* पूजा
ऑयली त्वचा असलेल्या महिलांना अनेक प्रकारच्या समस्यांशी लढा द्यावा लागतो. त्वचेवर असलेले अतिरिक्त तेल चेहऱ्याला तेलकट बनवते, ज्यामुळे चेहऱ्यावर ब्लॅकहेड्स आणि मुरूम येण्याची भीती असते. पण आता ही भीती घरी बनवलेल्या फेसपॅक, जे घरगुती फेस पॅक या नावाने ओळखले जातात, त्याचा वापर करून नाहीसे केले जाऊ शकतात.
डॉ. दीपाली भारद्वाज, त्वचा रोग विशेषज्ज्ञ म्हणतात की ऑयली त्वचेमुळे त्रस्त अनेक महिला त्यांच्याकडे येतात, ज्यानी निरनिराळे क्रीम्स आणि इतर औषधोपचार घेतले आहेत. पण डॉ. दीपाली यांच्या मते घरगुती उपचारांपेक्षा कोणतीही उत्तम उपाय नाही आहे.
खालील घरगुती उपायांचा वापर तुम्ही ऑयली त्वचेच्या समस्यांपासून सुटका मिळवायला करू शकता.
1 केळ, मध आणि लिम्बाचा फेसपॅक
केळ तब्येतीसाठी उत्तम असते. शिवाय हे त्वचेवरील अतिरिक्त तेल काढण्यास मदत करते. केळासोबत मध आणि लिंबूसुद्धा अत्यंत गुणकारी असतात. तुम्ही तुमचा फेसपॅक बनवण्यासाठी बस एवढेच करायचे आहे की एक केळ कुस्करून त्यात १ चमचा मध आणि लिंबाचा रस मिसळून हे मिश्रण चेहऱ्यावर तोवर लावून ठेवा जोवर हे सुकत नाही.
2 पपई व लिंबाचा फेसपॅक
पपई एक असे फळ आहे, जे कुठेही अगदी सहज उपलब्ध असते. ऑयली त्वचेसाठी पपई एक अद्भूत पर्याय आहे. पपईचा फेसपॅक बनवण्यासाठी पपई चांगली कुस्करून त्यात लिंबाचा रस मिसळा आणि मग साधारण २० मिनिट चेहऱ्याला लावून ठेवल्यावर चेहरा थंड पाण्याने धुवा.
3 मुलतानी माती आणि गुलाबजल
ऑयली त्वचेसाठी मुलतानी माती एखाद्या वरदानापेक्षा कमी नाही. ही एकप्रकारची औषधी माती आहे. यात गुलाबजल मिसळून चेहऱ्यावर लावल्यास त्वचेवरून तेल नाहीसे होते आणि त्वचा मुलायम बनते.
4 कोरफड
कोरफड जशी पोटासाठी फायदेशीर असते तशीच ऑयली त्वचेसाठीसुद्धा खूपच उपयोगी असते. ऑयली त्वचेपासून सुटका मिळवायची असेल तर तुम्ही कोरफडीच्या गरात मध मिसळून ते मिश्रण चेहऱ्यावर लावा.
5 अंडे
अंडयात प्रथिने, जीवनसत्वे आणि निरनिराळी खनिजे याची मात्रा विपुल प्रमाणात असते, जी त्वचेला संपूर्णत: निरोगी ठेवणायचे काम करते. ऑईली त्वचेपासून सुटका मिळवण्यासाठी हा फेसपॅक अवश्य वापरून पहा. १ चमचा मधात अंडयातील पांढरा भाग मिसळून चेहऱ्यावर लावा.
