SEO Keywords: working women in society

* गरिमा पंकज

देशात नोकरी करणाऱ्या स्त्रियांची संख्या वेगाने वाढत आहे. स्वातंत्र्याच्या ७० वर्षांनंतर प्रथमच नोकऱ्यांमध्ये शहरातील महिलांचा सहभाग पुरुषांपेक्षा जास्त झाला आहे. जनगणना मंत्रालयाच्या रिपोर्टनुसार शहरांमध्ये ५२.१ टक्के महिला आणि ४५.७ टक्के पुरुष नोकरदार आहेत. हो, ग्रामीण क्षेत्रात महिला नोकऱ्यांमध्ये अजूनदेखील पुरुषांच्या पाठीमागे आहेत. कुठे ना कुठे महिलांचे वाढते प्रोफेशनल आणि टेक्निकल शिक्षण तसेच लोकांचे बदलणारे विचार यांनी बदलाचे हे वारे वाहिले आहे. आता पुरुषदेखील महिलांना सहकार्य करीत आहेत. त्यांची मानसिकता महिलांना सपोर्टिव बनत चाललेली आहे.

घरापेक्षा जास्त ऑफिसमध्ये खुश

स्त्रिया आज फक्त गरजेसाठीच नव्हे तर आपल्या मनाच्या आनंदासाठीदेखील नोकरदार होणे पसंत करतात. ऑफिसच्या निमित्ताने त्या घरातील तणावापासून बाहेर निघू शकतात. आपली ओळख निर्माण करु शकतात. याचे एक कारण हेदेखील आहे की जेव्हा स्त्रियांना त्यांच्या जॉबमुळे समाधान मिळत नाही तेव्हा त्या आपल्या जॉब बदलतात. जिथे त्यांना चांगले वाटते तिथेच त्या जॉब करतात, परंतु पुरुष असे करत नाहीत. आपल्या जॉबवर समाधानी नसण्यावरदेखील ते त्याच कंपनीत काम करीत राहतात, ज्यामुळे ते ऑफिसमध्ये आनंदी राहू शकत नाहीत. याशिवाय पुरुषांमध्ये जास्त अधिकार प्राप्त करण्यासाठी स्पर्धादेखील चालत राहते. त्यांचा इगोदेखील खूप लवकर होतो.

वर्किंग वाइफ पसंत करतात पुरुष

इंटरेस्टिंग गोष्ट हि आहे कि जिथे लोक आधी लग्नासाठी कर्तव्यदक्ष, संस्कारी आणि घरगुती मुलगी पसंत करायचे तिथे आता या ट्रेण्डमध्ये बदल दिसून येतो आहे. आता पुरुष लग्नासाठी घरात बसलेली मुलगी नाही, तर वर्किंग वूमन पसंत करू लागले आहेत. आपल्या वर्किंग वाईफचा इतरांशी परिचय करून देताना त्यांना अभिमान वाटतो.

चला जाणून घेऊया की पुरुषांच्या या बदलत्या विचाराचे कारण :

पतीची परिस्थिती समजून घेते : जर पत्नी स्वत: नोकरदार आहे तर ती पतीच्या कामाशी निगडित प्रत्येक अडचण व्यवस्थित समजून घेते. ती वेळोवेळी ना पतीला घरी लवकर येण्यासाठी फोन करीत राहते आणि ना घरी परतल्यानंतर हजारो प्रश्न करते. अशाप्रकारे पती-पत्नीचे संबंध सुरळीत चालू राहतात. दोघेही शक्यतोवर एकमेकांची मदत करण्यासाठीदेखील तयार राहतात. हेच कारण आहे की पुरुष नोकरदार मुली शोधू लागले आहेत.

आपला खर्च स्वत: उचलू शकतात : ज्या महिला जॉब करीत नाहीत, त्या आपल्या खर्चासाठी पूर्णपणे पतीवर अवलंबून असतात. छोटयातल्या छोटया गोष्टीसाठीदेखील त्यांना त्यांचे पती आणि घरातील यांच्यासमोर हात पसरावे लागतात. दुसरीकडे वर्किंग वुमन तर वेळप्रसंगी कुटुंबाचीदेखील मदत करतात.

पॉझिटिव्ह असतात : नोकरदार महिलांवर झालेल्या एका रिसर्च नुसार बहुतेक वर्किंग वुमन या सकारात्मक ऊर्जेने परिपूर्ण असतात. त्यांच्यात आत्मविश्वास आणि गोष्टी हँडल करण्याचा व्यवस्थित अनुभव असतो. त्यांना ठाऊक असते की कोणत्या अडचणीशी कशाप्रकारे दोन हात करायला हवेत. त्यामुळे त्या छोटया छोटया गोष्टींवर हायपर होत नाहीत आणि घाबरतदेखील नाहीत. त्यांना ठाऊक असते कि प्रयत्न केल्यानंतर त्या पुष्कळ पुढे जाऊ शकतात.

खर्च कमी बचत जास्त : आजच्या महागाईच्या काळात जर पती पत्नी दोघेही नोकरी करत असतील तर जीवन सोपे होते. तुम्हाला कोणताही प्लॅन बनवतेवेळी जास्त विचार करावा लागत नाही. भविष्यासाठी बचतदेखील सहजतेने करू शकता. घर, वाहन किंवा अन्य कोणत्याही आणि गरजेसाठी लोन घ्यायचे असेल तरीदेखील दोघेही आरामात घेऊ शकतात आणि हप्तेदेखील मिळून भरू शकतात. परिस्थिती तर अशी आहे की आज महिला लोन घेण्यात आणि ते फेडण्याच्या बाबतीत पुरुषांपेक्षा खूप पुढे आहेत. त्या फक्त कौटुंबिक आणि सामाजिक दृष्टीने नाही तर आर्थिक दृष्टीनेदेखील घराची धुरा वाहतात.

लोन घेण्यात पुढे

क्रेडिट इन्फॉर्मेशन कंपनी ‘ट्रान्सयुनियन सिबिल’च्या नुकत्याच आलेल्या रिपोर्टनुसार गेल्या तीन वर्षांमध्ये कर्ज घेण्याच्या बाबतीत महिला अर्जदारांची संख्या वाढत आहे. म्हणू शकता, की स्त्रियांनी पुरुषांना पाठीमागे टाकले आहे.

रिपोर्टनुसार २०१५ ते २०१८ च्या दरम्यान कर्ज घेण्यासाठी यशस्वी महिला अर्जदारांच्या संख्येत ४८ टक्के वाढ झालेली आहे. याच्या तुलनेत यशस्वी पुरुष अर्जदारांच्या संख्येत ३५ टक्के वाढ झालेली आहे. वास्तविक एकूण कस्टमर बेसच्या हिशोबाने अजूनदेखील कर्ज घेणाऱ्या पुरुषांची संख्या खूप जास्त आहे. रिपोर्टनुसार जवळपास ५.६४ करोड एकूण लोन अकाऊंटमध्ये अजूनदेखील जास्त भाग गोल्ड लोनचा आहे. वास्तविक २०१८ मध्ये यात १३ टक्के कपात झाली आहे. यानंतर बिजनेस लोनचे स्थान आहे. कंजूमर लोन, पर्सनल लोन आणि टू व्हीलर लोनसाठी महिलांकडून मागणी प्रतिवर्षी वाढत चालली आहे. आज प्रत्येक चार कर्जदारांमध्ये एक महिला आहे. हे प्रमाण आणखीदेखील बदलेल. कारण कर्ज घेण्यायोग्य महिलांची संख्या पुरुषांच्या तुलनेत जास्त वेगाने वाढत चालली आहे. चांगले शिक्षण आणि श्रम बाजारात चांगल्या सहभागामुळे आता जास्तीत जास्त महिला आपले आर्थिक निर्णय स्वत: घेत आहेत.