* पारुल भटनागर
शॉपिंग साइट्स पूर्वी केवळ कपडयांसाठी प्रसिद्ध होत्या, परंतु आज या कॉस्मेटिक प्रोडक्टसाठीदेखील ग्राहकांची पहिली पसंत बनत आहेत. तुम्ही एखादी साईट खोला तुम्हाला तिथे सर्व ब्रँडची सौंदर्य उत्पादनं स्वस्तपासून महागपर्यंत मिळतील, जी तुम्हाला आकर्षित करण्याबरोबरच तुमचं सौंदर्यदेखील उजळतील.
या साइट्सवर विजीट केल्यावर तुम्हाला अनेक आकर्षक ऑफर्सदेखील पाहायला मिळतात. परंतु या ऑफर्समध्ये अडकण्याऐवजी तुमच्या हुशारीचा वापर करत सौंदर्य उत्पादनं ऑनलाइन विकत घ्या म्हणजे तुम्हाला पश्चाताप करावा लागणार नाही. जाणून घेऊया या संबंधित सतलीवाच्या को फाउंडर नम्रता रेड्डी सीरूपाकडून ऑनलाइन सौंदर्य उत्पादनं विकत घेतेवेळी कोणत्या गोष्टींची काळजी घेणं गरजेचं आहे :
खात्रीलायक साइट्सवरून खरेदी करा
अनेकदा तुम्ही पाहिलं असेल की जेव्हादेखील आपण ऑनलाईन काही सर्च करतो तेव्हा आपल्याला त्याच्या आजूबाजूला अनेक जाहिराती दिसून येतात, ज्या आपण सर्च केलेल्या असतात त्याच्याशीच मिळत्याजुळत्या असतात आणि उत्सुकतेने आपण त्या खोलून त्या अनोळखी साइट्सवरून काही खरेदीदेखील करतो.
एक लक्षात घ्या की ही मार्केटिंगची एक पद्धत आहे म्हणजे पाहणाऱ्याला नेहमी त्याच गोष्टीच्या अवतीभवती ठेवायचं म्हणजे वारंवार तुमच्या डोळयासमोर ते खरेदी करण्यासाठी तुम्ही विवश व्हाल. तुमच्या लक्षातही येत नाही की अनेकदा अनोळख्या साइट्सवरून शॉपिंग करून तुम्हाला तुम्ही फसले जाता.
अशावेळी गरजेचं आहे की जेव्हादेखील ऑनलाईन सौंदर्य उत्पादनं विकत घ्याल तेव्हा खात्रीलायक साइट्सवरूनच त्या विकत घ्या. म्हणजे तुमच्या प्रोडक्टची तुम्हाला गॅरंटी मिळेल. कारण नामवंत साईट्स स्वत:चं नाव खराब होऊ देत नाही. अनेकदा अनोळखी साईटस स्वस्त प्रोडक्त देतात परंतु जेव्हा आपण त्याचा वापर करतो तेव्हा समजतं की ही बनावट आणि निकृष्ट दर्जाची असल्यामुळे आपल्याला त्या स्वस्त मिळत आहेत आणि अनेकदा तर पेमेंट होऊनदेखील आपल्याला ते प्रोडक्ट मिळत नाही.
म्हणून सौंदर्य उत्पादनं नेहमीच खात्रीदायक साइट्सवरून जसं की अॅमेझान, फ्लिपकार्ट, नायका, पर्पल, मित्रा, लॅक्मे, लोटससारख्या ऑनलाइन साइट्सवरूनच खरेदी करायला हवीत. याबरोबरच हेदेखील चेक करा कि साईट सिक्युअर आहे की नाही. तसंच पेमेंट गेटवेदेखील सिक्युअर आहे की नाही. यामुळे तुमच्या डिटेल्सदेखील सुरक्षित राहतील.
त्वचेचा पोत लक्षात घ्या
जेव्हादेखील ऑनलाईन एखादं ब्युटी प्रॉडक्ट विकत घ्याल तेव्हा जेदेखील प्रॉडक्ट तुमच्या मनात आहे वा एखादं नवीन प्रोडक्ट जे तुमच्या त्वचेचा पोत लक्षात घेऊनच विकत घ्या. अन्यथा त्वचेचा पोत लक्षात न घेता घेतलेलं ब्युटी प्रॉडक्ट तुमच्या त्वचेवर सूट होणार नाही आणि सोबतच तुमचे पैसेदेखील वाया जातील ही वेगळी गोष्ट.
तुम्हाला ऑनलाईन फाउंडेशन विकत घ्यायचं असेल तर सर्वप्रथम तुमच्या त्वचेच्या पोताबद्दल माहिती असायला हवं. जर तुमची त्वचा नॉर्मल असेल तर तुमच्या त्वचेवर कोणतही फाउंडेशन चालेल. परंतु तुमची त्वचा कोरडी असेल तर तुम्हाला सिरम वा लिक्विड फाउंडेशन वापरायला हवं.
जर तुमची त्वचा तेलकट व कॉम्बिनेशनमध्ये असेल तर यासाठी मुज, पावडर वा क्रीम फाउंडेशन योग्य आहे. सोबतच तुम्ही फाउंडेशन योग्य पद्धतीने वापरला नाही तर तुमची त्वचा एकतर खूप डार्क, ग्रे दिसेल वा खूपच पांढरी दिसू लागेल, जे तुमच्या त्वचेचा नॅचरल टच संपून टाकण्याचं काम करते. म्हणून गरजेचं आहे की जेव्हादेखील ऑनलाइन फाउंडेशन विकत घ्याल तेव्हा तुमच्या स्किन टोनच्या दोन शेड खालचं टोन विकत घ्या.
प्रयत्न करा की तुम्ही ते अगोदर ऑफलाईन टेस्ट करून चेक करा. यामुळे गडबड होण्याचे चान्सेस कमी होतात आणि जर असं शक्य झालं नाही तर तुम्ही ते प्रोडक्ट युट्यूब, इंस्टाग्राम वगैरेवरचे व्हिडिओज चेक करा. म्हणजे तुमच्या स्कीन टाईपनुसार पूर्ण माहिती मिळेल. ज्यामुळे तुम्हाला प्रॉडक्ट विकत घेण्यामध्ये सहज सोपं होईल.
प्रयत्न करा तुम्ही अशा साईट्स वरूनच विकत घ्या. जिथे स्किन टाइपनुसार प्रोडक्ट्स टेस्टिंगदेखील ऑप्शन मिळतं. यामुळे समाधान मिळेल की तुम्ही योग्य प्रॉडक्ट विकत घेत आहात.
अशाच प्रकारे त्वचेसाठी मॉइश्चरायझर, क्रीम लिपस्टिक, विकत घेतेवेळी देखील स्किन टाइप लक्षात ठेवा आणि जर एखादं नवीन प्रोडक्ट विकत घ्यायचं असेल तर त्यापूर्वी त्याचा एक छोटसं पॅकेट विकत घ्या. म्हणजे जर तुम्हाला पसंत नाही पडलं तर अधिक नुकसान होणार नाही.
रिव्यू आणि रेटिंग नक्की पहा
हे नक्की पहा की जे रेटिंग व रिव्यू आहेत ते सीमित नसावेत म्हणजे १-२ लोकांचेच नसावेत. कारण या साइट्स स्वत:च्यादेखील असू शकतात. म्हणून कोणत्याही प्रोडक्टचा जेवढा जास्त रिव्यू व रेटींग असेल त्या प्रॉडक्टची तुम्हाला अधिक माहिती मिळण्याबरोबरच तुम्हाला ते प्रॉडक्ट विकत घेतेवेळी सहज सोपं होईल. तुम्ही या प्रोडक्टचे रिव्यू व रेटिंग जाण्यासाठी या प्रॉडक्टचे व्हिडिओ नक्की पहा.
इन्ग्रेडियंटसदेखील जाणून घ्या
अनेकदा प्रॉडक्ट पॅकिंग एवढे जबरदस्त असतं की आपण काहीच विचार न करता ते विकत घेतो. परंतु जेव्हा याचा वापर करतो तेव्हा समजतं की सर्व खेळ पॅकिंगचा होता, खरं तर प्रॉडक्टमध्ये काहीच दम नाही आहे. अशावेळी जेव्हा ऑनलाईन सौंदर्य उत्पादनं विकत घेत असाल तेव्हा इन्ग्रेडियंटसकडे लक्ष देणं खूपच गरजेचं आहे.
तर जाणून घेऊया एक्सपर्टकडून वेगवेगळ्या प्रकारचे ब्युटी प्रॉडक्टमध्ये काय आहे आणि काय नाही आहे. म्हणजे तुम्हाला प्रोडक्ट्स निवडण्यास मदत होईल.
हेअर प्रॉडक्ट
हार्मफुल इन्ग्रेडियंटस : ट्रिकलोसन, एस एल एस.
युजफुल इन्ग्रेडियंटस : कॅस्टर ऑइल, कोकोनट ऑइल.
बॉडी लोशन
हार्मफुल इन्ग्रेडियंटस : कोलतार, पेट्रोलियम, परफ्युम, फ्रेग्रेन्स.
युजफुल इन्ग्रेडियंटस : उपयोगी फॅटी अॅसिड्स, कॅरामाईड.
आय प्रॉडक्ट्स
हार्मफुल इन्ग्रेडियंटस : अॅल्युमिनियम, प्रोपाइलिन ग्लाईकोल.
डे अँड नाईट क्रीम
हार्मफुल इन्ग्रेडियंटस : रॅतिनोईक अॅसिड.
तुलना करून पहा
आजची जनरेशन दुकानातच जाण्याऐवजी ऑनलाइन शॉपिंग करणं पसंत करते. कारण एक तर घर बसल्या सामान मिळतं आणि दुसरं बाहेर जाण्याऐवजी स्वस्त किमतीतदेखील आणि तेदेखील इजी टू रिटर्न पॉलिसी सोबत. अशावेळी जर ऑनलाइन ब्युटी प्रॉडक्टस विकत घेण्याबद्दल तुम्ही विचार करत असाल तर फक्त एका साइटवर पाहून ते खरेदी करण्याचं ठरवू नका. उलट प्रोडक्ट्स अनेक विश्वसनीय साइट्सवर पहा. अगदी ऑफलाइनदेखील त्याचा अगोदर रेट काढून पहा. कारण जेव्हादेखील तुम्ही साइट्सवर तुलना करून ब्युटी प्रॉडक्ट विकत घ्याल तेव्हा जास्त फायदा हा होईल की कदाचित दुसऱ्या साईट वरती स्वस्त प्रॉडक्ट मिळेल. कारण कोणत्या ना कोणत्या साइटवर पाहिल्यामुळे तुम्हाला प्रॉडक्ट स्वस्त मिळण्याबरोबरच कॅशबॅक, एखाद्या कार्डवर दहा टक्के सूटसारख्या सुविधादेखील मिळतील. ज्यामुळे तुम्ही हे प्रॉडक्ट विकत घेतल्यावर फायदा होऊ शकतो. परंतु या गोष्टीचीदेखील काळजी घ्या की स्वस्त घेण्याच्या नादात एखाद्या अनोळखी साइट्सवरून प्रॉडक्ट विकत घेऊ नका. उलट समजूतदार ऑनलाइन ग्राहक बनून शॉपिंगचा आनंद घ्या.
