* डॉ. भारती तनेजा, एल्पस ब्युटी क्लीनिकच्या फाउंडर, डायरेक्टर
माझे केस खूपच जास्त कर्ली आणि रफ आहेत. यांची देखभाल कशी करू म्हणजे ते अधिक सुंदर दिसतील?
जास्त कर्ली हेअर साधारणपणे रफ असतात. यांची देखभाल करण्यासाठी कंडिशनर युक्त शॅम्पूचा वापर करायला हवा. शाम्पूदेखील कमी प्रमाणात वापरावा. थोडासा शाम्पू घेऊन त्यामध्ये पाणी मिसळून घ्या आणि त्याने केस स्वच्छ धुवा. त्यानंतर एखादं क्रिमी कंडीशनर वा हेअर मास्क लावून ५ मिनिट वाट पहा. मास्क लावून हेअर कोम्ब करून घ्या. नंतर केस स्वच्छ धुवा. यामुळे केस खूपच मुलायम राहतील आणि कर्लदेखील कायम राहील. हवं असल्यास मास्क घरच्या घरीदेखील बनवू शकता. १ चमचा मेयोनीजमध्ये १ चमचा व्हिनेगर, १ चमचा ऑलिव्ह ऑइल टाका. नंतर विटामिन ई ऑइलची कॅप्सूल कापून त्यामध्ये टाका.
आता हा मास्क केसांमध्ये लावून अर्धा तास तसाच राहू द्या आणि नंतर स्वच्छ धुवा. यामुळे केस खूपच सुंदर होऊन जातील. हा मास्क केसांना चमकदेखील आणतो. केस धुतेवेळी जास्त गरम पाण्याचा वापर करू नका. धुतल्यानंतर ब्रशचा वापर न करता वाइड टूथ कोम्बचा वापर करा.
मला पुढच्या महिन्यात लग्नाला जायचं आहे. त्यासाठी मला खूप सुंदर नखं हवी आहेत. नेल एक्सटेन्शन करणं सुरक्षित असेल का? नखं खराब तर नाही ना होणार? हे किती दिवस चालतं आणि हे कसं काढलं जातं?
नेल एक्सटेन्शन करणं खूपच सुरक्षित प्रक्रिया आहे. यामध्ये १ तासात तुमची नखं लांब व सुंदर होतील. हे करणं अगदीच सेफ आहे. तुमची नखंदेखील स्ट्राँग होतील. यावर तुम्ही चांगलं नेल आर्ट करून लग्नामध्ये जाऊ शकता आणि तुमच्या नखांना प्लॉन्ट करू शकता. यामुळे तुमच्या हाताचं सौंदर्य वाढेल. तुम्ही बिनधास्तपणे नेल आर्ट नेल एक्सटेन्शन करून घ्या. हे साधारणपणे एक महिन्यापर्यंत टिकतं. त्यानंतर याच्या मागे फिलिंग करावं लागतं आणि मग तुमची नखं लांबच राहतील.
पावसाळयात मी जेव्हा देखील वॅक्स करायला जाते तेव्हा, हात सतत चिकटत राहतात. केसदेखील पूर्णपणे रिमूव्ह होत नाहीत. एखादा उपाय सांगा?
चांगल्या पार्लरमध्ये वॅक्स करण्यापूर्वी आर्म्स आणि लेग्ज स्वच्छ करून प्री वॅक्स जेल लावलं जातं. ज्यामुळे ते चिकचिकित होत नाही आणि आरामात वॅक्सिंग होतं. प्री वॅक्स जेलमध्ये अँटीसेप्टिक तत्व असतात. ज्यामुळे कधीही कोणत्याही प्रकारची एलर्जी होत नाही. वॅक्स करतेवेळी जर पार्लरमध्ये एसी सुरू असेल तर अजिबात चिकटतदेखील नाही.
वॅक्स करण्याची पद्धत जर योग्य असेल तर केस तुटत नाहीत आणि राहतदेखील नाहीत. वॅक्स केल्यानंतर आफ्टर वॅक्स जेल लावलं जातं. जे अँटीसेप्टिक असण्याबरोबरच एलोवेरा टाकून बनवलं जातं. ज्यामुळे त्वचा मुलायम बनते. यामुळे कोणत्याही प्रकारची अॅलर्जी होत नाही आणि ना ही जळजळ तसंच त्वचादेखील गोरी होते.
मला काजळ लावायला खूप आवडतं, परंतु जेव्हादेखील मी काजळ लावते ते पूर्णपणे पसरतं, मी काय करू?
काजळ डोळयांचं सौंदर्य वाढवतं, परंतु काजळ खरेदी करतेवेळी खास लक्ष देण्याची गरज असते. तुम्ही वॉटरप्रुफ स्मज प्रुफ काजळ विकत घ्या. काजळ नेहमी चांगल्या क्वालिटीचं विकत घ्या, कारण कमी क्वालिटीच्या काजळमुळे डोळयांमध्ये इन्फेक्शन होऊ शकतं म्हणून नेहमी चांगल्या क्वालिटीचं काजळच विकत घ्या.
जेव्हादेखील काजळ लावाल तेव्हा त्याच्या खाली एक लाईन वॉटरप्रुफ लाइनर लावा. त्यामुळे काजळ लवकर स्मज होणार नाही वा एका पातळ ब्रशने काजळाच्या खाली कोणतही आयशाडो जसं की ब्राऊन ब्लू ग्रीन घेऊन एक लाईन काजळाच्या खाली लावा आणि ते स्मज करून घ्या. यामुळेदेखील काजळ बराच वेळ टिकून राहतं वा मग पर्मनंट काजळ लावून घ्या. हे १० ते १५ वर्षापर्यंत टिकतं.
यासाठी लक्षात ठेवण्याची गोष्ट म्हणजे जिथून परमनंट काजळ करून घ्याल तो एक्सपर्ट असायला हवा. कारण एकदा लावलेलं काजळ १५ वर्षापर्यंत राहील. तिथे हायजिनकडे लक्ष दिलं जाईल. प्रोडक्ट चांगल्या क्वालिटीचे वापरले जातील. याचे कोणतेही दुष्परिणाम नसतील. हवं असल्यास कानाच्या मागे एक डॉट लावून पॅच टेस्टदेखील करू शकता.
मी खूपच लठ्ठ होती आणि आता मी वजन कमी केलं आहे. जे छान दिसतंय, परंतु माझ्या पोटावर स्ट्रेच मार्क्स झाले आहेत ते खूपच वाईट दिसत आहेत. ते काढण्याचा एखादा उपाय सांगा?
जास्त वजन कमी केल्यावर स्ट्रेच मार्क्स येतातच. जर त्यावर नारळ तेल वा विटामिन ई ऑइल लावलं गेलं वा एखादी चांगली स्ट्रेच मार्क्स क्रीम लावली तर स्ट्रेच मार्क्स कमी होण्याची शक्यता निर्माण होते. तुम्ही ते काढण्यासाठी घरगुती उपायदेखील करू शकता. खरंतर ते काही पूर्णपणे जाणार नाहीत परंतु तुम्ही प्रयत्न नक्की करा.
तुम्ही नारळाचं तेल सतत तुमच्या स्ट्रेच मार्क्सवर लावा आणि विटामिन ई चे कॅप्सूल मार्केटमधून विकत घ्या. ते कापून स्ट्रेच मार्क्सवर लावा, फरक पडू शकतो. जर फरक पडत नसेल तर तुम्ही एखाद्या क्लिनिकमध्ये जाऊन लेझर ट्रीटमेंट करून घेऊ शकता. ते नक्कीच फायदेशीर राहील.
