सौंदर्य समस्या

* समस्यांच्या समाधानासाठी एल्पस ब्युटी क्लीनिकच्या फाउंडर, डायरेक्टर डॉ. भारती तनेजा

माझे हात खूपच कोरडे राहतात. मॉइश्चरायर लावूनदेखील ते निस्तेज दिसतात. एखादा उपाय सांगा ज्यामुळे ते मऊ मुलायम राहतील?

हाताच्या त्वचेवर ऑइल ग्लॅन्डस नसल्यामुळे त्यांना ऑइल द्यावं लागतं. म्हणून ते मऊ आणि मुलायम राहण्यासाठी हात धुतल्यानंतर नेहमी एखादं घट्ट क्रीम लावा. हे तुमच्या त्वचेतील तेलकटपणा कायम राखण्यास मदत करेल.

तुम्ही हात धुण्यासाठी कोणता साबण वापरता याकडेदेखील लक्ष द्या. अनेकदा साबण तुमच्या हातांना कोरडं बनवतो, म्हणून लिक्विड सोप योग्य आहे. रात्री तुम्ही थोडसं व्यासलीन तुमच्या हातावर लावून ते एक ओव्हरनाईट ट्रीटमेंटप्रमाणे वापरू शकता. फक्त हात धुतल्यानंतर तुमच्या हातांवर लावा आणि कॉटनचे हात मोजे घालून झोपा.

माझं वय २२ वर्षे आहे. माझी त्वचा खूपच सेन्सिटिव्ह आहे. मी जेव्हादेखील एखादं क्रीम, मेकअप प्रॉडक्ट वापरते तेव्हा चेहऱ्यावर पुरळ येतं. अशावेळी मला खूप त्रास होतो. सांगा मी काय करू?

यासाठी तुम्ही प्रयत्न करा की वापरण्यात येणारी क्रीम सुगंधित नसावी. कदाचित त्याच्या सुगंधाची तुम्हाला एलर्जी असावी, म्हणून तुम्ही सेन्सिटिव्ह स्किनसाठी वापरणारी जाणारी क्रीम विकत घ्या. जेव्हादेखील हे क्रीम वापराल तेव्हा ते लावण्यापूर्वी स्किन टोनर लावून सुकू द्या. त्यानंतर क्रीम लावा. जर तुम्हाला पुरळ येत असेल तर ब्रॅण्डेड प्रायमरचा वापर केल्यामुळे तुमची अडचण सुटू शकते. तुम्ही तेलमुक्त प्रायमरचा वापर करायला हवा.

माझं वय ३० वर्षे आहे. माझ्या आय लॅशेज खूपच विरळ आणि लहान आहेत. मला एखादा उपाय सांगा ज्यामुळे त्याची वाढ होईल?

दाट आयलॅशेजसाठी एरंडेल तेल खूपच फायदेशीर मानलं जातं. यामध्ये रिसीनोलिक अॅसिड आढळतं. हा केसांच्या मुळाशी रक्तप्रवाह वाढवतो आणि पापण्यांच्या वाढीसाठी उत्तेजित करतं.

एरंडेल तेलाने तुम्ही तुमच्या पापण्या दाट बनवाल. त्याबरोबरच या पापण्या तुटणारदेखील नाहीत. हे लावण्यापूर्वी तुमचा चेहरा व्यवस्थित स्वच्छ करा. लक्षात ठेवा की तुमच्या डोळयांवर कोणत्याही प्रकारचा मेकअप नसावा. आता स्वच्छ मस्कारा ब्रश घ्या. हा ब्रश एरंडेल तेलमध्ये बुडवा आणि पापण्यांवर लावा. हे रात्रभर पापण्यांवर राहू दे आणि सकाळी गुलाब पाण्याने वा नंतर मेकअप वाइप्सच्या मदतीने स्वच्छ करा.

माझं वय १६ वर्षे आहे. माझ्या चेहऱ्यावर पुटकुळया आल्या आहेत. त्या मी फोडल्या होत्या. आता त्याचे डाग राहिले आहेत. जे दिसायला खूपच वाईट दिसतात. एखादा घरगुती उपाय सांगा. ज्यामुळे हे डाग निघून जातील. तसंच माझ्या चेहऱ्यावरची चमकदेखील परतेल.

अनेकदा पुटकुळया फोडल्यामुळे त्वचेवरती गडद डाग बनतात. तुम्ही घरच्या घरी दररोज सकाळ संध्याकाळ तुमचा चेहरा स्वच्छ धुवा. एएचए सिरमने फेस मसाज करू शकता. असं केल्यामुळे डाग खूपच कमी होतील. परंतु जर असं झालं नाही तर तुम्ही मायक्रोडर्मा एब्रेजर व लेझर थेरेपीच्या सीटिंगदेखील घेऊ शकता. या थेरपीमध्ये लेझर किरणांनी त्वचेला रिजनरेट करून नवरूप दिलं जातं. यानंतर यंग स्किन मास्कने तुमची त्वचा उजळवू शकता.

वॅक्सिंगनंतर माझ्या त्वचेवरती लाल पुरळ येतं. नको असलेले केस काढण्यासाठी दुसरा एखादा उपाय सांगू शकता का?

तुम्ही वॅक्सिंग करण्यापूर्वी अँटी एलर्जी टॅबलेट घेऊ शकता. तसंही या समस्येपासून कायमची सुटका मिळवण्यासाठी पल्स लाईट ट्रीटमेंटची सेटिंग्स घेऊ शकता. हे एक इटालियन तंत्रज्ञान आहे, जे नको असलेले केस काढण्याचं सर्वात प्रभावी सुरक्षित व वेदना रहित साधन आहे. लेझर अंडर आर्मच्या केसांवरती अधिक इफेक्टिव्ह असतं.

यामुळे याच्या काही सेटिंग्जमध्ये केस नसल्यास सारखेच असतात. यामुळे ८० टक्के नको असलेले केस जातात आणि उरलेले इतके पातळ आणि हलक्या रंगाचे असतात की ते दिसूनदेखील येत नाही.

माझ्या चेहऱ्यावरती ब्लॅकहेड्स आहेत जे सहजपणे काढता येत नाहीत. सांगा मी काय करू?

ब्लॅकहेड्स फेस पॅकच्या माध्यमातून काढणं शक्य नाही आहे कारण ते पोर्सच्या आतमध्ये असतात आणि पोर्स खोलून क्लीन केल्यानंतर स्क्रब करणं गरजेचं असतं. हे ब्लॅकहेड्स काढण्यासाठी तुम्ही एखाद्या चांगल्या कॉस्मेटिक क्लिनिकमधून वेज वा फ्रुट पील करू शकता. पंधरा दिवसातून एकदा पील केल्यामुळे ब्लॅकहेड्स व व्हाईट हेड्स निघून जातील आणि सोबत चेहरादेखील उजळेल. यासोबतच दररोज तुमचा चेहरा क्लीन करण्यासाठी स्क्रब बनवा. घरच्या घरी बदाम व भरड  जाडसर वाटून पावडर बनवा त्यात चिमूटभर हळद, गुलाब पाणी एकत्रित करून पेस्ट बनवा. ही पेस्ट तुमचं नाक आणि चेहऱ्यावर लावून हलक्या हातांनी स्क्रब करा आणि थोडयावेळानंतर साध्या पाण्याने स्वच्छ धुवा.

स्किन मॉइश्चर करा लॉक

* पारुल भटनागर

तुमची त्वचा जितकी नैसर्गिकरित्या सुंदर असेल तितकेच लोक तुमच्याकडे आकर्षित होतील. तुम्हालाही असेच वाटत असेल की, जेव्हा तुम्ही तुमच्या या त्वचेला स्पर्श कराल तेव्हा ती हाताला कोमल लागण्यासोबतच त्वचेतील आर्द्रता किंवा ओलावाही टिकून रहावा. मात्र अनेकदा जाणते अजाणतेपणी किंवा वेळेची कमतरता अथवा सौंदर्य प्रसाधनांचा योग्य वापर न केल्यामुळे त्वचेतील आर्द्रता हळूहळू कमी होऊ लागते, ती त्वचेला रुक्ष, निर्जीव बनवते.

अशावेळी भलेही तुम्ही सौंदर्य प्रसाधनांचा वापर करून बाह्य त्वचेला ओलावा मिळवून देता, मात्र त्वचेवर क्रीमचा प्रभाव असेपर्यंतच ओलावा टिकून राहतो. म्हणूनच त्वचेची चांगली काळजी घेणे गरजेचे आहे, जेणेकरून त्वचेतील ओलावा त्वचेतच लॉक होईल आणि ती नेहमीच नितळ दिसेल.

त्वचेतील ओलावा का गरजेचा आहे?

त्वचेत आर्द्रता किंवा ओलावा लॉक करायचा म्हणजे त्वचेत या सर्व थरांना पोषण मिळवून देणे. जर त्वचेत पुरेशा प्रमाणात ओलावा असेल तर ती स्वत:हून स्वत:मध्ये आवश्यक बदल करून घेण्यास सक्षम ठरते. त्वचेतील ओलावा त्वचेसाठी सुरक्षा कवचाप्रमाणे काम करतो. त्वचेत पुरेशा प्रमाणात ओलावा असल्यास कोरडेपणा, सुरकुत्या, प्रखर सूर्यकिरणे इत्यादींपासून सुरक्षा होते.

तशी तर त्वचा खराब होण्यामागे अनेक कारणे असतात. कोरडी त्वचा हे यातील एक सर्वात मोठे कारण आहे. त्वचेवरील बाह्य थर याला एपिडर्मिस म्हणतात, त्यात स्ट्रेटम कोरनियम नावाचा आणखी एक बाह्य थर असतो. त्यावर त्वचेतील ओलाव्याचे प्रमाण नियंत्रित ठेवण्याची जबाबदारी असते. स्ट्रेटम कोरनियमला त्याच्या या कार्यात केरोटीन आणि फास्फोलिपिड्स हे दोन मुख्य घटक मदत करतात.

योग्य मॉइश्चराइजरची निवड कशी कराल?

मॉइश्चराइजरमध्ये तीन प्रकारचे घटक असतात. त्यांचे कार्य वेगवेगळे असते. त्याची माहिती असणे अत्यंत आवश्यक असते

* हुमेक्टॅट्स हवा आणि त्वचेला या जाडसर थरांमधून ओलावा शोषून घेऊन त्वचेचा बाह्य थर त्याला एपिडर्मिस असे म्हणतात, त्यात ओलावा टिकवून ठेवण्याचे काम करते. सर्वसाधारपणे हुमेक्टॅट्समध्ये ग्लिसरीन, ह्वालुरोनिक अॅसिड आणि प्रोपायलिन ग्लुकोज असते.

* शिया बटर, कोको बटर यासारखे क्रीम त्वचेचा बाह्य थर असलेल्या एपिडर्मिसमधील भेगा भरून त्वचेची कोमलता लॉक करण्यासाठी मदत करते.

* एस्क्लूसिव एजंटमध्ये पेट्रोलातूम, अल्कोहोल, लेनोनिन असल्यामुळे ते त्वचेला या बाह्य थरासाठी सुरक्षा कवच बनून त्वचेतील ओलावा निघून जाण्यापूर्वीच त्याला रोखून ठेवण्याचे काम करते.

या गोष्टींकडे लक्ष द्या

मॉइश्चराइजरची निवड करताना त्यात कोणकोणत्या गोष्टींचा वापर केला आहे याकडे लक्ष देणे गरजेचे असते, चला त्याबद्दल माहिती करून घेऊया…

ग्लिसरीन : मॉइश्चराइजरमधील ग्लिसरीन हा सर्वात चांगला घटक समजला जातो. तो हवा आणि  त्वचेला या खालच्या थरातील अतिरिक्त ओलावा नियंत्रित करून त्वचेतील ओलावा कायम ठेवण्याचे काम करतो.

ह्वालुरोनिक अॅसिड : हुमेक्टॅट्समधील ह्वालुरोनिक अॅसिड हे एक असे तत्त्व आहे जे बहुतांश चांगल्या आणि ब्रँडेड मॉइश्चराइजरमध्ये असते. तसे तर हे त्वचेत नैसर्गिकरित्या असणारे तत्त्व आहे, जे त्वचेमधील पाण्याचे प्रमाण संतुलित ठेवण्याचे काम करते. मात्र वय वाढू लागल्यानंतर त्वचेतील ह्वालुरोनिक अॅसिड कमी होऊ लागते. सोबतच तुम्हाला जर सूर्याच्या या प्रखर किरणांचा रोजच सामना करावा लागत असेल तर तुमच्या या त्वचेचे जास्त नुकसान होऊ शकते.

शिया बटर : शिया बटर हा एक असा नैसर्गिक घटक आहे जो शियाच्या या झाडाला बियांपासून मिळतो. तो त्वचेला नरम, मुलायम बनवण्यासोबतच त्वचेतील ओलावा टिकवून ठेवण्याचे काम करतो. शिया बटर खराब झालेल्या त्वचेला पूर्ववत करून तसेच तिचा पोत सुधारून त्वचेला तरुण बनवण्याचे काम करतो.

पेट्रोलातूम : पेट्रोलातूम हा एक असा वैशिष्टयपूर्ण घटक आहे, जो त्वचेवर सुरक्षात्मक थर बनून राहतो आणि त्वचेतील ओलावा निघून जाणार नाही याची काळजी घेतो. म्हणूनच त्वचेतील ओलावा टिकून रहावा असे तुम्हाला वाटत असेल तर आंघोळीनंतर लगेचच पेट्रोलातूमयुक्त मॉइश्चराइजर नक्की लावा.

अँटीऑक्सिडंटयुक्त मॉइश्चराइजर : तुम्ही अशा मॉइश्चराइजरची निवड करा त्यात भरपूर अँटीऑक्सिडंट असेल. अँटीऑक्सिडंटयुक्त मॉइश्चराइजर मृत त्वचेला दूर करून त्वचा नरम, मुलायम करण्याचे तसेच तिला सुरकुत्यांपासून वाचवण्याचेही काम करते.

अनलिमिटेड कहानियां-आर्टिकल पढ़ने के लिएसब्सक्राइब करें