* निशा रॉय
आजच्या काळात एका विश्वासू जोडीदाराची साथ मिळणे याचा अर्थ आहे की तुम्ही अतिशय नशीबवान आहात, कारण असा जोडीदार मिळणे विरळाच आहे ज्याच्यावर तुम्ही विश्वास ठेवू शकता. जर तुम्हाला विश्वासू जोडीदार मिळाला असेल तर तुम्ही त्याचा विश्वास कायम राखण्याचा प्रयत्न करा, जेणेकरून तो नेहमी तुमच्यासोबत राहिल. एका खऱ्या बॉयफ्रेंडचा अर्थ आहे की तो तुमची काळजी घेईल, या जाणून घेऊ की एखादा विशेष जोडीदार असल्यास तुमचे जीवन कसे आनंदी होते ते.
जो तुमची काळजी घेईल
जर तुमचा बॉयफ्रेंड चांगला आणि विश्वासू असेल तर तो तुमच्याबाबत नक्की विचार करेल आणि तुमची काळजी घेईल. जेव्हा तुम्ही प्रेमात असता, तेव्हा तुमचा जोडीदार तुम्हाला स्पेशल वागणूक देईल. तो तुमच्या भावनांचा विचार करेल, तुमच्या आईवडिलां व्यक्तिरिक्त फक्त तुमचा जोडीदारच तुम्हाला अशी जाणीव करून देतो की तुम्ही सगळयात वेगळया आहात. जोडीदारासोबत असताना तुम्हाला वाटेल की जणू तुमच्या आसपास असे कोणी आहे की ज्याच्या सहवासाने तुम्हाला कशाचीही काळजी करायची गरज नाही.
तो तुम्ही खास आहात याची जाणीव करून देतो
एक चांगला जोडीदार तुम्हाला नेहमी खुश ठेवायचा किंवा तुम्ही कायम आनंदी राहावं यासाठी प्रयत्न करतो. प्रत्येक लहानसहान प्रसंगात तुम्हाला सरप्राईज देऊन खुश करतो. मग भले तो तुमच्यापासून दूर असो की तुमच्या जवळ असो. तो कायम तुमच्यासाठी असे काही करण्याचा प्रयत्न करतो, ज्यामुळे तुम्ही खास आहात याची तुम्हाला जाणीव होईल.
तुमच्या प्रत्येक दु:खात तो तुमच्या पाठीशी असेल
एक सच्चा जोडीदार नेहमी तुमचा ताण, दु:ख आणि चिंता दूर करण्याचा आणि तुमची ओंजळ कायम सुखाने भरलेले राहिल असा प्रयत्न करतो. तुमच्या दु:खातसुद्धा तुम्हाला आनंदी ठेवण्याचा प्रयत्न करतो. ज्यामुळे तुम्ही तुमचे दु:ख विसरून जाल. मग यासाठी तो तुम्हाला एखादा जोक ऐकवतो किंवा तुम्हाला मिठी मारतो. जेव्हा कधी तुम्ही एखाद्या अडचणीत असाल तेव्हा तुमचा आधार बनून तुमच्यासोबत उभा राहिल. त्याच्यासोबत असताना तुम्ही प्रत्येक दु:ख आणि काळजी विसरता.
तुमच्याकडे विशेष लक्ष देतो
एक चांगला जोडीदार तुमच्यासोबत नेहमी असे काही क्षण व्यतित प्रयत्न करतो, जे तुमच्यासाठी अविस्मरणीय ठरतील. नेहमी तुम्हाला उत्तोमत्तम ठिकाणी फिरायला नेऊन तुम्हाला खास जाणीव करून देतो.
यासोबतच भविष्याबाबतसुद्धा विचार करेल
एक चांगला आणि विश्वासू जोडीदार नेहमी भविष्याबाबत योजना आखेल. प्रत्येक अशा गोष्टीशी संघर्ष करेल, जी तुम्हाला त्याच्यापासून वेगळे करायचा प्रयत्न करत करेल.
