* इशिका तनेजा
झगमगत्या दिवाळी संध्येत जर आपले रूपही सामील झाले, तर त्याची मजाच काही और… इथे सादर आहेत, मेकअपच्या काही अशा टीप्स ज्या आपला दिवाळी लुक अधिक उजळवतील :
ट्रेडिशनल लुक
पारंपरिक शृंगार प्रत्येकालाच आवडतो. तुम्हालाही जर ट्रेडिशनल लुक धारण करू इच्छित असाल, तर पेहरावामध्ये घागरा-चोळी, साडी किंवा सलवार-सूटची निवड करा.
* अशा प्रकारच्या मेकअपसाठी सर्वप्रथम चेहऱ्यावर बेस म्हणून सुफल्याचा वापर करा. हा लावताच पावडर फॉर्ममध्ये बदलतो आणि चेहऱ्याला मॅट लुक देतो. परंतु जर आपली स्किन ड्राय असेल, तर आपण फाउंडेशन म्हणून टिंटिड मॉइश्चरायजरचा वापर करू शकता. त्यामुळे आपली स्किन सॉफ्ट होईल आणि त्वचाही ग्लो करू लागेल. त्यानंतर गालांना पिंक किंवा पीच कलरचे ब्लशऑन लावा.
* डोळयांच्या मेकअपसाठी ड्रेसला मॅचिंग आयशॅडो लावा. आयशॅडो आयलीडवर खालून वर लाइट टोन देत लावा. मात्र, साइड कॉर्नर्सला हलकेच डार्क आयशॅडो लावा. जर तुम्ही मल्टिशेड लेहंगा, साडी किंवा सूट घालणार असाल, तर एकाच रंगाचा आयशॅडो लावा आणि दुसऱ्या कलरचा लायनर लावा.
* पापण्यांना दाट लुक देण्यासाठी आर्टिफिशियल लॅशेजचा वापर करू शकता. यासाठी आधी पापण्यांना कर्लरने कर्ल करा. मग लाँग लॅश मस्काऱ्याचा कोट लावा. फिनिश करण्यासाठी वॉटर लाइनवर काजळ जरूर लावा.
* एथनिक पेहरावाला कंप्लीट लुक देण्यासाठी कपाळावर स्टड किंवा स्वरोस्कीजडीत बिंदी लावू शकता. आपल्या चेहऱ्याच्या सौंदर्याबरोबरच लोक आपल्या हातांच्या सौंदर्यावरही मोहीत होण्यासाठी आपण नखांवर ३डी नेलआर्ट करू शकता.
* लिपस्टिक आपल्या ड्रेसला मॅचिंग, परंतु थोडी डार्क लावा. उदा. प्लम, चेरी, हॉट पिंक, फ्युशिया इ. तुम्हाला ओठांना परफेक्ट शेप द्यायचा असेल तर लिपस्टिकला मॅच करणाऱ्या लिपलाइनरने ओठांच्या कमी-जास्त शेपची निवड करू शकता.
हेअरस्टाईल
फटाक्यांचा आनंद घेताना आपण केसांना मोकळे सोडण्याऐवजी त्यांना स्टायलिश पद्धतीने बांधणे उत्तम. सध्याच्या काळात ब्रेड्स फॅशनमध्ये आहेत. अशा वेळी समोरून स्टायलिंग करण्यासाठी आपण केसांचे ब्रेड्स बनवून त्यांना मागे मागे आणत बन बनवू शकता किंवा मग मागील केसांची साइड वेणी घालू शकता. स्वरोस्कीजडीत हेअर एक्सेसरीज आपले रूप अजून खुलवेल. अशा वेळी वेणी किंवा बनला सजविण्यासाठी आपण याचा उत्तमप्रकारे वापर करू शकता.
इंडोवेस्टर्न फ्यूजन लुक
जर आपल्याला दिवाळीच्या दिवसांत इंडोवेस्टर्न फ्यूजनच्या रूपात सजायचे असेल तर मेकअपही मिक्स स्वरूपात करा. मेकअपपूर्वी फेस क्लीन जरूर करा. त्यानंतर एखाद्या चांगल्या मॉइश्चरायजरने चेहऱ्याचा मसाज करा. सावळया रंगाच्या महिलांनी बेस बनविण्यासाठी आपल्या रंगाहून एक शेड हलकेच फाउंडेशन लावा आणि गोऱ्या त्वचेसाठी फाउंडेशन किंवा बेसची निवड आपल्या त्वचेच्या रंगानुसार करा. डार्क कॉम्प्लेक्शनवर पीच आणि पिची ब्राउन रंगाचे ब्लशऑन करू शकता. गोऱ्या रंगावर रेडीश ब्राउन आणि पिंक कलरचा हलका डार्क ब्लशर लावू शकता.
* मिक्स फ्यूजनमध्ये आपल्या डोळयांना स्मोकी लुक देऊन आकर्षक करू शकता. अशा लुकसाठी आयलीडवर ग्रेइश ब्लॅक किंवा ब्लू कलरचा आयशॅडो लावा. डोळयांना हायलाइट करण्यासाठी सिल्व्हर कलरचा हायलाइटर लावू शकता. डोळयांच्या वरील व खालील भागावर बोल्ड लायनर लावा. स्मोकी लुक अजून आकर्षक करण्यासाठी आर्टिफिशिअल आयलॅशेजचा वापर करू शकता.
* इंडोवेस्टर्न लुकबरोबर पारंपरिक ज्वेलरी वापरण्याऐवजी मनगट, दंड, नाभी, मान व शरीराच्या अन्य मोकळया भागांवर फँटसी मेकअप करू शकता. नखांवर आपल्या ड्रेसला मॅच होणारी डिझाइन बनवा किंवा मग पाना-फुलांच्या डिझाइनही बनवू शकता.
* जर आपल्याला बिंदी लावायची इच्छा असेल तर स्वरोस्कीची एक लांबट लाइन आपल्या कपाळावर लावू शकता. अर्थात, डोळयांना व्हायब्रेंट स्मोकी लुक दिला असेल तर लिप्सवर लाइट शेडची लिपस्टिक किंवा लिपग्लॉस लावू शकता.
जर केस मोकळे सोडायचे असतील तर फ्रंटला कर्ल करून ते मोकळे ठेवू शकता किंवा मग हायबन बनवून स्टायलिश हेअर एक्सेसरीजने सजवू शकता. सर्वप्रथम क्राउन एरियातून मागच्या बाजूला जात केसांना तीन भागांत विभागा आणि मग तीन फ्रेंच वेण्या बनवा. या तिन्ही वेण्या मानेपर्यंत घातल्यानंतर सर्व वेण्यांचे केस एकत्र करून खजुरी वेणी घाला.
त्यानंतर लेफ्ट साइडच्या केसांमधून पातळशी लेअर घ्या आणि राइटच्या केसांत मिसळा. अशाच प्रकारे राइट साइडच्या केसांमधून पातळशी लेअर घ्या आणि लेफ्टच्या केसांत मिसळा. या दोन्ही स्टेप्स आलटून-पालटून करत राहा. आपली खजुरी वेणी तयार होईल. अशा प्रकारच्या वेणीमुळे आपला इंडोवेस्टर्न पेहराव आणखी खुलून दिसेल.
