– आभा यादव
हळूहळू वातावरणात गारठा वाढू लागलाय. या ऋतूतील गारवा आणि रूक्षपणा त्वचेतील ओलावा शोषून घेतो, ज्यामुळे त्वचा कोरडी, दुभंगलेली दिसू लागते आणि थोडी सेन्सिटिव्हदेखील होते. परंतु अशा ऋतूत तुम्ही थंडगार वाऱ्यांना तुमच्या त्वचेचा मित्रदेखील बनवू शकता, ज्याचे उपाय सांगत आहेत साकेत सिटी इस्पितळाची डर्मेटॉलॉजिस्ट डॉक्टर लिपी गुप्ता :
त्वचा का होते कोरडी
थंडीच्या दिवसांत त्वचा शुष्क होते; कारण कोरडी हवा त्वचेतील ओलावा शोषते. त्वचेत ओलाव्याच्या अभावामुळे सेल्सचा बाहेरचा भाग कोरडा होऊन फुटलेला दिसतो, तेव्हा ओलाव्याचं सुरक्षाकवचदेखील निघून जातं. यामुळे आतील त्वचेवरदेखील ऋतूचा प्रभाव होऊ लागतो.
अशा त्वचेवर स्थायी वा अस्थायी रेषा आपली जागा निर्माण करू लागतात.
असं होऊ नये यासाठी तुम्ही पुढे सांगितलेले उपाय करून त्वचेची देखभाल करून त्याचा ओलावा कायम राखू शकता.
हॉट शॉवर स्नान
या ऋतूत दररोज सकाळी स्फूर्तिदायक गरम पाण्याने स्नान करणं खूपच महत्वाचं आहे; कारण असं स्नान तुम्हाला ताजंतवानं करतं आणि त्वचेतील हायजीन कायम ठेवतं. परंतु पाणी अधिक कडकडीत नसावं याची काळजी घ्या; कारण ते त्वचेतील नैसर्गिक ओलावा शोषून घेतं. हायडे्रटेड त्वचेसाठी कोमट पाणी सर्वोत्तम उपाय आहे.
बॉडी ऑइलिंग
थंडीच्या दिवसांत कोरड्या हवेपासून त्वचेचं संरक्षण आणि कोरडेपणा दूर करण्याची परिणामकारक पद्धत आहे कोमट तेलाने मालीश करणं. परंतु मालीशसाठी अशा तेलाची निवड करावी जे खूप चिकट नसेल आणि शरीरात अधिक शोषणारं असावं. जसं ऑलिव्ह, तीळ आणि एलोवेरा तेल. तेलाने मसाज झोपण्यापूर्वी वा अंघोळीपूर्वी एक तास अगोदर करावं, ज्यामुळे तेलाचा परिणाम व्यवस्थित होईल.
फेशवॉश कसा असावा
थंडीच्या दिवसांत सर्वात जास्त चेहऱ्याची अधिक काळजी घ्यावी लागते. यासाठी संतुलित, सौम्य व हायडे्रटिंग फेसवॉश वापरावा, ज्यामध्ये क्लांजिंग व मॉश्चरायझिंग वनौषधींबरोबरच कोरफड अधिक प्रमाणात असावी. ही तत्त्वे त्वचेला हायड्रेट करतात.
साबणाची निवड
त्वचेची नियमित स्वच्छता व मुलायमपणासाठी ऑलिव्ह ऑइल आणि कोरफडीचे गुण असणाऱ्या सॉफ्ट साबणाची निवड करावी.
घरगुती मॉश्चरायझर
अर्धा चमचा गुलाबपाण्यात १ चमचा मध मिसळा आणि चेहऱ्यावर हळूहळू चोळा. १५-२० मिनिटं असंच ठेवा. नंतर पाण्याने स्वच्छ करा. मधाने कोरड्या त्वचेचा ओलसरपणा परत मिळेल.
याव्यतिरिक्त नखांच्या आजूबाजूला मौश्चरायझर लावा; कारण पाण्यात अधिक वेळ काम केल्याने ते गुळगुळीत आणि कोरडे होऊ शकतात. तुम्ही ग्लोव्हजचादेखील वापर करू शकता.
स्क्रबिंग
थंडीच्या दिवसांत धूळमातीपासून त्वचेचं संरक्षण करण्यासाठी आठवड्यातून दोनदा स्क्रबिंग नक्की करून घ्या. स्क्रबिंग त्वचेत जमलेला मळ आणि मृतत्वचा प्रभावी पद्धतीने काढण्यात आणि त्वचेतील अतिरिक्त मॉश्चरायझर शोषण्यास सक्षम असल्यामुळे तुमची त्वचा मुलायम आणि चमकदार राहाते.
टोनर आणि क्लींजिंग मिल्क
थंडीच्या दिवसांत घाम येत नसल्यामुळे लोक फेसवॉश करण्याकडे थोडं कमीच लक्ष देतात, ज्यामुळे त्वचेची स्वच्छता व्यवस्थित होऊ शकत नाही. अशावेळी उत्तम क्वालिटीचे टोनर आणि क्लींजिंग मिल्क प्रभावी पद्धतीने त्वचेची आतून स्वच्छता करतात आणि कोरड्या त्वचेला स्वच्छ, मुलायम व आर्द्रतायुक्त बनवितात.
मॉश्चरायझर
थंडीच्या दिवसांत अशा मॉश्चरायझरचा वापर करा जे उन्हापासून संरक्षण देईल. तुम्ही नॉर्मल मॉश्चरायझरच्या जागी सेरेमाइकयुक्त मॉश्चरायझरचा वापर करा.
सेलिब्रिटीज मेकअप एक्सपर्ट आशमीन मुंजाळ यांच्या मते, मॉश्चरायझर त्वचेत पीएच बॅलन्सला मेन्टेन करतं. जर पीएच बॅलन्स वाढला तर एक्नेला सुरूवात होते आणि कमी झालं तर चेहऱ्यावर रिंकल्स येतात, म्हणूनच अशा मॉश्चराझरचा वापर करा, जे त्वचेत पीएच बॅलन्स योग्य ठेवतील. याव्यतिरिक्त बदाम क्रीम, व्हॅसलिन व ग्लिसरिनचा वापर करावा. हे त्वचेवर एक सुरक्षाकवच बनवितात ज्यामुळे त्यावर कोरड्या हवेचा परिणाम होत नाही.
चांगलं मॉश्चरायझर त्वचेचा ओलावा कायम राखतो त्याबरोबरच नवीन थर निर्माण करण्यातदेखील परिणामकारक ठरतं. हे धूळ, ऊन आणि ऋतूंच्या मारापासून वाचवतं. मेकअपमधील आर्द्रता कायम ठेवतो. जिथे कोरड्या त्वचेसाठी सामान्य मॉश्चरायझर मदतनीस ठरतो. तिथे तेलकट त्वचेसाठी ऑइल फ्री मॉश्चरायझर उत्तम पर्याय आहे.
सनस्क्रीन लोशन आवर्जून वापरा
डॉक्टर लिपी यांच्या मते, थंडीतदेखील ऊन तुमच्या त्वचेवर सरळ परिणाम करतं. यासाठी उन्हाळ्याप्रमाणे थंडीतदेखील सनक्रीन लोशनचा आवर्जून वापर करावा.
खरंतर, थंडीतदेखील अल्ट्राव्हायलेट किरण नुकसानकारक असतात आणि तुम्ही थंडीत उन्हात अधिक वेळ असाल तर त्वचेवर अल्ट्रावायलेट किरणांचा परिणामदेखील अधिक होतो. सनस्क्रीन लोशन याच्या परिणामाने त्वचेचं नुकसान करतं, यामुळे तुमच्या उघड्या त्वचेवर होणाऱ्या सुरकुत्या आणि एज स्पॉट वगैंरेंपासूनदेखील रक्षण करतं.
आहारची घ्या खास काळजी
थंडीच्या दिवसांत आपल्या खाण्यापिण्याची खास काळजी घ्या. तुमची त्वचा हायडे्रट करण्यासाठी दिवसभर कमीत कमी ८-१० ग्लास पाणी प्या. या ऋतूत तशी तहान कमीच लागते तरीदेखील तुम्ही थोड्या थोड्या वेळाने कोणतं ना कोणतं लिक्विड नक्की घेत राहा. गरम पाण्यात लिंबू टाकूनदेखील प्या. यामुळे शरीरातील विषारी पदार्थ निघून जातात आणि इम्यून सिस्टमदेखील मजबूत होते.
याव्यतिरिक्त ग्रीन टी, नारळपाणी, स्प्राउट, फलाहार करा. खाण्यापिण्यात संतुलन ठेवा व पौष्टिक आहाराला प्राधान्य द्या.
पुरेशी झोप घ्या
त्वचा सुंदर बनविण्यासाठी ७-८ तास पुरेशी झोप घ्या; कारण ही आपल्या उर्जेला ताजंतवानं करते आणि शरीर चपळ बनवते.
