‘महाराष्ट्राची हास्यजत्रा’ कार्यक्रमात अनु मलिक यांची हजेरी!

* सोमा घोष

सोनी मराठीवरील ‘महाराष्ट्राची हास्यजत्रा’ हा कार्यक्रम सर्वांचे निखळ मनोरंजन करतो आहे. आजच्या कठीण परिस्थितीत हा कार्यक्रम प्रेक्षकांच्या टेन्शनवरची मात्रा ठरतो आहे. राज्यात पुन्हा लॉकडाऊन झाल्यामुळे चित्रीकरण थांबले आहे, पण प्रेक्षकांचे मनोरंजन मात्र अबाधित राहिले आहे. प्रेक्षकांना फ्रेश एपिसोड्सची मेजवानी मिळतच होती आणि आता प्रेक्षकांच्या मनोरंजनाचा वसा घेतलेल्या हास्यजत्रेने राज्याबाहेर, दमणमध्ये चित्रीकरणाला सुरुवात केली आहे. चित्रीकरणाची सुरुवात दणक्यात झाली आहे. ती सुरुवात संगीत कलाविश्वात  मोठं नाव असलेले गायकगीतकार अनु मलिक यांच्या कार्यक्रमातल्या हजेरीने! ३आणि ४ मे रोजी सोनी मराठीवरील हास्यजत्रेमध्ये पाहुणे अनु मलिक प्रेक्षकांनापाहायला मिळतील. यावेळी अनु मलिकने सेटवर धमाल केली आणि प्रसाद ओक याच्याबरोबर ‘आम्ही ढोलकर’ हे मराठी गाणंही  गायलं. ‘आग लगा दी’ असं म्हणून स्पर्धकांचं कौतुक करणाऱ्या अनु मलिकने  हास्यजत्रेच्या स्पर्धकांचं मराठमोळं कौतुक केलं आहे.

हा भाग म्हणजे मनोरंजनाचा धमाका असणार आहे, हे नक्की. पाहा, ‘महाराष्ट्राची हास्यजत्रा’, ३ आणि ४ मे, रात्री ९ वा. फक्त आपल्या सोनी मराठीवाहिनीवर.

‘महाराष्ट्र बेस्ट डान्सर’च्या मंचावर गीता माँची हजेरी!

पाहा ‘महाराष्ट्र बेस्ट डान्सर’, सोम.मंगळ., रात्री ९ वा. फक्त आपल्या  सोनी मराठीवर.

‘महाराष्ट्र बेस्ट डान्सर’ हा कार्यक्रम आता निर्णायक वळणावर येऊन पोहोचला आहे. गेले अनेक आठवडे स्पर्धक आणि त्यांचे गुरू यांनी  महाराष्ट्राला आपल्या नृत्याची चुणूक दाखवली आहे. आता या स्पर्धेत टॉप  ५ स्पर्धक  उरले  आहेत. सेमीफिनालेच्या या कार्यक्रमात नृत्याच्या महागुरूगीता माँ  येणार आहेत. गीता माँ गेली अनेक वर्षं नृत्यसृष्टीत कार्यरत  असून  त्यांच्याकडून कित्येक जणांनी  नृत्य शिकलं आहे.

या आठवड्यात एक अनोखा नृत्याविष्कार ‘महाराष्ट्र बेस्ट डान्सर’च्या  मंचावर पाहायला मिळणार आहे. एका कारमध्ये अपेक्षा आणि आशुतोष  यांनी संपूर्ण नृत्य सादर केलं आहे. हे पूर्ण नृत्य एका टेकमध्ये केलं असून  यात कोणतंही संपादन केलेलं नाही. रियालिटी शोच्या मंचावर झालेलं हे असं पाहिलंच सादरीकरण आहे.

प्राची प्रजापती, दीपक हुलसुरे, अपेक्षा लोंढे, प्रथमेश माने आणि अदिती  जाधव या टॉप ५ स्पर्धकांपैकी एक जण जिंकणार आहे ‘महाराष्ट्र बेस्ट  डान्सर’चा चषक.

अनलिमिटेड कहानियां-आर्टिकल पढ़ने के लिएसब्सक्राइब करें