* गरिमा पंकज
फ्रिझ केस म्हणजेच कोरडे, विखुरलेले आणि गुंतलेले केस जे सांभाळणं खूपच कठीण असतं. याचं कारण केसांमध्ये ओलावा आणि पोषणाची कमी असते. अनेकदा केसांवरती खूप जास्त ड्रायर आणि ब्लोअरचा वापर केल्यामुळे देखील त्यांची अशी अवस्था होते. चला तर या समस्येवरचा उपाय शोधून काढूया :
चांगल्या दर्जाचा शाम्पू निवडा : जेव्हा शाम्पूमध्ये सल्फेटचे प्रमाण अधिक असतं तेव्हा ते केसातून नैसर्गिक तेल काढून घेतं म्हणून नेहमी अशा शाम्पूचा वापर करायला हवा, जे सल्फेट आणि पॅराबेन फ्री असावं. सोबतच हे देखील पहा की शाम्पूमध्ये ग्लिसरीनचे प्रमाण किती आहे. ग्लिसरीन केसांचा फ्रिझनेस कमी करण्यात मदत करतं. जेव्हादेखील शाम्पू करायचा असेल तेव्हा तुमच्या हातामध्ये शाम्पू घेऊन त्यामध्ये चार-पाच थेंब पाणी एकत्रित करा आणि नंतर शाम्पूचा वापर हलक्या हाताने करा.
नियमितपणे हेअर कट करा : तुमच्या केसांना नियमितपणे ट्रिमिंग करत रहा. यामुळे फ्रिझनेस आणि द्विमुखी केसांची समस्येपासून सुटका करण्यात मदत मिळेल. तुम्हाला जवळजवळ ४०-४५ दिवसातून एकदा केस नक्कीच कापायला हवेत.
डाएट : तुम्ही जे काही खाता ते फक्त तुमच्या त्वचेलाच नाही तर तुमच्या केसांनादेखील नरिश करतं. तुमच्या डाएटमध्ये प्रोटीन युक्त खाद्यपदार्थ घ्या. संध्याकाळी स्नॅक्समध्ये ड्रायफ्रूट्स खा आणि ग्रीन टी प्या. या व्यतिरिक्त तुम्ही टोमॅटो, आळशी, हिरव्या भाज्या, फळं, पनीर आणि चणे इत्यादींचादेखील तुमच्या डाएटमध्ये समावेश करायला हवा.
हीटिंग टूल्स वापरू नका : हीटिंग टूल्सपासून दूर रहा. कारण यामुळे केसांमधील सर्व मॉईश्चर संपून जाईल. हेअर हीटिंग टूल्स कोरडे व निस्तेज केसांसाठी जबाबदार असतं. एखाद्या खास प्रसंगी जाण्यासाठी जर तुम्ही तुमच्या केसांना कर्ल करणे वा त्यांना स्ट्रेट करण्यासाठी मशीनचा वापर करत असाल तर याचं सेटिंग कूल मोडवर ठेवावं वा खूपच लो मोडवरती ठेवा.
योग्य कोंबची निवड : अशा केसांसाठी ब्रँड ब्रीसल्स हेअर ब्रश वा कोंब सर्वात चांगलं असावं. या व्यतिरिक्त ओलसर केसांमध्ये कंगवा फिरवायचा असेल तर वाईड ब्रशचा वापर करणे योग्य होईल.
कंडिशनर लावा : कंडीशनर आणि सिरमच्या वापरामुळे केस खूपच मुलायम होतात. शाम्पू केल्यानंतर केसांना मुळापासून ते टिपपर्यंत कंडिशनर लावा आणि दोन मिनिटानंतर स्वच्छ धुवा. यामुळे केसांना मजबुती मिळेल.
चला तर, जाणून घेऊया फ्रिझ केसांना घरगुती उपायाने रेशमी आणि मुलायम कसे बनवावे :
केळयाचं मास्क : केळं विटामिन ए, सी आणि ई, नैसर्गिक तेल, कार्बोहायड्रेट, पोटॅशियम, जस्त आणि आयरनचं एक खूप मोठं स्त्रोत आहे. हे कोरडया व निस्तेज केसांना ठीक करण्यात मदत करतं. हे केसांना चमकदार आणि मुलायम बनवतं.
मध आणि दुधाचा हेअर मास्क : ४-५ चमचे दुधासोबत २ मोठे चमचे मध एकत्रित करून तुमच्या बोटांच्या सहाय्याने हे केसांवर लावा. ३० मिनिटानंतर केसांना शाम्पू करा.
अंडयाचं मास्क : अंडयाच्या पांढऱ्या भागाला एका भांडयामध्ये काढा. आता यामध्ये १ लिंबाचा रस टाका. हे व्यवस्थित एकत्रित करून केसांवर लावा. २०-२५ मिनिटानंतर शाम्पू करा.
मेंदीचा मास्क : मेंदी कोरडया आणि कुरळया केसांसाठी सर्वात उपयोगी हर्बल उपचारांपैकी एक आहे. १ कप चहाच्या पाण्यामध्ये ३-४ चमचे मेंदी पावडर टाका. थोडं दहीदेखील टाका आणि घट्ट पेस्ट बनवा. पेस्टला हेअरमास्क प्रमाणे लावा आणि अधिकाधिक लाभ मिळवण्यासाठी रात्रभर तसंच राहू द्या.
तेलामुळे मिळतो मुलायमपणा
ऑलिव्ह ऑइलला हलकं गरम करा. हे पूर्ण केसांवर लावा. १०-१५ मिनिटं तसेच राहू द्या. अशा प्रकारे खोबरेल तेलाचा वापर देखील फायदेशीर राहतो. तुम्ही जोजोबा आणि खोबरेल तेल कोमट करून केसांमध्ये लावा आणि हे मसाज करत लावा. साधारणपणे तासभर तसंच राहू द्या आणि नंतर केस स्वच्छ धुवा. शाम्पू आणि कंडिशनरच्या वापरानंतर केस स्वच्छ धुवा. आता केसांना टॉवेलने सुकवा. यानंतर ४ थेंब हेअर सिरम हातावर घ्या आणि व्यवस्थित केसांवर लावा. आता केसांना कोरडे होऊ द्या. सिरम केसांना मुलायमपणा देऊन त्यांना नरम आणि मुलायम बनवतं. तुम्ही तुमच्या केसांच्या नैसर्गिक पोतानुसार हेयर सिरम निवडायला हवा.
