जर तुम्ही पावसात फिरायला जात असाल तर ही बातमी वाचा

* श्वेता भारती

कडक उन्हानंतरच्या पावसाच्या पहिल्या बरसाच्या प्रेमात कोणीही पडू शकतो. कडाक्याच्या उन्हानंतर जेव्हा पावसाळ्याचा पहिला पाऊस पडतो तेव्हा झाडे, जनावरांपासून माणसांपर्यंत सर्वजण आनंदी होतात.

मात्र, मान्सून शॉवरची मजा काही वेगळीच असते. या ऋतूत चहा-पकोडे खाणे, भिजणे आणि मित्रांसोबत फिरणे सर्वांनाच आवडते. पावसाळा हा असा ऋतू आहे की निसर्गाचे खरे रूप आणि सौंदर्य पाहायला मिळते असे म्हटल्यास चुकीचे ठरणार नाही. पावसात चालणे ही एक रोमँटिक आणि उत्साही भावना आहे.

पावसात रोमान्स आहे तसंच मौजमजेशी संबंधित काही समस्या आहेत. पावसात फिरण्याआधी काही तयारी करावी लागते. म्हणूनच आज आम्ही तुम्हाला पावसाळ्यातील प्रवासाची मजा लक्षात घेऊन काही टिप्स सांगत आहोत.

छत्री आणि रेनकोटशिवाय घराबाहेर पडू नका

मेघा राणी पावसाळ्यात केव्हाही बरसू शकते, त्यामुळे तुम्ही कुठेतरी सहलीला जात असाल किंवा जाण्याचा विचार करत असाल तर छत्री आणि रेनकोट सोबत ठेवा. पावसाळी सहलीला जाण्यापूर्वी, एक वॉटरप्रूफ बॅग खरेदी करा ज्यामध्ये तुम्ही सहजतेने घेऊन जाऊ शकता आणि फिरू शकता.

झिप लॉक बॅग सोबत ठेवा

सामानाची पॅकिंग करताना बॅगमध्ये झिप लॉक बॅग ठेवा. या झिप लॉक बॅगमध्ये तुम्ही तुमची पर्स, मोबाईल फोन, कॅमेरा, लेन्स इत्यादी ठेवू शकता. या बॅगमध्ये तुमचे सर्व सामान सुरक्षित असेल.

डासांपासून मुक्त व्हा

पावसाळा हा विविध रोगांचा, संसर्गाचा, हंगामी सर्दी आणि फ्लूचाही हंगाम असतो. आणि पावसाळ्यातील उदासीनतेमुळे आजारही लवकर घर करू लागतात. रोग टाळण्यासाठी मच्छर प्रतिबंधक क्रीम, कॉइल, पावडर सर्व सोबत ठेवा.

सिंथेटिक कपडे घाला

सिंथेटिक कपडे सहज सुकतात आणि न दाबताही घालता येतात. म्हणूनच पावसाळ्यात प्रवास करताना असे कपडे जास्तीत जास्त पॅक करा.

चप्पल आणि शूज

पावसाळ्यात घसरण्याची भीती असते, त्यामुळे असे पादत्राणे ठेवा जे घसरणे टाळतात. लेदर शूज घालण्याऐवजी, रबर आणि कॅनव्हासपासून बनवलेल्या पादत्राणे वापरा.

अन्न आणि पाण्याची विशेष काळजी घ्या

विशेषतः रस्त्यावरील खाद्यपदार्थ टाळा. यामुळे गॅस, अपचन आणि डिहायड्रेशनसारख्या समस्या उद्भवू शकतात. जास्त तेलकट पदार्थ खाणे टाळावे. थंड आणि द्रव पदार्थाचा रस, टरबूज खाण्यास प्राधान्य द्या. हुशारीने पाणी प्या. ढाबा, होयलचे उघडे पाणी पिण्याऐवजी बाटलीबंद पाणी प्या.

प्रथमोपचार पेटी

या ऋतूमध्ये पोटाच्या आणि त्वचेच्या अनेक समस्या असतात, तसेच ओले राहिल्याने सर्दी, ताप येण्याचा धोका असतो. अशा परिस्थितीत सामानासोबत काही अँटी-सेप्टिक क्रीम आणि आवश्यक औषधे ठेवणे महत्त्वाचे आहे.

हवामान अहवाल माहिती

जर तुम्ही दूर कुठेतरी प्रवास करणार असाल तर तुमच्या गंतव्यस्थानी पोहोचल्यानंतर सहलीला जाण्यापूर्वी हवामानाची माहिती घ्या. यासाठी हवामान अहवाल आणि अंदाज यांबाबत जागरूक रहा.

आगाऊ तिकिटे आणि नियोजन

या हंगामात गाड्या आणि इतर प्रवासाच्या साधनांमध्ये खूप गर्दी असते. म्हणूनच आगाऊ नियोजनासोबतच तिकीट बुक करा. बाकीचे कुठे राहतील आणि कुठे जायचे याची व्यवस्था करा.

फोन चार्ज ठेवा

पावसाळ्यात लाईट कटची समस्या देखील सामान्य आहे, म्हणून तुमचा फोन नेहमी चार्ज ठेवा, टॉर्च सोबत ठेवा. पॉवर बँक सोबत ठेवणे तुमच्यासाठी फायदेशीर ठरू शकते.

पावसाळ्याचा आनंद घराच्या चार भिंतीत बंद करून खिडकीजवळ उभं राहून पावसाच्या थेंबांकडे बघता येत नाही. पावसाचा खरा आनंद मोकळ्या आकाशाखाली भिजण्यातच असतो. अर्थात, पावसाळ्यात भिजत राहा आणि फिरा, पण आमच्या दिलेल्या टिप्स नक्की फॉलो करा.

डिसेंबरची सुट्टी इथे घालवा

* प्रतिनिधी

डिसेंबर महिना म्हणजे थंडी आणि थंडीसोबत येते ती वर्षभर जपून वापरलेल्या सुट्ट्यांचा आनंद घेण्याची संधी. मग सुट्टीचा अर्ज द्या ऑफिसला आणि या वर्षाचे अखेरचे दिवस मनसोक्त जगून घ्या. आपल्या देशातली काही स्थळं अशी आहेत, जी थंडीच्या दिवसांत मनोहारी बनतात. चला तर मग बॅग भरा आणि कुटुंबासह नाहीतर एकटेच फिरायला बाहेर पडा.

थाजीवास ग्लेशियर, सोनमर्ग, जम्मू आणि काश्मिर

घाटाचं सौंदर्य कोणाला माहीत नाही? डिसेंबरमध्ये बर्फाचा आनंद घेण्यासाठी आणि ग्लेशियरच्या अद्भूत दृश्यांचा अनुभव घेण्यासाठी सोनमर्गचा रस्ता धरा. स्लेज राइड असो नाहीतर स्कींग. तुम्हाला अॅडव्हेंचर आवडत असेल तर इथे नक्की भेट द्या.

डाव्की, शिलाँग

डिसेंबरमध्ये तर या ठिकाणी स्वर्ग अवतरतो, इथल्या उन्मगोत नदीचं पाणी तर इतकं स्वच्छ आहे की पाण्यात चालणारी होडी हवेत चालत आहे असं वाटतं. नदीशिवाय तुम्ही इथे ताइसीम फेस्टिवल, वाघमारा, पिंजेरा फेस्टिवल, तुरा विंटर फेस्टिवल यांचाही आनंद घेऊ शकता.

डलहौजी, हिमाचल प्रदेश

थंडीच्या दिवसांमध्ये डलहौजीचं सौंदर्य आणखीनच खुलून दिसतं. थंडगार हवा, बर्फाच्छादित डोंगर…हे दृश्य तुम्हाला काही काळ सगळ्या चिंता विसरण्यास भाग पाडेल. याशिवाय तुम्ही इथे नॅशनल हिमालयन विंटर ट्रेकिंग एक्सपीडिशनमध्येही भाग घेऊ शकता.

शिमला, हिमाचल प्रदेश

डिसेंबरमध्ये तुम्ही डोंगरांच्या राजाला बघण्याची संधी सोडू शकत नाही. हनीमूनसाठी प्रसिद्ध असलेल्या शिमलामध्ये थोडी गर्दी आहे. पण तुम्ही चैल टाउनमध्ये जाऊन काहीवेळ आराम करू शकता.

ऑली, उत्तराखंड

बर्फाच्छादीत निळेशार पर्वत आणि नंदा देवीचा डोंगर एक वेगळीच अनुभूती देतात. इथे आल्यावर तुम्हाला खूप मोकळं वाटेल. इथे तुम्ही स्कींग शिकू शकता आणि जर तुम्हाला स्कींग येत असेल तर नॅशनल चॅम्पियनशिप ऑफ स्कींगमध्ये भागही घेऊ शकता.

लेह, लडाख

आयुष्यात एकदा तरी लेह, लडाखला जावं असं प्रत्येक बाइकस्वाराला वाटत असतं. इथे देशातील एकमेव फ्रोजन आईस ट्रॅक आहे. गिर्यारोहणाची आवड असणाऱ्यांनी

लेह-लडाखला डिसेंबर महिन्यात नक्की जावं. बर्फावर बसून चहाचे घोट घेण्याची स्वप्नं बघत असाल तर इथे नक्की या.

टॅ्व्हल सिकनेसपासून बचाव

– डॉ. शिखा शर्मा,

 प्रिमस सुपर स्पेशालिटी हॉस्पिटल

प्रवासादरम्यान तब्येत बिघडण्याला टॅ्व्हल सिकनेसही म्हणतात. ही फारच अनियमित अवस्था असते, जी आपले पूर्णपणे खच्चीकरण करते. प्रवासात होणारा हा त्रास कोणालाही होऊ शकतो. त्यातही स्त्रिया आणि ३ ते १२ वर्षांच्या मुलांना हा त्रास जास्तच प्रभावित करतो.

टॅ्व्हल सिकनेस कानाच्या आतल्या भागाला अस्वस्थ करणारा प्रभाव असतो, जो वारंवार होणारी हालचाल जसं की समुद्राच्या लाटा, रिक्षाचा आवाज, विमान उडणं इत्यादीमुळे होते. तुमच्या नजरेला जे दिसते त्याचे तरंग कानांच्या आतल्या भागांपर्यंत जाणवतात, आणि मग ते मेंदूला संदेश पाठवतात आणि समस्या निर्माण करतात.

टॅ्व्हल सिकनेसची लक्षणं
मळमळणे, त्वचा पिवळी पडणे, घाम सुटणं, उलट्या येणं, चक्कर येणं, डोकेदुखी, थकवा जाणवणं इत्यादी.

टॅ्व्हल सिकनेसची कारणं

प्रवासादरम्यान होणाऱ्या या समस्येचं सर्वात मोठं कारण हे आहे की हे न्यूरोटॉक्सिनच्या विरूद्ध मानसिक सुरक्षेच्या रूपात उत्पन्न होतं. तुमच्या शरीराचा जो वेग असतो, तुमचा मेंदू त्याची ओळख संवेदनात्मक ग्रंथींच्या ३ वेगवेगळ्या भागांद्वारे कानांचे आंतरभाग, डोळे आणि शरीराच्या खोल पेशींद्वारे करतो. उदाहरणार्थ जर डोळे मेंदूला हे सांगतात की व्यक्ती थांबलेला आहे याउलट वॅस्टिबुलर फ्रेमवर्कमध्ये डोक्याच्या हालचालींची माहिती होते तेव्हा ते मेंदूला संदेश देऊन भुरळ देतात आणि प्रवासादरम्यान उद्भवणाऱ्या समस्येची जाणीव करून देत. कानाच्या आतील भागांद्वारे अशा हालचालींची अनुभूती न झाल्यास प्रवासादरम्यान होणारा त्रास होत नाही आणि यावरूनच कळतं की प्रवासात होणारा त्रास वाढण्यासाठी कानाचे अंतर्गत भाग प्रमुख भूमिका साकारतात.

नेत्रहीन लोकांमध्येही प्रवासादरम्यान होणारा त्रास आढळण्याचं कारण हे समजलं जाऊ शकतं की दृश्य इनपुट यामध्ये कमी भूमिका निभावतात. मूव्हमेंट सिकनेस शक्यतो गंभीर प्रकारच्या डेव्हलपमेंटमुळे होते.

  • रिक्षा किंवा गाडीने प्रवास करतेवेळी त्रास होत असेल तर मागच्या सीटवर बसणं टाळा. मागे बसून पुस्तक वाचण्याऐवजी समोरच्या सीटवर बसल्याने तुम्हाला वेगाशी निगडित असलेले प्रश्न कमी त्रास देतात, जे तुम्हाला या समस्यांपासून दूर ठेवतात.
  • स्वत:ला अशा अवस्थेत ठेवा जिथे तुम्हाला कमीत कमी वेगाची जाणीव होईल, जसं की एखाद्या विमानात विंग्सच्यावर.
  • प्रवासादरम्यान कायम नैसर्गिक हवा घेण्याचा प्रयत्न करा. कारण तुम्हाला श्वास घेणं गरजेचं असतं आणि त्यामुळे तुम्हाला चांगलं वाटतं.
  • प्रवासादरम्यान कधीच आपले डोळे बंद करू नका, कारण यामुळे काही हालचालींची जाणीव जास्त होते आणि तुम्हाला टॅ्व्हल सिकनेस सुरू होतो. तुम्हाला जेव्हा कधी त्रास व्हायला सुरूवात होईल, तेव्हा बदलणाऱ्या गोष्टींवर आपली नजर टाकायला सुरूवात करा.
  • मोठ्या प्रवासात भरपूर खाऊ नका. समुद्री प्रवासापूर्वी हलकं जेवण जेवा आणि मोठ्या टॅ्रकवर कमी प्रमाणात थोड्या थोड्या अंतराने खात राहा.
  • समुद्री प्रवासादरम्यान डोकं आणि शरीराची हालचाल कमी करा. तुम्ही आराम करू शकता किंवा कंबर टेकू शकता. एखादी उशी मानेखाली घेऊन आपलं डोकं तुम्ही स्थिर ठेवू शकता.
  • औषधं कानाच्या आतल्या भागांच्या मज्जातंतुंना आणि मळमळणे यासारख्या मेंदूच्या प्रतिक्रियेला शांत करतात. औषधं तेव्हा जास्त प्रभावी ठरतात, जेव्हा ती त्रास होण्याची जाणीव होण्यापूर्वीच घेतली जातात.
  • या समस्येपासून बचावासाठी खिडकीच्या बाहेर पाहात राहा किंवा ताजी हवा येण्यासाठी खिडकी खोला.
  • डुलकी घेतल्याने सायकोडेनिक प्रभावानेदेखील आराम मिळतो.
  • टॅ्व्हल सिकनेसपासून बचाव करण्याची एक सोपी पद्धत काही तरी चघळत राहणंदेखील आहे. प्रवासादरम्यान चुइंगम चावत राहिल्यानेदेखील आराम पडतो.
  • काही लोकांना मनगटावरील असे बॅण्ड घातल्यानेदेखील आराम पडतो, जे नीडल पॉइंट थेरेपी (पी६०)वर दाब टाकतात.
  • आलं टॅ्व्हल सिकनेस दूर करण्यात महत्त्वाची भूमिका बजावतं. दीर्घ काळापासून मळमळण्यावर उपचार म्हणून आल्याचा वापर केला जात आहे.
अनलिमिटेड कहानियां-आर्टिकल पढ़ने के लिएसब्सक्राइब करें