– प्रतिनिधी
आम्ही ३५ व्या वर्षी ४५ वर्षांच्या दिसत आहात का? सुरकुत्यांमुळे तुमच्या चेहऱ्याचं सौंदर्य हरवलं आहे का? उत्तर ‘हो’ असेल तर तुम्ही वाढत्या वयाच्या या खुणा हायफू अॅन्टीएजिंग स्कीन ट्रीटमेंटच्या सहाय्याने कमी करू शकता. या तंत्रामुळे सैल पडलेल्या त्वचेला तजेला प्राप्त होतोच, शिवाय यामुळे त्वचा तरूण आणि तेजस्वी दिसते.
डर्मेटोलॉजिस्ट डॉ. डिंपल भंखारिया यांच्या म्हणण्यानुसार, ‘‘प्रखर ऊन, प्रदूषण, वातावरणातील बदल, तणाव, धूम्रपान, अल्कोहोलसारख्या वाईट सवयींचा परिणाम सर्वात आधी त्वचेवर दिसू लागतो. त्वचा कोरडी, सैल आणि फिकी वाटू लागते.
दिवसेंदिवस त्वचेतील फॅट कमी होऊ लागते. परिणामी त्वचा पातळ आणि कमकुवत होऊ लागते. यामुळे सुरकुत्या, डाग यांसारख्या त्वचेसंबंधी समस्या निर्माण होतात. हे सर्व कमी करण्यासाठी सनस्क्रीन, अॅन्टीएजिंग क्रिम आणि जेंटल मॉइश्चरायजरचा वापर आणि व्यायामासोबतच हायफू अॅन्टीएजिंग स्कीन ट्रीटमेंटची मदत घेऊ शकता.’’
हायफू म्हणजे काय?
‘हाय इंटेन्सिटी फोकस्ड अल्ट्रासाउंड’ हे ‘हायफू स्किन टाइयनिंग ट्रीटमेंट’ या नावाने ओळखलं जातं. हा एक प्रकारचा अॅन्टीएजिंग उपचार आहे. हे एक नॉनसर्जिकल तंत्र आहे. याच्या सहाय्याने चेहरा व गळ्यासह शरीराच्या अन्य भागांतील त्वचा घट्ट केली जाते. यामुळे त्वचा कायम तरूण राहते.
हायफू कशावर उपयोगी आहे?
हायफूच्या मदतीने भुवया, कपाळ, गाल, हनुवटी, गला, पोट इत्यादींची सैल त्वचा घट्ट केली जाते. याच्या सहाय्याने डोळे, ओठ, डोकं, नाक इत्यादींच्या भोवती पडणाऱ्या सुरकुत्याही नष्ट केल्या जाऊ शकतात. यामुळे त्वचेवरील उघडी छिद्रं बंद होतात. या तंत्राच्या सहाय्याने स्कीन टाइटनिंगसह स्कीन लिफ्टिंगही केलं जाऊ शकतं. जॉ लाइन आणि भुवया मूळ जागेवरून सरकल्या असतील तर जॉ लिफ्टिंग आणि आयब्रोज लिफ्टिंगच्या सहाय्याने आपल्या जागेवर आणता येते.
हायफू कसं काम करतं?
ट्रीटमेंटच्या सुरूवातीला चेहऱ्यावर लोकल अॅनेस्थेशिया क्रिम लावली जाते, यामुळे त्वचा ओलसर होते. त्यानंतर मशिनच्या हंड पीसद्वारे प्रभावित जागेवर शॉट (लेजरच्या किरणांप्रमाणे) दिले जातात. यामुळे हलकासा चटका जाणवतो. यामुळे त्वचेमधील उती आकुंचन पावतात. यामुळे त्वचेला तजेला येतो.
या तंत्रामुळे नव्या कोलोडनचीही निर्मिती होते, कोलोजन एक प्रकारचं स्क्रिन फाइबर असतं, जे वयानुसार कमी होत जातं. यामुळेच चेहऱ्यावर सुरकुत्या आणि ओरखडे दिसू लागतात. या ट्रिटमेंटमुळे निर्माण झालेलं कोलोजन सुरकुत्या येऊ देत नाही. संपूर्ण चेहऱ्यावरच्या सुरकुत्या आणि ओरखडे कमी करण्यासाठी ४५ मिनिटं ते १ तास एवढा अवधी लागतो. शिवाय यामध्ये वेदनाही होत नाहीत.
ही ट्रिटमेंट कधी घ्यावी?
३०-३५ वर्षांपासून ६०-६५ वर्षांपर्यंतचे महिला आणि पुरुष ही ट्रिटमेंट घेऊ शकतात. ही ट्रिटमेंट कोणत्याही स्कीन टाइप आणि स्कीन टोनच्या व्यक्ती घेऊ शकतात.
ट्रीटमेंट घेतल्यानंतर ३-४ महिन्यांनी याचा परिणाम दिसू लागतो, जो वर्षभर राहतो. मग हळूहळू ओरखडे आणि सुरकुत्या पुन्हा दिसू लागतात. तेव्हा पुन्हा त्या या ट्रीटमेंटच्या सहाय्याने कमी केल्या जाऊ शकतात. तुमच्या चेहऱ्यावर कमी सुरकुत्या असतील तर वर्षातून एकदा आणि खूप जास्त असतील तर २-३ वेळा ट्रीटमेंट घेतली जाऊ शकते.
