* अनुपमा गुप्ता
- ग्रीन स्पेगेटी
साहित्य
* १ कप शिजवलेली स्पेगेटी
* ३ मोठे चमचे कोथिंबीर
* १ हिरवी मिरची
* पाव कप शेंगदाणे
* १ लसूण पाकळी
* १ मोठा चमचा ऑलिव्ह ऑइल
* मीठ चवीप्रमाणे.
कृती
मिक्सरमध्ये कोथिंबीर, लसूण व भाजलेले शेंगदाणे आणि मिरची यांची जाडसर पेस्ट बनवा. कढईत तेल गरम करून त्यात ही पेस्ट टाका. मीठ व स्पेगटी घालून मिसळा व गरमगरम सर्व्ह करा.
- पास्ता विथ व्हाईट सॉस व्हेजिटेबल्स
साहित्य
* १ कप पास्ता
* ३ पातीचे कांदे
* अर्धा कप बीन्स
* १-१ मोठा चमचा लाल, पिवळी, हिरवी कापलेली सिमला मिरची
* २ मोठे चमचे मटार दाणे
* १ पाकळी लसूण
* २ मोठे चमचे फ्लॉवर
* १ कप दूध
* २ मोठे चमचे बटर
* १ मोठा चमचा ओट्सचे पीठ
* पाव लहान चमचा मिरपूड
* २ मोठे चमचे किसलेले चीज.
कृती
कढईत लोणी गरम करून त्यात लसूण व पातीचा कांदा परतून घ्या. मग त्यात सर्व भाज्या टाका व त्या थोडया शिजल्या की त्यात परत एक चमचा लोणी आणि ओट्सचे पीठ घालून भाजून घ्या. यात एक कप दूध घाला. हळूहळू ढवळत राहा व हे मिश्रण जरा घट्ट होऊ द्या. यात चीज व शिजलेला पास्ता टाका. मग मिर पूड टाकून गरम गरम सर्व्ह करा.
- पनीर नुडल्स सूप
साहित्य
* अर्धा कप आटा नुडल्स
* १-१ मोठा चमचा लाल, हिरव्या, पिवळया, सिमला मिरच्या कापलेल्या
* २ मोठे चमचे कापलेले गाजर
* १ पातीचा कांदा कापलेला
* २ उकडलेल्या टॉमॅटोची प्युरी
* १ कापलेली हिरवी मिरची
* २ मोठे चमचे पनीरचे बारीक तुकडे
* पाव लहान चमचा नुडल्स मसाला
* एक पाकळी कापलेला लसूण
* १ चमचा लोणी
* मीठ चवीनुसार.
कृती
कढईत लोणी गरम करून त्यात लसूण, पातीचा कांदा व सिमला मिरच्या परतून घ्या. यात गाजर, टोमॅटोची प्युरी, मीठ, हिरवी मिरची टाका, नुडल्स मसाला व दीड कप पाणी टाकून उकळू द्या. मग त्यात पनीरचे तुकडे व न्युडल्स टाका व गरमगरम सर्व्ह करा.
