* उपेंद्र भटनागर
उन्हाळ्यात सूर्याच्या अल्ट्राव्हायलेट किरणांपासून स्वत:चं संरक्षण करणं खूपच गरजेचं आहे. आता तर कामानिमित्ताने घराबाहेर पडावंच लागतं. अशामध्ये त्वचेवर प्रखर किरणांमुळे रॅशेज येतात. उन्हाचा परिणाम प्रामुख्याने चेहरा, मान आणि हातांवर होतो; कारण शरीराचा हा भाग कायम उघडा असतो. यांचं उन्हापासून संरक्षण करण्यासाठी तुम्ही कोणकोणत्या उपाययोजना करायला हव्यात ते जाणून घेऊया :
* छत्रीशिवाय घराबाहेर पडू नका तसंच चांगल्या ब्रॅण्डच्या साबणाने दिवसातून दोन वेळा अंघोळ करा.
* दिवसातून दोन वेळा सनब्लॉक क्रीमचा वापर करा. हे क्रीम यूव्ही किरणांपासून त्वचेचं संरक्षण करतं.
* सुती वस्त्रांचा वापर करा.
* सन ब्लॉक क्रीम विकत घेतेवेळी सनप्रोटेक्शन फॅक्टर म्हणजेच एसवीएफ पाहून घ्या.
कपड्यांची निवड
* कपडे नेहमी हलक्या रंगाचे वापरा. यामुळे गरम कमी होतं आणि व्यक्तिमत्त्वदेखील आकर्षक दिसतं.
* या दिवसात घट्ट कपडे वापरू नका. पॅण्ट वा स्कर्ट अथवा साडी गडद रंगाची असू शकते, परंतु कंबरेच्या वरचे कपडे हलक्या रंगाचे असावेत याची खास काळजी घ्या.
* नोकरदार असाल तर सुती कपडेच वापरा.
* शक्य असेल तर सिफॉन, क्रेप आणि जॉर्जेटचा अधिक वापर करा. मोठी फुलं असणारा तसंच पोल्का असलेले पेहरावदेखील या ऋतूत आरामदायी वाटतात.
* ग्रेसफुल दिसण्यासाठी कॉटनबरोबरच शिफॉनचादेखील वापर करू शकता.
* अजून एक फॅब्रिक आहे, लिनेन. याचा क्रिस्पीपणा याला खास बनवितो.
* कपड्यांचा राजा म्हणजे डेनिम. याचं प्रत्येक ऋतूमध्ये अनुकूल असणं हे याला खास बनवितं. परंतु या ऋतूमध्ये वापरलं जाणारं डेनिम पातळ असायला हवं. जाडं डेनिम हिवाळ्यात वापरायला हवं.
मेकअप
* जेलयुक्त फाउंडेशनचा वापर करा. यामुळे चेहरा चमकतो.
* गालांवर क्रीमयुक्त साधनांचा वापर करा. परंतु ते ग्रीसी नसावेत याची खास काळजी घ्या.
* या ऋतूत हलका गुलाबी वा जांभळ्या रंगाच्या वापराने सौंदर्य अधिक उजळतं.
* या ऋतूत चांदी आणि मोत्याचे दागिनेच घालावेत.
