* गरिमा
असं म्हणतात की डोळे आपल्या मनातल्या गोष्टी दर्शवत असतात, पण बहुदा तुम्हाला हे ठाऊक नसेल की डोळे हे आपल्या आरोग्याचेही निदर्शक असतात. स्वस्थ आणि चमकदार डोळयांच्या तुलनेत थकलेले आणि डार्क सर्कल्सने वेढलेले डोळे हे तुमची चुकीची जीवनशैली आणि खराब आरोग्याचे संकेत देत असतात. त्याचबरोबर तुम्ही यामुळे वयस्कही दिसू लागता. मेकअप करून कितीही लपवायचा प्रयत्न केला तरी हे डार्क सर्कल्स लपत नाहीत.
डार्क सर्कल्स का उद्भवतात
डार्क सर्कल्स हे अनियमित जीवनशैली, हार्मोन्समधील बदल, आनुवंशिकता, तणाव इ. अनेक कारणांमुळे होऊ शकतात.
थकवा आणि तणाव : महिला आपल्या तब्येतीविषयी अगदीच बेपर्वाई बाळगत असतात. संपूर्ण दिवस त्या घरातल्या लोकांच्या फर्माईशी पूर्ण करण्याच्या मागे असतात. त्यांना स्वत:च्या खाण्यापिण्याची किंवा आराम करण्याचीही शुद्ध नसते. ऑफिसमध्ये जाणाऱ्या महिलांवर तर कामाचा दुहेरी ताण असतो. अशाप्रकारे तणाव, शारीरिक थकवा, अपूर्ण झोप त्यांच्या डोळयांभोवती डार्क सर्कल्सच्या स्वरूपात येऊ लागते.
आजार : अॅनिमिया, किडणीचा आजार, टीबी, टायफॉइड यांसारख्या आजारातही अशक्तपणामुळे डोळयांखाली डार्क सर्कल्स येऊ शकतात.
पाण्याची कमतरता : डिहायड्रेशनमुळे बहुतेकवेळा अशा प्रकारच्या समस्या उद्भवतात. पाणी कमी प्यायल्याने शरीरात ब्लड सक्युलेशन योग्य प्रकारे होत नाही, ज्यामुळे डोळयांखालील नसांपर्यंत पूर्ण रक्तप्रवाह पोहोचत नाही. परिणामी डार्क सर्कल्स तयार होतात.
व्यसन : धूम्रपान, मद्यपान, कॅफिन किंवा इतर कोणत्याही प्रकारचे व्यसन करण्याची सवय हे डार्क सर्कल्सचे कारण ठरू शकते.
पिगमेंटेशन : प्रखर उन्हात अधिक काळ राहिले तरी डार्क सर्कल्स होऊ शकतात.
मेकअप : डोळ्यांखालील त्वचा खूप पातळ आणि संवेदनशील असते. चूकीच्या मेकअप प्रोडक्ट्सचा वापर डार्क सर्कल्सला कारणीभूत ठरू शकतो.
सोडियम आणि पोटॅशियम यांचे वाढलेले प्रमाण : भोजनातील यांचे वाढलेले प्रमाण यामुळे डार्क सर्कल्स होऊ शकतात. बीन्स, पीनट बटर, योगर्ट, दूध, टॉमेटो, संत्री, बटाटे इ. मध्ये पोटॅशियम भरपूर प्रमाणात असते. जास्त मीठामुळेही शरीरात सोडियम वाढते.
अॅलर्जी निर्माण करणारे खाद्यपदार्थ : डार्क सर्कल्स हे एखाद्या खास खाद्यपदार्थामुळे झालेली अॅलर्जिक रिअॅक्शन किंवा सेन्सिटिव्हिटी याचा परिणामही असू शकतो. चॉकलेट, मटार, यीस्ट, आंबट फळे, साखर हे सामान्य अॅलर्जिक पदार्थ आहेत.
काय आहेत उपाय
संतुलित आणि पौष्टिक भोजन : प्रयत्न करा की तुमच्या आहारात व्हिटॅमिन आणि आयर्नयुक्त खाद्यपदार्थ पुरेशा प्रमाणात असले पाहिजेत. जसे, हिरव्या पालेभाज्या, शेंगभाज्या, मोसमी फळे, मासे अंडी इ. वगैरे.
झोप : तसे तर प्रत्येक व्यक्तिची झोपेची गरज वेगवेगळी असू शकते. पण तरीही एका युवा महिलेने दररोज ६-७ तास झोप घेणे जरुरी असते. रात्री लवकर झोपण्याचा आणि सकाळी लवकर उठण्याचा प्रयत्न करा.
डोळयांचे प्रखर उन्हापासून रक्षण करा : आपल्या डोळयांना अल्ट्राव्हायोलेट किरणांच्या संपर्कात येऊ देऊ नका. कधीही उन्हात जायचे झाल्यास डोळयांवर काळा चष्मा घालूनच जा.
व्हिटॅमिन सप्लिमेंट्स : व्हिटॅमिन बी १२, व्हिटॅमिन ए, के, ई किंवा डी, फॉलिक अॅसिड यांच्या कमतरतेमुळेही डार्क सर्कल्स होऊ शकतात. त्यामुळे डॉक्टरांच्या सल्ल्याने मल्टीव्हिटॅमिन आणि अन्य सप्लिमेंट्स घेऊ शकता.
भरपूर पाणी प्या : दिवसभरात ७-८ ग्लास पाणी अवश्य प्या. डिहायड्रेशन होऊ नये म्हणून ज्यूस, सूप आणि इतर पौष्टिक पेयपदार्थसुद्धा अधूनमधून घेत राहा.
दूध : दूध हे लॅक्टिक अॅसिड, अमिनो अॅसिड, एन्झाइम्स, प्रोटीन आणि इतर अनेक अँटिऑक्सिडंट्सच्या गुणांनी परिपूर्ण असते. त्यामुळे दिवसातून दोनदा दूध पिण्याची सवय करून घ्या.
कंसीलर : एका चांगल्या क्वालिटीच्या कंसीलरचा वापर करा जो त्वचेच्या टोनशी मिळताजुळता असेल. त्याच्या साहाय्याने डार्क सर्कल्स कव्हर करा. मग पावडर लावून सेट करून घ्या.
स्किन पॅच टेस्ट करा : ज्या उत्पादनांमुळे त्वचेची आग होणं, रॅश येणं, डोळयांत वेदना किंवा पाणी येणं असा त्रास होत असेल तर त्यांचा वापर त्वरित थांबवा.
