जुगजुग जियोच्या सेटवर वरुण धवन आणि अनिल कपूर

* प्रतिनधी

वरुण धवन आणि अनिल कपूर यांनी त्यांच्या आगामी चित्रपट जुगजुग जियोच्या शूटिंग दरम्यान एकमेकांसोबत खूप छान वेळ घालवला आहे, त्यामुळेच त्यांच्यात घनिष्ठ मैत्री असल्याचे दिसून येतेय. अनिल कपूरची कामाबद्दलची शिस्त पाहून वरुण धवनला त्यांच्याकडून प्रेरणा मिळाली आहे.  तर दुसरीकडे सेटवर वरुणचे कामाप्रती समर्पण आणि मेहनत बघून अनिल कपूर ही प्रभावित झाले आहेत. दोघेही एकमेकांची स्तुती करताना दिसत आहेत, त्यामुळे पहिल्यांदा काम करताना दोघांनी एकत्र खूप मजा केली असेल असा अंदाज बांधता येतो. मिळालेल्या माहिती नुसार, दोघेही भविष्यात एकमेकांसोबत काम करू इच्छितात आणि त्यासाठी एकमेकांची शिफारसही करत आहेत.

अनिल कपूर, नीतू कपूर, वरुण धवन आणि कियारा अडवाणी अभिनीत जुगजुग जियोचे दिग्दर्शन राज मेहता करत आहेत, त्यांनी अक्षय कुमार, करीना कपूर, कियारा अडवाणी आणि दिलजीत दोसांज अभिनित गुड न्यूज या ब्लॉकबस्टर चित्रपटाचेही दिग्दर्शन केले होते. जुगजुग जियो हा चित्रपट 24 जून 2022 रोजी सिनेमागृहात प्रदर्शित होणार आहे.