– पारूल भटनागर
नेहा खूपच सुंदर होती व नेहमी युनिक स्टाईल परिधान करणे पसंत करायची, परंतु तरीदेखील तिच्या मैत्रिणी तिच्याजवळ जास्त वेळ बसणे टाळायच्या. ती मनातल्या मनात विचार करायची की मी तर सर्वांना आपल्याकडे आकर्षित करण्यासाठी नवनव्या स्टाईल परिधान करते, परंतु तरीदेखील सगळया माझ्यापासून पळ काढतात.
एक दिवस जेव्हा तिने वैतागून स्नेहाला याचे कारण विचारले, तेव्हा तिने म्हटले की तुझ्या शरीरातून खूप दुर्गंध येते, जी कोणीही सहन करणे अवघड आहे. त्यामुळे सगळेजण तुझ्यापासून दूर पळतात. तेव्हा कुठे नेहाच्या खरी समस्या लक्षात आली व तिने या समस्येच्या निराकरणाविषयी माहिती घेतली, जेणेकरून तिच्या शरीराची दुर्गंधी तिच्या व्यक्तिमत्त्वाचा प्रभाव कमी करणार नाही.
काय आहे शरीराची दुर्गंध
शरीराचे तापमान संतुलित राखण्यासाठी शरीरातून घाम बाहेर पडतो. तसं बघता घामासाठी अनेक गोष्टी कारणीभूत ठरतात. यात प्रमुख आहेत बॅक्टेरिया. यामुळेच नेहमी शरीरातून दुर्गंधी येते. बॅक्टेरिया अॅपोक्राईन ग्रंथीच्या उत्सर्जनातून विकसित होतात. हे अमिनो अॅसिडची निर्मिती करतात. परिणामी दुर्गंधीयुक्त गंध येतो.
दुर्गंध घालवण्यासाठीचे घरगुती उपाय
बेकिंग सोडा : हा त्वचेतून मॉईश्चर शोषून घेण्यासोबतच दुर्गंध दूर करतो. सोबतच हा बॅक्टेरिया नष्ट करून नैसर्गिक सुवासासारखे काम करतो.
कसे लावावे : एक चमचा बेकिंग सोडयामध्ये एक चमचा लिंबाचा रस मिसळून तो काख व त्या जागी लावा, जिथे जास्त घाम येतो. नंतर थोडयावेळाने पाण्याने धुवावे. असे काही आठवडयांपर्यंत रोज करावे.
अॅपल साइडर विनेगर : हा बॅक्टेरियाशी लढण्यासाठी अतिशय अॅक्टिव्ह इन्ग्रीडियंट आहे. सोबतच हा त्वचेचा पीएच बॅलन्स संतुलित ठेवून शरीराची दुर्गंधी कमी करण्याचे काम करतो.
कसे लावावे : अॅपल साइडर विनेगरमध्ये कापसाचा बोळा घालून तो काखेमध्ये चोळावा. नंतर दोन ते तीन मिनिटांनी धुवावे. असे रोज दोन वेळा करावे.
लिंबाचा रस : याचा अॅसिडिक गुणधर्म त्वचेच्या पीएच लेवलला कमी करतो, ज्यामुळे दुर्गंध निर्मिती करणारा बॅक्टेरिया वाढू शकत नाही.
कसे लावावे : लिंबू कापून त्याचा एक भाग काखेवर चांगला रगडावा व नंतर ते धुवावे. ही प्रक्रिया रोज तोपर्यंत करावी, जोपर्यंत दुर्गंधी निघून जात नाही.
रोजमेरी : यात सुगंधाचा नैसर्गिक गुण असल्याकारणाने हा दुर्गंधी निर्माण करणाऱ्या बॅक्टेरियाला नष्ट करण्याचे काम करतो.
कसे लावावे : चार कप गरम पाण्यात अर्धा कप वाळलेली रोज मेरीची पाने घालून दहा मिनिटे ठेवावे. नंतर हे पाण्यात घालून अंघोळ करावी. ही प्रक्रिया रोज केल्याने दुर्गंधी निघून जाईल.
टी ट्री ऑईल : टी ट्री ऑईलमध्ये अँटी बॅक्टेरियल गुणधर्म असल्याने हे त्वचेत असणाऱ्या बॅक्टेरियांना नष्ट करण्याचे काम करते.
कसे लावावे : दोन चमचे पाण्यात दोन थेंब ऑइल घालून काखेवर लावावे. तुम्ही या मिश्रणाला स्प्रे बॉटलमध्येदेखील भरून ठेवू शकता. यामुळे शरीराच्या दुर्गंधीपासून सुटका होते.
या गोष्टींचीदेखील विशेष काळजी घ्यावी
* जेव्हा तुम्ही शॉवर घ्याल, तेव्हा प्रयत्न करा की एक वेळेस कोमट पाण्यानेदेखील अंघोळ करावी, कारण हे आपल्या त्वचेत लपलेल्या बॅक्टेरियांना नष्ट करण्याचे काम करते.
* नॅचरल फायबरचे कपडे परिधान करावेत, कारण यात हवा खेळती राहते, ज्याने घाम साठत नाही.
* एका संशोधनानुसार लसूण, कढीलिंब वा अन्य मसाले तुमच्या घामाचा वास वाढवू शकतात. त्यामुळे मसालेदार न खाण्याचे पथ्य पाळावे.
* आपल्या काखेतील केस वेळोवेळी साफ करत रहावेत, कारण केस असल्याने घाम शोषण्याची प्रक्रिया मंदावते, ज्याने शरीरातून दुर्गंधी येते.
* रोज आपली काख अँटी बॅक्टेरियल साबणाने स्वच्छ करावी, कारण यामुळे बॅक्टेरियाच्या संख्येत घट होते व शरीरातून दुर्गंधी येत नाही.
* जेव्हा तुम्ही अंघोळ कराल, तेव्हा आपल्या शरीराला चांगल्या रीतीने पूसा, विशेषत: त्याजागी जिथे सर्वात जास्त घाम साठतो.
* उन्हाळयात जास्त घाम आल्याकारणाने कपडे लवकर ओले होतात, जे जास्त वेळ घातल्याने दुर्गंधी येऊ लागते. त्यामुळे ते बदलावेत.
* आवडीचा सुवास असणाऱ्या परफ्युम्सना आपल्या पर्सनॅलिटीचा भाग जरूर बनवा. यामुळे शरीराच्या दुर्गंधीपासून सुटका तर होईलच, तुम्हालाही ताजेतवाने वाटेल.
