* इंजी आशा शर्मा
माझ्या त्वचेमुळे वयाचा अंदाजच लगत नाही, कारण माझ्या साबणात हळद, चंदन आणि मधाचे गुण आहेत. या साबणात एक चतुर्थांश दुध आहे, जे बनवते माझी त्वचा मुलायम. आजीने त्वरित लवंगाचे तेल चोळले होते. काय तुमच्या टूथपेस्टमध्ये मीठ आहे? क्ले शाम्पूने माझे केस अगदी चमकदार झाले.’’ अशा सगळया प्रकारच्या न जाणो किती जाहिराती आपण रोज वर्तमानपत्र, टीव्ही आणि रेडिओवर पाहात आणि ऐकत असतो. या व्यावसायिक जाहिरातींमध्ये किती सत्य आहे हे तर उत्पादन बनवणारे आणि ते वापरणारेच सांगू शकतील, पण हे निर्विवाद सत्य आहे की सौंदर्याचा खजिना आपल्या स्वयंपाकघरातच लपला आहे.
बाजारात मिळणाऱ्या सौंदर्य प्रसाधनांमुळे अनेक महिलांना अॅलर्जीची तक्रार असते. ते महागसुद्धा खूप असतात. अशावेळी जेव्हा चांगल्या प्रतीचे पदार्थ वापरल्याचा दावा केला जातो, जे आपल्या स्वयंपाकघरातच असतात, मग का नाही आपण स्वत: या खजिन्याचा वापर करून स्वत:ला सुंदर बनवायचे.
या स्वयंपाकघरात शोधूया सौंदर्य
- मध चेहऱ्यावर वापरता येते. हे ना केवळ त्वचेची आर्द्रता कायम ठेवते तर चेहऱ्यावरचे डाग नाहीसे करते. यामुळे सनबर्नसुद्धा नाहीसे होते.
- हळदीचे गुण यामुळेच दिसून येतात की याच्या लेपचा वापर लग्नसमारंभात एक विधी म्हणून केला जातो. हळद त्वचेवर चमक आणते. ही दुधात मिसळून लावल्यास टॅनिंग नाहीसे होते.
- साखरेला कापलेल्या लिंबावर लावून हाताच्या कोपरांवर आणि गुडघ्यांवर गोलगोल फिरवुन हळू हळू रगडल्याने त्याचा काळपटपणा नाहीसा होतो. हाच प्रयोग हातांना मुलायम बनवायला करू शकता.
- दुधावरील सायीच्या नियमित वापराने ना केवळ त्वचा मऊ राहते तर चेहऱ्यावरच्या सुरकुत्यांपासून सुटका होते.
- दही लावल्याने चेहऱ्यावरचे टॅनिंग आणि डाग नाहीसे होतात. यात मेथी पावडर मिसळून लावल्यास केस चमकदार दिसतात. यामुळे केस मजबूत आणि मुलायम होतात.
- मूठभर मीठ घेऊन त्याने खांद्यांना मालिश केल्यास तेथील त्वचा कोमल होते. आल्याच्या रसात मीठ मिसळून लावल्यास मुरुमांपासून सुटका मिळते.
- बर्फाच्या वापराने ना केवळ चेहरा तजेलदार होतो तर डोळयाखालील काळी वर्तुळं नाहीशी होतात. बर्फ एका मऊ कापडामध्ये गुंडाळून चेहरा आणि मान यावर हळुवार गोलगोल फिरवा. मेकअप करण्याआधी चेहऱ्यावर बर्फ लावल्यास मेकअप जास्त वेळ टिकतो.
- ग्लिसरीन स्किन केअर औषधांमधील एक मुख्य घटक आहे. हे एक उत्तम मॉइश्चरायझरसुद्धा आहे. हे त्वचेचा रुक्षपणा नाहीसा करते. हे थेट अथवा गुलाबजलात मिसळून वापरले जाऊ शकते.
- लवंगाचे पाणी घासून लावल्याने मुरूम नाहीसे होतात आणि डागही राहात नाही.
- वापरलेल्या टी बॅग्ज फ्रिजमध्ये थंड करून डोळयावर ठेवल्यास डोळ्यांवरची सूज आणि थकवा नाहीसा होतो.
- आवळयाला अमृतफळ म्हणतात. याचा वापर केस काळे, दाट आणि लांब करण्यास होतो. हा केसांचे गळणे आणि अकाली पांढरे होणे यापासून दूर ठेवतो.
- साबणाऐवजी बेसनाचा वापर केल्यास त्वचेवरील अतिरिक्त तेलकटपणा कमी होतो आणि त्वचा स्वच्छ आणि चमकदार बनते.
- फळं आणि भाज्यांच्या साली यांचा वापरसुद्धा त्वचा मुलायम राखण्याचा एक उत्तम उपाय आहे.
- बेकिंग सोडयाचा स्क्रबप्रमाणे वापर करता येतो हा अॅक्ने आणि ब्लॅक हेड्सपासून सुटका मिळवून देतो.
