ब्यूटि एक्सपर्ट इशिका तनेजा द्वारा
मी माझ्या केसांच्या कलरसाठी पावसाळ्यात काय काळजी घेऊ?
जर केस पावसात भिजले असतील तर धुवून ताबडतोब केस कोरडे करा, कारण पावसाचे पाणी प्रदूषणयुक्त असते. ज्यामुळे कलर आणि केस दोन्ही खराब होऊ शकतात. केस धुण्यासाठी कलरसेव्ह शॅम्पू आणि कंडिशनरचा वापर करा. म्हणजे केसांचा कलर जास्त काळपर्यंत टिकू शकेल. केस धुतल्यानंतर त्यांना सीरम जरूर लावावे. असं केल्याने क्युटिकल्स बंद होतील, तसेच केस सॉफ्ट व सिल्कीसुद्धा होतील. तसेच सीरमच्या वापरामुळे कलरलासुद्धा चमक येईल. पावसाळ्यात हवेत आर्द्रता असल्याने केसांचे क्युटिकल्स उघडत असतात. त्यामुळे डॅमेज होण्याची शक्यता वाढते. केसांना डॅमेजपासून वाचवण्यासाठी एखाद्या कॉस्मेटिक क्लिनिकमधून कलर्ड हेअरस्पा करवून घेत जा. याबरोबरच स्टाइलिंग करत असताना केसांना अॅन्टीह्यूमिडिटी प्रॉडक्टचा वापर करावा. यामुळे केसांचे बाहेरच्या ओलाव्यापासून रक्षण होईल. ज्यामुळे कलर सुरक्षित राहिल. तसेच हेअरस्टाइलही जास्त वेळ टिकून राहिल.
माझे वय ३६ वर्षं आहे. माझ्या मानेवर सुरकुत्या दिसू लागल्या आहेत. गळ्याच्या व चेहऱ्याच्या रंगातही खूपच फरक दिसतो. कृपया काही उपाय सुचवा.
जर त्वचेला पोषण मिळाले नाही तर सुरकुत्या येऊ शकतात. यासाठी चेहऱ्याच्याबरोबरीनेच मानेलाही नरिशमेट द्या. रात्री झोपण्याआधी एएचए क्रिमने चेहऱ्याचा व मानेचा मसाज करावा. रोज सकाळी अंघोळीआधी व्हिटामिन ई तेलाचे काही थेंब आणि दोन चमचे ऑलिव्ह ऑईल मिसळून मानेवर लावावे. १५ ते २० मिनिटांनी थंड पाण्याने धुऊन घ्या. क्लिनिकल ट्रिटमेंटच्या रूपात लेजरच्या सिटिंग्ज व कोलोजन मास्कही लावू शकता. जेव्हा फेशिअल करून घ्याल तेव्हा मानेचा मसाजही करून घ्या. मानेचा रंग उजळावा म्हणून कच्च्या पपईची फोड मानेला चोळावी.
मी प्रायव्हेट जॉब करते. त्वचेची चमक वाढवण्यासाठी रोज बॉडी पॉलिशिंग करून घेऊ शकत नाही. असे काही उपाय सांगा, ज्यामुळे माझी त्वचा चमकदार दिसू शकेल.
पार्लरमध्ये जाऊन रोज कोणीच बॉडी पॉलिशिंग करून घेऊ शकत नाही. पण त्वचेचा चमकदारपणा टिकावा म्हणून तुम्ही घरीसुद्धा त्वचेची काळजी घेऊ शकता. यासाठी दिवसाआड बॉडी स्क्रब करू शकता. यासाठी चोकरमध्ये साय व चिमूटभर हळद घालून पूर्ण शरीरावर लावून नंतर हलक्या हाताने चोळून पाण्याने धुवून घ्या. याबरोबरच रोज अंघोळीपूर्वी पूर्ण शरीराला ऑलिव्ह ऑइलने मसाज करावा. याशिवाय दिवसातून १० ते १२ ग्लास पाणी जरूर प्यावे. तसेच प्रथिनयुक्त आहार घ्यावा.
मी २० वर्षांची आहे. मला खूप घाम येतो. ज्यामुळे दुर्गंधीही येते. त्यामुळे खूपच लाजिरवाणे वाटते. दिवसातून २-३ वेळा कपडे बदलावे लागतात. एखादे हर्बल लोशन किंवा काही उपाय सुचवा.
घामाच्या समस्येपासून वाचण्यासाठी होमिओपॅथिक ट्रीटमेंट घेऊ शकता. याशिवाय शरीरावर मुलतानी मातीचा पॅकही लावू शकता. असे केल्याने त्वचेची रंध्र होतील व घाम येणार नाही. रोज रात्री अंघोळीच्या पाण्यात लिंबाचे साल घालून ठेवावे. सकाळी त्या पाण्याने अंघोळ करावी. असे केल्याने पूर्ण दिवसभर ताजेतवाने वाटत राहिल.
मेकअप अॅप्लीकेशनसाठी योग्य पर्याय काय आह बोट की ब्रश. यामुळे फिनिशिंगमध्ये काही फरक पडतो का?
बोट आणि ब्रश दोघांचीही आपापली अशी वेगळी कार्य आहेत. जेव्हा चेहऱ्यावर तुम्ही बोटाच्या सहाय्याने मेकअप करता, तेव्हा त्यातील हीटमुळे ते चेहऱ्यावर व्यवस्थित मर्ज होते आणि चेहऱ्याला फ्लालैस लुक मिळतो. तर ब्रशने चेहऱ्याच्या वेगवेगळ्या भागांना परफेक्शन दिले जाते. लिप ब्रशने ओठ, लाइनर ब्रशने डोळे, एअरब्रश इफेक्टने बेसला परफेक्ट ब्लेंड करून फ्लालैस लुक दिला जातो. बाहेर पडताना फक्त कॉटन किंवा शिफॉन फॅब्रिकचे फुलस्लिव्हज कपडे घालण्याचा प्रयत्न करा.
माझ्या हाताच्या नखांची मागील त्वचा निघत राहते ही माझी समस्या आहे. ज्यामुळे रक्त निघते व वेदनाही खूप होतात. बरे झाल्यानंतर तेथील त्वचा काळी पडते जे दिसायला खूपच वाईट दिसते. असे होऊ नये म्हणून उपाय सुचवा.
तुम्ही एखादी चांगल्या दर्जाची क्यूटिकल क्रिम किंवा ऑलिव्ह ऑईल कोमट करून आपली नखे व त्याच्या आसपास मसाज करावा. न्यूटिकल्स स्वत: काढू नयेत. एखाद्या पार्लरमध्ये जाऊन मेनीक्योर करून घ्यावे. तिथे तंज्ज्ञांकडून सोप्या पद्धतीने काढले जातील.
