प्रसंगानुरुप अशा तयार व्हा…

* डॉ. नीरजा श्रीवास्तव नीरू

प्रत्येक पेहरावाचे आपले एक महत्त्व असते, परंतु ते परिधान करण्याचे प्रसंग मात्र वेगवेगळे असतात. काही शालीन, काही भडक, काही र्ट्रैडिशनल, काही मॉडर्न, तर काही इंडोवेस्टर्न आउटलुक असलेले ड्रेस आपण आपली इच्छा आणि गरजेनुसार किंवा मग प्रसंगानुरूप परिधान करतो. घरी तर आपण काहीही परिधान करू शकता, जे आपल्याला कंफर्टेबल वाटेल, पण याचा अर्थ असा नव्हे की, आपण दिवसभर नाइटी घालून फिराल. घरात घालायचे पेहराव काम करताना सोईस्कर आणि घरातील सदस्यांच्या उपस्थितीनुसार असले पाहिजेत. कुर्ता-सलवार, कुर्ता-पायजमा, कुर्ता-कॅपरी, टॉप, शॉर्ट्स, फ्रॉक, साडी इ. काहीही. मात्र जर गोष्ट बाहेर जाण्याची किंवा खास प्रसंगाची असेल, तेव्हा विशेष लक्ष देण्याची गरज असते. यादृष्टीने ड्रेसेसना काही भागांत विभागले जाऊ शकते, जेणेकरून वापरण्यास, काळजी घेण्यास व मॅनेज करण्यास सोपे होईल :

पार्टी वेअर

पार्टी, उत्सव व सणांच्या निमित्ताने आपण व्हाइब्रंट कलर्ड पेहरावांचा वापर करून आपला जलवा दाखवा व खूश व्हा. डयूअल आणि मल्टी टोन साडया आजकाल खूप प्रचलित आहेत. चंदेरी साडी तर नेटचा पदर, सिल्क, कांजिवरम, बांधणी, कलकुट्टी व बनारसी इ. पारंपरिक साडया कोणत्याही एज ग्रुपसाठी खूप छान दिसतात. थंडीच्या मोसमात तर पश्मीना शाल खांद्यावर स्टाईलमध्ये घेतली जाऊ शकते, तसेच हाल्टर कॉलर ब्लाउज, गराराशरारा, पटियाला सलवार, चुडीदारवर कळयांची अनारकली किंवा ऑब्लिक कॉलरवाला लांब ब्रॉकेड कुर्ता अथवा ग्लॉसी फॅब्रिक, फ्लाजोसोबत लांब काँट्रास्ट साइड मिडल कटवाला डिझायनर कुर्ता, वर भरतकाम केलेला हायनेक फ्रंट ओपन बॉर्डरचा, स्लिव्हलेस श्रग गाउन किंवा लांब सुंदरसे जॅकेट घाला. बया कफ्तान, स्टायलिश लेस मॅक्सी गाउनमध्ये आपण चाळीशी पार केलेली असेल तरी यंग दिसाल आणि आपला लुकही एकदम वेगळा आय कॅचिंग दिसेल. कमी वयाच्या महिला, मुली शायनिंग ब्राइट कलरवाले जंप सूट, फ्लॅशी टॉपसोबत लाँग स्कर्ट, अक्ने फ्लोरोसेंट कलर्ड थ्री फोर्थ गाउनसोबत हॉल्टर कॉलरवाले सुंदर फुलांच्या प्रिंटचे लाँग फ्रॉक, पॅचवर्क असणाऱ्या लांब बाह्यांसोबत कॉकटेल पोर्म ड्रेस ट्यूनिक, स्पॅगेटी, काहीही असे परिधान करू शकता, जे वातावरण आणखी छान बनवतील. स्टोल, बेल्ट, कॅप, हॅट, ग्लव्ज, स्कार्फ, रंगीबेरंगी मिटन इ. अॅक्सेसरीजने आणखीही आकर्षक स्टायलिंग करू शकता.

पिकनिक, मौजमस्तीसाठी बनविलेला हिप्पी ब्लाउजवाला बोहो ड्रेस, काँट्रास्ट टॉपवाले जंप सूट, कॅपरी टॉप, डॅनिम ब्लू ब्लॅक जीन्स पँट. शिमर किंवा नेट पलाजो लेगिंग, प्लेन कुर्ता अथवा कुर्त्यासोबत प्रिंटेड स्लिव्हलेस जॅकेट किंवा हायनेक कोटी. क्राफ्ट टॉप्स, प्लेअर्ड जीन्स, डेनिम शॉर्ट्स, थंडीमध्ये मिनी स्कर्टसोबत जाड कपडयाचे कलरफुल टाइट किंवा थर्मल लेगिंग वापरा. वेगवेगळे ब्राइट कलरचे ड्रेस लेअरिंग स्टाईलमध्ये परिधान करा. स्लीव्हलेस जॅकेटसोबत टर्टल कॉलरचा शर्ट बऱ्याच कालावधीपासून वापरला जातो, जो छान दिसतो.

ऑफिस वेअर, फॉर्मल वेअर

जर तुम्ही ऑफिसला जात असाल आणि तिथे एखादा ड्रेस कोड असेल, तर तोच वापरा अन्यथा तिथे जशी पद्धत असेल, त्यानुसार साडीसूट किंवा शर्टपँट, टायकोट, कट कॉलर, प्लेन कॉलर कोट, बंद गळयाचा टर्टल कॉलर कोट, लाँग कोट इ. असे वेअर वापरा. हलक्या प्रिंटचे सोबर सूट, साडया अथवा शरीराला शालीनतेने झाकणारे उत्तम स्मार्ट् ड्रेसेस ऑफिससाठी उपयुक्त आहेत. जिथे ब्लॅक, ब्लू डेनिम जीन्ससोबत व्हाइट किंवा लाइट कलर्ड बटनअप शर्ट खूप छान दिसतो, तिथे भडक, ब्राइट कलर, डिझायनर व अंगप्रदर्शन करणारे ड्रेस वापरणे टाळा. जेणेकरून इतरांच्या कार्यात तुमच्यामुळे बाधा येऊ नये. वर्क प्लेसमध्ये स्वत:चाच नव्हे, तर इतरांच्या कामाचाही टेम्पो भंग न करण्यात समजदारी आहे. कपडे स्मार्टली वापरा, जेणेकरून ऑफिसमधील काम तुम्ही व्यवस्थित करू शकाल. जर तुम्ही ऑफिस गोइंग नसाल, पण आपल्याला कधीतरी ऑफिसला जावे लागत असेल, तरीही या गोष्टीची काळजी घेणे आवश्यक आहे. अशा ठिकाणी मीटिंग्जमध्ये थंडीत स्मार्ट ब्लॅक जॅकेट किंवा ब्लेझर अथवा ग्रे, स्किन, कॉफी कलर व खांद्यावर घेतलेली शाल छान सूट करेल.

लग्न व सेरेमोनियल

लग्नासाठी गोल्डन सिल्व्हर शायनिंग ब्राइट बोल्ड कलर्सचा ड्रेस अधिक पसंत केला जातो. जरीची भारी बनारसी साडी, ब्लाउज खूप छान दिसेल. जर घरातील संबंधितांचे लग्न असेल किंवा मैत्रिणीचे, तेव्हा आपण हेवी वर्कवाल्या ओढणीसोबत जयपुरी लेहंगा, स्टे्रट किंवा कळयांचा, जरदोसी काम केलेला चमकदार वेलींचा घेरेदार लेहंगा, वर बॅकलेस पूर्ण बाजू हेवी वर्क असलेली सोनेरी, चमकणारी चोली किंवा कुर्ताही घालू शकता किंवा मग दुसरे काहीतरी, ज्यामध्ये तुम्ही आनंदाने डान्सची मजा लुटू शकता. लेटेस्ट लेहंग्यांमध्ये रॉयल लूक देण्यासाठी जॅकेट, रोब्स कॅप्सचाही उत्तमप्रकारे वापर केला जाऊ शकतो.

रिसेप्शनसाठी थोडी हलकी जरी, मोती-टिकल्या किंवा शिंपल्या जडलेल्या साडीसोबत स्लिव्हलेस किंवा फोर्थ बाजू असलेले बॅकलेस एलिगेंट ब्लाउज अथवा अनारकली सूट, नेट लेस किंवा टिश्यूवर एम्ब्रॉयडरी केलेला लाँग स्कर्ट किंवा जास्त वर्क केलेला फिल्मी लांब आभूषणांसोबत आपल्याला स्टायलिश लुक देईल.

हळदी समारंभाला जात असाल, तेव्हा पिवळया रंगाचा पेहराव करून जा, सुंदर दिसेल. अशा प्रकारे मेंदीच्या कार्यक्रमाला जात असाल, तेव्हा मेंदी कलरच्या पेहरावाची निवड करा. त्यामुळे तुम्ही खरोखरच त्यांच्या आनंदात मनापासून सहभागी आहात असे जाणवेल.

एक्सरसाइज, वॉक जॉग वेअर

वॉकिंगसाठी सैल कुर्ता, कुर्ती-पायजामा, टॉप, ट्राउजर, कॅपरी, जॉगिंगसाठी ट्रॅक सूट, व्यायामासाठी गुडघ्यांपर्यंत स्किनी लेगिंग, शॉर्ट्स, कॉटन स्लीव्हलेस टॉप इ. योग्य ठरतात, जेणेकरून बॉडीची आरामात हालचाल करू शकता आणि घामही शोषला जातो.

साधेसरळ ड्रे

असे अनेक प्रसंग येतात, जिथे चमकदार, नक्षीदार महागडे कपडे परिधान करून जाणे मुळीच योग्य नसते. उदा. आजारी व्यक्तिला हॉस्पिटल किंवा त्याच्या घरी पाहायला जायचे असेल किंवा शोकसभेला, तेव्हा साधे सफेद किंवा हलके रंग आणि प्रिंटवाले सोबर कपडे परिधान करा.

नाइट वेअर

नाइट गाउन किंवा नाइटी काही महिलांना तर एवढी प्रिय असते की त्यांना घरी त्यातच वावरायला आवडते. भाजी खरेदी करायला जायचे असेल तरी त्या त्याच कपडयांत जातात, पण असे करणे अशोभनीय आहे. पायजमा, कुर्ता, टॉपवाला नाइट सूटही योग्य आणि सोइस्कर आहे.

स्पोर्ट्स वेअर

सैल टॉप शॉर्ट्स किंवा स्कर्ट्स, स्किनी शॉर्ट्स खेळताना सोईस्कर आणि चपळपणासाठी सहायक असतात. पोहण्यासाठी विविध प्रकारचे स्वीमिंग सूट मिळतात. टू पीस किंवा वन पीस बिकिनी आपल्या आवडीनुसार निवडा. इतर पेहराव पोहण्यासाठी सोइस्कर नसतात आणि हास्यास्पदही ठरतात.

स्मार्टफोनचे व्यसन आहे वाईट

* ललिता गोयल

स्मार्टफोन आपल्या सगळयांच्या जीवनाचा एक अभिन्न अंग बनला आहे. सकाळी उठल्यापासून ते रात्री झोपेपर्यंत आपण याच्यावर अवलंबून असतो, मग गोष्ट सकाळच्या अलार्मची असो, ऑनलाईन पेमेंटची, शॉपिंगची, बोअर झालं की संगीत ऐकणे किंवा चित्रपट बघणे, एखादा महत्वाचा मेल करायचा असो किंवा आपल्या मित्रांशी व नातेवाईकांशी कनेक्ट राहायचे असो. आपणा सगळयांचा पूर्ण संसार या लहानशा वस्तूत  सामावलेला आहे. परंतु तुम्हाला हे माहीत आहे का की या लहानशा वस्तूशी आपली ही जवळीक आपल्या दैनंदिन वर्तणुकीत कित्येक समस्यासुद्धा निर्माण करत आहे? जर तुम्ही स्मार्टफोनमधून महत्वाची माहिती काढू शकला नाहीत तर तुम्ही त्रासून जाता. जर तुमच्यापर्यंत मेसेज किंवा कॉल पोहोचत नसेल, तर तुम्ही बेचैन होऊ लागता. जर तुमच्याकडे प्रीपेड कनेक्शन असेल, तर स्मार्टफोनमध्ये बॅलेंस कमी होताच तुम्ही घाबरून जाता. कित्येक व्यक्तींमध्ये इंटरनेटचं स्पीडही टेन्शन वाढवतो.

फेसबुक वा अन्य सोशल नेटवर्किंग साईटवर स्वत:चा स्टेटटस अपलोड करू न कल्याने वा इतरांचा स्टेटस वाचू न शकल्यानेही अस्वस्थता जाणवते.

याव्यतिरिक्त काही लोकांना नेहमी आपला स्मार्टफोन हरवणार असल्याची भीती सतावत राहते. याचा अर्थ जर एक मिनिटही फोन त्यांच्या नजरेपासून दूर झाला तर ते बेचैन होऊ लागतात. आपला स्मार्टफोन हरवल्याच्या भीतिने त्यांच्या हृदयाची धडधड वाढते.

नोमोफोबिया नावाचा आजार

लोवा स्टेट युनिव्हर्सिटीमध्ये अलीकडेच लावलेल्या शोधानुसार स्मार्टफोन लोकांमध्ये नोमोफोबिया नावाचा आजार निर्माण करत आहे. या रोगाच्या व्यक्तीला सतत आपला मोबाईल हरवण्याची भीती वाटत राहते आणि कित्येकदा तर हा फोबिया माणसांवर एवढा वरचढ होतो की टॉयलेटमध्येसुद्धा ते आपला मोबाईल बरोबर घेऊन जातात आणि दिवसातून कमीतकमी ३० पेक्षा जास्त वेळा आपला फोन चेक करतात. प्रत्यक्षात त्यांना भीती वाटत असते की फोन घरी विसरलो तर त्यांचा एखादा महत्वाचा मेसेज किंवा कॉल मिस होईल आणि त्यांची हीच भीती त्यांच्या वर्तणूक आणि व्यक्तिमत्वातील बदलाचे कारण बनते. या भीतिने त्रस्त लोकांना वाटत राहते की फोनविना आपला सगळया जगाशी काहीच संपर्क राहणार नाही.

फोनविना जीवन अपूर्ण

लंडनमध्ये झालेल्या एका दुसऱ्या संशोधनात म्हटलं आहे की नोमोफोबिया आजच्या काळातली एक गंभीर समस्या आहे आणि यांच्या गांभीर्याला समजून घेण्यासाठी जवळपास १००० लोकांवर संशोधन झालं, ज्यात ६६ टक्के लोक म्हणाले की त्यांना आपला मोबाईल हरवण्याची भीती त्रास देत राहते. संशोधनात असंही दिसून आले की १८ ते २४ वर्षांमधील तरुणांमध्ये मोबाईलप्रति सर्वाधिक जवळीक आहे. या वयातील साधारणत: ७७ टक्के लोक मोबाईलविना एक मिनिटसुद्धा राहू शकत नाहीत. अशा लोकांना वाटतं की मोबाईलविना आपलं जीवन अपूर्ण आहे. ते याच्याशिवाय राहू शकणार नाहीत. संशोधनात असेही दिसून आले की नोमोफोबिया झालेली व्यक्ती दिवसातून कमीतकमी ३७ वेळा आपला मोबाईल चेक करते.

उपाय काय

मानलं की स्मार्टफोनचे टेक्निक तुम्हाला स्मार्ट आणि अपडेट ठेवते, पण त्याबरोबरच हे लक्षात ठेवायची गरज आहे की ही टेक्निक तुमची सुविधा बनण्याऐवजी डोकेदुखीचे कारण न बनो. मोबाईल फोनच्या या व्यसनातून बाहेर निघायला आवश्यक आहे की तुम्ही तुमच्या जीवनाचं काहीतरी ध्येय ठरवावं. स्वत:ला आपल्या आवडीच्या छंदात व्यस्त ठेवायचा प्रयत्न करा. ऑफिसमध्ये काम करताना फोन एरोप्लेन मोडवर ठेवा. असे केल्याने तुम्ही फालतू कॉल्स आणि मेसेजेसपासून दूर राहाल. आपल्या सगळया सोशल मिडिया अॅपचे नोटिफिकेशन बंद ठेवा. सोबतच फोनमध्ये फालतू अॅप्स ठेवू नका. यामुळे तुम्ही फोनवर अवलंबून राहणार नाही. काल्पनिक जगातले संबंध निभावण्याऐवजी खऱ्या जीवनातल्या मित्रांबरोबर वेळ घालावा. शक्य तितके स्वत:ला फोनपासून दूर ठेवण्याचा प्रयत्न करा.

नेहमीच रहा प्रफुल्लीत

* रोचिका शर्मा

माया जेव्हा ५ वर्षांनी आपल्या मोठया बहिणीला, सियाला भेटली तेव्हा सिया तिला उदास भासली. तिने विचारलेच, ‘‘ताई, काय झाले, तुझ्या चेहऱ्यावरचे स्मित कुठे हरवले गं, काही प्रॉब्लेम आहे का?’’

‘‘प्रॉब्लेम नाही माया बस आता उतरती कळा आहे, सांधे कुरकुरू लागले आहेत आणि त्यात भर म्हणून केस गळणे आणि चेहऱ्यावर सुरकुत्या. असे म्हण की वय आता आपला प्रभाव दाखवत आहे. चेहरा तर उदास दिसणारच,’’ सिया म्हणाली.

‘‘तू असा का विचार करतेस ताई. वयाने काय फरक पडतो. थोडी नटूनथटून, मजेत रहायला शीक.’’

‘‘कोणासाठी माया. आता या वयात मला कोण पाहणार आहे? मुले तर हॉस्टेलमध्ये आहेत. आणि मी तर एक विधवा आहे. नटूनथटून राहिले तर लोक काय म्हणतील? लोक माझ्याकडे संशयाने पाहू लागतील.’’ सिया म्हणाली.

‘‘अरे यात वाईट काय आहे? लोक का संशय घेतील? कोणी काही म्हणणार नाही आणि विधवा असणे हा काही तुझा दोष तर नाही. आपले आयुष्य आणि शरीर यांच्याप्रति उदासीन राहणे योग्य नाही. जेव्हा मुले त्यांच्या कुटुंबात व्यस्त होतील तेव्हा तुला कोण सांभाळणार. जर आज भावोजी असते तर त्यांनी तुझी काळजी घेतलीच असती. पण आता ते नसताना तुला स्वत:लाच तुझी काळजी घ्यावी लागेल, नाहीतर चाळीशीनंतर वाढत्या वयासोबत शरीराच्या तक्रारी वाढू लागतात.’’

‘‘खरंतर तू बरोबरच बोलत आहेस माया, पण एकटेपणा खायला उठतो. आधी मुलांमध्ये व्यस्त असायची, पण आता संपूर्ण दिवस घरातच एकटी बसून असते. वेळ जाता जात नाही, सिया म्हणाली.’’

चाळिशीनंतर काही कारणांनी एकल राहून जीवनाप्रति उदासीन बनलेली न जाणो अशी कितीतरी उदाहरणे आपल्या आसपास असतील.

माझ्या शेजारी राहणारी स्मिता एका फार्मा कंपनीत काम करते. वडिलांच्या अकाली निधनानंतर आपल्या २ लहान बहिणींची जबाबदारी तिच्यावर आली. आई जास्त शिकलेली नव्हती. स्मिताने स्वत: नोकरी करून आपल्या दोन्ही बहिणींना स्वत:च्या पायांवर तर उभे केलेच, पण त्यांच्यासाठी योग्य वर शोधून त्यांची लग्नेही लावून दिली. बहिणींचे संसार तर थाटले, पण ती स्वत:मात्र आयुष्यभरासाठी एकटी राहिली. आधी ती आईसोबत राहत होती, पण २ वर्षांपूर्वी त्यांचेही निधन झाले. स्मिता आता ४५ वर्षांची आहे. नोकरी करतेय. आता तिला एकटेपणा आणि सांध्यांच्या तक्त्रारींनी पछाडले आहे. कालपर्यंत आपल्या कुटुंबाची धुरा समर्थपणे खांद्यावर पेलणारी स्मिता आज चेहरा आणि मनाने पार कोमेजून गेल्यासारखी दिसते आहे.

एक दिवस मी तिला सोसायटीत होणाऱ्या कार्निव्हलची आमंत्रण पत्रिका देत म्हटलं, ‘‘ नक्की ये, खूप मजा येईल.’’

‘‘तुझी मुले आहेत, मी तिथे येऊन काय करू?’’ स्मिता म्हणाली.

‘‘तू ये तर खरं. तुलापण थोडा बदल होईल.’’

माझ्या आग्रहाखातर ती कार्निव्हलला आली. आता ती सोसायटीच्या प्रत्येक कार्यक्रमात सहर्ष सहभागी होऊन महत्त्वाच्या भूमिका निभावतेही.

एकल व्यक्तीलाही आपले जीवन भरभरून जगण्याचा आणि आपल्या आरोग्याला जपण्याचा संपूर्ण हक्क आहे. कारण चाळिशीनंतर सिंगल असो की परिवारातील  प्रत्येकीचा मेनोपॉज येण्याचे वय जवळ आलेले असते. ४० ते ५० वर्षांत स्त्रिया मासिकपाळी संपण्याच्या सीमारेषेवर असतात, ज्यामुळे आरोग्याच्या तक्रारी उद्भवू शकतात. काहीवेळा या समस्या फारच कष्टप्रद असतात. यामुळे शारीरिक आणि मानसिक असे दोन्ही बदल घडू लागतात.

आपल्या आहाराकडे लक्ष द्या

आपल्या खाण्यात अशा गोष्टी समाविष्ट करा ज्यात भरपूर पोषक तत्त्वे असतील. कारण, ४० वर्षापर्यंत आपली पचनसंस्था कमजोर होऊ लागते. हेच कारण आहे की मसल मास ४५ टक्के पर्यंत कमी होतो, ज्यामुळे फॅट वाढू लागते.

वाढत्या वयासोबत तुमचा मेटाबॉलिज्म स्लो होऊ लागतो. अशात आपल्याला आधीच्या तुलनेत कमी कॅलरीजची आवश्यकता असते. त्यामुळे तुम्ही जे काही खाल ते कॅलरीजची काळजी घेऊनच.

व्यायामाला बनवा आपल्या दिनचर्येचा हिस्सा

व्यायाम केल्याने तुम्ही स्वस्थ आणि तरुण राहाल. यामुळे तुमच्या मांसपेशीना ताकद मिळेल, तुम्हाला चांगली झोप लागेल, शरीराला लवचीकपणा येईल आणि तुमचा आत्मविश्वासही वाढेल.

अनेकदा ४०नंतर सांधे दुखू लागतात. ज्यामुळे जिममध्ये व्यायाम करणे मुश्किल होते. इतकेच नाहीतर पायी चालायलाही त्रास होऊ लागतो. अशात वॉटर एक्सरसाइज लाभदायक ठरते. तुम्ही व्यायाम कोणत्याही स्वरूपात करू शकता, जसे मॉर्निंग वॉक, एरोबिक्स नृत्य, स्विमिंग इ. झुंबा डान्सही एक्सरसाइज म्हणून समूहात करू शकता. यामुळे न केवळ तुम्ही शारीरिकदृष्टया स्वस्थ राहाल तर म्युझिकसोबत आपल्या मैत्रिणींबरोबर नृत्याचा आनंदही घेऊ शकाल.

हार्मोन्समधील बदल

४०नंतर मेनोपॉजचा काळ सुरू होत असल्याने हार्मोन्समध्ये बदल घडू लागतात. ज्यामुळे वजन वाढू लागते. पण हार्मोन्सकडे लक्ष न देता तुम्ही आपल्या फिटनेसकडे लक्ष केंद्रित करा ज्यामुळे तुमच्या शरीरात होणाऱ्या हार्मोन्स बदलांचे तुम्ही संतुलन ठेवू शकाल.

प्रोटीनयुक्त आहार घ्या

वाढत्या वयासोबत नखेही खराब होऊ लागतात आणि त्वचेवर सुरकुत्या येऊ लागतात. यासाठी आपल्या भोजनात प्रोटीन घेतल्याने शरीरासोबतच मांसपेशी, केस, त्वचा आणि कनेक्टीव्ह टिशूज चांगले राहतात. नवीन मांसपेशी तयार होऊ लागतात. तसेच बराचकाळपर्यंत आपल्याला भूकही लागत नाही. काही प्रोटीनयक्त आहार जो तुम्ही तुमच्या भोजनात समाविष्ट करू शकता त्यात मुख्यत्वे आहेत मटण, मासे, चिकन, अंडी, दूध, दही, डाळी, पालक, छोले, राजमा, अंकुरित कडधान्ये, सोयाबीन, शेंगदाणे, अंजीर, बदाम, अक्रोड इ.

थोडया सोशलही रहा

ज्या महिला आपल्या परिवारासोबत राहतात त्यांना कोणत्या न कोणत्या कारणांनी लोकांकडे येण्याजाण्याचे आमंत्रण असतेच, परंतु सिंगल महिलांसाठी ही एक समस्याच आहे की ती बोलणार कोणाशी कारण तिचे विषय इतरांशी मॅच होत नाहीत.

अशात तुम्ही तुमच्या सोसायटीत होणाऱ्या कार्यक्रमांमध्ये सहभागी व्हा. ते यशस्वी होण्यासाठी आपले योगदान द्या. जेणेकरून तुमच्या वेळेचा सदुपयोग होईल आणि सोसायटीत तुमची एक स्वत:ची ओळखही निर्माण होईल. तुमचे हे सहकार्य पाहून लोक स्वत:हून तुम्हाला आमंत्रण देऊ लागतील आणि या निमित्ताने तुमच्या लोकांशी भेटीगाठी होऊ लागतील, ज्यामुळे तुमचा एकाकीपणा दूर होऊ लागेल.

अशाप्रकारे तुमचे टॅलेण्टही सर्वांसमोर येईल आणि तुम्ही सर्वांच्या आवडत्या व्हाल.

इथे एक गोष्ट खास आहे की ज्या महिलांना आपला परिवार आहे त्यांची वेळोवेळी आणि गरजेनुसार काळजी घेणारे कोणी ना कोणी असतेच, पण सिंगल असलेल्यांच्या  बाबतीत हे शक्य नसते. अशावेळी आपल्या ऑफिसमधील सहकाऱ्यांशी आणि शेजाऱ्यांशी केलेली मैत्री अडीअडचणीच्या काळात कामी येते.

स्वत: स्वत:ची पुरेपूर काळजी घ्या. स्वत:ला जज करा की तुम्ही आपल्या आयुष्याप्रति उदासीन तर झाल्या नाहीत ना. आपल्या सोशल सर्कलमध्ये नेहमी तुम्ही तुमच्या व्यक्तिमत्त्वाबद्दल जाणून घेत रहा की तुम्ही व्यवस्थित दिसत आहात ना. ज्यांच्या हृदयात तुम्हाला स्थान आहे त्यांना नक्कीच असे वाटणार नाही की तुम्ही कोणापेक्षाही दिसण्यात मागे रहावे.

मान्सून स्पेशल : साजश्रृंगार पावसाळ्यातील

* प्रतिनिधी

पावसाळयाच्या दिवसांत जास्त मेकअप करणे जोखमीचे असते. कारण या दिवसांत मेकअप खराब होण्याची भीती असते. म्हणूनच पावसाळयाच्या दिवसांत हलका आणि वॉटरप्रूफ मेकअप केला पाहिजे. चेहऱ्यावर वॉटरप्रूफ फाउंडेशन, न दिसणारी लिपस्टिक आणि वॉटरप्रूफ आयलायनर इ. चा वापर केला पाहिजे. असे प्रॉडक्टच पावसाळयाच्या दिवसांत आवश्यक असतात. इथे आम्ही काही मेकअप टिप्स सांगत आहोत, ज्या पावसाळयाच्या दिवसांत मेकअप करताना आपल्याला उपयोगी ठरू शकतील.

चेहऱ्यावरील ऑइल स्वच्छ करा

सर्वप्रथम आपला चेहरा पाण्याने चांगल्याप्रकारे धुवा आणि ५-१० मिनिटे चेहऱ्याला आइस क्युब लावा. त्यामुळे चेहऱ्याचे तेल निघून जाईल आणि मेकअप दीर्घकाळ टिकेल.

ऑयली आणि ड्राय त्वचेसाठी

ज्या महिलांची त्वचा कोरडी आहे, त्यांनी बर्फाने मालीश केल्यानंतर टोनरचा वापर करून पाहा. त्यामुळे त्वचेत ओलावा येईल. शिवाय ज्यांची त्वचा ऑयली आहे, त्या अॅस्ट्रिजंटचा वापर करू शकतात.

बेस तयार करा

मेकअपचा बेस तयार करण्यासाठी फाउंडेशनचा वापर करू नका.

डोळयांसाठी

डोळयांना हलकासा आयलायनर लावा, त्यावर हलका ब्राउन, पिंक किंवा पेस्टल रंगाच्या आयशॅडोचा वापर करा. त्यानंतर वॉटरप्रूफ मस्कारा लावा.

ओठांसाठी

ओठांवर सॉफ्ट मॅटी लिपस्टिक लावा. अशाप्रकारची लिपस्टिकच पावसाळी मोसमात उत्तम ठरते. मात्र ओठांवर शाइन आणण्यासाठी तुम्ही पिंक ग्लॉसचा वापरही करू शकता.

वॉटरप्रूफ मॉइश्चरायजर लावा

पावसाळयाच्या दिवसांत वॉटरप्रूफ मॉइश्चरायजर लावणे टाळू नका. जर आपली त्वचा ऑयली असेल, तर हलका मेकअपच करा.

आपली हेअरस्टाईल सहजसोपी असावी

जर पावसाळयाच्या दिवसांत जास्त स्टायलिश हेअरस्टाईल ठेवाल, तर केस भिजल्यानंतर ते सोडविणे मुश्कील होऊ शकते किंवा केस तुटण्याची सर्वात जास्त भीती असते. पावसाळयात बँड किंवा लेअर हेअर स्टाईलला प्राधान्य द्या.

चमकदार ज्वेलरी टाळा

पावसाळयाच्या दिवसांत चमकदार ज्वेलरी शक्यतो टाळा. स्टोन ज्वेलरीचा जास्त वापर करा. हलके दागिने पावसाळयात आरामदायक असतात.

लाइट मेकअप करा

आपणाला जर सर्वांत उठून दिसायचे असेल, तर लाइट मेकअप आणि लाइट शेड्सचा वापर करा. उदा. पिंक, ब्राउन किंवा पिच रंगांचा.

आयब्रो पेन्सिलचा वापर टाळा

पावसाळयाच्या दिवसांत आपले आयब्रो नेहमी सेट ठेवा आणि आयब्रो पोन्सिलचा वापर चुकूनही करू नका. या दिवसांत पेन्सिलचा रंग ओघळण्याची शक्यता असते.

केस रोज धुवा

या दिवसांत आपले केस नियमितपणे धुवा, तसेच कोंडयापासून संरक्षणासाठी नियमितपणे मालीशही करा. केसांची देखभाल करा. पावसाळयाच्या दिवसांत केसांना एक्स्ट्रा केअरची आवश्यकता असते.

कॉटनचे कपडे वापरा

पावसाळयाच्या दिवसांत जीन्सचा वापर करू नका. हलके कॉटनचे कपडे वापरा. उदा. कॅप्री, कॉटन पँट किंवा थ्री फोर्थ इ.

सफेद कपडे टाळा

या दिवसांत सफेद कपडे वापरणे टाळा. कारण सफेद कपडे लवकर खराब होतात. म्हणून डार्क रंगाचे कपडे वापरा.

सँडल किंवा चप्पल वापरा

या दिवसांत लेदरचे शूज व सँडल वापरणे टाळा. हलके आणि मजबूत सँडल व चप्पल वापरा. शक्य असेल, तर स्नीकर्सच वापरा.

स्टाईलसह आजारही देते हॅण्डबॅग

* एनी अंकिता

हण्डबॅगेमध्ये तुम्ही तुमच्या गरजेच्या सर्व वस्तू ठेवता जेणेकरून गरज भासल्यास लगेच ती वस्तू वापरता येईल. पण तुम्हाला कल्पना नाही की तुमच्या बॅगेत तुम्ही दुसरंही काही तरी घेऊन फिरत असता? हो, तुमच्या पर्समध्ये अनेक प्रकारचे विषाणू तयार होत असतात, जे तुम्हाला आजारी करू शकतात.

एका नवीन संशोधनानुसार, ९० टक्यांहून अधिक विषाणू तयार होतात. संशोधनात असं आढळलं आहे की स्वयंपाकघर, स्नानगृह अशा ठिकाणांच्या तुलनेत पर्समध्ये अधिक बॅक्टेरिया तयार होतात, जे आरोग्यासाठी घातक आहेत.

डेली मेलने जनरल अॅडव्हान्स बायोमेडिकलच्या आधारे हे स्पष्ट केलं आहे की महिलांमध्ये व पुरुषांमध्येही संसर्गजन्य आजार पसरण्याचे मुख्य कारण त्यांची बॅग हे असू शकतं. वास्तविक संशोधनानुसार पुरुषांच्या तुलनेत स्त्रियांच्या पर्समध्ये अधिक बॅक्टेरिया असतात.

संशोधनात असंही आढळून आलं आहे की २.१ टक्के स्त्रियाच महिन्यातून एकदा आपली पर्स स्वच्छ करतात व ८१.५ टक्के स्त्रिया कधीच आपली पर्स स्वच्छ करत नाहीत.

अलीकडच्या काळात तसंही आजारांचे प्रमाण वाढलेलं आहे. त्यासाठी तुम्ही सृहृढ राहू इच्छित असाल तर तुमच्या हॅण्डबॅगची स्वच्छता नक्की करा. बॅगेत फक्त गरजेच्या वस्तूच ठेवा व त्याही योग्यपद्धतीने ठेवा.

हॅण्डबॅगची सफाई कशी कराल?

* कोमट पाण्यात थोडा लिक्विड साबण मिसळा व त्याने हॅण्डबॅग बाहेरून स्वच्छ करून घ्या. लिक्विड साबणाऐवजी तुम्ही शाम्पूसुद्धा वापरू शकता. यामुळे बाहेरील भागाची स्वच्छता होईल.

* वाइन्स किंवा इतर कुठल्याही घरगुती वस्तू बॅगेच्या स्वच्छतेसाठी वापरू नका. या उत्पादनांमध्ये रसायनांचा वापर असल्याने बॅगेचा रंग खराब होण्याची शक्यता असते.

* लेदर पर्स सुती कपाड घेऊन हलक्या हाताने स्वच्छ करा. पेट्रोलियम जेलीसुद्धा तुम्ही वापरू शकता.

* बॅगेतील कोपरे स्वच्छ करण्यासाठी टूथपिकचा वापर करावा.

* बॅग स्वच्छ केल्यानंतर लगेचच वस्तू भरू नयेत. काही वेळ तशीच हवेत राहू द्यावी.

हे करू नये

* सौंदर्य प्रसाधनांनी बॅग भरू नये. रोज ज्या वस्तूंचा तुम्ही वापर करता त्याच वस्तू ठेवाव्यात व त्याही एखाद्या पाऊचमध्ये व्यवस्थित बांधून ठेवाव्यात किंवा त्याही वेळोवेळी स्वच्छ कराव्यात.

* खाण्यापिण्याच्या वस्तू बॅगमध्ये ठेवू नयेत. खासकरून तेव्हा जेव्हा तुम्ही खाण्याचे पाकीट उघडलेले असेल. यामुळे बॅगेला मुंग्या लागू शकतात.

* बॅग कुठेही ठेवू नका. ज्या ठिकाणी जिवाणू तयार होतात अशा ठिकाणी बॅग ठेवू नये.

* हॅण्डबॅगला कचऱ्याचा डबा बनूव नये. काही स्त्रियांना आपल्या सगळ्या वस्तू बॅगेत ठेवायची सवय असते.

हेही लक्षात ठेवा

* नेहमी वॉटरप्रूफ बॅगच विकत घ्या कारण साध्या बॅगेमधून पावसाळ्यात आतील सामान ओले होण्याची शक्यता असते, त्यामुळे बॅक्टेरिया तयार होतात.

* बॅग विकत घेताना पट्ट्याकडेही लक्ष ठेवा. कारण पातळ व कडक पटट्यायांमुळे खांद्यांच्या मांसपेशी दुखावू शकतात. नेहमी रूंद व मऊ पटट्यांच्या बॅग घ्या.

* बॅगेचे वजनदेखील पाहा, कारण काही बॅग आधीच वजनाने जड असतात व त्यात वस्तू ठेवल्या की त्या जास्तच जड होतात.

* हॅण्डबॅग कधीही प्लास्टिक पिशवीत ठेवू नयेत. यामुळे बॅग लवकर खराब होते. यासाठी जुन्या उशीच्या अभ्यांचा वाप करा किंवा सुती पिशवीचा वापर करा.

* जेव्हा बॅगेचा वापर करायचा असेल तेव्हा त्यातील सर्व सामान काढून टाकून टिशू पेपर घालून ठेवावेत म्हणजे बॅगेचा आकार बिघडत नाही व त्यात बॅक्टेरियाची निर्मिती होत नाही.

* बॅगेमध्ये ओलसरपणा राहू देवू नये, यामुळे बॅक्टेरिया उत्पन्न होतो.

समर-स्पेशल : कूल आणि ब्युटीफूल लुक उन्हाळ्यातही

* मोनिका गुप्ता

उन्हाळयात मेकअप पसरू नये म्हणून काय करता येईल? गरम कमी व्हावे म्हणून कोणते कपडे घालावेत, स्वत:ला टॅन फ्री कसे ठेवावे, असे अनेक प्रश्न प्रत्येक मुलगी, महिलेच्या मनात उपस्थित होतात, तेव्हा चला जाणून घेऊया या सर्व प्रश्नांची उत्तरं.

समर ड्रेस

इंडियन लुक हवा असेल तर तुम्ही स्ट्रेट कुर्ती, फ्लोरल कुर्ती ट्राय करू शकता. या मोसमात सुंदर दिसण्यासाठी आणि टॅनिंगपासून वाचण्यासाठी कुर्ती सर्वात बेस्ट पेहेराव आहे. तुम्ही तुमच्या इंडियन लुकला ब्लॅक बिंदी आणि कलरफूल झुमक्यांनी कम्प्लिट करू शकता.

वेस्टर्न ट्राय करायचे असेल तर जंपसूट, रॅपरोन स्कर्ट, डेनिम शॉर्ट्सोबत व्हाईट टॉप आणि प्लाझा ट्राउझरसह तुम्ही क्रॉप टॉप ट्राय करू शकता. यात तुम्ही ब्युटीफुल आणि स्टायलिशही दिसाल.

उन्हाळ्यात कपडे घ्या पारखून

पेहेराव नेहमीच मोसमानुसार असावा. पण एखादा ड्रेस आवडल्यास आपण तो पटकन खरेदी करतो. तो ड्रेस कोणत्या कपडयापासून शिवला आहे याकडे लक्ष देत नाही. प्रत्यक्षात मोसमानुसारच कपडयांची खरेदी करावी. उन्हाळयात कॉटन, हँडलूम, खादी, जॉर्जेट इत्यादी कपडे घालावेत. ते घाम शोषून घेतात, शिवाय शरीरालाही थंडावा देतात.

रंगांकडे द्या विशेष लक्ष

उन्हाळयात डोळयांना त्रासदायक ठरणार नाहीत अशा रंगांचे कपडे असावेत. फिकट रंगाचे कपडे घातल्याने गरम होत नाही. ते थंडावा देतात. उन्हाळयात सफेद, निळया, गुलाबी, पिवळया, हिरव्या रंगाच्या कपडयांची तुम्ही निवड करू शकता.

टॅनिंगपासून राहा दूर

हिवाळयात त्वचा कपडयांच्या आत लपवता येते. पण उन्हाळयात हे शक्य नसते. उन्हाळयात आपण सैलसर कपडे घालणे अधिक पसंत करतो. यामुळे टॅनिंग होऊ शकते. त्वचेचा सूर्यप्रकाशाशी जास्त वेळ संपर्क आल्याने टॅनिंगची समस्या निर्माण होते. सूर्याची प्रखर किरणे त्वचेचे नुकसान करतात. टॅनिंगपासून वाचण्यासाठी तुम्ही हे उपाय करू शकता :

* आठवडयातून तिनदा स्क्रब अवश्य करा.

* घरातून बाहेर पडण्याच्या पंधरा मिनिटे आधी सनस्क्रीन अवश्य लावा.

* हळदीत लिंबाचा रस आणि दूध मिसळून पेस्ट तयार करा. हे मिश्रण टॅनिंग झालेल्या जागेवर लावा. ते सुकल्यावर किंचित ओल्या हातांनी ५ मिनिटे रब करा.

* पपई कुस्करून त्वचेवर लावा. यामुळे  टॅनिंग दूर होईल आणि त्वचेला पोषणही मिळेल.

* चेहऱ्यावरील टॅनिंग दूर करण्यासाठी बर्फाचाही वापर करता येईल. बर्फाने चेहऱ्यावर ५ मिनिटे मसाज करा. यामुळे चेहऱ्यावरील टॅनिंग दूर होईल आणि चेहराही खुलून दिसेल.

* चेहऱ्यावरील टॅनिंग दूर करण्यासाठी लिंबूही लाभदायक आहे. लिंबाला दोन भागात कापून त्याने चेहऱ्यावर मसाज करा.

समर मेकअप टीप्स

उन्हाळयात घामामुळे मेकअप लवकर खराब होतो. यासाठी देत आहोत काही टीप्स ज्यामुळे उन्हाळयातही मेकअप जास्त काळ टिकून राहील.

* उन्हाळयात त्वचा खूपच तेलकट होते. यामुळे परफेक्ट मेकअप करता येत नाही. त्यामुळे ऑईल कंट्रोल फेसवॉश वापरा. मेकअप करण्यापूर्वी बर्फाने चेहऱ्यावर मसाज करा.

* कुठलेही तेलकट प्रोडक्ट वापरू नका.

* लिक्विड फाउंडेशनचा वापर टाळा. फाउंडेशन वापरायचेच असेल तर स्किन टोननुसारच त्याची निवड करा. फाउंडेशन लावताना त्यात सनस्क्रीन अवश्य मिक्स करा.

* डोळयांसाठी काजळ नेहमीच स्मज फ्री निवडा. काजळ लावल्यानंतर डोळ्यांखाली हलकीशी पावडर लावा. यामुळे काजळ पसरणार नाही.

* मस्करा नेहमीच वॉटरप्रुफ किंवा ट्रान्सपरंटच लावा.

* ब्लशसाठी मॅट लिपस्टिकच्या पीच किंवा पिंक कलरचा वापर करू शकता. तो गालांवर सेट झाल्याने नॅचरल लुक देईल.

* लिपस्टिक लावण्यापूर्वी ओठांवर वॅसलीनने मसाज करा. त्यानंतर लिपस्टिक लावा. उन्हाळयाच्या मोसमात मॅट लिपस्टिक सर्वात चांगली समजली जाते, कारण ती लवकर स्मज होत नाही.

महिलांमध्ये वाढतंय मद्यपान

*  मदन कोथुनिया

गेल्या काही वर्षांपासून स्त्रियांमध्ये पिण्याची फॅशन वेगाने वाढू लागलीए, ज्याचं एक खास कारण म्हणजे दारूच्या कंपन्यांनी दारू पिणाऱ्या स्त्रियांना आधुनिक, स्वतंत्र व पुरुषांच्या बरोबरीच्या म्हणून प्रचलित करणं आहे. बिअर, शँपेन इत्यादी गोष्टी जुन्या झाल्या आहेत. आता तर दारूचे विविध ब्रॅण्ड बाजारात सहजपणे उपलब्ध आहेत. व्होडका, वाइन, व्हिस्की इत्यादींचे कॉकटेल महाविद्यालयीन तरुणी व गृहिणींमध्ये खूपच प्रचलित झालेत. त्या किट्टी पार्ट्या, लग्नाचा वाढदिवस इत्यादी प्रसंगी पिण्यास व पाजण्यास अजिबात संकोचत नाहीत.

दारू सेवनाच्या जुन्या परंपरांमध्ये पूर्वी दारू पिणाऱ्या स्त्रिया २ विपरीत वर्गांशी संबंधित होत्या. पहिल्या वर्गात झोपडपट्टयांमध्ये राहाणारे दलित, वेश्या येतात, ज्यांच्यासाठी नशा हे उपजीविकेचं साधन राहिलंय, तर दुसऱ्या वर्गात पाश्चिमात्य सभ्यतेने प्रेरित आणि भौतिक सुखवस्तूंच्या मुबलकतेमुळे व्यावसायिक समाजातील स्त्रिया येतात, ज्या लेट नाइट पार्ट्या अथवा पतीसोबत एक्झिक्यूटिव्ह पार्ट्यांमध्ये पिण्याला स्टेट्स सिंबल समजतात. आता एक तिसरा नवीन वर्ग महाविद्यालयीन तरुणींचा आहे, ज्या रात्री उशिरापर्यंत डान्स फ्लोअरवर थिरकण्यासाठी नशेच्या अधीन होतात.

या विषयाबाबत जेष्ठ मानसोपचार डॉ. शकुंतला यादव सांगतात, ‘‘व्यावसायिक वर्गातील स्त्रियांमध्ये पिणं एक स्टेट्स सिंबल झालंय. त्या पिण्याने स्वत:ला पुरुषांच्या बरोबरीने समजतात. भौतिक सुखाच्या प्रचुरतेमुळे पुरुष पिऊ शकतो, तर त्या का नाही? हिच धारणा त्यांना पिण्यासाठी प्रेरित करते.’’

अलीकडेच जयपूरच्या बिडला सभागृहात सिकोईडिकोन संस्थेद्वारे ‘स्त्रिया आणि नशा’ विषयावर आयोजित विचार परिसंवादाच्या अहवालानुसार नशेबाज महिलांची चकित करणारी आकडेवारी समोर आली. यानुसार सर्वाधिक दारूचं सेवन करणाऱ्या स्त्रियांचं वय २१ ते ३५ वर्षांच्या दरम्यान आढळलंय. ४२ टक्के नोकरदार स्त्रिया, ३१ टक्के एकेकट्या राहाणाऱ्या स्त्रिया, ३२ टक्के घटस्फोटित आणि ८० टक्के देहव्यापाराशी संबंधित स्त्रिया दारूबरोबरच इतर व्यसनांच्या अधीन आहेत.

आता प्रश्न असा निर्माण होतो की शेवटी असं कोणतं कारण आहे की विभिन्न वर्गातील स्त्रिया कळतनकळत स्वत:ला यामध्ये का गुंतवून घेत आहेत?

सिकोईडिकोन संस्थेच्या विचार संवादानुसार, दलित, वेश्या, श्रमजीवी व मजूर वर्गातील स्त्रिया आपलं अज्ञान, अशिक्षा, आर्थिक व सामाजिक स्तरानुसार घरातच स्वस्त देशी दारू, ताडीमाडी इत्यादी पितात. असुरक्षित भविष्यामुळे पलायनवादी विचारसरणी यांना या दलदलीत ढकलते.

तर व्यावसायिक कुटुंबातील स्त्रिया दारूचे २-३ घोट घशातून जाताच आत्मविश्वासू, चपळ, स्मार्ट, स्वत:ला अधिक शिष्ट व संयमी समजू लागतात. याबरोबरच मनात अनेक संभ्रम साठवून ठेवत असल्यामुळेदेखील नशेकडे आकर्षित होतात. जसं दारूमुळे सेक्स व फोरप्लेमध्ये अधिक उत्तेजना आणि अधिक वेळ स्टॅमिना राहाणं वगैरे. स्वत:ला अधिक अॅडव्हान्स, वेस्टर्न आणि सेक्स अपीलिंग बनविण्यासाठीदेखील कॉकटेलचा ग्लास ओठांना लावल्यानेदेखील व्यावसायिक स्त्रियांना फरक पडत नाही.

कॉलेजची पार्टी असो वा लेडीज पार्ट्या, फ्रूट ज्यूस, कोला इत्यादीसोबत कॉकटेल वा बिअरची प्रथा आधुनिक काळात जोरात सुरू आहे. एवढंच नाही तर, मोठमोठे केकशॉप्स असो वा फ्रूट ज्यूस कॉर्नर कुठेही फ्रूट बिअर मिळणं सर्वसामान्य झालंय. या कारणामुळेच चव चांगली असल्यामुळे एक मैत्रीण दुसऱ्या मैत्रिणीला आग्रह करते. नंतर एकदा का चव लागली की पार्ट्यांमध्ये दारूच्या ग्लासाकडे हात स्वत:हून वळतो.

मुलांवर वाढतंय दुष्परिणाम

मुलं आपले वडील दारुडे असल्याचं सत्य कबूल करतात, परंतु आईला बिअर, दारू पिताना पाहू शकत नाहीत. ज्या कुटुंबातील मुलं आपल्या आईला असं करताना पाहातात, ती लहानपणापासून किशोरावस्थेच्या पायरीपर्यंत पोहोचता पोहाचता आपल्या १७व्या, १८व्या बर्थ डे पार्टीत बिअर, शॅम्पेनच्या बाटल्या खोलायला घाबरत नाहीत.

खरं म्हणजे, मूल आपल्या आईकडून अधिक अपेक्षा ठेवतं. याच कारणामुळे त्यांच्या मनात आईची बनलेली छबी आईच्या जरादेखील चुकीच्या वागणुकीचे शितोंडे सहन करू शकत नाहीत. अशा परिस्थितीत ते आईकडे उपेक्षित नजरेने पाहातात.

या प्रकरणात एसएमएस मेडिकल कॉलेज व इस्पितळात कार्यरत असणारे मानसोपचार तज्ज्ञ डॉक्टर शिव गौतम सांगतात, ‘‘माणूस दारू पितो ती क्षणभराच्या आनंदासाठी आणि त्याबदल्यात त्याला आयुष्यभराचा त्रास मिळतो. जर आपण दारू कायमची नाकारली तरच आपण तणाव दूर करण्याचे सार्थक उपाय शोधू शकतो. तेव्हा आपल्याला आयुष्यभराचं सुख मिळू शकेल.’’

दारू देई अनारोग्य

दारू पिण्याच्या क्षणभराच्या आनंदाचे वाईट परिणाम समोर येतात, याचा पुरुषांपेक्षा स्त्रियांवर अधिक वाईट परिणाम होतो. इंग्लंडमधील रॉयल मेडिकल कॉलेजच्या अहवालानुसार स्त्रियांना दारूमुळे पुरुषांपेक्षा अधिक गंभीर आजार होतात. स्त्री आणि पुरुष समप्रमाणात दारू पीत असले तरी स्त्रीच्या रक्तात दारूचं घट्ट प्रमाण एकत्र होतं आणि रक्ताभिसरणाची प्रक्रिया हळूहळू होऊ लागते. परिणामी कॅन्सर, हृदयरोग इत्यादी रूपात आजार समोर येऊ लागतात.

‘अल्कोहोल अॅण्ड फर्टिलिटी अमंग वूमन’ पुस्तकानुसार १९९६ मध्ये ८५ हजार नर्सेसच्या मदतीने एक जागतिक शोध पूर्ण करण्यात आला. अभ्यासानंतर परिणाम असा निघाला की ५० वर्षं वा त्यापेक्षा अधिक वयाच्या स्त्रियांना उच्च रक्तदाबाचा त्रास होतो आणि आनुवंशिकरित्या हृदयरोगाच्या आजाराचा त्रास होतो. या आजारामुळे मरणाऱ्या स्त्रियांमध्ये अजून एक बाब समोर आली ती म्हणजे त्या आठवड्यातून २-३ वेळा दारू प्यायच्या. ३४ ते ३९ वयातील स्त्रियांना रक्तवाहिन्यांचा त्रास होता. याव्यतिरिक्त ज्या स्त्रिया दररोज दारू पित होत्या, त्यांच्यामध्ये स्तनाचा कॅन्सर होण्याची शक्यता १०० टक्के आढळली.

महिला आणि पुरुषांनी समप्रमाणात दारूचं सेवन केले तरी दोघांमध्ये विभिन्न परिणाम दिसून येतात, महिलांमध्ये पुरुषांपेक्षा अधिक चरबी असते ज्यामुळे अनेक प्रकारचे आजार शरीराला घेरून टाकतात.

अधिक मद्यापान केल्यामुळे महिलांच्या प्रसूतीवर परिणाम होतो. कोल्ड जेनसनने लिहिलेल्या पुस्तकात ‘डज मॉडरेट अल्कोहोल कंजेप्शन अफेट फर्टिलिटी’मध्ये शोधानुसार काही प्रमाणातील दारूचं सेवनदेखील महिलांच्या प्रजननशक्तीसाठी घातक ठरतं.

गर्भवती महिलांना दारूच्या सेवनामुळे अधिक त्रास होतो. प्रसूतीनंतर बाळाची मंदबुद्धी व अपंगत्वाबद्दल समजतं, परंतु प्रसूतीच्या अगोदर भ्रूण परीक्षणांच्या दरम्यान डॉक्टरांना अल्कोहोल रिलेट मल्टीपल कोजीनेटल अॅबनॉर्मलीचं खूपच संशोधन केल्यानंतरच समजू शकतं.

पाजणारं आणि त्यावर कमावणारं सरकार

भारतीय घटनेच्या कलम ४९ नुसार राज्याने आपल्या जनतेस पोषक अन्न आणि जीवनस्तर उंचावणं व जनस्वास्थ्यासारख्या सुधारणेला आपलं प्रारंभिक कर्तव्य समजावं आणि मादक पेय आणि नशेची औषधं, जी आरोग्यासाठी घातक आहेत त्यावर बंदी घालावी.

कायदा बनल्यानंतर अनेक राज्यांत दारूबंदी अधिक प्रमाणात झाली होती, परंतु काळाबरोबर मद्यनिषेधसंबंधी नीती व कार्यक्रमात हळूहळू शिथिलता आली. काही राज्यांमध्येच हा कायदा राहिला. आंध्र प्रदेशात दारूबंदी होती, परंतु लोक चोरीने शेजारच्या राज्यांतून मागवू लागले. परिणामी शेजारच्या राज्यांतून महसूल वाढू लागला. त्यामुळे दिवाळखोरी होताच दारूबंदी हटविण्यात आली. आता जरी गुजरातमध्ये दारूबंदी असली तरी, तिथलेच लोक अधिक दारू पितात.

खरंतर पूर्णपणे दारूबंदी लागू करण्याच्या मार्गात दोन गंभीर अडचणी आहेत. ती लागू करण्यात अडचणी आणि दारू पिण्याची तळमळ. परंतु ही गोष्ट कधीही नाकारू शकत नाही की दारूने सरकारला सर्वाधिक महसूल मिळतो. खरंतर पाणी, वीज यातूनदेखील महसूल मिळतो, परंतु जेवढ्या सहजतेने नशेचे कर वसूल केले जातात, तसे इतर केले जात नाहीत.

खरंतर फॅशन आणि आधुनिकता दाखविण्याच्या विविध पद्धती आहेत. फॅशन दाखविण्यासाठी गरजेचं नाहीए की दारूचे दोन घोट गळ्यातून उतरायला हवेत आणि वाईट सवयींचा स्वीकार करावा. प्रतिभा आणि व्यक्तिमत्त्व उजळल्यास नक्कीच तुम्हाला फॅशनेबल म्हणून मान्यता मिळेल.

डिझायनर ब्रोचने लुक खुलवा

* शैलेंद्र सिंह

प्रेमाच्या पार्टीत महिलांनी एकाहून एक उत्तम डिझायनर ड्रेस घातले होते. रेखा तिथे पोचल्यावर प्रत्येकाची नजर तिच्यावर खिळली होती. रेखाने ब्लॅक वेस्टर्न ट्राऊजरवर अतिशय ग्लॅमरस टॉप घातला होता. रेशमच्या सुंदर चमकत्या स्कार्फने टॉप जोडलेला होता. केसांना सोनेरी रंगही लावण्यात आला होता. या सर्वांमध्ये तिचा सुवर्ण ब्रोच खूप चांगला दिसत होता. एका आवाजात सर्व जणी म्हणाल्या की आजच्या पार्टीची राणी तर रेखा आहे.

खरं तर, रेखाला पार्टी क्वीन बनविण्यात सुंदर ब्रोचने सर्वात महत्वाची भूमिका बजावली, जो तिला इतरांपेक्षा खूप वेगळी बनवित होता.

प्रत्येक पार्टीत हिट ब्रोच

ब्रोचचा ट्रेंड नवीन नाही. साडीच्या पल्लूवर ब्रोच आधीही वापरला जात असे. साडीचा पल्लू इकडे-तिकडे होऊ नये म्हणून ब्रोचच्या मदतीने साडी उडण्यास रोकले जाई. फॅशनच्या बदलत्या शैलीमुळे ब्रोचचा वापर सलवार सूटवरदेखील होऊ लागला. सलवार-सुटवर घालण्यात येणाऱ्या दुप्पटयांना ब्रोचद्वारे रोकले जाई. यास लावल्याने सलवारसुट्समध्ये ट्रेंडी लुक येतो. आता तो पार्टीत घालण्यात येणाऱ्या वेस्टर्न ड्रेसमध्येही वापरला जात आहे. पूर्वी ब्रोचची रचना फारशी खास नव्हती. फॅशनच्या ट्रेंडसह याच्या डिझाईन्सदेखील बदलल्या. याच बदलाने ब्रोचला पुन्हा फॅशनच्या नव्या ट्रेंडवर आणले आहे.

फॅशन अँड ज्वेलरी डिझायनर नेहा दीप्ती म्हणतात की ब्रोच वापरुन साध्या फॅशनलाही ट्रेंडी लुक देता येईल. हे परिधान करणाऱचे व्यक्तिमत्वदेखील एका वेगळया प्रकारे सादर करते. बऱ्याच स्त्रिया ब्रोचला ज्वेलरी मानतात. त्यांना सोने, चांदी आणि डायमंडमध्येच यास बनविणे आवडते. हे खूप महाग असते. परंतु ज्यांना यावर जास्त खर्च करायचा नाही, त्या कृत्रिम ब्रोचचा म्हणजे अॅल्युमिनियम, पितळ, तांबे आणि स्टीलने बनवलेल्या ब्रोचचा वापर करतात.

विविध प्रकारचे ब्रोच

बदलत्या फॅशनच्या शैलीत स्थान मिळवल्यानंतर ब्रोचची शैलीदेखील बदलली आहे. आज बाजारात वेगवेगळया प्रकारचे ब्रोच उपलब्ध आहेत. यापैकी, सर्वात जास्त पसंत करण्यात येणाऱ्या डिझाईन्स म्हणजे बटरफ्लाय आणि फ्लॉवर शेप. काही फॅशनेबल महिलांना अॅनिमलशेपदेखील आवडतात. काही त्यांच्या आद्याक्षरांचे ब्रोचदेखील वापरतात.

बाजारात हँगिंग ब्रोचदेखील खूप विकले जातात. आपल्या ड्रेसशी जुळणारा ब्रोच घालण्यासाठी महिलांनी फॅब्रिकपासून बनविलेला ब्रोचसुद्धा घालायला सुरुवात केली आहे. त्यांची खास गोष्ट म्हणजे ते ड्रेसशी जुळतात. फॅशनमध्ये ही अँटिक लुक देणाऱ्या महिलांना अँटीक ब्रोच खूप आवडतात. त्यांना सजवण्यासाठी स्टोन्सचा वापर केला जातो. ते खूप रंगीबेरंगीदेखील असतात.

याशिवाय लाकूड, प्लास्टिक आणि मोतींपासून बनवलेले ब्रोचसुद्धा चांगले दिसतात. ब्रोचचे मार्केट खूप मोठे आहे. सर्व प्रकारच्या पोशाखांवर घालण्यासाठी कमीतकमी किंमतीतही ब्रोच उपलब्ध आहेत. ही किंमत २०० ते १,२०० रुपयांपर्यंत असू शकते. चांदी, सोने व प्लॅटिनमचे बनलेले ब्रोचेस किंमतीत वेगवेगळे असतात. आजकाल सोन्याचे प्लेटेट ब्रोच जास्त पसंत केले जात आहेत.

एक ब्रोच खरेदी करताना आपण त्यास कोणत्या प्रकारच्या ड्रेसबरोबर घालायचे आहे याची खूप काळजी घेतली पाहिजे. कधीकधी मोठा आणि भडक दिसणारा ब्रोच चांगला दिसत नाही.

ब्रोच खरेदी करताना हेदेखील पाहिले पाहिजे की तो असा असावा, ज्यामध्ये कापड अडकणार नाही. मोती आणि स्टोन्सचे ब्रोचेस खरेदी करताना, ते बाहेर पडणारे नसावेत हे पहा, कारण अधिक स्टोन्स आणि मोती असलेल्या ब्रोचेसमध्ये त्यांचे बाहेर पडण्याचा धोका जास्त असतो.

अनलिमिटेड कहानियां-आर्टिकल पढ़ने के लिएसब्सक्राइब करें