* शिवानी कंडवाल, आहार विशेषज्ज्ञ, डायबिटीस एज्युकेटेड,, फाउंडर न्यूट्री वाईब्ज
प्रश्न : माझं वय ३४ वर्षे आहे. कोविड -१९ झाल्यानंतर माझ्या लक्षात आलं की माझ्या केसांची चांगली काळजी घेऊन आणि त्यामध्ये तेल लावूनदेखील ते खूपच गळत आहेत. तुम्ही कृपया मला सल्ला द्या की मी माझ्या आहारात आणखी काय घेऊ शकते की ज्यामुळे माझे केस गळणे बंद होईल?
उत्तर : या अवस्थेला टॅलोजेन एफियुविएम म्हणतात. हे या आजारानंतर होऊ शकतं. यासाठी तुम्ही प्रोटीन आणि झिंकयुक्त आहार घ्या. जर तरीदेखील काही फरक पडत नसेल तर फेरीटीन, विटामिन डी ची टेस्ट करून घ्या. कारण याच्या कमतरतेमुळेदेखील केस गळू शकतात.
प्रश्न : माझं वय ३० वर्षे आहे आणि मी पीसीओडीची पेशंट आहे. मला माझ्या आहारात मी कोणत्या गोष्टी टाळाव्यात?
उत्तर : अलीकडे प्रत्येक ५ पैकी एका स्त्रीला तरी पीसीओडी आहे. याचं कारण आपली व्यस्त जीवनशैली. यासाठी तुमची दिनचर्या व्यवस्थित करा. तुमच्या आहारात साखर, मैदा, तळलेले पदार्थ, पॅकेट्स दूध, रिफाइंड तेल वगैरे काढून टाका. जेवढं होऊ शकेल तेवढया ताज्या (फायबर युक्त) भाज्या, फळं आणि मोड आलेले धान्य घ्या.
प्रश्न : माझा मुलगा अजिबात पोष्टिक खात नाही. त्याला फक्त पिझ्झा आणि पास्ता आवडतं. कृपया अशा आहाराचा सल्ला द्या जे पौष्टिकदेखील असेल आणि माझ्या मुलालादेखील आवडेल?
उत्तर : मुलांचा पौष्टिक आहार देण्यासाठी गरजेचं आहे की आहार दिसायला छान आणि रुचकरदेखील असावा. यासाठी भाजी पूर्ण बनवून पोळी वा पासत्यामध्ये टाका. याव्यतिरिक्त साध्या ब्रेड ऐवजी मल्टी ग्रेन ब्रेडचं सँडविच वा मल्टी ग्रेन पास्त्याचा वापर करा. नट्स आणि सिड्स शेक बनवून प्यायला द्या.
प्रश्न : माझं वय ४२ आहे आणि मला मधुमेह आहे. तुम्ही मला गोड पदार्थांचा पर्याय सांगा त्यामुळे मला जेव्हा गोड खावसं वाटेल तेव्हा मी खाऊ शकेन?
उत्तर : मधुमेह तुमच्या वाईट जीवनशैलीमुळे होतो. सर्वप्रथम तुमची दिनचर्या व्यवस्थित करा आणि दररोज व्यायाम करा. याव्यतिरिक्त जेव्हा गोड खावसं वाटेल तेव्हा तुम्ही एक खजूर, १०० ग्रॅम फळ, फ्रुट स्मुदी, डार्क चॉकलेट इत्यादी खाऊ शकता.
प्रश्न : माझी आई मधुमेहाची पेशंट आहे. तिने भात खाणे योग्य आहे का? दिवसातून किती वेळा आणि कोणता भात खायला हवा म्हणजे पांढरा का ब्राउन?
उत्तर : कोणताही नैसर्गिक आहार वाईट नसतो. परंतु आपण त्याचा सेवन कसं करतो आहोत हे पाहायला हवं. तुम्ही भात देऊ शकता, परंतु त्याची पेज काढून. ज्यामध्ये जेवढं भाताचं प्रमाण आहे तेवढीच दाळ वा भाजी मिसळून द्या. पांढरा ऐवजी ब्राऊन भात अधिक हेल्दी असतो.
प्रश्न : मी ३० वर्षांची आहे. माझंजन ४५ किलो आणि उंची ५ फूट ७ इंच आहे. माझं वजन खूपच वेगाने कमी होत आहे. कृपया करून याबाबत सल्ला द्या की मी काय खावं जेणेकरून माझं वजन वाढेल?
उत्तर : पहिल्यांदा हे गरजेच आहे की तुमचं वजन कमी होण्याचं कारण जाणून घेणं. यासाठी तुम्ही तुमची थायरॉईड टेस्ट करून घ्या. या व्यतिरिक्त तुमच्या आहारातील पौष्टिक तत्त्वांकडे खास लक्ष द्या. प्रोटीन, कार्बोहायड्रेट युक्त भोजन घ्या.
प्रश्न : माझी नखं खूपच कमजोर झाली आहेत. आठवडयामध्ये जेवढी वाढतात तेवढीच तुटतात. मी नखं वाढविणाऱ्या तेलाचादेखील वापर केला आहे परंतु यामुळे फारसा काही फायदा झाला नाही. कृपया करून मला सल्ला द्या की मला कोणता आहार घ्यायला हवा ज्यामुळे माझी नखं निरोगी होतील आणि वाढीसदेखील लागतील?
उत्तर : तुम्ही तुमच्या आहारात प्रोटीन घ्या. कमीत कमी १ वा १.५ ग्राम प्रति १ किलोग्राम शरीराच्या वजनाच्या हिशोबाने प्रोटीन घ्या. यासाठी डाळी, सोयाबीन, पनीर, चिकन, दूध आणि दुधाने बनविलेल्या वस्तू खाऊ शकता. झिंक युक्त जसं की कडधान्ये, नट्स, दही इत्यादी खाऊ शकता.
प्रश्न : माझं वय २६ वर्षे आहे आणि नुकतीच कोविड -१९ ची रिकवरी केली आहे. मला प्रत्येक वेळी खूप आळस येतो. कृपया करून मी आहारात काय घेऊ शकते ते सांगा
उत्तर : कोविड -१९ नंतर अशा प्रकारची कमजोरी येणे खूपच सामान्य झालं आहे. परंतु डायटमध्ये बदल करून तुम्ही तुमची एनर्जी लेवल वाढवू शकता. तुमच्या आहारात एनर्जी वाढविणारे खाद्यपदार्थ वाढवा जसं की कडधान्य खाद्यपदार्थ, रताळी, डाळी, फळे, अंडी, चिकन मासे, सत्व इत्यादींचा आहारात समावेश करा. कोणत्याही आजाराच्या वेळी शरीरात इन्फ्लंमेशन वाढतं, ते कमी करण्यासाठी ओमेगा-३ फॅटी अॅसिडच्या पदार्थांचा तुमच्या डायटमध्ये समावेश करा. ओमेगा-३ फॅटी अॅसिड अक्रोड, अळशीच्या बियांमध्ये असतं आणि जर तुम्हाला वाटतं की तरीदेखील तुम्हाला आराम मिळत नाही आहे तर तुम्ही त्याची सप्लीमेंट देखील घेऊ शकता.
