* प्रतिनिधी
हरभरा कढी
काय लागेल
* १ कप हरभरा
* १ कप दही
* पाव कप बेसन
* १ छोटा चमचा आलं बारीक चिरलेलं
* २ हिरव्या मिरच्या बारीक चिरलेल्या
* थोडीशी कोथिंबीर चिरलेली
* १ छोटा चमचा मेथी दाणे
* चिमूटभर एल. जी. हिंग
* पाव छोटा चमचा हळद पावडर
* पाव छोटा चमचा लाल तिखट
* दिड छोटा चमचा जिरा
* १ मोठा चमचा तेल
* मीठ चवीनुसार.
कसं कराल
दह्यामध्ये बेसन, मीठ, हळद एकत्रित करून फेटून घ्या. गरजेनुसार पाणी टाकत पातळ घोळ बनवा. प्रेशर कुकरमध्ये अर्धा चमचा तेल गरम करून मेथी दाणे, चिमूटभर एल. जी. हिंग व आले टाका. मेथीदाणे लाल झाल्यावर बेसनाचा घोळ टाका. हरभरा व हिरव्या मिरच्या टाकून मंद आचेवर शिजवा. मधून मधून परतत रहा. जेव्हा हरभरा शिजेल आणि मिश्रण थोडं घट्ट होऊ लागेल तेव्हा आचेवरुन उतरवा. फ्राय पॅनमध्ये उरलेलं तेल गरम करा. जिरे व लाल मिरचीची फोडणी देऊन कढीवर टाका आणि कोथिंबीर भुरभुरवून सर्व्ह करा.
