– पूनम पांडे
‘‘बघ बघ सरांनी बेल वाजवली. आता डीप नेकचा टॉप आणि मिनी स्कर्ट घातलेली टीना केबिनमध्ये जाईल आणि डोळे गरागरा फिरवत सरांशी अशाप्रकारे बोलेल की ते एकटक तिच्याकडे पाहत राहतील. अहो, सर कधी आम्हालाही बोलवत जा. आम्हाला काय काटे लागले आहेत? तुम्ही म्हणत असाल तर आम्हीही उद्यापासून शॉर्टस् घालून येतो.’’
‘‘गप्प बस, वेडी कुठली. आपण एवढे आखूड कपडे कधी घालू शकत नाही, मग भले आपल्याला नोकरी का सोडावी लागू नये.’’
‘‘मग आपण असच चरफडत बसायचं का, स्वत:च्या नखरेलपणावर बॉसला नाचवणाऱ्या टीनाला पाहून?’’
ऑफिसमध्ये सोनम आणि सुमनचे बोलणे ऐकून स्टाफमधील सर्व लोक मंदमंद हसत होते. पण टीना बाहेर येताच सर्व शांत झाले आणि टीना सर्वांकडे अशी पाहत होती जसे मनातल्या मनात गात असावी. ‘ये दुनिया… ये दुनिया… पितल दी, बेबी डॉल सोने दी….बेबी डॉल में सोने दी..’ आणि यावर स्टाफ जणू म्हणतोय उपहासाने ‘चार दिन कि चांदनी फिर अंधेरी रात…’
अनेक ऑफिसमध्ये हीच स्थिती
ही अवस्था फक्त सोनम आणि सुमन यांच्याच ऑफिसची नाही उलट अशा अनेक ऑफिसची आहे जिथे सेक्शुअली अट्रॅक्टीव्ह असणाऱ्या मुलींचेच चालते. ज्या त्यांच्या बोल्डनेसने बॉसला स्वत:च्या मुठीत ठेवतात. याचे परिणाम मात्र दुसऱ्या मुलींना भोगावे लागतात. अशा बोल्ड मुलींमुळे स्टाफमधील इतर मुलींना कशाप्रकारे मानसिक व आर्थिक त्रासाला तोंड द्यावे लागते जाणून घेऊ.
फक्त आम्हालाच ओरडा पडतो
अशाप्रकारच्या मुलींनी कुठलीही चूक करू दे, बॉस त्यांना लगेच ओरडत नाही. उलट ज्याची चूक नाही त्यांना ओरडून आपला राग शांत करतात. अॅड एजन्सीमध्ये काम करणारी शशिकला यादव सांगते, ‘‘माझ्याबरोबर असे अनेकदा घडले आहे कि माझ्या हॉट कलिगच्या चुकीवरून बॉस तिला ओरडायचे सोडून मलाच केबिनमध्ये बोलावून ओरडत असत. सुरुवातीला तर मी काही बोलले नाही, पण नंतर वाटले तिच्या चुकीची शिक्षा मला का म्हणून? नंतर मी पुराव्यानिशी जाऊ लागले. यामुळे मग बॉस ना नाइलाजाने तिला बोलावून ओरडावे लागे. अभिनय जरी असला तरी ते पाहून मला आनंद होत असे.’’
हॉट असतात, पण टॅलेंडेड नाही
इम्पोर्ट एक्सपोर्ट कंपनीत कार्यरत असणारी प्रिती सांगते, ‘‘मला त्यावेळी खूप वाईट वाटते, जेव्हा सिनियॉरीटी आणि टॅलेंट पाहता बॉसबरोबर मिटींगला जाण्याचा हक्क माझा असतो. पण बॉस नवीन क्लाएंटला भेटायला जाताना नेहमी माझ्या हॉट कलिगला घेऊन जातात. राग तर तेव्हा अनावर होतो जेव्हा मिटींगवरून आल्यानंतर जे काम करायचे असते ते मात्र माझ्या माथी मारले जाते. हे सागून की तुम्ही तिच्यापेक्षा खूप सिनिअर आहात म्हणून हे काम तुम्ही करा तेव्हा असे मनापासून वाटते असे म्हणावे की हे तर तुम्हालाही माहिती आहे की हिला काहीच येत नाही, हिच्यापेक्षा तर टॅलेंटेड तर मी आहे म्हणून तुम्ही हे काम मला सोपवत आहात.’’
वेगाने होणारी पगारवाढ
अशा मुली जेव्हा ऑफिसमध्ये काम सुरु करतात, तेव्हा आधीच आपला हॉटलुक दाखवून घसघसशीत पॅकेज पदरात पाडून घेतात आणि जसेजसे त्या कंपनीत जुन्या होत जातात, त्यांचा सॅलरी ग्राफसुद्धा बराच वाढलेला असतो. हल्लीच पीआर एजन्सी जॉईन करणार असेलेली निशा सिंह सांगते ‘‘मी माझी जुनी कंपनी सोडली, कारण तिथे ४ वर्षे काम केल्यानंतर माझा पगार ६ हजाराने वाढला तर माझ्या कलीगचा पगार २ वर्षांतच ६ हजाराने वाढला, जेव्हा की मी तिच्यापेक्षा जास्त काम करत होते आणि टॅलेंटसुद्धा होते.’’ एखाद्या कंपनीकडून असे वागले जाणे हे सामान्य मुलींचे आर्थिक शोषण नाही तर अजून काय आहे?
बॉसची असते मेहेरनजर
बोलणे सुटीचे असो किंवा प्रमोशनचे ऐकल्यानंतर बॉसच्या भुवया उंचावल्या जातात पण बोल्ड असणाऱ्या मुलींकडून जेव्हा सुट्टयांची मागणी होते, तेव्हा त्यांची सुट्टी मात्र बॉस किंवा एचआरकडून ताबडतोब मंजूर केली जाते. हे कारणच आहे कि बॉसची यांच्यावर जास्तच मेहेरनजर असते. अशा मुलींना प्रमोशनसाठी स्वत:ला सिद्ध करावे लागत नाही. याउलट इतर मुलींना मेहनत केल्यावरही त्यांना त्यांच्या हक्काचे पद मिळत नाही. प्रमोशन तर दूरच.
इतरजण ही करतात लांगूनचालन
बॉस जर म्हणत असेल की सूर्य पश्चिमेला उगवतो तर कर्मचारीसुद्धा हेच खरे मानतात. अशात बॉसशी जवळीक असल्याने अशा मुलींचे पाय कधीच जमिनीवर नसतात. अशावेळी शिपाई पासून ते इतर कुठल्याही स्टाफमधील लोकांना गरज भासली की ते बोलायला लागतात. सामान्य स्टाफ व खास मुलीने काही काम सांगितले तर शिपाईसुद्धा आधी त्या खास मुलीचे कामच ऐकतात. कारण तिच्याशी वाकडे घेवून त्याला बॉसच्या नजरेत वाईट ठरायचे नसते.
बोल्ड मुलींनी काळजी घ्यावी
ऑफिसमधील बोल्ड मुलींच्या बाबतीत असे म्हटले तर वावगे ठरणार नाही की त्या जे काही करतात आणि वागतात ते फक्त काही दिवसांचे असते. चार दिवसांचा झगमगाट असतो. पण हा झगमगाट त्यांच्यासाठी कायमचा अंधार ही ठरू शकतो. कुठल्या-कुठल्या समस्यांना त्यांना सामोरे जायला लागू शकते हे जाणून घेऊ.
काही काळचा झगमागाट
आज तुमच्यामागे वेडयासारखा फिरणारा बॉस नेहमीच तसा राहील असे नाही. तुमचे तारुण्य ओसरू लागले की तुम्ही बॉसच्या नजरेपासूनही दूर जाऊ लागाल. तो तुमच्या आयुष्याचा जोडीदार नाही, जो तुम्हाला आयुष्यभर साथ देईल. असेही होऊ शकते की ऑफिसमध्ये जर तुमच्यापेक्षाही सुंदर मुलगी आली तर तुम्हाला सोडून तिच्या मागे जाईल.
बदनामी सहन करावी लागेल
बॉसच्या वरदहस्तामुळे आर्थिक प्रगतीसोबत प्रमोशनही मिळू शकेल. पण बॉसच्या या मेहरबानीमुळे तुमच्या चारित्र्यावर प्रश्न निर्माण होऊ शकतात. हल्लीच्या महागाईच्या काळात तुमच्या बॉसचं तुमच्यावर हजारो रुपये का उडवणं हा ऑफिसमध्ये गॉसिपचा विषय बनू शकतो.
सेक्स सिम्बॉल बनून राहाल
तुमच्या अशा वागणुकीमुळे तुम्ही बनता बॉस आणि ऑफिस स्टाफच्या नजरेतही निवळ सेक्स सिम्बॉल बनून राहाल. शक्यता आहे की ऑफिस स्टाफ तुमच्याकडे बॉसची रखेल म्हणून पाहील.
कामासोबत कामलीलासुद्धा
सर्वात मोठे आणि कटू सत्य म्हणजे जर बॉस तुमच्या अदांवर भाळला असेल तर त्याला तुमच्याकडून काम करून तर हवे असेलच शिवाय कामक्रिडा करण्याचाही त्याचा मानस असेल. मग तुम्ही हा विचार कराल की फक्त कामक्रिडा करून तुमची सुटका होईल व तुम्हाला ऑफिसचे काम करावे लागणार नाही तर ते चुकीचे आहे. कारण तुम्हाला तिथे काम करायलाच ठेवले आहे.
वैयक्तिक आयुषात वाढतील अडचणी
जर तुम्ही ऑफिसात तुमच्या तारुण्याचा गैरवापर करत असाल तर होऊ शकते की तुम्ही इतके बदनाम व्हाल जाता की तुमच्या वैयक्तिक आयुष्यावरसुद्धा त्याचा परिणाम होऊ शकतो. हे विसरू नका कि जग खूप छोटे आहे. तुमचे हे वागणे तुमच्या जोडीदाराला कळले तर तुमचे लग्न होणे धोक्यात येईल.
ऑफिसमध्ये प्रेझेंनटेबल दिसणे काही वाईट नाही उलट ही चांगली सवय आहे. पण बोल्ड किंवा हॉट बनण्याचा प्रयत्न चुकूनही करू नका अन्यथा, बदनामी व खोटया प्रगतीशिवाय तुमच्या हाती काही येणार नाही. कष्टाने केलेली प्रगती आणि सन्मान तुम्हाला समाधान मिळवून देईल आणि आयुष्यातील प्रत्येक क्षण सुखाचा जगता येईल.