* गृहशोभिका टीम
आम्ही प्रवासातल्या चांगली-वाईट अनुभवांसाठी तयार असाल तर नवीन गोष्टी ट्राय करायला बिलकुल घाबरू नका. पहिल्यांदाच देशाबाहेर जाताना अशा कित्येक गोष्टींचा सामना करावा लागतो, ज्या तुम्ही कधीच केलेल्या नसतात. अशावेळेस कोणत्या गोष्टींवर लक्ष ठेवून तुम्ही बनू शकता स्मार्ट ट्रॅव्हलर,जाणून घेऊ आज याबाबत.
हॉटेलऐवजी हॉस्टेलमध्ये थांबा आणि खूप सामान पॅक करू नका
पहिल्यांदाच परदेशात जात असाल तर प्रत्येक बाबतीत जागरूक असणं खूप जरुरी आहे, ज्यात बजेटचाही समावेश असतो. अशावेळेस तुम्ही हॉटेलमध्ये उतरण्यापेक्षा होस्टेलवर उतरणं योग्य ठरेल, जे की फक्त बजेटच्याच दृष्टीनं योग्य नाही तर तुम्हाला वेगवेगळया देशातून आलेल्या इतरही प्रवाशांना भेटायची संधी मिळते. जी अनुभवाशिवाय तुमच्या प्रवासातही कित्येकदा फायदेशीर ठरते. हॉटेल लक्झरीच्या बाबतीत फार टेंशन घ्यायची गरज नाही, कारण तुमचा जास्तीत जास्त वेळ फिरण्यात जातो. याशिवाय तुमच्याजवळ जितकं कमी सामान असेल, तितकं तुम्हाला एका जागेवरून दुसरीकडे मुव्ह व्हायचे चान्सेस जास्त असतात.
२-३ दिवसांपेक्षा जास्त बुकिंग करू नका आणि पत्ता जरूर लिहून घ्या
असं यासाठी की नवीन जागेत खूप पर्याय माहीत नसतात. काही दिवस राहिल्यावर जर तुम्हाला दुसरा चांगला पर्याय मिळाला तर तुम्ही सहज चेक आउट करून मुव्ह होऊ शकता. याशिवाय तुम्ही जिथे उतरता आहेत तिथला पत्ता डायरीत लिहून ठेवा किंवा प्रिंट आउट जवळ ठेवा, कारण जर फोनची बॅटरी लो असेल आणि फोन चार्ज करायला मिळाला नाही तर प्रॉब्लेम होऊ शकतो.
लोकल रेस्टॉरंटमध्ये खाण्याची मजा अनुभवा
खाणंपिणं कोणत्याही देशाचं कल्चर जाणून घेण्याचं व समजून घ्यायचं उत्तम माध्यम आहे म्हणून हे कोणत्याही प्रकारे टाळू नका. जिथे मोठ मोठ्या रेस्टॉरंटमध्ये तुमच्या मनाप्रमाणे आणि काही खास डिशेज मेनूत बघायला आणि खायला मिळतात, तिथे स्ट्रीट फूड आणि लोकल रेस्टारंटमध्ये तुम्ही निरनिराळया चवींची मजा लुटू शकता.
खूप कॅश सोबत घेऊ नका
तुम्ही तुमच्या आंतरराष्ट्रीय डेबिट कार्डने कॅश काढू शकता आणि जर तुमच्याजवळ कार्ड नसेल तर प्रीपेड ट्रॅव्हल कार्डचा पर्याय तुमच्याकडे उपलब्ध आहे, ज्याला एक्टिवेट व्हायला फक्त एक दिवस लागतो. परंतु जिथे फिरायला जाणार असाल, त्या देशाचं चलन जरुर बाळगा, जे इमरजंसीत कामी येईल.
