* रेणु लेंसी फ्रान्सिस
एअर कंडिशनर गरम वातावरणातून दिलासा देऊन तुम्हाला थंडावा आणि समाधानाची अनुभूती देतो. हेच कारण आहे की आता पंखे आणि कुलरपेक्षा जास्त एसीचंच चलन वाढतंय. एसीमध्ये गॅसचा वापर केला जातो. जेव्हादेखील आपण एसी विकत घेतो तेव्हा आपल्याला वाटतं की तो दीर्घकाळपर्यंत चालू शकतो, परंतु असं अजिबात नाहीये. खरंतर एसीचं लाईफ त्याच्या मॉडेल युनिटवर अवलंबून असतं.
परंतु त्यापेक्षा देखील तुम्ही एसीची कशी काळजी घेता त्यावर अवलंबून असतं. अनेक लोक एसीकडे तेव्हाच लक्ष देतात जेव्हा त्यातून हवा येणं कमी होतं व त्यातून दुर्गंधी यायला सुरुवात होते. त्यातून आवाज येणं सुरू होतं.
तुम्हाला वाटत असेल की तुमचा एसी वर्षानुवर्षें तुमची सेवा करावी आणि त्यावर तुम्हाला जास्त खर्च करावी देखील लागू नये तेव्हा एसीची देखभाल चांगली करा आणि कमीत कमी वर्षातून दोनदा एसीचे सर्विसिंग करा. यामुळे एसीचं लाईफ वाढू शकतं. तुमच्या एसीचं युनिट लाईफ वाढविण्यासाठी खालील गोष्टींची काळजी घेणं खूपच गरजेचं आहे.
धुळ वा माती जमा होणं : एसीलादेखील स्वच्छतेची गरज होत असते. एसीची स्वच्छता न केल्यामुळे त्यावर जमा होणारी धूळ वा माती एअर फ्लोला ब्लॉक करू लागते, सोबतच याच्या फिल्टरवर जमा होणाऱ्या कचऱ्याने कॉइलवर बर्फदेखील जमू शकतो. या व्यतिरिक्त यामुळे श्वासाचा आजार होण्याचीदेखील भीती असते आणि हे मोठ्यांपासून लहान मुलांपर्यंत नुकसानदायक होऊ शकतं. या त्रासापासून वाचण्यासाठी एसीची स्वच्छता करणे खूपच गरजेचे आहे.
कमी कुलिंग : जास्त गरम होत असेल आणि आपण एसी चालू केला आणि त्यामध्ये कुलिंग कमी होत असेल तर आपण त्रासतो आणि आपण एसीच्या सर्विसिंगदेखील करत नसाल तर तुम्ही प्रयत्न आणि थोडी मेहनत करून घरच्या घरीदेखील विंडो एसीची सर्विस करू शकता. तुम्ही त्याचे एअर फिल्टर साफ करा. असं केल्यामुळे देखील तुम्हाला दिलासा मिळेल आणि एसीचा एअरफ्लोदेखील वाढेल.
फिल्टरला नियमितपणे बदला : एसीच्या सर्विसिंगच्या दरम्यान फिल्टरची तपासणी करायला हवी. जर ते घाण असतील तर त्यांना बदलण्याबद्दल विचार करा. मग ते भलेही त्यांना आता बदलण्याच वेळ आली नसली तरी.
घाणेरडे एअर फिल्टर म्हणजे घरामध्ये हवेला पसरवण्यासाठी सिस्टमला दुप्पट मेहनत करावी लागते. यामुळे पंख्यावर परिणाम होण्याबरोबरचं पूर्ण कुलिंग सिस्टमच नुकसान होतं आणि रूमदेखील पूर्णपणे थंड होत नाही. फिल्टरदेखील लवकरच खराब होतात. एसी दीर्घकाळ चालण्यासाठी फिल्टरची नियमित तपासणी करून घ्या.
कंडेन्सरची तपासणी करा : एअर कंडिशनचा आनंद घेण्यासाठी एसीच्या कंडेन्सरची देखील तपासणी करणं गरजेचं आहे कारण कंडेसर घराच्या बाहेर असतो आणि कंडेसरचं बाहेरच्या वातावरणामुळेदेखील नुकसान होऊ शकतं. या व्यतिरिक्त कंडेन्सरच्या आजूबाजूला जमा झालेला कचरा स्वच्छ करा. कंडेन्सरच्या आजूबाजूला एखादं गवत वा रोपटं वाढलं असेल तर ते वेळेतच साफ करायला हवं.
लीक्स चेक करणं देखील गरजेचं : कमीत कमी वर्षातून एकदा लीक चेक करायला हवी. जर कोणत्याही नळीतून लीक होत असेल तर हे एसीसाठी चांगलं नाहीये. हे त्वरित रिपेरिंग करायला हवं अन्यथा एसीची कंडिशन खराब होऊ शकते आणि लवकरच एसी खराब होऊ शकतो.
एसीला द्या आराम : एसीला आराम देणं खूप गरजेचं आहे. ज्या प्रकारे आपण काम करून थकतो, आपल्या शरीराला आराम हवा असतो. आराम मिळाल्यानंतर शरीर परत ऊर्जा मिळवण्यासाठी काम करू लागतं, त्याच प्रकारे एसीदेखील सतत चालल्यामुळे थकून जातो. म्हणून त्याला पुन्हा उर्जावान बनवण्यासाठी आराम देणं खूपच गरजेचं आहे.
जेव्हा एअर कंडिशनर सतत चालवला जातो तेव्हा तो लवकर खराब होतो. जर तुम्ही काही दिवसांसाठी घराबाहेर जात असाल तर लक्षात ठेवा की एसीला व्यवस्थित बंद करूनच बाहेर जा. युनिट चालू ठेवण्यासाठी थर्मोस्टेटला कमीत कमी पाच डिग्री फिरवू शकता.
डकट्स ठेवा स्वच्छ : अनेकदा आपल्या घरामध्ये एसी थंड होत नाही, याचं सर्वात मोठं कारण एअर डकट्स असू शकतं. जर हे घाणेरडे झाले तर हवेचा फ्लो कमी होतो. अशावेळी एअर डकट्सची स्वच्छता करणं नियमितपणे गरजेचं आहे. हा एसीची एअर क्वालिटी चांगली करतो. एक वर्षांमध्ये एकदा एअर डकट्सची स्वच्छता करायला हवी.
एसीच्या सर्विसिंगमुळे आवाज कमी होतो : एसीच्या नियमित सर्विसिंगने आवाज कमी केला जाऊ शकतो. तुम्ही तुमच्या कुटुंबातील एखाद्या सदस्यासोबत बोलत आहात आणि या दरम्यान एसी चालू केला, तर अचानक तुम्हाला समोरच्याचा आवाज ऐकू येत नाही कारण एसीच्या मोठ्या आवाजामुळे त्याचा आवाज दबला जातो.
एक एसी युनिट ज्याची सर्विस केली नाही तर ते सहजपणे सिंकच्या बाहेर होऊ शकतं. पंखा इतर गोष्टी इकडे तिकडे होऊ शकतात.
जेव्हा सक्रू थोडे लूज होतात तेव्हा ते आपापसात खडखडतात वा आपटतात ज्यामुळे अधिक आवाज यायला सुरुवात होते.
