प्रतिनिधी
सणसमारंभ म्हटलं की वस्तूंची देवाणघेवाण ही आलीच. भेटवस्तूंच्या देवाणघेवाणीमुळेच नात्यांमध्ये जवळीकता वाढते आणि आपुलकीची जाणीव होते. अशात तुम्ही तुमचं खास नातं म्हणजे आपल्या प्रिय पत्नीला कसं विसरू शकता बरं? भेटवस्तू तर तुम्ही अनेक दिल्या असतील पण या सणासुदीला आपल्या बेटर हाफला द्या अशा काही भेटवस्तू, ज्याने तुमचा सणसमांरभ प्रेमाच्या घट्ट नात्याने उजळून निघेल.
दागिने
लहानमोठ्या प्रसंगाला तुम्ही सोन्याचे दागिने तर आपल्या पत्नीला भेट म्हणून देतच असाल. पण यावेळेस तुम्ही व्हाइट गोल्ड, प्लॅटिनम, डायमंड किंवा पर्ल सेट भेट म्हणून द्या. यामुळे आपल्या ज्वेलरी कलेक्शनमध्ये नवीन प्रकारची स्टायलिश आणि ट्रेण्डी ज्वेलरी वाढल्याने तुमच्या लाइफ पार्टनरच्या चेहऱ्यावर एक वेगळाच आनंद उमलेल. आणि मग दागिने तर स्त्रियांची पहिली पसंत असतेच ना.
ट्रेडमिल
तुम्ही जर तुमच्या लाइफ पार्टनरला फिटनेस आणि हेल्थची भेट देऊ इच्छित असाल तर हा एक उत्तम पर्याय आहे. ट्रेडमिलवर वर्कआउट केल्याने त्यांना अनेक फायदे होतील. ट्रेडमिलवर वर्कआउट केल्याने स्ट्रेसपासून तर मुक्तता मिळतेच, ऑक्सिजनचं प्रमाणही वाढतं. ट्रेडमिलवर धावल्याने त्यांचं हृदयही स्वस्थ राहील. ट्रेडमिलवर वर्कआउट केल्याने घाम सुटतो, ज्यामुळे त्वचेचे पोर्स उघडतात आणि त्वचेतील टॉक्सिंस बाहेर निघून जातात. याने त्वचा चमकदार बनते. शरीरातील अधिक फॅट बर्न करण्यातही १०-१५ मिनिटांचा ट्रेडमिल वर्कआउट पुरेसा असतो. शिवाय वर्कआउट शरीराचा मॅटाबॉलिज्मही वाढवतो, ज्यामुळे तुमची पत्नी कायम ऐनर्जेटिक राहील.
ट्रेडमिल विकत घेताना लक्षात ठेवा :
* ते मोटराइज्ड असावं.
* बर्न होणारी कॅलरी त्याच्या मॉनिटरवर दिसावी.
* शॉकर सिस्टमची क्वालिटी चांगली असावी.
* स्टेबलायजर कनेक्टेड असावं जेणेकरून लाइट गेल्यावर ते एकदमच बंद होऊ नये.
* बेल्ट आणि बेल्टला मूव करणारा डेक चांगल्या मेटरियलचा असावा.
* साइड बार्स असावेत, जेणेकरून बॅलन्स बिघडल्यावर सपोर्ट मिळेल.
स्कूटी
तुम्ही तुमच्या पत्नीला स्कूटीचं युनीक गिफ्टही देऊ शकता. स्कूटीमुळे त्यांचा आत्मविश्वासच वाढणार नाही तर त्या आत्मनिर्भरही होतील. मुलांना शाळेत नेणंआणणं असो, ब्यूटी पार्लरला जाणं असो वा घरातील इतर कामं पूर्ण करायची असो. तुमचं हे युनिक गिफ्ट त्यांना खूप उपयोगी पडेल. आणि मग जेव्हा जेव्हा त्या स्कूटी वापरतील तेव्हा तेव्हा त्या मनोमन तुमचे आभारही मानतील.
वेइंग मशीन
तुम्हाला जर तुमची पत्नी स्लिमट्रिम आणि मॉडलसारखी दिसावी असं वाटत असेल तर तुम्ही त्यांना भेट द्या वेइंग मशीन. जेणेकरून त्याच्या वापराने त्या आपल्या वाढणाऱ्या किंवा कमी होणाऱ्या वजनावर लक्ष ठेवून स्लिमट्रिम राहातील. आता बाजारात ऑटो ऑन एण्ड ऑफ फॅसिलिटीच्या प्लास्टिक आणि ग्लास प्लेट फार्मच्या अनेक वेइंग मशीन्स मिळतात ज्यामध्ये एलईडी इंडिकेटर लाइट, मॅक्द्ब्रिमम वेट कॅपेसिटी डिजिटल, एलसिडी डिस्पले यांसारखी वैशिष्ट्ये आहेत. वापर करून वजनावर नियंत्रण ठेवलं जाऊ शकतं आणि बीएमआयचं निर्धारण करून डाएट प्लान बनवला जाऊ शकतो. या भेटवस्तूचा वापर करून तुमची पत्नी कायम फिट एण्ड हेल्दी दिसेल.
एअरकंडीशनर
जेव्हा बाहरेचं वातावरण गरम असेल तेव्हा बेडरूमचा मूड थंड करण्यासाठी तुम्ही तुमच्या पत्नीला एसी गिफ्ट करू शकता. कोणत्याही मोसमात तुम्ही एसी गिफ्ट केला, तरी अधूनमधून एकाएकी उसळणाऱ्या गरमीच्या त्रासापासून हा भेट दिलेला एसी त्यांचा मूड चांगला राखेल आणि त्या कायम दिसतील फ्रेश आणि आनंदी, ज्याचं संपूर्ण श्रेय मिळेल तुम्हाला. आता बाजारात विंडो एसी आणि स्प्लिट एसीचे अनेक पर्याय उपलब्ध आहेत. शिवाय विंडो एसीबद्दल म्हणावं तर ते १ टन ते १.५ टनच्या वैरिएट्समध्ये मिळतात. शिवाय आता बाजारात २ स्टार ते ५ स्टार पर्यंतचे एसी मिळतात, जे परफेक्ट कूलिंग देण्याबरोबरच पॉवर सेवर्सचंही काम करतात.
किचन टेलिव्हिजन
तुम्ही तुमच्या पत्नीला किचनमध्ये आपल्या आवडीचे पदार्थ बनवताना आपल्या आवडीचे चित्रपट आणि कार्यक्रम पाहाण्याचीही संधी देऊ शकता आणि तेही किचन टेलिव्हिजन गिफ्ट करून. विश्वास ठेवा, हे त्यांच्यासाठी एक सुखद सरप्राइज ठरेल. बाजारात एलईडी, एचडी आणि एलसीडी टेलिव्हिजन १५ इंच, १६ इंच इत्यादी अनेक साइजमध्ये मिळतात. यामुळे जेवण बनवताना त्यांचा कोणत्याही मालिकेचा भाग मिस होणार नाही आणि यासाठी त्या कायम तुमचे आभार मानतील. हा तुमच्या दोघांमधील प्रेमाची केमिस्ट्री आणखीन जास्त स्ट्राँग करेल.
सिक्योरिटी सिस्टम
तुमच्या जीवनात तुमच्या पत्नीपेक्षा जास्त महत्वाचं आणखीन काय असेल बरं? मग तुम्ही तिच्या संरक्षणाबाबत दुर्लक्ष कसं करू शकता? मात्र, यावेळेस तुम्ही तुमच्या पत्नीला द्या संरक्षणाची भेट, म्हणजे सिक्योरिटी सिस्टमची गिफ्ट. ही सिक्योरिटी सिस्टम सिक्योरिटी गार्डपेक्षाही जास्त उत्तमरीत्या तुमच्या पत्नीचं संरक्षण करेल. ही सिक्योरिटी सिस्टम लावून तुम्ही टेन्शन फ्री राहू शकता. स्मोक इंडिकेटर, आगीपासून संरक्षण, अनोळखी लोकांना ओळखल्यानंतर घरामध्ये एण्ट्री करणाऱ्या या सिक्योरिटी सिस्टममध्ये फिंगर प्रिण्ट लॉक्स, बिन चावीचे दार उघडण्याची सोय म्हणजे डुप्लीकेट चावी बनवण्याचं ऑप्शनच नसणार. व्हिडीओ डोर फोन, टू वे कम्यूनिकेशन, स्पीकर सिस्टम, आतून इलेक्ट्रॉनिक लॉक उघडण्याची सोय इत्यादी बरंच काही असतं.
आयटी गॅजेट्स
तुम्हाला जर असं वाटत असेल की तुमची पत्नी टेक्नोसेवी असावी, टेक्नोलॉजीच्या नवनवीन गॅजेट्सने ती अपडेटेड असावी तर यासाठी यावेळेस तुम्ही त्यांना आयटी गॅजेट्सची भेटवस्तू, भेट म्हणून देऊ शकता. जसं की स्मार्ट फोन, आयपॅड, टॅबलेट, लॅपटॉप, हॅण्डीकॅम, जीपीएस फिटनेस टे्रनर यासारखे गॅजेट्स मार्केटमध्ये सहज मिळतात. तुम्हाला जर तुमचे सुंदर क्षण टिपून ठेवायचे असतील तर हॅण्डीकॅम एक चांगलं गिफ्ट ऑप्शन ठरेल.
जीपीएस फिटनेस ट्रेकर
या गॅजेटमध्ये स्मार्ट एमपी ३ प्लेयर आहे, जे स्वेटप्रूफ आणि स्टायलिश आहे. यामध्ये जीपीएस हार्ट रेट कॅपेबिलिटी आहे. हे ऐण्ड्रॉयड बेस आहे. हा तुमची रनिंग एक्टिविटी आणि याचा जीपीएस तुमचं अंतर मोजण्याचं काम करतं. हे गॅजेट तुमच्या पत्नीला फिट ठेवण्यात मदत करेल.
हवं तर तुम्ही तुमच्या पत्नीला आयपॉडही भेट देऊ शकता, ज्यात त्यांच्या आवडीची गाणी असतील. नक्कीच हे गिफ्ट मिळाल्याने त्या खूपच रोमाण्टिक होतील.
