– पूनम पांडे
४० शी पार करण्याचा अर्थ असा नाही की तुम्ही मेकअप करायचाच नाही. या वयातदेखील तुम्ही मेकअपच्या योग्य शेड्स आणि तंत्रज्ञानाचा वापर करून तरुण दिसू शकता. ४०+ स्त्रियांनी यंग आणि फ्रेश लुकसाठी त्यांच्या व्हॅनिटी बॉक्समध्ये काय ठेवायचं हे जाणून घेण्यासाठी आम्ही मेकअप आर्टिस्ट मनीष केरकर यांच्याशी बोलणं केलं.
कॉन्फिडन्स वाढवतो मेकअप
मान्य आहे की मेकअप चेहऱ्याचे सौंदर्य वाढवतो, परंतु हेदेखील एक सत्य आहे की मेकअप केल्याने आत्मविश्वासदेखील द्विगुणीत होतो. जेव्हा तुम्ही कुठे नटून थटून जाता आणि लोक तुमची स्तुती करतात तेव्हा आपोआप तुमची बॉडी लँग्वेज बदलते कारण त्यावेळी स्वत:ला आत्मविश्वास येतो. म्हणून जेव्हादेखील घराबाहेर पडाल मेकअप करायला विसरू नका.
मेकअपपासून दुरावा का
अनेकदा एकल स्त्रिया खासकरून घटस्फोटिता वा विधवा मेकअप करत नाहीत, उलट त्यांनी असं अजिबात करता कामा नये. डार्क करू नका, परंतु मेकअपच्या लाईट शेड्सने तुमचं सौंदर्यदेखील वाढू शकतं. अशा प्रॉडक्ट्सना मेकअप बॉक्समध्ये खास जागा द्या. फाउंडेशन ऐवजी बीबी वा सीसी क्रीम लावा. यामुळे तुम्हाला नॅचरल लुक मिळेल. ओठांवर लिपबाम लावा. आय मेकअपसाठी काजळचा वापर करू शकता. हे विसरू नका की गर्दीमध्ये तुम्ही उठून दिसण्यासाठी प्रेसेंटेबल दिसणं गरजेचं आहे.
मॉइश्चरायझर
वाढत्या वयासोबत त्वचादेखील कोरडी होते. अशावेळी त्वचेला गरज असते ती एक्स्ट्रा मॉइश्चरायझरची, जी त्वचेतील ओलावा कमी करू शकेल. त्यामुळे चेहऱ्याचा कोरडेपणा कमी करण्यासाठी दिवसा आणि रात्री दोन्हीवेळी मॉइश्चरायझर लावून चेहऱ्याला मॉइश्चराइझ करा. यामुळे त्वचा मऊ मुलायम होईल आणि ग्लोदेखील करेल.
अँटीएजिंग क्रीम
चेहऱ्यावर दिसणाऱ्या सुरकुत्या लपविण्यासाठी अँटीएजिंग क्रीमचा वापर करा. यामुळे त्वचा टाईट होईल. तुम्ही हवं असल्यास बाजारात उपलब्ध सीसी क्रीमदेखील वापरू शकता. यामध्ये मॉइश्चरायझर, अँटीएजिंग क्रीम, सनस्क्रीम इत्यादींचे खास गुण असतात. ज्यामुळे तुम्हाला फाउंडेशन, सन स्क्रीन, अँटीएजिंग क्रीम इत्यादी वेगवेगळया लावण्याची गरज पडत नाही.
बेस मेकअप
* बेस मेकअपसाठी फेस पावडर वापरू नका. यामुळे चेहऱ्यावरच्या सुरकुत्या दिसून येतात.
* परफेक्ट बेससाठी मॅट फिनिशचं लिक्विड फाउंडेशन वापरा.
* जर तुम्हाला कन्सिलर वापरायचं असेल तर फाउंडेशनऐवजी कन्सिलरदेखील लिक्विड बेस्ड विकत घ्या.
फाउंडेशन
* यंग लुकसाठी मॉइश्चरायझर युक्त फाउंडेशन विकत घ्या. हे कोरडया त्वचेला मुलायमपणा देतं.
* त्वचेला शायनी इफेक्ट देण्यासाठी हलक्या पिवळया शेडचं फाउंडेशन लावा.
* पूर्ण चेहऱ्यावर फाउंडेशन लावण्याची चूक करू नका. हे फक्त चेहऱ्यावर उभारलेल्या फाईन लाइन्स, रेडनेस, ब्राऊन स्पॉट इत्यादी लपविण्यासाठीच वापर करा.
* थिक फाउंडेशनच्या वापराने तुमच्या फाईनलाईन्स दिसू शकतात. त्यामुळे लाईट वेट फाउंडेशन विकत घ्या.
मानेचा मेकअप
* हे वयात फक्त बेस मेकअपने काम चालणार नाही, परफेक्ट लुकसाठी तुमच्या मानेचा मेकअपदेखील करणे गरजेचे आहे.
* बेस मेकअपप्रमाणे मानेच्या मेकअपसाठीदेखील मान आणि बस्ट एरिया, जर तुम्ही डीप नेकचा ड्रेस घालणार असाल तर फाउंडेशन लावा.
आय मेकअप
* आयशॅडो लावण्यापूर्वी प्रायमर लावून आय मेकअपला परफेक्ट बेस द्या. यामुळे फाईन लाईन्स दिसू शकणार नाहीत.
* प्रायमरप्रमाणे परफेक्ट बेससाठी कन्सिलरदेखील लावू शकता, परंतु हे डोळयाच्या चाहूबाजूनी नाही तर फक्त डोळयाच्या खालच्या भागावर लावा म्हणजे डार्क सर्कल्स लपून जातील.
* चांगल्या परिणामासाठी कन्सिलरमध्ये थोडीशी आयक्रीम मिक्स करून अप्लाय करा.
आय शॅडो
* डार्क आय मेकअप करू नका. यामुळे तुमचं वय अधिक दिसून येईल.
* मॅट फिनिशच क्रीम बेस्ड आय शॅडो वापरा.
* फुल शिमर शेडऐवजी शॅम्पन आय शॅडो लावा. हे तुम्हालाच यंग लुक देईल.
* पूर्ण पापण्यांवर आय शॅडोचा कोणतंही डार्क कलर लावू नका. होय, डार्क आणि लाईटचं कॉम्बिनेशन लावू शकता.
* ब्राईट आयशॅडोचा वापर करू नका यामुळे सुरकुत्या दिसून येतील.
ब्लॅक आयलाइनर
* ब्लॅक आयलाइनरऐवजी तुमच्या व्हॅनिटी बॉक्समध्ये डीप ब्राऊन शेडचं आयलाइनर ठेवा.
* लिक्विड आयलायनरचा वापर तुमच्या आय मेकअपला हेवी लुक देऊ शकतो. म्हणून लॅक्मेचं पेन्सिल आयलाइनर विकत घ्या. यामुळे सॉफ्ट लुक मिळेल.
* नॅचरल लुकसाठी आयलाइनर फक्त डोळयांच्या वरच्या आयलीडवर लावा. खालच्या आयलीडवर लावू नका. लायनरने पापण्याच्या कोपऱ्यात आणून वरच्या दिशेने लावा. यामुळे डोळे मोठे आणि आकर्षक दिसून येतील.
करर्ली आयलॅशेज
* वाढत्या वयाबरोबरच आयलॅशेज कमी होतात म्हणून मस्कारा लावून आईलॅशेजला कर्ल करायला विसरू नका.
* डिफरंट लुकसाठी ब्लॅक वा ब्राऊनऐवजी ग्रे रंगाचा मस्कारा लावा.
* ट्रान्सपरंट मस्कारा लावूनदेखील आयलॅशेज कर्ल करू शकता.
* कलरफुल वा ब्राईट शेड्सचा मस्कारा लावू नका.
लिपस्टिक
* ओठांची त्वचा खूप नाजूक असल्यामुळे ती लवकर कोरडी दिसून येते. ती मुलायम बनवण्यासाठी दररोज रात्री झोपण्यापूर्वी ओठांवर व्यासलीन लावा.
* जर लीपला शेप देण्यासाठी लीप लायनरचा वापर करत असाल तर लक्षात ठेवा की यासाठी लाइनरची शेड लिपस्टिकच्या एक शेड लाईट असावी.
* नैसर्गिक आणि डीप शेड लिपस्टिकऐवजी दोन्हीच्या मधली शेड निवडा.
* मॅटऐवजी क्रिमी लिपस्टिक विकत घ्या. ही ओठांना सॉफ्ट टच देईल.
* लिपस्टिकसाठी ब्राऊन, बर्गंडीसारख्या डार्क शेड निवडू नका. लाईट शेड्सना महत्व द्या.
चीक मेकअप
* वाढत्या वयाबरोबरच चेहऱ्याचं फॅट कमी होतं. अशावेळी चीक बोनला हायलाईट करून तुम्ही आकर्षक लुक मिळवू शकता.
* चिक्ससाठी पावडर नाही, तर क्रीम बेस्ड मॅट ब्लशरचा वापर करा.
* पीच, पिंकसारखे ब्लशर तुम्हाला यंग लुक देऊ शकतात.
हायलाईटरने लपवा सुरकुत्या
मेकअप पूर्ण झाल्यानंतरदेखील जर सुरकुत्या दिसत असतील तर त्याला लपविण्यासाठी हायलाईटरचा वापर करा, परंतु हे पूर्ण चेहऱ्यावर लावण्याची चूक करू नका, फक्त तिथेच लावा जिथे सुरकुत्या दिसत आहेत. जर तुम्ही सावळया असाल तर शॅम्पन शेड आणि गोऱ्या असाल तर गोल्डन बेज कलरचं हायलाईटर विकत घ्या.
