* मोनिका गुप्ता
प्रत्येक मुलीची इच्छा असते की ती स्लिम ट्रिम व सुंदर दिसावी, परंतु आजकालची तरुण पिढी फास्टफूडसाठी इतकी क्रेझ आहे की चवीसाठी काहीही खाणे पसंत करते. जेव्हा की खाण्या-पिण्याची ही सवय शरीराच्या ठेवणीला बिघडवते. जर तुम्ही सतत फास्ट फूडचे सेवन करीत असाल व तेही शारीरिक मेहनत वा एक्सरसाइजशिवाय, तर लठ्ठपणाशी दोस्ती होणे तर नक्की आहे.
टेस्ट बिघडवते तब्येत
खाण्या-पिण्याच्या वाईट सवयी व चुकीच्या जीवनशैलीमुळे शरीरात एक्स्ट्रा फॅट जमा होऊ लागते. त्यामुळे वजन वाढते व आपण वजनवाढीसारख्या समस्यांच्या विळख्यात सापडतो. आजकालच्या तरुण मुलींना जिभेची चव घेणे छान जमते, परंतु या चवीसोबतच आणखी स्लिम ट्रिम बनण्याचे स्वप्न स्वप्नच राहून जाते.
शरीरात जेव्हा फॅट जमा होऊ लागते, तेव्हा याचा सगळयात जास्त परिणाम कंबर व पोटावर होतो. हे दोन शरीराचे असे भाग आहेत, जिथे चरबी सगळयात जास्त साठते, ज्याने लक्षात येतं की आपण जाड होतोय. त्यामुळे काही मुली ज्या कालपर्यंत पिझ्झा-बर्गर इत्यादी खाणे पसंत करत होत्या, त्या आपलं डाएट लगेच बरंच कमी करतात व औषधांचा आधार घेऊ लागतात, जे अजिबात योग्य नाही.
सादर आहेत लठ्ठपणा कमी करण्याचे काही उपाय :
वाढलेले पोट व कंबरेमुळे मुली आवडते ड्रेस घालणे सोडून देतात, परंतु आवडते ड्रेस घालणे सोडण्यापेक्षा जास्त चांगलं आहे की तुम्ही फास्ट फूड खाणं सोडून द्यावे.
मध व लिंबू : सकाळी उपाशीपोटी हलक्याशा कोमट पाण्यात मध व लिंबाचा रस मिसळून प्यावे. असे करणे पोटाची अतिरिक्त चरबी कमी करते.
अंडयाचा पांढरा भाग : कंबर व पोटाची चरबी कमी करण्यासाठी अंडयाच्या पांढऱ्या भागाचे सेवन नाश्त्यामध्ये नक्की करावे. यात प्रोटीन व अमिनो अॅसिड दोन्ही जास्त मात्रेत असतात.
बदाम : बदामात व्हिटॅमिन्स व मिनरल्स पुष्कळ प्रमाणात असतात. रोज सकाळी भिजवलेले बदाम नक्की खावेत. यांनी शरीराला उष्णता व ऊर्जा दोन्ही मिळतात व बॉडीचे अतिरिक्त फॅटदेखील कमी होते.
ब्राउन राईस : ब्राउन राईस फॅट फ्री असतो. यात कॅलरीचे प्रमाण नगण्य असते. हे खाल्ल्याने शरीरात लठ्ठपणा येत नाही.
पाणीयुक्त भाज्या व फळे : पाणीयुक्त भाज्या व फळे याचा अर्थ अशी फळे व भाज्या, ज्यात पाण्याचे प्रमाण जास्त असेल, जसे की दुधी भोपळा, गाजर, कांदा, काकडी, टरबूज, पपई, टोमॅटो यांचे सेवन केल्याने शरीरातील फॅट लवकर कमी होते.
जाड रवा : जाड रव्यामध्ये कॅलरी अजिबात नसतात. फॅट फ्री बॉडी मिळवण्यासाठी हे सगळयात बेस्ट आहे. जाड रवा खाल्ल्याने भूकदेखील लवकर लागते व ऊर्जादेखील भरपूर मिळते.
पाण्याचे सेवन : जास्त पाणी प्यायल्याने चेहऱ्याचे सौंदर्य अबाधित राहते.
हिरव्या भाज्या : कॅलरी बर्न करण्यासाठी आपल्या डाएटमध्ये हिरव्या भाज्या जरूर समाविष्ट कराव्यात.
काय खाऊ नये
* जास्त तेल, मसालेयुक्त पदार्थांपासून दूर राहावे.
* बाहेरचे खाणे बंद करावे.
* अधिक गोड पदार्थांचे सेवन करू नये.
* छोले, राजमा, भात यांचे अधिक सेवन करू नये.
कंबर व पोट पातळ ठेवण्यासाठी एक्सरसाइज
बेस्ट फिगरसाठी योग्य डाएटसोबतच एक्सरसाइज करणेदेखील अत्यंत गरजेचे आहे. या व्यायामाने बॉडी फॅट कमी करून आपली कंबर स्लिम दाखवू शकता.
डबल लेग एक्सरसाइज : पाठीवर झोपून दोन्ही पायांना वरकरून दोन्ही गुडघ्यांना मधून वाकवावे. पाच सेकंदांपर्यंत हातांनी पायांना पकडून ठेवावे. असे सात ते आठ वेळा करावे.
कात्री एक्सरसाइज : हा कंबर बारीक करण्यासाठी बराच लाभदायक आहे. हा व्यायाम करण्यासाठी पाठीवर झोपून दोन्ही पाय वर उचलावेत व नंतर उजवा पाय खाली आणून सरळ करावा. आता डाव्या पायाला खाली आणून सरळ करावे.
दोरीवरच्या उडया : कंबर बारीक करण्यासाठी हा व्यायाम बराच फायदेशीर आहे. हा कंबर बारीक करण्यासोबतच स्नायुंनादेखील मजबूत बनवतो.
बायसिकल क्रंचेस : पाठीवर झोपून दोन्ही पाय हवेत सायकलसारखे चालवावेत. यामुळे पोट जांघा व कंबरेची चरबी कमी होते.