* प्रतिनिधी
थंडीचा मोसम सुरू झाला आहे, याचा केसांवर खूपच दुष्परिणाम होतो. पण घाबरू नका, कारण या थंडीत केसांचे आरोग्य टिकवून ठेवण्यासाठी आम्ही काही सोपे उपाय सांगत आहोत :
आईच्या टीप्स
* केस रुक्ष झाल्यास जास्तीत जास्त पाणी प्या, तुम्ही जितके जास्त पाणी प्याल, तितके तुमचे शरीर हायड्रेट राहील.
* एका भांडयात दोन लिंबांचा रस काढून त्यात थोडे पाणी घालून हलवा. हे मिश्रण डोक्याच्या त्वचेला लावून बोटांनी हळूवार मालीश करा. थोडा वेळ तसेच राहू द्या. त्यानंतर थंड पाण्याने केस धुवा. यामुळे केसातील ओलावा टिकून राहील.
* अंडे केसांसाठी एक नॅचरल कंडिशनर आहे. म्हणून एका भांडयात दोन अंडी फोडून त्यात लिंबाचा रस आणि थोडे ऑलिव्ह ऑईल घालून मिश्रण तयार करून ते डोक्याच्या त्वचेला लावा. सुकल्यावर सौम्य शाम्पूने केस धुवा.
* कोरफडीचा रस आणि दही समप्रमाणात एकत्र करून डोक्याच्या त्वचेला लावा आणि ३०-४० मिनिटांनी थंड पाण्याने धुवा. आठवडयातून दोनदा हा उपाय केल्यास केसांचा रुक्षपणा कायमचा निघून जाईल.
* जोजोबा ऑईल, ऑलिव्ह ऑईल किंवा नारळाचे तेल रुक्ष केसांसाठी चांगले असते. म्हणून आठवडयातून दोनदा यापैकी कोणत्याही एका तेलाने केसांची मालीश करून त्यांनतर केस कापडाने झाकून झोपून जा. सकाळी सौम्य शाम्पूने केस धुवा.
तज्ज्ञांचा सल्ला
मुंबईतील प्रसिद्ध डर्मेटोलॉजिस्ट डॉक्टर मुर्थे यांनी सांगितले की आठवड्यातून दोन ते तिनदा नारळाचे तेल, अॅवोकाडो ऑईल, कॅस्टर ऑईल आणि बदामाचे तेल समप्रमाणात एकत्र करुन टाळूच्या त्वचेला लावून बोटांनी हळूवार मालीश करा. रात्रभर केस तसेच ठेवून सकाळी सौम्य शाम्पूने धुवा. असे केल्याने केसांना सर्व प्रकारचे पोषण एकत्रित मिळते.
डाएटमध्ये बदल गरजेचा
केवळ बाह्य उपचारानेच नव्हे तर खाण्यापिण्यातील बदलामुळेही केसांतील मुलायमपणा आणि चमक परत मिळते. फक्त गरज आहे ती तुमच्या आहारात या घटकांचा समावेश करण्याची :
* लोहाच्या कमतरतेमुळे शरीरातील लाल पेशी चांगल्या प्रकारे काम करू शकत नाहीत, जे आपल्या शरीरातील पेशींमध्ये ऑक्सिजनचा पुरवठा करतात. डोक्याच्या त्वचेपर्यंत ऑक्सिजन पोहोचू न शकल्यामुळे केसांची वाढ खुंटते. म्हणून जेवणात लोहयुक्त पदार्थ जसे की पालक, लाल मांस, बीन्स, ब्रोकोली, मासे, टोमॅटो, मसूर डाळ आदींचा समावेश करा.
* झिंक शरीरातच नाही तर डोक्याच्या त्वचेतीलही हार्मोन्सची लेव्हल बॅलन्स करून केसांचे गळणे कमी करते. याच्या कमतरतेमुळे केसांचे प्रोटीन स्ट्रक्चर खराब होते आणि यामुळेच केस कमजोर होतात. झिंक केसांचे टिश्यूज वाढवण्यासाठीही मदत करते. म्हणूनच लांब आणि घनदाट केस हवे असतील तर आहारात बीन्स, नट्स, अंडी, रताळी आणि अॅवोकाडोचा नक्की समावेश करा.
* मॅग्नेशियम केसांच्या पेशींना ठीक करून केसांच्या वाढीस मदत करते. याच्या कमतरतेमुळे डोक्याच्या त्वचेवर कॅल्शियम जमा होऊ लागते. यामुळे त्वचा श्वास घेऊ शकत नाही आणि केस गळू लागतात. जर तुमचे केसही खूप गळत असतील तर आपल्या जेवणात मासे, सुकामेवा, ड्रायफ्रूट्स, केळी, हिरव्या पालेभाज्या, डार्क चॉकलेट, दही, बीन्स, नट्स, डाळी यांचा समावेश करा.
* प्रोटीन, फायबरच्या मदतीमुळे केस घनदाट होतात. याच्या कमतरतेमुळे केस गळू लागतात. म्हणून जास्त केस गळत असतील तर त्यांनी मासे, डाळी, अंडी, दूध, पनीर, खजूर, मोड आलेली कडधान्ये, बीन्स, चिकनसारखे पदार्थ खावेत.
व्हिटॅमिन्स केसांसाठी खूपच गरजेचे आहे. विशेष करून व्हिटॅमिन ‘ए’ आणि ‘इ’ जे डॅमेज केसांच्या टिश्यूजना दुरुस्त करून पेशींच्या वाढीस मदत करतात. ते टाळूच्या त्वचेतील रक्ताभिसरण सुरळीत करतात. व्हिटॅमिन ‘ए’च्या पूर्तीसाठी रताळी, अंडयातील पिवळा बलक, दूध, पालक, आंबा, लोणी, गाजर आणि ब्रोकोली खा. व्हिटॅमिन ‘ए’ची कमतरता दूर करण्यासाठी बदाम, मासे, पालक, पपई, अॅवोकाडो, ब्रोकली, किवी, पिस्ता, भोपळी मिरची, टोमॅटो यांचे सेवन करा.
तज्ज्ञांचे मत
डॉक्टर मुर्थे यांच्या मते या खाद्यपदार्थांव्यतिरिक्त तुम्ही बायोटिनयुक्त टॅब्लेट्स खाऊ शकता जे केसांच्या अंतर्गत देखभालीसाठी गरजेचे असतात. याशिवाय सप्लिमेंट म्हणून तुम्ही मल्टीव्हिटॅमिन टॅब्लेट्सचेही सेवन करू शकता. केसांच्या वाढीसाठी शरीरात हिमोग्लोबिनचे प्रमाण योग्य असणे खूपच गरजेचे आहे. म्हणून आयर्न टॅब्लेट्स खा. या शरीरात हिमोग्लोबिनचे प्रमाण वाढवतात.
डॉ. रिंकी सांगतात की आहार हा ओमेगा आणि फॅटी अॅसिडयुक्त असावा. जे मांसाहारी आहेत त्यांनी समुद्री मासे, लाल मांस आणि अंडी खायला हवीत आणि जे शाकाहारी आहेत, त्यांनी अॅवोकाडो, जवस, ओट्स, दुग्धजन्य पदार्थ खावेत. याच्यासोबतच गाजर, बीट, लाल पालेभाजी, सफरचंद इत्यादी गडद रंग असलेली फळे आणि भाज्या खाव्यात.
प्रोफेशनल ट्रीटमेंट घ्या
प्रोफेशनल हेअर स्टायलिस्ट शाहजाद खान यांचे म्हणणे आहे की अनेकदा स्रियांचे केस इतके रुक्ष होतात की त्यांना प्रोफेशनल ट्रीटमेंटची गरज असते. ही ट्रीटमेंट तुम्ही डर्मेटोलॉजिस्ट किंवा प्रोफेशनल सलूनमध्ये घेऊ शकता.
कॅरोटीन ट्रीटमेंट
ही एक प्रकारची प्रोटीन ट्रीटमेंट आहे जिथे केसांच्या आतील स्तर, कोटेक्स दुरुस्त केला जातो. या ट्रीटमेंटमध्ये कोरडया आणि रुक्ष, तुटलेल्या, गळणाऱ्या केसांना नीट केले जाते. यामुळे केस चमकदार होतात, सोबतच मजबूत आणि घनदाटही होतात.
सिस्टीन ट्रीटमेंट
हीदेखील कॅरोटीनसारखीच प्रोटीन ट्रीटमेंट आहे, जी खास करून गुंतलेल्या केसांना नीट करण्याचे काम करते. ही ट्रीटमेंट त्यांच्यासाठी आहे ज्यांचे केस कुरळे तसेच रुक्ष असतात.
तज्ज्ञांचे मत
डॉ. मुर्थे यांनी सांगितले की रुक्ष, निर्जीव केसांसाठी २ प्रकारच्या ट्रीटमेंट उपलब्ध आहेत. एक आहे लेझर ट्रीटमेंट. यात लेझर कोंबच्या मदतीने केसांच्या आतील स्तर दुरुस्त केला जातो आणि दुसरी आहे मिजो थेरपी. याद्वारे एक प्रकारच्या कॅण्डीकेटेड मिश्रणाला टाळूच्या त्वचेच्या आत घालून केसांच्या मुळांना प्रोटीन पुरवले जाते. या दोन्ही ट्रीटमेंट खूपच प्रभावी आहेत.
डॉ. रिंकी सांगतात की, निर्जीव आणि रुक्ष केसांसाठी क्यूआर ६७८ थेरपीच्या ८ ते १० सिटिंग्स गरजेच्या आहेत, तर पीआरपी थेरपी, ज्याला वैंपायर थेरपीही म्हणतात, हीदेखील खूपच प्रभावी समजली जाते. यात शरीरातील काही रक्त काढून ते टाळूच्या त्वचेत इंजेक्ट केले जाते.
या प्रोडक्ट्सचा वापर करा
हेअर स्टायलिस्ट रश्मी धुळे सांगतात की अनेकदा काही महिला चुकीचे प्रोडक्ट वापरून डोक्याची त्वचा डॅमेज करतात. म्हणून त्याच प्रोडक्ट्सचा वापर करावा जे केसांचे नुकसान होण्यापासून वाचवतात.
बोअर ब्रिस्टल ब्रश
हे केसांतील नैसर्गिक तेल टाळूच्या त्वचेवर चांगल्या प्रकारे पसरवायला मदत करते. यामुळे केसांचा कुरळेपणा कमी होऊन टाळूच्या त्वचेमधील रक्तप्रवाह वाढतो.
हीट प्रोटेक्टिंग स्प्रे
तुम्ही जर जास्त करून स्टायलिंग टूल्सचा वापर करत असाल तर तुमच्यासाठी हे प्रोडक्ट खूपच गरजेचे आहे. हेअर स्ट्रेटनर असो किंवा ड्रायर, यांच्या वापरापूर्वी हीट प्रोटेक्टिंग स्प्रे वापरा, हा केसांवर एक स्तर तयार करतो, ज्यामुळे केस डॅमेज होत नाहीत.
लिव इन कंडिशनर
याच्या वापरामुळे केस दीर्घकाळ मऊ, मुलायम राहतील आणि त्यांना सांभाळणेही तुमच्यासाठी सोपे होईल. केस धुतल्यावर याला केसांच्या मध्य भागापासून टोकापर्यंत लावा आणि तसेच राहू द्या, कारण हे धुवून टाकण्याची गरज पडत नाही.
तज्ज्ञांचे मत
डॉक्टर मुर्थे यांच्या मते केसांसाठी नेहमी कमी इनग्रीडिएंट असलेले शाम्पू वापरा. खूपच सौम्य आणि सोप फ्री शाम्पू केसांसाठी चांगला असतो. केसात कोंडा असल्यास साबणयुक्त शाम्पू वापरावा.
डॉक्टर रिंकी सांगतात की ज्या स्त्रियांना बाहेर जाऊन काम करावे लागते, त्यांनी नियमित शाम्पू करणे गरजेचे असते. अशावेळी केसांचे नुकसान न होता शाम्पू करायचा असेल तर सल्फेट फ्री मेडिकेटेड शाम्पूचा वापर करावा