* प्रियंका यादव
शोभा मुखर्जी ही ३९ वर्षांची आहे. ती दिल्लीतील रोहिणी भागातील आनंदा अपार्टमेंटमध्ये पतीसोबत राहते. तिला १ मुलगा आहे. मुलगा आरव ७ वर्षांचा आहे आणि शोभाने तक्रार केली आहे की जेव्हाही ती त्याला जेवायला देते तेव्हा तो ते खाताना खूप नखरे करतो. कधी-कधी तो अजिबात खात नाही. अनेकदा त्याच्या ताटात बटाटा-मेथीची भाजी तशीच ठेवतो. पण तो जंक फूड खूप आवडीने खातो, विशेषत: पिझ्झा आणि बर्गर. अनेक वेळा तो न जेवल्यामुळे मला त्याला जंक फूड द्यावे लागते. आरवने जास्त जंक फूड खावे असे मला वाटत नसले तरी तंदुरुस्त राहण्यासाठी आणि आजारांपासून दूर राहण्यासाठी त्याने शक्य तितके हेल्दी फूड खावे असे मला वाटते.
ही समस्या केवळ शोभाचीच नाही, अनेक माता या समस्येला सामोरे जात आहेत. मुलांना फक्त बर्गर, पिझ्झा, पास्ता, फ्रेंच फ्राईज, मोमोज, रोल्स इ. आवडतात पण जंक फूडमुळे पोषण मिळत नाही. यामुळे फक्त लठ्ठपणा आणि रोग होतात.
मुलं विशेषत: हिरव्या भाज्या ज्यात दूधी भोपळा, घोसाळं आणि पालक यांचा समावेश आहे, अशा भाज्या खाण्यास लाजतात. फळांबद्दल बोलायचं झालं तर त्यांना चिक्कू किंवा केळी आवडत नाहीत. दूध प्यायच्या नावाने मुलं तोंड वेडीवाकडी करू लागतात. अशा परिस्थितीत त्यांना सकस आणि पौष्टिक आहार देणे हे कोणत्याही आव्हानापेक्षा कमी नाही.
जर तुम्हाला, मुलांना पौष्टिक आहार खायला द्यायचा असेल, तर तुम्हाला स्वयंपाक करण्याच्या आणि मुलांना खायला घालण्याच्या पद्धतींमध्ये काही बदल करून नवीन पद्धतींचा अवलंब करावा लागेल. अशा काही स्मार्ट पद्धती आहेत, ज्याचा अवलंब करून तुम्ही तुमच्या मुलांना पोषणयुक्त आहार देऊ शकता. चला तर मग, त्या स्मार्ट पद्धती जाणून घेऊया :
आपल्या अन्नाचे नाव स्वत: ठेवा
अन्नाला आपले नवीन नाव द्या. अन्नाची तीच-तीच कंटाळवाणी नावं ऐकून मुलं कंटाळतात, म्हणून अन्नाचं नवीन नाव ठेवा. नाव काहीतरी मजेदार आणि मनोरंजक ठेवण्याचा प्रयत्न करा, जसे की सामान्य ब्रेड ऑम्लेटचे नाव बदलून एगी-ब्रेड ठेवू शकता.
