* सोमा घोष
महिला शूज आणि कपडयांवर तर पुष्कळ खर्च करत असतात, मात्र लॉन्जरीवर जास्त लक्ष देत नाहीत, ज्यामुळे अनेकदा त्यांना अडचणींना तोंड द्यावे लागते. योग्य लॉन्जरी परिधान करणे फार गरजेचे आहे, ज्यामुळे तुम्ही फिट राहाल.
याविषयी जीएनसी फिटनेस एक्स्पर्ट निशरिन पारीख म्हणतात, ‘‘वर्कआउट करताना जर योग्य लॉन्जरी नसेल तर बॅक पेन होऊ शकते, कारण सततच्या वर्कआउटमुळे ब्रेस्ट टिशूज खराब होऊ लागतात, ज्यामुळे त्यांच्यात लवचिकता येऊ लागते. शरीरासाठी सपोर्ट सिस्टीम योग्य असणे फार आवश्यक असते.’’
निवडा योग्य ब्रा
मुली ते वयस्कर महिला या सर्वानीच आपल्या ब्रेस्ट साइजनुसार योग्य ब्रा घातली पाहिजे, कारण वर्कआउटचा परिणाम हा संपूर्ण शरीरावर होत असतो. वर्कआउट अनेक प्रकारचे असतात, ज्यातील रनिंग, एरोबिक, जुंबा यांचा शरीरावर जास्त परिणाम होतो. हल्ली मार्केटमध्ये सर्व प्रकारच्या ब्रा अगदी सहज मिळतात.
* वर्कआउटसाठी सुती ऐवजी लायक्रा ब्राचा वापर करा.
* जर तुम्ही मेडिटेशन करत असाल तर लाइट सपोर्टची ब्रा घाला, कारण यात जास्त मूव्हमेंट होत नाही.
* वॉक करत असाल तर मिडियम सपोर्ट ब्रा वापरा.
* जर स्ट्रॉंग वर्कआउट करत असाल तर फुल सपोर्ट ब्रा वापरा.
* वर्कआउटच्या वेळी स्पोर्ट्स ब्रा घालणे सर्वोत्तम असते. यामुळे ब्रेस्ट शेप योग्य राहतो. जास्त मुव्हमेंट्समुळे ब्रेस्टच्या चारी बाजूचे लिंगामेन्ट ओढले जातात. यामुळे ब्रेस्ट लटकल्यासारखे दिसू शकतात. हे योग्य स्पोर्ट्स ब्रा घालूनच रोखता येते.
तुमच्या गरजेनुसार बाजारात अनेक प्रकारच्या ब्रा उपलब्ध आहेत जसे :
योगा ब्रा : ही ब्रा पिलेट्स आणि मेडिटेशनसाठी सर्वोत्तम आहे. याचे मटेरियल सॉफ्ट असते. टी शेपची ही ब्रा घालणे फारच आरामदायी असते.
हायपर क्लासिक पॅडेड स्पोर्ट्स ब्रा : ही एक आरामदायी ब्रा आहे, ज्यातील पॅड तुम्ही गरजेनुसार काढूही शकता. ही ब्रा व्यायाम करताना पूर्ण ब्रेस्टला फिट ठेवते. कार्डिओ करताना ही वापरणे योग्य असते.
रॅपअप ब्रा : ही ब्रासुद्धा व्यायाम आणि पिलेट्ससाठी वापरता येते. हाय नेक लाइन आणि डबल लेयर कपडयापासून तयार झालेली ही क्रॉप टॉप ब्रा ब्रेस्टला पूर्णपणे कव्हर करते. तुमचे ब्रेस्ट भले कितीही मोठे असोत यात आराम मिळतो.
