*प्रतिनधी
मँगो रबडीचे श्रीखंड
साहित्य
* १ लिटर दूध
* पाव छोटा चमचा वेलची पूड
* पाव छोटा चमचा दूधात भिजवलेले केशर
* १ छोटा चमचा ताजे दही
* २ आंबे
* १ छोटा चमचा गुलाबाचे सरबत
* साखर आवडीनुसार.
कृती
कढईत दूध तोपर्यंत उकळा जोपर्यंत ते ४०० ग्रॅमपर्यंत आटत नाही. थंड झाल्यावर ते काचेच्या बाउलमध्ये काढून घ्या. त्याचे दही होण्यासाठी ठेवून द्या. दही मलमलच्या कापडात बांधून १ तास लटकवून ठेवा. आंबा कापून सोलून घ्या व मिक्सरमधून फिरवून घ्या. तयार दही रबडीमध्ये साखर, वेलची पूड, केशर, आंब्याचा गर आणि गुलाब सरबत घालून चमच्याने व्यवस्थित मिक्स करून घ्या. फ्रिजमध्ये थंड करून मँगो रबडीच्या श्रीखंडावर आंब्याचे छोटेछोटे तुकडे, केशर व वेलची पूड घालून सर्व्ह करा.
मँगो सॅण्डविच
साहित्य
* १ आंब्याचे तुकडे
* २०० ग्रॅम दूध
* ८ ब्रेडस्लाइस
* अर्धा छोटा चमचा वेलची पूड
* अर्धा छोटा चमचा दूधात भिजवलेले केशर
* १०० ग्रॅम तूप
* साखर आवडीनुसार.
कृती
दूध उकळून रबडी बनवून घ्या. ब्रेडस्लाइस वाटीने गोल कापून १ तास सुकवा. कढईत तूप गरम करून ब्रेडस्लाइस सोनेरी रंगावर तळून घ्या. आंब्याचे तुकडे मिक्सरमध्ये फिरवून घ्या. काचेच्या भांड्यात रबडी, आंब्याचा गर, साखर, थोडी वेलची पूड व थोडे केशर घालून मिश्रण करा. दोन ब्रेडस्लाइसवर मिश्रण लावून दुसरा ब्रेडस्लाइस मिश्रण लावलेल्या पहिल्या ब्रेडस्लाइसवर ठेवा. मँगो सॅण्डविचवर केशर आणि वेलची पूड घालून सर्व्ह करा.
