‘कुसुम’ सोनी मराठी वाहिनीवर!

*सोमा घोष

सोनी मराठी वाहिनीवर ‘कुसुम’ ही नवी मालिका प्रेक्षकांच्या भेटीला येते आहे. नुकताच त्याचा प्रोमो पाहायला मिळाला. महाराष्ट्राची लाडकी अभिनेत्री शिवानी बावकर या मालिकेत मुख्य भूमिकेत दिसणार आहे. शिवानी ही प्रसिद्ध अभिनेत्री असून आपल्या ‘शीतली’ या व्यक्तिरेखेमुळे ती महाराष्ट्राच्या घराघरांत ओळखली जाते. सासर आणि महेर अशा दोन्ही जबाबदाऱ्या पार पाडणाऱ्या मुलीच्या भूमिकेत शिवानी दिसणार आहे.

लोकलमध्ये तिची मैत्रीण तिला संध्याकाळी मिसळ पार्टी करण्याबद्दल विचारते, तेव्हा ‘बाबांना दवाखान्यात घेऊन जायचं आहे’, असं सांगते. त्यावर ‘अजूनही तूच करतेस त्या घरचं?’ असं तिची मैत्रीण विचारते. त्यावर कुसुम तिला विचारते की, ‘सासर जोडायला माहेरची नाळ तोडायची गरज आहे का? ‘सर्वच मुलींच्या मनातला प्रश्न तिनी यात बोलून दाखवला आहे. आणि म्हणूनच कुसुम तुमच्या-आमच्यातली  वाटते.

ही मालिका लवकरच प्रेक्षकांच्या भेटीला येणार आहे.

 

हास्यजत्रेच्या मंचावर कॉमेडी किंग जॉनी लीवर

*प्रतिनिधी

‘महाराष्ट्राची हास्यजत्रा’ हा सगळ्यांचा लाडका कार्यक्रम १८ जुलैपासून, दर रविवारी रात्री ८ ते १० असा २ तासांची ‘रविवारची हास्यजत्रा’ या नावाने  प्रेक्षकांच्या भेटीला येणार आहे. या कार्यक्रमाने प्रेक्षकांच्या मनाला गारुड घातलं केलं आहे. प्रेक्षकांचं अधिकाधिक मनोरंजन व्हावं यासाठी आता रविवारी २ तास हास्यजत्रा पाहायला मिळणार आहे. १८ जुलैला ‘रविवारची हास्यजत्रा’च्या भागात कॉमेडी किंग दस्तुरखुद्द जॉनी लीवर येणार आहेत. जॉनी लिव्हर यांना नम्रता साकारत असलेलं लॉली हे पात्र अतिशय आवडतं आणि त्या पात्रासाठी त्यांनी नम्रताचं कौतुकही केलं. कॉमेडी किंग येणार आणि मंचावर येणार नाहीत असं कसं शक्य आहे. या भागात हास्याच्या मंचावर कॉमेडी किंग जॉनी लिव्हर यांची झलक प्रेक्षकांना पाहायला मिळेल. सर्व स्किट्स पाहून त्यांना अतिशय आनंद झाला आणि एवढंच नाही तर त्यांनी सर्व कलाकारांचं आणि हास्यजत्रेचं तोंडभर कौतुक केलं.

प्रेक्षकांना या भागात भरपूर धमाल, मस्ती आणि मनोरंजन यांनी ठासून भरलेली  स्किट्स पाहायला मिळणार आहेत. पाहा, ‘रविवारची हास्यजत्रा’ १८ जुलैपासून दर रविवारी रात्री ८ वा.

मुख्यमंत्री उद्धव ठाकरे यांच्याकडून महाराष्ट्राची हास्यजत्राच्या टिमचे कौतुक

* सोमा घोष

‘रोजच्या जगण्यातला विनोद हा निराशा दूर करून सकारात्मकता निर्माण करतो. कोविडनंतर दाटणारी निराशा दूर करण्याचे काम ‘हास्यजत्रा’ची टिम करत आहे. तुम्ही नेमक्यावेळी ज्या गोष्टीची जास्त गरज आहे, ते काम करत आहात, अशा शब्दांत मुख्यमंत्री उद्धव ठाकरे यांनी ज्येष्ठ रंगकर्मी अशोक मुळ्ये यांच्या ‘माझा पुरस्कार’ विजेत्यांचे आज येथे कौतुक केले.

अशोक मुळ्ये यांच्या “माझा पुरस्कार’ उपक्रमाचे हे बारावे वर्ष होते. यंदाच्या या पुरस्कारांसाठी सोनी मराठी निर्मित ‘महाराष्ट्राची हास्यजत्रा’मधील कलाकारांची निवड करण्यात आली. या सर्वांना मुख्यमंत्री श्री. ठाकरे यांच्या हस्ते पुरस्कारांचे वितरण वर्षा निवासस्थानी करण्यात आले. यावेळी पर्यावरण, पर्यटन व राजशिष्टाचारमंत्री आदित्य ठाकरे, सिध्दीविनायक मंदिर ट्रस्टचे अध्यक्ष आदेश बांदेकर उपस्थित होते.

सनदी लेखापाल परीक्षेत देशात गुणवत्ता यादीत स्थान पटकावणाऱ्या अभिजित ताम्हणकर यांचाही मुख्यमंत्र्यांच्या हस्ते सत्कार करण्यात आला. या सोहळ्यास सोनी मराठी वाहिनीचे बिझनेस हेड अजय भाळवणकर, नॉन फिक्शन हेड अमित फाळके, निर्माता दिग्दर्शक प्रसाद ओक, अभिनेत्री प्राजक्ता माळी यांच्यासह हास्यजत्राच्या टिमधील वनिता खरात, दत्तात्रय मोरे, अमीर हडकर, चेतना भट, शिवाली परब, पृथ्वीक कांबळे, ओंकार राऊत, ओंकार भोजणे, पंढरीनाथ कांबळे आदी उपस्थित होते.

मुख्यमंत्री श्री. ठाकरे म्हणाले, तुम्ही मंडळी कोणते काम करता, त्याचे परिणाम काय होतात, हे महत्वाचे ठरते. संकटाचा काळ संपून गेल्यावर, मागे वळून पाहताना त्या कामाचे महत्व कळते. आता कोविडच्या संकटात दुसरी लाट ओसरतेय. तिसरी लाट येईल याची भिती आहे. दररोजच आम्ही त्याचा विचार करतो. निर्बंध कुणालाच आवडत नाही. पण निर्बंध, नियमावली यामुळे आणि आजारानंतर अनेकांना निराशा ग्रासते. त्यावेळी विनोदाचे महत्व पटते. यंत्राने आवाज करू नये. ते व्यवस्थित चालावे म्हणून वंगण घालतो. त्याचप्रमाणे आपल्या रोजच्या जगण्यात विनोद हे वंगणाचे काम करते. विनोद निर्मितीचे मोठे काम विनोदी लेखक, कलाकार करतात. सातत्याने हसविणे हे कठीण काम असते. नवनवीन सुचत राहणे अवघड असते. पण हे मोठे काम हास्य जत्राची टीम करते आहे. चांगले काम करणारे कलावंत आणि मनोरंजन क्षेत्राला नेहमीच पाठबळ दिले जाईल, असेही मुख्यमंत्री श्री. ठाकरे यांनी सांगितले.

कार्यक्रमात मुख्यमंत्री श्री. ठाकरे यांच्या हस्ते लेखक सचिन मोटे, निर्माता दिग्दर्शक सचिन गोस्वामी, लेखक-अभिनेते समीर चौगुले, अभिनेते प्रसाद खांडेकर, विशाखा सुभेदार, गौरव मोरे, नम्रता संभेराव यांना पुरस्कार प्रदान करण्यात आले.

 ‘कोण होणार करोडपती’

*सोमा घोष

‘कोण होणार करोडपती’ पाहताना घरबसल्या लखपती होण्याची सधी- प्ले अलॉंगवर ‘कोण होणार करोडपती’ खेळा, १२ जुलैपासून…

‘कोण होणार करोडपती’ हा कार्यक्रम घराघरांत आवडीने पाहिला जातो. हा कार्यक्रम बघताना प्रत्येकाला असं वाटत की, मी जर हॉटसीटवर असतो/असते, तर एवढी रक्कम  नक्कीच जिंकली असती.

आता अशीच एक संधी सोनी मराठी वाहिनी आपल्या  प्रेक्षकांसाठी घेऊन आली आहे. १२ जुलैपासून ‘कोण होणार करोडपती’ हा कार्यक्रम  सोम.शनि., रात्री ९ वा. सोनी मराठी वाहिनीवर सुरू होणार आहे.

हा कार्यक्रम पाहताना  प्रेक्षक आता घरबसल्या १ लाख रुपये जिंकू शकतात. सोनी लिव्ह या ॲपवर सोम.-शनि., रात्री ९ वा. ‘कोण होणार करोडपती’

पाहता टीव्हीवर विचारलेल्या प्रश्नांची अचूक उत्तरं प्ले अलॉंगवर देऊन प्रेक्षक जिंकू  शकतात १ लाख रुपये आणि हे जिंकायला एकच गोष्ट तुम्हांला मदत करू शकते, ते  म्हणजे तुमचं ज्ञान! कुठेही न जाता, घरात बसून प्रेक्षक  या खेळात निवांत सहभागी  होऊन, लखपती होऊ शकतात.

या कार्यक्रमाचं ब्रीद वाक्यच आहे की, ‘आता फक्त ज्ञानाची साथ’ आणि आता तुमच्या ज्ञानामुळे तुम्ही खरंच लखपती होऊ  शकता!

पाहा, ‘कोण होणार करोडपती’,

सोम.-शनि., १२ जुलैपासून  रात्री ९ वा. सोनी मराठी वाहिनीवर.

फिल्म लूप लपेटाचे पोस्टर शूट केले

*सोमा घोष

तनुज गर्ग आणि सोनी पिक्चर्ससह लूप लपेटाच्या निर्मात्यांपैकी एक असलेल्या फोटोग्राफर अतुल कसबेकर यांनी काल मुंबई मध्ये फिल्म लूप लपेटाचे पोस्टर शूट केले आणि हा त्यांच्या कारकीर्दीमधील 200 वा चित्रपट आहे ज्याच्या पब्लिसिटी कँपैनचा शूट त्यांनी केलं. विशेष बाब म्हणजे ह्या चित्रपटाचे ते प्रोडूसरही आहेत आणि आपल्याच चित्रपटाच्या पोस्टर शूटने त्यांनी 2 शतक पूर्ण केले.

फॅशनच्या दुनियेत नामांकित असूनही चित्रपटाचे पोस्टर शूटिंग करणे हा त्याचा दुसरा छंद आहे.

अतुल कसबेकर म्हणतात, “कॅमेरा हे माझं पहिलं प्रेम आहे आणि चित्रपटाच्या निर्माता या नात्याने मला ह्या चित्रपटाच्या पब्लिसिटी कँपैनमध्येदेखील तो विजन शेप देण्याची परवानगी मिळाली. मी 3 दशकांहून अधिक काळ चित्रपटांच्या मोहिमेचे शूटिंग करत आहे आणि हा चित्रपट खरोखरच विशेष आहे.

२०२२ मधील ‘लूप लपेटा’ हा बहुप्रतिक्षित बॉलिवूड चित्रपटांपैकी एक आहे. टीझरच्या घोषणेच्या वेळी बरीच चर्चा रंगली होती आणि आता पोस्टर पाहण्याची उत्सुकता आहे ज्याचे रविवारी मुंबई मध्ये एका फिल्म स्टुडिओमध्ये शूट झाले.

सोनी पिक्चर्स फिल्म्स इंडिया, एलिसिस एंटरटेनमेंट आणि आयुष माहेश्वरी निर्मित ‘लूप लपेटा’ हा चित्रपट यावर्षी रिलीज होणार आहे.

अभिनेता स्वप्नील जोशी व सामाजिक कार्यकर्ते मॉरिस नोरोनहा यांनी जपली सामाजिक बांधिलकी

*सोमा घोष

भारतात कोरोना व्हायरसचे प्रमाण वाढले असल्यामुळे बऱ्याच सिनेमांचे-मालिकांचे चित्रीकरण थांबले. त्यामुळे या क्षेत्रात स्पॉटबॉय म्हणून कार्यरत असणाऱ्या लोकांना अभिनेता स्वप्नील जोशी व सामाजिक कार्यकर्ते मॉरिस नरोन्हा या दोघांनी मिळून मदतीचा हात दिला आहे. स्वप्नील व मॉरिस यांनी मीडिया बझ या मीडिया कंपनीच्या साहाय्याने सिनेक्षेत्रात स्पॉटबॉयचे काम करणाऱ्या लोकांना शंभरहून अधिक रेशन किटचे वाटप केले आहे. मॉरिस नरोन्हा यांनी कोरोना काळात उत्तर मुंबईतील झोपडपट्टी भागातील गरजू लोकांना गॅस सिलिंडर, रेशन आणि इतर जीवनावश्यक वस्तूंचे वाटप केले आहे.

View this post on Instagram

A post shared by Mauris Noronha (@maurisbhai)

मॉरिस यांनी कोरोना काळात आतापर्यंत केलेल्या कार्याचे सर्व स्तरावरून कौतुक होते आहे. स्वप्नील व मॉरिस यांनी एक योजना आखून बोरिवली आणि दहिसर विभागातील झोपडपट्ट्यांमध्येही गरजूंना रेशन किटचे वाटप केले. कोरोना काळात गरजू व्यक्तींना मदत करण्याचे आवाहन स्वप्नीलने आपल्या चाहत्यांना केले आहे.

लेट्सअप आणि लेट्सफ्लिक्सच्या यशानंतर प्रसिद्ध उद्योजक आणि निर्माते नरेंद्र फिरोदिया यांचे यूट्यूबच्या विश्वात पदार्पण !

*प्रतिनिधी

गेल्यावर्षी जगभर पसरलेल्या व अजूनही तळ ठोकून बसलेल्या महामारीमुळे डिजिटल माध्यमांचा फायदा झाला. अनेक ओटीटी प्लॅटफॉर्म्सनी युट्युबसोबत हातमिळवणी केल्यामुळे दर्शकांची संख्या वाढल्याचे त्यांच्या लक्षात आले. डिजिटल माध्यमांची वाढत चालेली लोकप्रियता लक्षात घेऊन उद्योजक व निर्माते नरेंद्र फिरोदिया यांनी लेट्सअपच्या माध्यमातून खास रे युट्युब वाहिनीमधील प्रमुख भागभांडवल विकत घेतले आहेत. लेटसअप हे हायपर लोकल वर्नाक्युलर इंफोटेननमेंट एप्लिकेशन आंतरराष्ट्रीय, राष्ट्रीय, मनोरंजन व क्रीडाविषयक बातम्या पुरवण्याचे काम करते.

हे ऍप वेगवेगळ्या भाषेत प्रदर्शित करण्यात आले आहे. ह्या एप्लिकेशनला तीन दशलक्ष ग्राहकांनी सबस्क्राईब केले आहे. खास रे ही डिजिटल एंटरटेनमेंट कंपनी असून विविध विनोदी व्हिडीओ, गाणी त्यांच्या वाहिनीवरून प्रसिद्ध केली जातात. ट्रम्पतात्या, मुळशी पॅटर्न सिनेमाचा विडंबनात्मक ट्रेलर, जो बायडनवर आधारित मजेशीर व्हिडीओ हे या वाहिनीचे प्रसिद्ध व्हिडीओ आहेत.

या वाहिनीवर नुकतेच प्रदर्शित झालेले उसाचा रस या गाण्याला पाच लाख तर ब्राऊन मुंडे या पंजाबी गाण्यावर आधारित गावरान मुंडे गाण्याला आतापर्यंत तीस लाख लोकांनी पहिले आहे. त्यासोबतच ही वाहिनी बॉक्स ऑफिसवर प्रसिद्धी मिळवणाऱ्या मराठी सिनेमांचे प्रमोशनही करते.

सोलापूरमधील बार्शीच्या संजय श्रीधरने खास रे टीव्ही ची स्थापना केली. पुण्याला शिक्षण घेत असतानाच संजय वेडिंग फोटोग्राफी करण्यास सुरुवात केली आणि त्याचवेळी त्याची या माध्यमातील रुची वाढत गेली. त्यानंतर त्याने व्हिडीओ प्रॉडक्शनमध्ये संपूर्ण लक्ष घातले व महेश महामुनी, कृष्णा जानू या मित्रांसोबत मिळून खास रे टीव्हीची स्थापना केली.

या काळात संजय व त्याच्या टीमने खास रे टीव्हीची लोकप्रियता वाढवली. पाबलो शेठ थेट भेट व्हायरल नावाची वेब सीरिज हे त्यांचे काही ट्रेंडिग व्हिडीओ आहेत. प्रेक्षकांना खिळवून ठेवणारे अनोखे विषय त्यांनी हाताळल्यामुळे अनेक मराठी कलाकार त्यांच्याकडे आकर्षित झाले आहेत. एप्रिल २०१७ मध्ये सुरु झालेल्या खास रे टीव्हीने २०२१ मध्ये चार वर्षे यशस्वीरित्या पूर्ण केली.

काळानुसार युट्युब वाहिन्यांना बरीच लोकप्रियता मिळाली आहे आणि की, खास रे टीव्हीला इतर युट्युब वाहिन्यांप्रमाणे लोकप्रियता मिळवण्याची क्षमता आहे. प्रेक्षकांना चांगल्या दर्जाचे कंटेन्ट देण्याचा माझा मानस आहे. या गुंतवणुकीच्या माध्यमातून प्रेक्षकांना खिळवून ठेवणारे कंन्टेट निर्माण करण्यासाठी मी त्यांना चांगल्या सुविधा उपलब्ध करून देईन असे मत नरेंद्र फिरोदिया यांनी व्यक्त केले.

नरेंद्र फिरोदिया हे निरनिराळ्या क्षेत्रातील उपक्रमांचे संस्थापक असून त्यांना मनोरंजन क्षेत्र हे त्यांचे आवडीचे क्षेत्र आहे.

डबल्यूवायएन यांसारख्या संस्था स्टार्टअप ब्रँडसाठी काम करते तर द ब्रिज ही संस्था स्पोर्ट्सशी निगडित कन्टेन्ट बनवते. नरेंद्र फिरोदिया यांनी काही महिन्यांपूर्वीच लेटफ्लिक्स मराठी ह्या ओटीटी प्लॅटफॉर्मच्या प्रदर्शनाची घोषणा केली. ह्या प्लॅटफॉर्मच्या माध्यमातून नवीन प्रादेशिक सिनेमे, लघुपट, माहितीपट इत्यादी प्रदर्शित होणार आहेत. त्यांच्या ह्या नव्या उपक्रमातून त्यांचे मनोरंजन क्षेत्राविषयीचे प्रेम दिसून येते. फिरोदिया यांनी २०१२ साली अहमदनगर महाकरंडकच्या माध्यमातून मनोरंजन क्षेत्रात पाऊल ठेवले. सद्यस्थितीत अहमदनगर महाकरंडक ही महाराष्ट्रातील सर्वात मोठी एकांकिका स्पर्धा ठरली आहे.

खास रे टिव्ही ह्या पुढे वेब सिरीज, चित्रपट आणि अजून चांगले दर्जेदार कन्टेन्ट देण्यासाठी प्रयत्नशील राहणार आहे. नरेंद्र फिरोदिया यांचे मनोरंजन विश्वातील हे उपक्रम कोणते असतील हे पाहणे औसुक्याचे ठरेल.

‘तू सौभाग्यवती हो’ या मालिकेचे चित्रीकरण गोव्यात सुरू!

* सोमा घोष 

एप्रिल महिन्यात प्रेक्षकांच्या भेटीस आलेली सोनी मराठी वाहिनीवरील नवी  मालिका ‘तू सौभाग्यवती हो’ थोड्याच काळात प्रेक्षकांच्या पसंतीस उतरली. साधी, गावातली ऐश्वर्या आणि त्याच गावतले प्रस्थ असलेला सूर्यभान यांची ही गोष्ट आहे. ऐश्वर्या जाधवांची सून कशी होणार आहे आणि त्यापुढे कायकाय घडणार आहे, हे सर्व प्रेक्षकांना पाहायला मिळेल.

राज्यातील चित्रीकरणावर बंदी आल्यामुळे मालिकांचं चित्रीकरण थांबलं, पण ‘तू सौभाग्यवती हो’ या मालिकेचे नवे भाग प्रेक्षकांना आत्तापर्यंत पाहायला मिळाले आणि सिनेसृष्टीत ‘शो मस्ट गो ऑन’ असे म्हटले जाते, त्याप्रमाणे हे मनोरंजनअसेच अखंडित सुरू राहणार आहे. मनवा नाईकच्या स्ट्रॉबेरी प्रोडक्शन या संस्थेची निर्मिती असलेली मालिका ‘तू सौभाग्यवती हो’चा चमू आता गोव्याला पोचला असून मालिकेच्या पुढील भागांचे चित्रीकरण गोव्यात होईल.

पाहत राहा, ‘तू सौभाग्यवती हो’,

सोम.-शनि., संध्या. ७ वा. फक्त आपल्या सोनी मराठीवर.

अनलिमिटेड कहानियां-आर्टिकल पढ़ने के लिएसब्सक्राइब करें