* मोनिका ओसवाल
फ्लोरल प्रिंट चिरकालिक फॅशन आहे, म्हणजेच वर्षांनुवर्षे ती टिकून आहे. काळानुसार या फॅशनची लोकप्रियता पूर्वीपेक्षा अधिक वाढली आहे. गरमीच्या मोसमात आपण फ्लोरल प्रिंट पेहरावांशिवाय आपल्या वॉर्डरोबची कल्पनाही करू शकत नाही. गरमीच्या मोसमात जेव्हा आपल्याला सर्व निरस वाटू लागतं, तेव्हा आपल्या पेहरावावर खुललेली फुलं आपल्यामध्ये उत्साह भरतात आणि आपला मूड ताजातवाना करतात.
मात्र बहुतेक महिलांना फ्लोरल प्रिंट स्टाइलबाबत थोडया गायडन्सची गरज असते. नेहमीच महिला यासोबत अयोग्य मॅचिंगचे पेहराव वापरून त्याच्या आकर्षक पॅटर्नवर अन्याय करतात. त्यामुळे त्यांचा संपूर्ण लुकच बिघडून जातो. यासंबंधीच इथे काही टीप्स दिल्या आहेत:
घ्या बोल्ड एंड ब्यूटी निर्णय
इतकी वर्षे आपण आपल्या वॉर्डरोबमध्ये असलेल्या फ्लोरल डिझाइनला कंटाळला असाल, तर आता वेळ आलीय की काही आकर्षक नवीन रंगांमधील काही नवीन पॅटर्न सामील केले जावेत. फुलांच्या छोटया-छोटया प्रिंटच्या पेहरावांना आकर्षक मोठया आकारातील प्रिंटमध्ये आणि चटकदार रंगात बदला, यामुळे आपल्या वॉर्डरोबमध्ये ताजेपणा येईल आणि आपला आकर्षक लुकही समोर येईल.
फ्लोरल शूजचा वापर करा
हो, हे खरं आहे, फ्लोरल शूजची या दिवसांत फॅशन आहे आणि स्मार्ट महिलांच्या शू कॅबिनेटमध्ये हे जरूर दिसतील. जर तुम्हालाही असे शूज वापरायला आवडत असतील, तर ३डी फ्लोरल पॅटर्नसुद्धा निवडू शकता. फ्लोरल शूजसोबत असाच पेहराव वापरा. तो शोभून दिसेल. या दिवसांत अशा प्रकारचे शूज मॉलमध्ये सहज मिळू शकतात. हे घालूनच बाहेर पडा आणि बोल्ड फॅशनची सुरुवात करा.
फ्लोरल फॉर्मल टीशर्ट
स्टायलिश लुकसाठी फ्लोरल प्रिंटेड टीशर्टही उत्तम पर्याय आहेत. फ्लोरल टीशर्टसोबत सॉलिड रंगाची ट्राउजर वापरा किंवा आवडीच्या डेनिमची निवड करा.
सामान्यपणे आपण फ्लोरल टीशर्टला फॉर्मल पेहराव मानत नाही, पण हे सॉलिड कलर समर ब्लेजर, फॉर्मल ट्राउजर आणि क्लोज्ड शूजसह वापरले, तर आपल्याला खूप छान फॉर्मल लुक मिळू शकतो.
फ्लोरल मॅक्सी डे्रसही वापरून पाहा
फ्लोरल मॅक्सी ड्रेस एक जबरदस्त स्टाइल स्टेटमेंट आहे. कोणत्याही उंचीची महिला याचा वापर करू शकते. हा कॅज्युअल व सेमीफॉर्मल दोन्ही पद्धतीने वापरता येईल. रविवारची एखादी ब्रंच पार्टी किंवा मूव्ही पाहण्यासाठी एखाद्या कॅज्युअल वेळी मॅक्सी ड्रेस वापरा. लोकांचं लक्ष आपण वेधून घ्याल.
मिक्सिंग आणि मॅचवर लक्ष द्या
जर आपल्या फुलांच्या प्रिंट असलेल्या फॅशनबाबत संभ्रमात असाल, तर फ्लोरल प्रिंटचा एका दुसऱ्या पेहरावासोबत वापर करून पाहा. जास्त आकर्षक दिसण्यासाठी फॅशनबाह्य ठरलेल्या प्रिंटसह दुसऱ्या प्रिंटचा वापर करा. आपल्या फ्लोरल पँट आणि टॉपमुळे एक वेगळा लुक तयार होईल व त्यामुळे तुम्ही जास्त आकर्षक दिसाल. छोटया आणि सूक्ष्म फ्लोरल प्रिंटसह त्याच आकाराच्या प्रिंटला मॅच करा. मोठया किंवा बोल्ड पॅटर्नसोबत मोठया व बोल्ड प्रिंटची निवड करा.
फ्लोरल हॅरम पँटने दाखवा खास अंदाज
या दिवसांत फ्लोरल हॅरम पँट खूप फॅशनमध्ये आहेत. गरमीच्या मोसमासाठी ही पँट कूल आणि आरामदायक आहे. जेव्हा यात फ्लोरल प्रिंट वापरली जाते, तेव्हा याचे आकर्षण अधिक द्विगुणित होते. जर आपण सडसडीत असाल, फ्लोरल पेहराव वापरून मिरवू शकता. प्रिंटेड हॅरमसह कोणत्याही सॉलिड कलरचा टॉप वापरा आणि आकर्षक लुक मिळवा.
फ्लोरल पँटसोबत बना फॅन्सी
जर आपण कंप्लीट लुकसाठी योग्य रंग आणि पॅटर्नची निवड केली असेल, तर फ्लोरल पँट खूप आकर्षक वाटू शकते. हलक्या सौम्य शेडच्या फ्लोरल पँटची निवड करा आणि यासोबत लांब टॉप वापरा. यासोबत पीप टो किंवा सॉफ्ट मॅटॅलिक कलरसुद्धा वापरू शकता.
आपला फ्लोरल लुक कंप्लीट करण्यासाठी ड्रेसला मॅचिंग फुलांच्या प्रिंटेड हेअर बँडचाही वापर करू शकता. हेअर एक्सेसरीची फॅशन दीर्घकाळ तशीच राहते. मुली प्रिंटेड टर्बन नॉटवाल्या हेअर बँडमध्ये कूल आणि आकर्षक दिसतात.
