* पारुल भटनागर
दिवाळीच्या दिवशी प्रत्येक स्त्रीला वाटत असतं की तिचं घर उजळून निघावं, नातेवाईक आणि मित्र-मैत्रिणींनी तिने दिलेल्या भेटवस्तूची स्तुती करावी आणि हे सर्व करण्यात स्त्रिया अनेकदा भरपूर मेहनत करतात. परंतु या सगळयांमध्ये त्या एक गोष्ट करत नाहीत ते म्हणजे स्वत:कडे लक्ष देणं.
गरजेचं नाही की तुम्ही पार्लरमध्ये जाऊनच तुमचा चेहरा उजळवू शकता. तुम्ही घरच्या घरीदेखील सहजपणे सर्व कामं करता करता मिनिटात तुमच्या चेहऱ्यावर चमक आणू शकता आणि तेदेखील तुमच्या पाकिटावर अधिक भार न टाकता. होय, तुम्ही घरच्या घरी फेस मास्कने मिनिटात रिफ्रेश लुक व ग्लो मिळवू शकता.
चला तर, जाणून घेऊया कोणकोणते फेस मास्क आहेत जे तुमच्यासाठी बेस्ट आहेत :
हनी पोशन रीनेविंग फेस मास्क
या फेस मास्कला कोरडया त्वचेच्या लोकांसाठी मॅजिक म्हणणं चुकीचं नाही ठरणार, कारण यामध्ये हायड्रेशन प्रॉपर्टीज असतात. हे हनी बेस मास्क अँटिऑक्सिडंटमध्ये रिच असल्यामुळे तुमच्या त्वचेला काही मिनिटातच मुलायमपणा देण्याचं काम करतात.
सोबतच या मास्कमध्ये विटामिन बी असल्यामुळे हे त्वचेवर सणासाठी इन्स्टंट ग्लो आणण्याचं काम करतं. तर मग या हायड्रेट अँटिऑक्सिडंट फेस मास्कने मिळवा ग्लोइंग कॉम्प्लेक्शन. हे मास्क क्रुएल्टी फ्रीदेखील आहे.
कसं अप्लाय कराल : तुम्ही हे दहा मिनिटांसाठी चेहऱ्यावर लावा आणि नंतर हलक्या हाताने चेहऱ्यावर मसाज करून चेहरा स्वच्छ धुवा. यामुळे तुमच्या चेहऱ्यावर एकदम ग्लो दिसून येईल. जे पार्टी वा फंक्शनसाठी योग्य आहे. हे तुम्ही तुमच्या सुविधेनुसार ऑनलाइन, ऑफलाइन सहजपणे खरेदी करू शकता.
ग्रेपफ्रूट हायड्रोजेल मास्क
जर तुमच्या त्वचेवर मुरुमांची समस्या असेल आणि तुमच्या त्वचेवर तुम्ही काही लावायलादेखील घाबरत असाल तर तुम्ही ग्रेपफ्रूट हायड्रोजेल मास्कचा वापर कोणताही विचार न करता करू शकतात. हे खास करून अॅक्ने प्रोन त्वचेसाठी डिझाइन केलं गेलंय. यामध्ये ग्रेपफ्रूट सीड एक्सट्रॅक्ट, जे त्वचेला रिफ्रेश करण्याचं काम करतं आणि यामध्ये विटामिन सीच्या अनेक गुणधर्म त्वचेला उजळवण्याबरोबरच अॅक्ने रोखण्याचंदेखील काम करतं. सोबतच अॅक्नेमुळे पडणारे डागदेखील कमी करण्यास मदतनीस ठरतं. जर तुम्ही या मास्कला सणासाठी लावाल तेव्हा तुमची त्वचा पार्लरसारखी उजळून निघेल.
कसं अप्लाय कराल : हे पील ऑफ मास्क असतं. याला फक्त १० ते १५ मिनिटानंतर त्वचेवरून पील ऑफ करण्याची गरज असते. म्हणजेच सहज वापरता येण्याजोगं आणि हे मास्क खूपच बजेट फ्रेंडलीदेखील असतं. हे कोणीही अफोर्ड करू शकतं.
चारकोल मास्क
चारकोल मास्क अलीकडे खूपच ट्रेन्डमध्ये आहे. खास बाब म्हणजे हे पोर्स क्लीन करण्याबरोबरच तुम्हाला ब्लॅक हेड्सच्या समस्यापासूनदेखील सुटका देण्याचं काम करतं. चारकोलच्या प्रॉपर्टीज त्वचेवर जमा झालेली धूळमाती व घाण रिमूव करून तुम्हाला क्लियर स्किन देण्याबरोबरच अॅक्नेच्या समस्येपासूनदेखील सुटका देण्याचं काम करतं. हे डेड स्किन सेल्सला रिमूव करून त्वचेतील अतिरिक्त ऑईल काढून त्वचेवर ग्लो आणण्याचं काम करतं .ज्यामुळे त्वचा क्लीन होण्याबरोबरच ग्लोईंगदेखील दिसून येते.
कसा अप्लाय कराल : सर्वप्रथम त्वचेला स्वच्छ करून चांगला फेस मास्क अप्लाय करा नंतर या मास्कला चेहऱ्यावर १५ मिनिटांसाठी लावून सोडून द्या आणि नंतर धुऊन टाका. याबरोबरच चेहऱ्याला हलक्या हाताने स्वच्छ करून यावर मॉइश्चरायझर अप्लाय करा. तुम्हाला त्वरित तुमच्या त्वचेतील फरक दिसून येईल.
ओटमील मास्क
जर तुमची त्वचा खूपच सेन्सिटिव्ह असेल तर तुम्ही प्रत्येक प्रोडक्ट वापरण्यापूर्वी दहावेळा तरी विचार करा. कारण सेन्सिटिव्ह त्वचेवर कोणतही प्रोडक्टस वापरल्यामुळे त्वचेचं नुकसान होतं.
परंतु सण-उत्सवात चेहऱ्यावर त्वरित ग्लो आणायचं असेल तर सेंसिटिव स्किन असणाऱ्यांना ओटमील मास्क सर्वात उत्तम पर्याय आहे. कारण यामध्ये अँटीइनफ्लेमेटरी व अँटीमायक्रोबियल प्रॉपर्टीज असतात, ज्या त्वचेला स्वच्छ व मुलायम करण्याचं काम करतात. मास्क त्वचेच्या हीलींग प्रोसेसलादेखील वेगवान करण्याचं काम करतं.
कसा अप्लाय कराल : त्वचा स्वच्छ करूनच हा मास्क चेहऱ्यावर लावा. नंतर कमीत कमी १५ मिनिटांसाठी हे चेहऱ्याला लावून ठेवा आणि नंतर स्वच्छ पाण्याने चेहरा धुवा. यामुळे त्वचा नैसर्गिक पद्धतीने चमकदार दिसून येईल आणि त्वचेचं नुकसानदेखील होणार नाही. हे मात्र तुम्हाला सहजपणे प्रत्येक ठिकाणी मिळू शकेल.
पंपकिन आणि हनी मास्क
जर तुम्हाला त्वचेवर त्वरित ग्लो आणायचा असेल तर तुम्ही फेस्टिवल्स पंपकिन हनी मास्क त्वचेवर लावून रिफ्रेश व ग्लोइंग लुक मिळवा. हनी हेल्दी सेल्स प्रमोट करून त्वचेला तरुण बनवण्याचं काम करतं. पंपकिन ऑइलमध्ये विटामिन्स, मिनरल्स व ओमेगा असल्यामुळे हे डॅमेज त्वचेला त्वरित रिपेयर करण्याबरोबरच एजिंग प्रोसेस लॉक करण्याचंदेखील काम करतं.
हे तुमच्या त्वचेतील डलनेस दूर करण्याबरोबरच ते चमकदार बनवतं. सोबतच मुलायम देखील बनवण्याचं काम करतं.
कसं अप्लाय कराल : अप्लाय करणं सहजसोपं आहे. फक्त चेहऱ्यावर व्यवस्थित १० ते १५ मिनिटांसाठी लावा आणि नंतर पाण्याने स्वच्छ धुऊन टाका.
लक्षात ठेवा
जेव्हा तुम्ही स्वत:साठी फेस मास्क विकत घ्याल त्यापूर्वी तुमच्या त्वचेचा टाईप म्हणजेच पोत लक्षात घ्या. कारण प्रत्येक फेस मास्क वेगवेगळया स्किन टाइपला लक्षात ठेवूनच बनवला जातो. जर तुम्ही स्किन टाइप लक्षात ठेवून फेस मास्क विकत घेतला तर तुम्हाला उत्तम रिझल्ट मिळेल. सोबतच त्वचेचं कोणतेही नुकसान होणार नाही.
ही गोष्टदेखील लक्षात ठेवायला हवी की फेस मास्कमध्ये पॅराबेन्स, सुगंध, अल्कोहोल, डायचा वापर केलेला नसावा. सोबतच हे चेहऱ्यावर अॅलर्जीचं कारण बनू शकतो आणि जेव्हा त्वचेवर मास्क अप्लाय कराल तेव्हा उत्तम रिझल्टसाठी तो अधिक काळ चेहऱ्यावर लावून ठेवू नका. फक्त १० ते १५ मिनिटं योग्य वेळ आहे