या की, दोन विरोधाभासी रंग तुम्ही एकत्र लावू नका. जसे की, एकाच रंगाच्या सौम्य आणि गडद छटांमुळे खोली भडक, भपकेबाज दिसू शकते.
लेअरिंग : हिवाळयात ज्या प्रकारे शरीराला लेअरिंगद्वारे ऊब मिळवून देण्याचा प्रयत्न केला जातो त्याच प्रकारे लेअरिंग करून घरालाही उबदार असा लुक देता येतो. त्यासाठी कारपेट्स राज, ब्लँकेट्स आणि व्रिवल्ट्वर जास्त लक्ष द्या. आजकाल बाजारात विविध रंग, आकार, डिझाईन आणि पॅटर्न उपलब्ध आहेत.
विविध रंग आणि टेक्सचर वापरण्याऐवजी एकच रंग वापरून घराला आरामदायक बनवा. तुम्ही जे कोणते कार्पेट खरेदी कराल ते घराची रचना आणि रंगला साजेशे असेल याकडे लक्ष द्या.
लायटिंग : जेव्हा लायटिंगचा प्रश्न असतो तेव्हा तुम्ही तुमच्या घराला टास्क आणि एक्सॅट लायटिंगने उबदार बनवू शकता. याशिवाय घराला सुंदर आणि उबदार बनवण्यासाठी लादी आणि भिंतींवरील लायटिंगचाही वापर करता येईल. फ्लोरोसंट बल्बऐवजी टंकस्टन बल्ब वापरा, कारण ते घराला उबदार लुक देतील.
सर्वसाधारणपणे लोक या ऋतूत जाडसर पडदे लावतात किंवा दरवाजे-खिडक्या बंद करून घेतात. असे करू नका. यामुळे घरातले प्रदूषण बाहेर जाणार नाही. घरातल्या एका मोकळया भिंतीवर आरसा लावा.
नक्षीकाम केलेल्या काचेच्या काही वस्तू घरात नक्की ठेवा. त्यांच्यामुळे प्रकाश परावर्तित होऊन घराच्या दुसऱ्या कोपऱ्यापर्यंत पोहचू शकेल आणि त्यामुळे हिवाळयातही थोडासा उबदारपणा घरातील प्रत्येक खोलीत जाणवेल. यासाठी थोडी जास्त मेहनत घ्यावी लागेल. आतल्या बाजूने पिवळटसर असलेले बल्ब लावा. याशिवाय काळोख्या कोपऱ्यात स्टेटमेंट लाईट लावा.
स्वयंपाकघर : आधुनिक गृह सजावटीत स्वयंपाकघराचा लुक सर्वाधिक बदललेला पाहायला मिळतो. आता एका विशिष्ट पद्धतीचेच ओटे किंवा कप्पे पाहायला मिळत नाहीत. मिक्सिंगवर तसेच वेगवेगळया काँट्रास्टिंग टेक्सचरवरही विशेष लक्ष केंद्रित केले जात आहे. स्लीक वर्कटॉप्स, डार्क केबिनेटरीसह क्लीन मार्बल्ड स्प्लॅशबॅकचा वापर करून या ऋतूत स्वयंपाकघराला नवा लुक मिळू शकतो.
स्टँड कँडल्स : अशा कँडल्स निवडा ज्या तुमच्या घराच्या अंतर्गत सजावटीला शोभून दिसतील. त्या घरातील एखाद्या कोपऱ्यात होल्डरवर लावा किंवा प्लेट अथवा बाऊलमध्ये सजवा. घरात फायरप्लेस असेल तर त्याच्या अवतीभवती कॉफी टेबल, २-३ खुर्च्या ठेवा किंवा कोपऱ्यांवर कँडल्स लावा. कँडल्समुळे घरात उबदारपणा येईल. तुम्ही लाईट स्टँड कँडल्स किंवा सुगंधी अगरबत्तीचाही वापर करू शकता.
विंडो सीट : घरात उबदारपणा यावा यासाठी गडद रंगांचे पडदे लावा. यामुळे उबदारपणा जाणवेल. पण हो, सकाळच्या वेळी ते बाजूला करून ठेवायला विसरू नका. याशिवाय हिवाळयाच्या सुट्टीत खिडकीकडची जागा तुमच्यासाठी आरामदायी ठरेलं.
पूर्व दिशेकडील खिडकीकडे बसायची सुंदर व्यवस्था करा. ही जागा आळसावलेल्या दुपारी पुस्तक वाचन, डुलकी घेणे किंवा संगीत ऐकण्यासाठी उपयोगी ठरेल. खिडकीकडे एक छोटीशी जागा तयार करा आणि तिला पडदे, उशांनी सजवा. खिडकीतून बाहेर डोकावल्यावर हिरवळ दिसेल याकडे विशेष लक्ष द्या. प्रत्येक ऋतुनुसार केलेल्या बदलांमुळे घराला नवे रंगरूप मिळते.
फुलांकडे विशेष लक्ष द्या : हिवाळयात उमलणारी रंगीबेरंगी फुले घराला नैसर्गिक लुक देतात. त्यामुळेच घराच्या अंतर्गत आणि बाह्य सजावटीसाठी फुलांचा वापर करता येईल. रजनीगंधा आणि विविध प्रकारची फुले हिवाळयाची शोभा वाढवतात. रजनीगंधाचा मोहक सुगंध संपूर्ण घर सुगंधित करेल. कुंड्यांना गडद रंगाने रंगवून नवा लुक द्या. हिवाळयात थोडा जरी ओलावा कमी झाल्यास रोपटे सुकू लागते. म्हणूनच त्यांना पाणी घालायला विसरू नका. फुले निसर्ग आपल्या जवळ असल्याची सुखद अनुभूती देतात अॅलर्जी असेल तर आर्टिफिशियल फुलांचा वापर करता येईल.
या गोष्टींकडेही लक्ष द्या
* घर सजावट कशी आहे, हे घरातल्या फर्निचरवरून समजते. फर्निचर महागडे असेल तरच चांगले असते, असे मुळीच नाही. बाजारात कमी किमतीतही उत्तम फर्निचर मिळते. फक्त ते दिसायला आकर्षक, घरातील इतर वस्तूंना साजेसे, साधे आणि आरामदायक असेल, याकडे लक्ष द्या. फर्निचर असे हवे ज्याचा वापर कोणीही सहजपणे करू शकेल. अनेकदा फर्निचरची जागा बदलल्यामुळेही खोलीला नवा लुक मिळतो.
* घरात विनाकामाचे, जुने किंवा, मोडके सामान ठेवू नका. यामुळे अंतर्गत सजावट उठून दिसणार नाही. सोबतच ते उगाचच जागा अडवतील. जेवढे सामान जास्त असेल तेवढा जास्त त्रास घर नीटनेटके ठेवताना होईल.
* डायनिंग टेबलच्या खुर्च्यांवर छोटी गादी किंवा कपडयाचे कव्हर घातले तर यामुळे हिवाळयात उबदारपणा जाणवेल. खुर्चीवर घातलेले सिल्कचे कापडही हिवाळयात उबदारपणासाठी उपयोगी ठरते.
* भारतीय घरात शक्यतो फायरप्लेसचा वापर केला जात नाही. त्यामुळेच तुम्ही हवे असल्यास कृत्रिम फायरप्लेसचा वापर करू शकता. घर जितके उबदार, उजळ आणि आरामदायक ठेवाल ते तितकेच चांगले दिसेल. तर मग उशीर कशाला करायचा? बजेटनुसार आपले घर सजवून सुंदर बनवा. तुमच्या घराचे हे नवे रूप नव्या वर्षाची सर्वोत्तम भेट ठरेल.
