* प्रतिनिधी
मी २६ वर्षांची आहे आणि माझा प्रियकर माझ्यापेक्षा ५ वर्षांने मोठा आहे. यामुळे सेक्स संबंधांमध्ये एखादा त्रास होऊ शकतो का? मला त्याच्यासोबत सेक्स करायचा आहे परंतु कधी कधी वाटतं की तो मला साथ देऊ शकत नाही, कारण एकदा जेव्हा उशिरापर्यंत फोर प्ले केल्यानंतर तो त्याचं पेनिस इन्सर्ट करण्याचा प्रयत्न करत होता. तो वारंवार प्रयत्न करूनदेखील यशस्वी होऊ शकला नव्हता. त्याला एखादा त्रास आहे का? कृपया सल्ला द्या?
तुमच्या जोडीदाराचं वय एवढंदेखील कमी नाही की तो सेक्स करण्यामध्ये सक्षम नाहीए. खरंतर योग्य आहार संबंधी निर्देशांचे पालन आणि नियमित व्यायामाची सवय असेल तर सेक्स आनंद दीर्घकाळपर्यंत घेतला जाऊ शकतो.
असं साधारणपणे सेक्चुअल इंटरकोर्सच्या माहितीच्या अभावामुळे होतं. कदाचित गडबडीत अथवा एखाद्या भीतीमुळे तो सेक्स संबंध ठेवण्यास अयशस्वी होत असेल.
सेक्स आरामात करण्याची प्रक्रिया आहे, ज्यामध्ये दोघांचं मन शांत असावं आणि वातावरणदेखील शांत असावं. सेक्सपूर्वी तुम्ही दोघं फोर प्लेचा आनंद घ्या. जेव्हा जोडीदार पूर्णपणे सेक्ससाठी तयार असेल तेव्हाच पेनिस इन्सर्ट करण्याला सांगा. नक्कीच तुम्हा दोघांना यामध्ये सुख मिळेल. परंतु लक्षात ठेवा, पुरुष जोडीदाराला या दरम्यान कंडोमचा वापर करायला नक्की सांगा.
मी २८ वर्षीय महिला आहे. गेल्या वर्षी लग्न झालं होतं, लग्नानंतर सासरी आली तेव्हा दोन-तीन दिवसातच समजून गेले की माझे पती मम्माज बॉय आहेत. ते त्यांच्या आईला विचारूनच प्रत्येक काम करतात आणि माझं एक अजिबात ऐकत नाहीत. खाण्यापासून ते पडद्याच्या रंगांपर्यंतची निवड माझ्या सासुबाईच करतात आणि मला माझ्या बोलण्याला ते महत्त्व देत नाहीत, यामुळे मी सतत तणावात असते कळत नाही काय करू?
तुमचं नुकतंच नवीन लग्न झालं आहे. तुमचे पती समजूतदार आहेत आणि त्यांना असं वाटत नाही की अचानक आईकडे दुर्लक्ष करावं आणि तुमच्या बोलण्याला त्यांच्यासमोर महत्व द्यावं. यामुळे घरात विनाकारण तणावाचं वातावरण होईल. तुम्ही हळूहळू काळाबरोबर घरात तुमची जागा बनवा. तुम्ही तुमच्या सासूला सासूबाई न समजता आई समजा. त्यांच्यासोबत रिकाम्या वेळेत बसा, टीव्ही पहा, शॉपिंग करायला जा. त्यांचा आवडीचा ड्रेस विकत घेऊन त्यांना द्या. घरातील कामामध्ये त्यांची मदत करा.
जेव्हा तुमच्या सासूबाईंना खात्री होईल की तुम्ही चांगला संसार करू शकता, तेव्हा हळूहळू ते तुम्हाला सर्व जबाबदाऱ्या सोपवतील.
मी ४८ वर्षांची आहे. सेक्सची इच्छा होते तेव्हा ओलसरपणा कमी होतो. असं नाही की मला अजिबात सुख मिळत नाही. सांगा मी काय करू?
शक्यता आहे की ही समस्या मेनोपोजमुळे होत आहे कारण मेनोपॉजनंतर शरीरात फीमेल हार्मोन एस्ट्रोजनच्या अभाव होतो आणि यामुळेदेखील ही समस्या निर्माण होते.
शरीरात एस्ट्रोजेनच प्रमाण वाढविण्यासाठी तुम्ही आहारसंबंधी गरजांकडे लक्ष द्या. खाण्यात मोसमी फळं, हिरव्या भाज्या, दूध, पनीर इत्यादींचे नियमित सेवन करा आणि नियमितपणे फिरा आणि व्यायाम करा.
सेक्स करतेवेळी तुम्ही सध्या क्रीमचा वापर करू शकता. यामुळे ओलसरपणा राहील आणि सेक्सचा आनंद देखील येईल. सेक्स पूर्वी फोर प्ले करा यामुळे बराच काळपर्यंत कोरडेपणाच्या समस्येपासून वाचता येईल.
मी ५२ वर्षीय महिला आहे. पती जाऊन पाच वर्षे झाली आहेत. गेल्या काही महिन्यापासून एका २७ वर्षीय अविवाहित तरुणांशी माझे शारीरिक संबंध आहेत. तो माझी खूप काळजी घेतो आणि आम्ही एकमेकांच्या संमतीने संबंध ठेवले आहेत. माझे त्याच्याशी चांगले संबंध आहेत आणि केवळ सेक्सच नाही तर अडीअडचणींमध्ये देखील तो कायम माझ्या सोबत असतो. तो खूपच जोशीला आहे परंतु सेक्स करतेवेळी त्याला कंडोम लावायला आवडत नाही. खरंतर मी कुटुंब नियोजन केलं आहे यामध्ये काही धोका तर नाही ना? कृपया सल्ला द्या.
तुमच्या सेक्स पार्टनरचं सेक्सच्या दरम्यान कंडोमचा वापर न केल्यामुळे कुटुंब नियोजनाशी कोणताही संबंध नाहीए. सेक्स संबंधाच्या दरम्यान गर्भ राहील याची देखील खात्री असून नसल्यासारखी आहे. परंतु कंडोम फक्त गर्भनिरोधक मध्येच नाही तर यौन संक्रमणापासूनदेखील बचाव करण्याचं एक उत्तम साधन मानलं जातं. सेक्स पार्टनरला सांगा की त्याने सेक्सच्या दरम्यान कंडोमचा वापर करावा. यामुळे तुम्ही दोघेही यौन संक्रमणापासून वाचाल आणि तणाव मुक्त होऊन सेक्सचा आनंद घेऊ शकाल.
