* प्रतिनिधी
फ्लॉवरचे कबाब
काय लागेल
* १ छोटा फ्लॉवर
* अर्धा कप बटाटे उकडलेले व मॅश केलेले
* अर्धा कप ब्रेडक्रम्स
* १ छोटा चमचा आलं बारीक चिरलेलं
* २ हिरव्या मिरच्या बारीक चिरलेल्या
* १ छोटा चमचा कोथिंबीर बारीक चिरलेली
* चिमूटभर एल. जी. हिंग
* अर्धा छोटा चमचा लाल तिखट
* पाव छोटा चमचा आमचूर पावडर
* पाव छोटा चमचा गरम मसाला
* २ मोठे चमचे टोमॅटो चटणी
* २ मोठे चमचे कोथिंबीर चटणी
* तळण्यासाठी पुरेसं तेल
* मीठ चवीनुसार.
कसं कराल
फ्लॉवरला कुस्करून घ्या. तेल, चिमूटभर एल. जी. हिंग आणि दोन्ही चटण्या सोडून इतर सर्व साहित्य व्यवस्थित एकत्रित करा. तयार मिश्रणाचे १-१ चमचा घेऊन छोटे छोटे कबाब बनवा. तव्यावर तेल गरम करा. सर्व कबाब मंद आचेवर दोन्ही बाजूंनी सोनेरी होईपर्यंत परतवून घ्या. दोन्ही चटण्यासोबत गरम गरम फ्लॉवर कबाब सर्व्ह करा.