beauty article Archives

कसं रोखाल नेल पीलिंग

* अरुण भटनागर

चेहऱ्यावर पिंपल्स असो वा केसांमध्ये स्पीलिट एन्ड्स नाखुशीने यांना सामोरं जावच लागतं. हे आपलं सौंदर्य कमी करण्याचं काम करतात. अशा वेळी जेव्हा पीलिंग नेल्सची समस्या असेल तर ते आपल्या नेल्सच्या सौंदर्यात बाधा आणण्याचं काम करत असल्यामुळे आपल्यासाठी हे खूपच त्रासदायक होतं. अशा परिस्थितीत फक्त आपण हाच विचार करतो की या समस्येपासून कसं समाधान मिळेल, परंतु आता तुम्हाला चिंता करण्याची गरज नाही आहे, आम्ही काही अशा उत्पादनांबद्दल सांगत आहोत ज्यामुळे तुम्ही या समस्येपासून सुटका मिळवू शकता.

काय आहे नेल पिलिंगची समस्या

बदलत्या वातावरणाचा परिणाम त्वचेप्रमाणे आपल्या नखांवरदेखील होतो, ज्यामुळे आपल्या नखांच्या आजूबाजूची त्वचा सोलली जाते. अनेकदा रक्त निघाल्यामुळेदेखील खूप त्रास होतो, त्यामुळे सूजदेखील येते. सोबतच अनेकदा जीवनसत्व व लोह यांची कमतरतादेखील यासाठी जबाबदार असते. म्हणून आपण आपल्या आरोग्यप्रमाणेच क्युटिकल्सची काळजी करणेदेखील गरजेचे आहे. कारण ही आपली नखे सुरक्षा प्रदान करण्याचे काम करतात. अशावेळी आपल्याला या समस्येपासून सुटका मिळवण्यासाठी खाण्यापिण्यात आरोग्यदायक पदार्थांचा समावेश करण्याबरोबरच काही सौंदर्य उत्पादनंदेखील वापरण्याची गरज आहे, त्यामुळे आपण या समस्येपासून लवकरात लवकर सुटका मिळवू शकतो.

नेल पीलिंग या कारणांमुळे होतं :

* त्वचा कोरडी होऊन त्यातील मॉइश्चर कमी होणं.

* हार्श साबणाचा वापर करणे.

* सॅनिटायझरचा अधिक वापर करणं.

* थंडीचा प्रभाव

* शरीरात पौष्टिक तत्त्वांची कमी इत्यादी.

कशी मिळवाल सुटका

सुपरफूड बेस कोड

जसं नाव तसंच काम, खरंतर जेव्हादेखील आपल्या क्युटीकल्सचं नुकसान होतं तेव्हा आपण अशा वेळेस बेस कोडच्या वापर करायला हवा. ज्यामध्ये अँटीऑक्सिडन्ट्स रिच बोटॅनिकल तत्त्व असतील कारण हे त्वचेला डिटॉक्स करण्याबरोबरच त्यांना एक्सफॉलिएट करण्याचं कामदेखील करतात. नखांच्या त्वचेवरचा रेडनेस कमी करण्याबरोबरच त्यांना हायड्रेटदेखील ठेवतात. सोबतच यामध्ये कॅराटीन असल्यामुळे नेल्सदेखील मजबूत करण्याबरोबरच त्यांना नरिश करण्याचं कामदेखील करतात, ज्यामुळे क्युटिकल्स सहजपणे बरे होतात.

फाउंडेशन बेस कोड

जर तुमच्या नखांच्या आजूबाजूची त्वचा निघालेली असेल आणि तुम्हाला होणाऱ्या वेदनांपासून सुटका मिळवायची असेल तर अशी नरिशिंग क्युटिकल रिपेअर क्रिम विकत घ्या ज्यामध्ये शी बटर आणि सोडियम ह्यालुरोनिक असेल जे त्वचेला हायड्रेशन देण्याचं काम करतात, सोबतच यामध्ये विटामिन ए, सी आणि ई देखील असेल, जे नखांना ताकद देण्याबरोबरच त्यांना पिवळं होण्यापासूनदेखील वाचवतात.

जेल बेस्ड क्युटिकल क्रिम

क्युटीकलचं कारण एकतर शरीरात न्यूट्रिशनची उणीव वा मग त्वचेत मॉइश्चरच्या कमीमुळे मानलं जातं, अशावेळी जेल बेस्ड क्युटिकल क्रीममध्ये जर सॅलिसीलिक अॅसिड असेल तर तुमच्या समस्येचे समाधान होईल, कारण हे एक्सफॉलिएटरचं काम करतं जे क्युटिकल्सने मृत त्वचा काढण्यात मदतनीस ठरतं. सोबतच हे क्रिमपेक्षा खूप लाइट असतं, ज्यामुळे तुम्हाला लावल्यानंतर जाणीवदेखील होत नाही की तुम्ही नखांवर काही लावलं देखील आहे.

मल्टीपर्पज बाम

जर तुम्हाला यावर फार खर्च करायचा नसेल, परंतु तुम्हाला क्युटिकलपासून देखील सुटका मिळवायची असेल तर तुम्ही एकच उत्पादन खरेदी करून वेगवेगळया प्रकारे वापरू शकता, ज्यामुळे तुमची समस्यादेखील कमी होईल आणि तुमचं सौंदर्यदेखील वाढेल. जे आहे मल्टीपर्पज बाम ज्यामध्ये शी बटर आणि नैसर्गिक तेलं एकत्रित असतात, जे तुम्ही क्युटिकलवर लावून त्यांना हायड्रेड ठेवून बरे करू शकता. ओठांवर लावून त्यांना शायनी बनवू शकता वा चिरलेल्या टाचानवरदेखील लावून आराम मिळवू शकता.

बटर क्युटिकल क्रीम

जेव्हा त्वचा कोरडी होते तेव्हा त्याला मॉईश्चरची गरज असते, जे बटर क्युटिकल क्रीमने मिळू शकते, कारण यामध्ये कोको सीड बटर, बदाम तेल आणि बिन्स वॅक्स असल्यामुळे हे पूर्ण दिवस हायड्रेशनच काम करतं. सोबतच यामध्ये विटामिन ई देखील असेल तर हे नखांनादेखील पिवळं होण्यापासून वाचवतं.

ऑफिस गर्ल मेकअप आणि हेल्दी डाएट

* सुनील शर्मा

महिलांना २ गोष्टी सर्वात जास्त आवडतात- निरोगी शरीर आणि मेकअप. यामुळे केवळ त्यांची त्वचाच उजळत नाही तर त्या स्मार्ट आणि अॅक्टिव्हही दिसतात आणि ऑफिसमध्ये काम करत असतील तर त्या आपल्या सौंदर्याची जास्तच काळजी घेतात.

या सतर्कतेमध्ये चांगले अन्न आणि योग्य मेकअप खूप महत्त्वाचे असते अन्यथा स्वातीसारखी परिस्थितीसुद्धा येऊ शकते.

स्वाती एका मल्टिनॅशनल कंपनीत काम करते, पण ऑफिसमध्ये कोणता मेकअप करायचा आहे किंवा काय खायचे-प्यायचे आहे याबद्दल ती बेफिकीर होते. एकतर ती तिच्या आकाराने काहीशी जास्तच हेल्दी आहे आणि त्यावर मेकअपही भडक करते, त्यामुळे तिच्या पाठीमागे तिची खूप टिंगळ केली जाते.

पण यावर उपाय काय? ऑफिससाठी काही खास प्रकारचा मेकअप असतो का? योग्य आहार कुणा ऑफिस गर्लला सर्वांची चाहती बनवू शकतो का? असे काय करावे की एखादी महिला आपल्या कार्यालयात हसण्याचे कारण बनू नये?

या सर्व प्रश्नांची उत्तरे देताना आहारतज्ज्ञ आणि मेकअप आर्टिस्ट नेहा सागर म्हणतात, ‘‘मुलीसाठी, विशेषत: ऑफिस गर्लसाठी चांगले खाणे-पिणे आणि मेकअप यामध्ये संतुलन राखणे हे काही रॉकेट सायन्स म्हणजे कठीण काम नाही. ऑफिसमध्ये कामाचा ताण असल्यामुळे आपल्या आहाराकडे पूर्ण लक्ष दिले पाहिजे, काही छोटयाछोटया गोष्टींची काळजी घेतल्यास कोणतीही ऑफिस गर्ल स्वत:ला निरोगी ठेवू शकते.

‘‘जिथपर्यंत मेकअपचा प्रश्न आहे तर ऑफिसमध्ये जास्त हेवी मेकअप आवश्यक नाही. तुमच्या रंगरुपानुसार आणि बॉडीच्या आकारानुसार मेकअप केल्यानेदेखील प्रभाव पडू शकतो.’’

ऑफिस गर्लने तिच्या डाएट आणि मेकअपची काळजी कशी घ्यावी. यासाठी नेहा सागर काही टीप्स देत आहे, ज्या तुम्ही विचारात घेतल्या पाहिजेत :

आहार टीप्स

* ऑफिसला जाण्यापूर्वी नाश्ता जरूर करा.

* नाश्ता, दुपारचे जेवण आणि रात्रीचे जेवण यांशिवाय दिवसभरात फळांचे सेवन अवश्य करा. हंगामातील प्रत्येक फळ खा. याने शरीरात मिनरल्स आणि व्हिटॅमिन्सचे प्रमाण पूर्ण होते. फळे हे नाश्ता, दुपारचे जेवण आणि रात्रीच्या जेवणाव्यतिरिक्त इतर वेळी खाण्याचा प्रयत्न करा.

* ऑफिससाठी रेडी टू इट मिलसोबत ठेवण्याचा प्रयत्न करा. जसे फळांमध्ये केळी, सफरचंद, पेरू, नाशपाती इत्यादी. खूप वेळेपूर्वी कापलेली फळे खाऊ नका.

* फळांव्यतिरिक्त, भाजलेले मखाने, चणे आणि सुका मेवादेखील तयार जेवणात समाविष्ट केले जाऊ शकतात.

* दररोज भरपूर पाणी प्या, बाहेरचे उघडे पाणी पिऊ नका, कारण त्यामुळे आजारी पडण्याचा धोका असतो.

* भोजनासाठी किमान १५ मिनिटे वेळ द्यावा. चावूनचावून खावे, नेहमी निरोगी अन्न खावे. यामुळे शरीरात ऊर्जा टिकून राहते.

सौंदर्य टीप्स

* ऑफिससाठी नेहमी हलका आणि न्यूड मेकअप केला गेला पाहिजे, ज्यामध्ये हलक्या रंगाच्या आयशॅडो आणि हलक्या रंगाची लिपस्टिक वापरावी.

* ऑफिसमध्ये फाउंडेशनही वापरता येते, पण चेहऱ्यावर हायलाइटर वापरू नका,

* ऑफिसमध्ये लिपस्टिक किंवा लिपग्लॉसची विशेष काळजी घ्या की ती अजिबात वेगळया रंगाची नसावी. ऑफिससाठी गुलाबी, पीच, माउव्ह आणि न्यूड ब्राऊन रंग वापरा.

* ऑफिससाठी त्वचेच्या रंगानुसार चेहऱ्यावर फाउंडेशन वापरण्याचा प्रयत्न करा. दिवसा लिक्विड फाउंडेशन वापरा.

* त्वचा तेलकट असेल तर ३-४ तासांनी चेहरा कोरडया टिश्यू पेपरने हलक्या हाताने स्वच्छ करा.

जशी त्वचा टोन तशी नेल पॉलिश

* पारुल भटनागर

आमच्या मैत्रिणीने अतिशय गडद रंगाची नेलपॉलिश लावली, हे पाहून तुम्ही तिच्या हाताचे वेडे झाले आहात आणि काहीही विचार न करता तुम्हीही ती विकत घेण्याचे ठरवले. पण जेव्हा तुम्ही तुमच्या नखांवर ट्राय केला तेव्हा ना तुम्हाला कोणतीही प्रशंसा मिळाली आणि ना तुमच्या हातांची शोभा वाढली, जे पाहून तुमची निराशा झाली.

पण तुमच्यासोबत असं का झालं याचा तुम्ही विचार केला आहे का? याचे कारण म्हणजे ज्याप्रमाणे त्वचेचा टोन आणि त्वचेचा प्रकार लक्षात घेऊन क्रीम्सची निवड केली जाते, अगदी तशीच नेल पॉलिशचीही निवड केली जाते. जेणेकरून ती तुमचे हात कुरूप न बनवता त्यांचे सौंदर्य वाढवण्याचे काम करेल. चला तर मग जाणून घेऊया की कोणत्या प्रकारची नेलपॉलिश कोणत्या स्किन टोनवर चांगली दिसेल :

त्वचेचा टोन लक्षात ठेवा

* जर तुमची त्वचा पांढरी असेल आणि तुम्हाला खूप गडद शेड्स लावायचे असतील, तर गडद निळा, लाल, मार्जेन्टा, केशरी, रुबी शेड्स तुमच्या हातांवर खूप चांगले उठून दिसतील, कारण ते तुमचे हात अधिक उजळ बनवण्याचे काम करतात. तुम्ही पारदर्शक शेड्स वापरून पाहू नका, कारण ते तुमच्या त्वचेशी मिसळल्यामुळे तुमचे हात निस्तेज दाखवायचेच काम करतील.

* जर तुमचा त्वचेचा टोन डस्की म्हणजे सावळा असेल तर तुम्ही बहुतेक नेल पेंट्स वापरून पाहू शकता, कारण डस्की ब्युटीशी कुठली स्पर्धाच नाही. बहुतेक गोष्टी त्याच्यावर शोभून दिसतात. त्यावर गुलाबी, पिवळा, केशरी यांसारख्या तेजस्वी आणि चमकदार रंगांसह धातूचे रंग जसे गोल्ड आणि सिल्वर रंगदेखील छान दिसतात.

* जर तुमच्या त्वचेचा टोन गडद असेल आणि तुम्ही असा विचार करत असाल की कोणतीही नेलपॉलिश माझ्या नखांना शोभणार नाही, तर तुमचा हा विचार पूर्णपणे चुकीचा आहे, कारण जर तुम्ही तुमच्या नखांवर डीप रेड, गुलाबी आणि निऑन रंग लावले तर हे रंग चांगले मिसळून तुमच्या त्वचेला व्हायब्रेन्ट लुक देण्याचे काम करतात.

नेल पॉलिश कसे लावायचे

तुम्ही तुमच्या स्किन टोननुसार नेलपॉलिश निवडली असली तरी ती योग्य प्रकारे लावली नाही तर तुमची सगळी मेहनत वाया जाऊ शकते.

त्यामुळे जेव्हाही तुम्ही नेलपॉलिश लावाल तेव्हा सर्वप्रथम नखांना व्यवस्थित फाईल करा जेणेकरून नेलपॉलिश उठून दिसू शकेल. तसेच नेलपॉलिश नेहमी कोरडया नखांवरच लावा, कारण यामुळे ती निघण्याची भीती नसते, नेलपॉलिशचे फिनिशिंग नखांवर नेहमीच दिसून यावे, यासाठी तुम्ही प्रथम एकच कोट लावा. मग ते सुकल्यानंतरच दुसरा कोट लावा, नेल पेंट लावल्यानंतर क्यूटिकल ऑइल अवश्य वापरा, कारण ते नखे हायड्रेट ठेवते.

नेहमी बँडेड नेल पॉलिश खरेदी करा

त्वचेच्या टोननुसार नेलपॉलिश खरेदी करणे जितके आवश्यक आहे तितकेच बँडेड नेलपॉलिश खरेदी करणे देखील महत्त्वाचे आहे, कारण जरी तुम्हाला लोकल नेलपॉलिश स्वस्त दरात आणि वेगवेगळया रंगात उपलब्ध होत असल्या तरी त्या नखे कमकुवत बनवण्यासोबतच त्यांचा ओलावाही चोरतात. तसेच जास्त केमिकल्स असलेल्या नेलपॉलिश वापरल्याने नखे पिवळी होऊ लागतात. त्यामुळे जेव्हाही तुम्ही नेलपॉलिश खरेदी कराल तेव्हा नेहमी फक्त बँडेड खरेदी करा.

ग्लोइंग आणि हेल्दी त्वचेसाठी ड्राय ब्रशिंग

* प्रतिनिधी

त्वचेचा पोत सुधारण्यासाठी ड्राय ब्रशिंग सर्वात उत्तम पर्याय आहे, ज्याचा वापर आज अनेक स्त्रिया करत आहेत. याबाबत मेहरीन मेक ओवरर्सच्या तज्ज्ञ मेहरीन कौसर सांगतात की ड्राय ब्रशिंग जगातील सर्वात मोठया ब्युटी ट्रेण्डसपैकी एक आहे, ज्यामुळे बॉलीवूड तारकांपासून ते सर्वसाधारण महिलादेखील याचा वापर करत आहेत. काय आहे हे ड्राय ब्रशिंग, कसं असतं हे आणि याचे कोणकोणते फायदे आहेत ते जाणून घेऊया :

ड्राय ब्रशिंग काय आहे

ड्राय ब्रशिंग म्हणजे कोरडया त्वचेला ब्रश करणं. ड्राय ब्रशचा वापर फक्त शरीरावरची मृत त्वचा काढण्यासाठी नाही तर चेहऱ्यावरची मृत त्वचा काढण्यासाठीदेखील केला जातो. यामध्ये कोणत्याही प्रकारचा साबण आणि पाण्याची गरज नसते.

ड्राय ब्रशचा वापर कसा करावा

अंघोळ करण्यापूर्वी त्वचेवर १०-१५ मिनिटापर्यंत ब्रश हळूहळू चोळावा. ड्राय ब्रशचा वापर टाचांपासून सुरू करू शकता. त्यानंतर तुम्ही तुमचं पोट आणि गळयावरदेखील ब्रश करू शकता. ब्रशला सर्क्युलेशन मोशनमध्ये चालवा. अशा प्रकारे पूर्ण शरीरावर ड्राय ब्रशिंग करा. शरीरावर ब्रशचा वापर अधिक वेगाने करू नका, कारण यामुळे तुम्हाला जळजळ व खाजदेखील उठू शकते.

कसा निवडाल ब्रश

ड्राय ब्रश करण्याचे अनेक फायदे आहेत जसं की :

* ड्राय ब्रशने त्वचेवरील मृत पेशी म्हणजेच डेड स्किन सेल्स निघून जातात आणि त्वचा अधिक उजळते.

* ड्राय ब्रशिंगने त्वचेतील बंद रोमच्छिद्रे मोकळी होतात आणि त्वचा श्वास घेऊ शकते.

* ब्रशिंगने रक्त प्रवाहामध्ये सुधारणा होते, ज्यामुळे त्वचेचा रंग उजळतो, तो सोबतच त्वचा तरुण आणि कोमल दिसू लागते.

* ड्राय ब्रशिंगने चेहऱ्यावरची मृत त्वचा पेशी आणि इतर अशुद्ध घटक निघून जातात, ज्यामुळे चेहऱ्यावर मुरूम व पुटकुळया व ब्लॅकहेड्स दिसत नाहीत.

* जेव्हा ड्राय ब्रशिंगचा वापर तुमच्या दररोजच्या नित्यक्रमात कराल तेव्हा केसांची वाढदेखील कमी होईल.

* जर तुम्ही दररोज केवळ पाच मिनिटे ड्राय ब्रशिंग करत असाल तर शरीरामधील जमा फॅट कमी व्हायला सुरुवात होते.

या गोष्टीचीदेखील काळजी घ्या

* या गोष्टीची काळजी घ्या की तुमचा ब्रश कोणासोबत वापरू नका.

* जर तुम्हाला त्वचेशी संबंधित एखादी समस्या असेल तर याचा वापर करण्यापूर्वी एकदा त्वचा तज्ज्ञांचा सल्ला नक्की घ्या.

* ब्रशिंगसाठी नेहमी सॉफ्ट ब्रशचा वापर करा. जसा की लांब हँडलवाला ब्रश वा लुफाह.

* ब्रश कधीही पाण्याने भिजवू नका. कायम कोरडया ब्रशचा वापर करा.

* कमीत कमी आठवडयातून एकदा पाणी वा साबणाने व्यवस्थित स्वच्छ करा.

स्किन मॉइश्चर करा लॉक

* पारुल भटनागर

तुमची त्वचा जितकी नैसर्गिकरित्या सुंदर असेल तितकेच लोक तुमच्याकडे आकर्षित होतील. तुम्हालाही असेच वाटत असेल की, जेव्हा तुम्ही तुमच्या या त्वचेला स्पर्श कराल तेव्हा ती हाताला कोमल लागण्यासोबतच त्वचेतील आर्द्रता किंवा ओलावाही टिकून रहावा. मात्र अनेकदा जाणते अजाणतेपणी किंवा वेळेची कमतरता अथवा सौंदर्य प्रसाधनांचा योग्य वापर न केल्यामुळे त्वचेतील आर्द्रता हळूहळू कमी होऊ लागते, ती त्वचेला रुक्ष, निर्जीव बनवते.

अशावेळी भलेही तुम्ही सौंदर्य प्रसाधनांचा वापर करून बाह्य त्वचेला ओलावा मिळवून देता, मात्र त्वचेवर क्रीमचा प्रभाव असेपर्यंतच ओलावा टिकून राहतो. म्हणूनच त्वचेची चांगली काळजी घेणे गरजेचे आहे, जेणेकरून त्वचेतील ओलावा त्वचेतच लॉक होईल आणि ती नेहमीच नितळ दिसेल.

त्वचेतील ओलावा का गरजेचा आहे?

त्वचेत आर्द्रता किंवा ओलावा लॉक करायचा म्हणजे त्वचेत या सर्व थरांना पोषण मिळवून देणे. जर त्वचेत पुरेशा प्रमाणात ओलावा असेल तर ती स्वत:हून स्वत:मध्ये आवश्यक बदल करून घेण्यास सक्षम ठरते. त्वचेतील ओलावा त्वचेसाठी सुरक्षा कवचाप्रमाणे काम करतो. त्वचेत पुरेशा प्रमाणात ओलावा असल्यास कोरडेपणा, सुरकुत्या, प्रखर सूर्यकिरणे इत्यादींपासून सुरक्षा होते.

तशी तर त्वचा खराब होण्यामागे अनेक कारणे असतात. कोरडी त्वचा हे यातील एक सर्वात मोठे कारण आहे. त्वचेवरील बाह्य थर याला एपिडर्मिस म्हणतात, त्यात स्ट्रेटम कोरनियम नावाचा आणखी एक बाह्य थर असतो. त्यावर त्वचेतील ओलाव्याचे प्रमाण नियंत्रित ठेवण्याची जबाबदारी असते. स्ट्रेटम कोरनियमला त्याच्या या कार्यात केरोटीन आणि फास्फोलिपिड्स हे दोन मुख्य घटक मदत करतात.

योग्य मॉइश्चराइजरची निवड कशी कराल?

मॉइश्चराइजरमध्ये तीन प्रकारचे घटक असतात. त्यांचे कार्य वेगवेगळे असते. त्याची माहिती असणे अत्यंत आवश्यक असते

* हुमेक्टॅट्स हवा आणि त्वचेला या जाडसर थरांमधून ओलावा शोषून घेऊन त्वचेचा बाह्य थर त्याला एपिडर्मिस असे म्हणतात, त्यात ओलावा टिकवून ठेवण्याचे काम करते. सर्वसाधारपणे हुमेक्टॅट्समध्ये ग्लिसरीन, ह्वालुरोनिक अॅसिड आणि प्रोपायलिन ग्लुकोज असते.

* शिया बटर, कोको बटर यासारखे क्रीम त्वचेचा बाह्य थर असलेल्या एपिडर्मिसमधील भेगा भरून त्वचेची कोमलता लॉक करण्यासाठी मदत करते.

* एस्क्लूसिव एजंटमध्ये पेट्रोलातूम, अल्कोहोल, लेनोनिन असल्यामुळे ते त्वचेला या बाह्य थरासाठी सुरक्षा कवच बनून त्वचेतील ओलावा निघून जाण्यापूर्वीच त्याला रोखून ठेवण्याचे काम करते.

या गोष्टींकडे लक्ष द्या

मॉइश्चराइजरची निवड करताना त्यात कोणकोणत्या गोष्टींचा वापर केला आहे याकडे लक्ष देणे गरजेचे असते, चला त्याबद्दल माहिती करून घेऊया…

ग्लिसरीन : मॉइश्चराइजरमधील ग्लिसरीन हा सर्वात चांगला घटक समजला जातो. तो हवा आणि त्वचेला या खालच्या थरातील अतिरिक्त ओलावा नियंत्रित करून त्वचेतील ओलावा कायम ठेवण्याचे काम करतो.

ह्वालुरोनिक अॅसिड : हुमेक्टॅट्समधील ह्वालुरोनिक अॅसिड हे एक असे तत्त्व आहे जे बहुतांश चांगल्या आणि ब्रँडेड मॉइश्चराइजरमध्ये असते. तसे तर हे त्वचेत नैसर्गिकरित्या असणारे तत्त्व आहे, जे त्वचेमधील पाण्याचे प्रमाण संतुलित ठेवण्याचे काम करते. मात्र वय वाढू लागल्यानंतर त्वचेतील ह्वालुरोनिक अॅसिड कमी होऊ लागते. सोबतच तुम्हाला जर सूर्याच्या या प्रखर किरणांचा रोजच सामना करावा लागत असेल तर तुमच्या या त्वचेचे जास्त नुकसान होऊ शकते.

शिया बटर : शिया बटर हा एक असा नैसर्गिक घटक आहे जो शियाच्या या झाडाला बियांपासून मिळतो. तो त्वचेला नरम, मुलायम बनवण्यासोबतच त्वचेतील ओलावा टिकवून ठेवण्याचे काम करतो. शिया बटर खराब झालेल्या त्वचेला पूर्ववत करून तसेच तिचा पोत सुधारून त्वचेला तरुण बनवण्याचे काम करतो.

पेट्रोलातूम : पेट्रोलातूम हा एक असा वैशिष्टयपूर्ण घटक आहे, जो त्वचेवर सुरक्षात्मक थर बनून राहतो आणि त्वचेतील ओलावा निघून जाणार नाही याची काळजी घेतो. म्हणूनच त्वचेतील ओलावा टिकून रहावा असे तुम्हाला वाटत असेल तर आंघोळीनंतर लगेचच पेट्रोलातूमयुक्त मॉइश्चराइजर नक्की लावा.

अँटीऑक्सिडंटयुक्त मॉइश्चराइजर : तुम्ही अशा मॉइश्चराइजरची निवड करा त्यात भरपूर अँटीऑक्सिडंट असेल. अँटीऑक्सिडंटयुक्त मॉइश्चराइजर मृत त्वचेला दूर करून त्वचा नरम, मुलायम करण्याचे तसेच तिला सुरकुत्यांपासून वाचवण्याचेही काम करते.

Festival मध्ये हेअर स्टाईलही असावी खास

* भारती तनेजा, डायरेक्टर, एल्प्स क्लिनिक

सणाचे वातावरण आहे आणि त्यात कसे दिसावे, हे आधी ठरवलेच जाते. आपला लुक खास असेल तर तो सणही खास बनून जातो. महिला आपले कपडे आणि दागिन्यांबाबत जागरूक असतात. त्याचप्रमाणे, पेहरावानुसार मेकअप आणि हेअर स्टाईलबाबत खास प्लान करतात. कारण सणांना खास बनविण्यासाठी ड्रेसिंग सेंस आणि मेकअपबरोबरच हेअर स्टाईलचीही महत्त्वाची भूमिका आहे.

मग या सणाच्या काळात आपल्या खास लुकसाठी आपली हेअर स्टाईल कशी असावी, या जाणून घेऊ :

सेंटर पफ विथ स्ट्रीकिंग

सर्वप्रथम प्रेसिंग करून केसांना स्ट्रेट लूक द्या आणि मग समोरच्या मधल्या केसांना घेऊन पफ बनवा. पफच्या चारही बाजूला वेगळया कलरचे हेअर एक्स्टेंशन लावा. हेअर एक्स्टेंशनला केसांमध्ये मर्ज करत एका साइडला ट्विस्टिंग रोल वेणी घाला.

सेंटर वियर फॉल

सर्वप्रथम केसांना प्रेसिंग मशिनच्या मदतीने स्ट्रेट करा. मग साइड पार्टिशन करत समोरच्या केसांतून एका साइडचे फ्रेंच बनवा आणि वेणी मोकळया केसांच्या दिशेने घाला. पेहरावानुसार वेणीला बीड्स किंवा एक्सेसरीज लावा. ही हेअर स्टाईल आपल्याला खूप एलिगंट लुक देईल.

सॉफ्ट कर्ल

केसांचे साइड पार्टिंग करा. मग समोरचे काही केस सोडून मानेपेक्षा उंच पोनी बनवा. सर्व केस कर्लिंग रॉडने कर्ल करा. फ्रंटच्या सोडलेल्या केसांना ट्विस्ट करत बॅक साइडला नेत पिनअप करा. पोनीवर फॅदर किंवा मग आपली आवडती हेअर एक्सेसरीज लावा. हे केस चेहऱ्यावर येऊ नयेत यासाठी साइड पार्टीशन करून कोणताही सुंदरसा क्लिप लावू शकता.

या सर्व हेअर स्टाईल आपल्या लुकमध्ये सुंदर बदल घडवून आणतील. त्याचबरोबर आपले व्यक्तिमत्त्वही खुलून दिसेल.

मार्च ते डिसेंबर ब्यूटीकॅलेंडर

* भारती तनेजा

प्रयेक महिन्यात आजूबाजूच्या मोसमात थोडा-फार बदल जरूर होतो. अशावेळी आपला लुक परफेक्ट राखणे, हे एक आव्हान असते. सादर आहे, महिन्यानुसार ब्यूटी कॅलेंडर, जे आपले लुक वर्षभर आकर्षक राखेल :

मार्च

रंगांच्या सणाची मजा आपल्या त्वचेलाही देण्यासाठी नैसर्गिक रंगांचा वापर करा. त्याचबरोबर त्वचेचं ऑइल व मेकअपच्या कोटने संरक्षण करा. त्यामुळे त्वचेला रंग चिकटणार नाही आणि अंघोळ करताना रंग सहजपणे साफ करता येईल.

एप्रिल

स्लिव्हलेस आउटफिटसोबत स्वत:ला कंफर्टेबल फील करण्यासाठी आपण पल्सड लाइट ट्रीटमेंट करू शकता. हे शरीरावरील अनावश्यक केसांपासून कायमची सुटका करून देणारे सोपे व उपयुक्त तंत्र आहे. त्यामुळे तुम्हाला पुन्हा-पुन्हा वॅक्स करण्याच्या संकटांपासून मुक्ती मिळेल. एप्रिल हा कडक उन्हाचा महिना आहे. म्हणून स्वत:ला सुरक्षेची छत्री म्हणजेच सनस्क्रीन लोशनच्या कोटने कव्हर करा.

मे

चिपचिप्या गरमीच्या या मोसमात आपल्या चेहऱ्याचे सौंदर्य वाढविण्यासाठी पेस्टल कलर्सचा वापर करा. जर खूप काळापासून शॉर्ट केसांची इच्छा अपूर्ण राहिली असेल, तर या महिन्यात आपण आपली इच्छा पूर्ण करू शकता.

जून

व्हॅकेशनच्या काळात सगळा वेळ मेकअपमध्ये जाऊ नये म्हणून परमनंट मेकअपचे तंत्र स्विकारा. डोळयांना सुंदर बनविण्यासाठी परमनंट आयब्रोज, परमनंट आयलाइनर आणि परमनंट काजळ उपलब्ध आहे, तर ओठांना सेक्सी लुक देण्यासाठी लिपलायनर व लिपस्टिकही. ल्यूकोडर्माचे पॅचेस लपविण्यासाठी परमनंट कलरिंगचे ऑप्शनही उपलब्ध आहेत. याबरोबरच नेल्ससाठीही सेमीपरमनंट सोल्युशनसारखे नेल एक्सटेंशन आणि नेलआर्टसारखे तंत्र उपलब्ध आहे. असा मेकअप करून तुम्ही ट्रीपचा आपला किंमती वेळ वाचवू शकता.

जुलै

हा काळ कॉलेजचा असतो. शाळेतून पास झालेल्या विद्यार्थिनी कॉलेजच्या हवेत श्वास घ्यायला सुरुवात करतात. या फेजमध्ये स्टायलिश दिसण्यासाठी स्ट्रीक्स कलर करू शकता. गर्लिश लुकसाठी कलरफुल लायनरचा वापर करू शकता.

ऑगस्ट

ओल्या मोसमात नेहमी फ्रेश दिसण्यासाठी सकाळ-संध्याकाळ एरोमॅटिक स्नान करू शकता. पावसात भिजल्यानंतर केस तसेच ठेवू नका. तर त्यांना एखाद्या चांगल्या शॉम्पूने वॉश करा. जेणेकरून ते चिकट होणार नाहीत आणि कोंडयाचा धोकाही राहणार नाही. दिवसातून कमीत कमी २-३ वेळा चेहरा स्किन टोनरच्या मदतीने स्वच्छ करा. त्यामुळे ऑइल कमी होईल व चेहऱ्याचा टवटवीतपणा टिकून राहील.

सप्टेंबर

लवकरच बोहल्यावर चढणाऱ्या तरुणींनी या महिन्यापासून एखाद्या चांगल्या ब्यूटी क्लिनिकमधून प्रीब्रायडल ट्रीटमेंट सुरू करू शकता.

ऑक्टोबर

दिव्यांनी सजलेल्या सणाच्या काळात आकर्षक दिसण्यासाठी ट्रेडिशनल लुक स्विकारू शकता. याबरोबरच, कार्ड पार्टीमध्ये सेंटर ऑफ अॅट्रॅक्शन बनण्यासाठी डोळयांनां स्मोकी मेकअप आणि नेल्सवर ३डी नेलआर्ट जरूर करा.

नोव्हेंबर

लग्नाच्या आठवणी सुंदर बनविण्यासाठी एअरब्रश मेकअपची निवड करा. हा खूप हलका आणि स्मूद असून यामुळे त्वचा नितळ व डागरहित दिसते. या तंत्रात एअरगनच्या माध्यमातून मेकअप केला जातो.

डिसेंबर

ख्रिसमसच्या सेलिब्रेशनमध्ये सहभागी होण्यासाठी काहीतरी कलरफुल निवडा. त्याचबरोबर चमकत्या त्वचेसह नवीन वर्षाचे स्वागत करण्यासाठी बॉडी पॉलिशिंग करा.

सुंदर दिसण्याचे २० मंत्र

* सोमा घोष

सौंदर्य ही एक मानसिक अवस्था आहे, जी आतून येते. जर तुम्ही विचार केला की आपण सुंदर आहोत तर तुम्ही नेहमीच सुंदर दिसाल. जसा तुम्ही स्वत:बाबत विचार कराल तशाच तुम्ही दिसाल. जर तुम्ही स्वत:ला स्वर्गातील परी समजत असाल तर तुम्ही स्वत:ला नक्की तसेच अनुभवाल.
सकारात्मक मानसिकतेने सौंदर्य उजळते. गोरा रंग अथवा पिंगट केस याने कोणीच सुंदर दिसू शकत नाही. स्मिता पाटीलचे सौंदर्य आजच्या सगळया अभिनेत्रींपेक्षा सुंदर आहे. सुंदर दिसण्यासाठी गोरे असणे आवश्यक नाही.
3. साधे राहूनही सौंदर्य दिसते, कमी आणि लाईट मेकअपमध्येसुद्धा अनेक अभिनेत्री सुंदर दिसतात. अनेकदा सामान्य मेकअपमुळे तुमचे नाकडोळे उठून दिसतात. मेकअपपूर्वी आपल्या त्वचेला तयार करण्यासाठी प्रायमर लावायला विसरू नका, यामुळे मेकअप करणे सोपे जाते.
4. याशिवाय मेडिटेशन आणि योगा केल्यानेही सौंदर्यवृद्धी होते, कारण जितकी एखादी व्यक्ती तणावमुक्त असेल तेवढी तिची त्वचा ताजीतवानी आणि तेजस्वी वाटेल.
सुंदर दिसण्यासाठी सध्याच्या काळात योग्य ग्रुमींग आवश्यक आहे. यात तुमच्या आयब्रोचा योग्य आकार, हेअरकट, फिगर योग्य असणे वगैरे सामील असते, कारण कोणत्याही कामात योग्य प्रेझेंटेबल महिलेलाच चांगली नोकरी मिळते. जर तिचे केस लांब असतील तर तिने आपल्या चेहऱ्यानुसार योग्य हेअरकट करण्याचा प्रयत्न करावा.
याशिवाय हेअर कलर तुमचे वय आणि रंगानुरूप असावा.
सौंदर्यासाठी तुमची त्वचा निरोगी असणे आवश्यक आहे आणि यासाठी योग्य आहार, नियमित व्यायाम करणे गरजेचे आहे. यामुळे तुम्ही शांत राहाता, ज्याचा परिणाम त्वचेवर होतो. जर त्वचेवर डाग अथवा पिगमेंटेशनची समस्या असेल तर मेकअपने तुम्ही ते लपवू शकत नाही.
जास्त हायपर झाल्याने चेहऱ्यावर सुरकुत्या येतात. शरीरात अनेक समस्या जाणवू लागतात, ज्याचा परिणाम त्वचेवर होतो. म्हणून वेळोवेळी स्वत:ला डिटॉक्स करण्यासाठी कारल्याचा रस प्यावा किंवा चेहऱ्याला बर्फ लावू शकता. सब्जा घातलेले पाणी प्यायल्याने त्वचा उजळते.
व्हिटॅमिनयुक्त उत्पादने चेहऱ्यासाठी वापरल्याने चेहऱ्यावर चमक येते आणि त्वचा ताजीतवानी वाटते.
चेहऱ्याच्या आकारानुसार मेकअप करा. जर चेहरा रुंद असेल, तर चेहऱ्याला कटुरिंग करणे आवश्यक असते. शाईन अजिबात लावू नका. शाईन लावल्याने चेहरा गुटगुटीत वाटेल. ज्यांचा चेहरा गुटगुटीत आहे अशांनी जास्त ब्लशऑन न लावता आपला चेहरा क्लीन ठेवला पाहिजे. अशा फेसकटसाठी केसांच्या काही बटा चेहऱ्यावर आणाव्या, जेणेकरून चेहऱ्याचे कटुरिंग होईल. याशिवाय लिपस्टिकसुद्धा हलक्या रंगांचा लावणे योग्य ठरेल.
अशा आकाराच्या महिलांना आपल्या डोळयांना व्यवस्थित शेप द्यायला हवा, ज्यात लायनर, मस्कारा लावणे आवश्यक आहे.
ज्यांच्या चेहऱ्यावर डाग असतील, त्यांनी बी बी आणि सी सी क्रीम वापरून पाहावे, ज्यामुळे डाग फिकट होतील.
लिपस्टिकबाबत बोलायचे झाले तर नोकरदार महिलांसाठी मॅट फिनिश लिपस्टिक योग्य ठरते, या अलीकडे ट्रेंडमध्येही आहेत. ग्लॉसी लिपस्टिक जास्त करून ओठांवर पसरते, म्हणून त्याचा वापर टाळा.
दिवसा ग्लॉस लिपस्टिक लावणे टाळावे. मॅट फिनिशिंग असलेल्या लाँग लास्टिंग लिपस्टिक बाजारात उपलब्ध आहे, त्यांचा वापर करावा.
नेहमी स्किन टोनच्या हिशोबाने लिपस्टिक लावावा. डस्की स्किन टोन असलेल्यांना मरून, पिची अथवा ऑरेंज शेड चांगली दिसते. त्यांच्यावर गुलाबी लिपस्टिक खूपच वाईट दिसते. ब्लशऑनसुद्धा गुलाबी न लावता पिची असावे.
गोऱ्या स्किन टोन वर गुलाबी लिपस्टिक आणि गुलाबी ब्लशऑन खूपच छान दिसते. अशा स्किन टोनवर गडद रंगाची लिपस्टिक लावल्यास चेहरा हार्श वाटतो.
सावळया किंवा डस्की रंगावर ब्राऊन आय लायनर खूप छान दिसते.
पिची क्रीम लिपस्टिक तुम्ही कोणत्याही वेळी किंवा मूडमध्ये लावल्यास तुमच्या चेहऱ्यावर तेज येते. याशिवाय लाल रंगाची लिपस्टिक कोणालाही कोणत्याही वेळी सूट करते.
दिवसा चमकणारे आयशॅडो खूप भयानक वाटतात. मॅट अथवा क्रेयॉन पेन्सिल टाईप आयशॅडो कोणतीही स्त्री लावू शकते, हे लावून थोडे स्मच केल्यास चेहरा सुंदर दिसतो, सॉफ्ट पिची कलर दिवसा नेहमी छान दिसतो. सध्या आय लायनरपेक्षा आय शॅडो लावण्याचा ट्रेंड आहे. मस्कारा आणि आयशॅडो डोळयांसाठी पुरेसे असतात. याने चेहरा नेहमी नाजूक वाटतो.
म्यॅच्युअर महिलांनी कधीच चमकणारी आयशॅडो लावू नये, यामुळे चेहऱ्यावरच्या सुरकुत्या दिसू लागतात. मॅट फिनिश नेहमी छान दिसते. तरुण मुलींसाठी क्रिमी मेकअप जास्त चांगले असते. यामुळे चेहऱ्यावर निरागसता दिसते.

याशिवाय ओजस संदेश देते की स्वत:ला नेहमी तरूण आणि ताजेतवाने ठेवा, मेकअप कमीतकमी करा, नेहमी खुश राहा, प्रेमाने वागा आणि सर्वांना प्रेम वाटा.

ओठ फुटण्यापासून असे सांभाळा

* डॉ. भारत खुशालानी

बऱ्याचदा लोक ओठ फुटण्याच्या समस्येला फार गांभीर्याने घेत नाहीत. घरातील उष्ण कोरडया हवेमुळेही ओठ हलकेसे फुटतात, पण जेव्हा ओठ गंभीर प्रकारे फुटतात, तेव्हा ते एखादा रोग किंवा आजार असल्याचे दर्शवतात. असे कुपोषण किंवा निर्जलीकरण म्हणजेच डिहायड्रेशन यामुळेही होऊ शकते. हे त्वचेच्या दाहामुळेही होऊ शकते.

त्वचेचा दाह ही कोरडया त्वचेची एक अशी स्थिती आहे जी उष्णतेमुळे कधीकधी उत्तेजित होते. त्वचेवर काही उत्पादनांचा वापर केल्यानेही त्वचा संवेदनशील होऊ शकते. खूप वेळपर्यंत सूर्याच्या प्रखर किरणांच्या संपर्कात आल्यामुळेही त्वचेचे नुकसान होते, ज्यामुळे ओठ सुकतात आणि फुटू लागतात.

समस्येचे कारण

हर्पीस व्हायरसमुळे त्वचा कोरडी होते. या व्हायरसने निर्माण केलेले हे ‘थंड घाव’ खूप संसर्गजन्य असतात. जर या व्हायरसची लागण झालेल्या व्यक्तिचा कप दुसऱ्या कोणा व्यक्तिने वापरला तर त्याला हा रोग होण्याची पुरेपुर शक्यता असते. जेव्हा ओठांवर अशा थंड घावांची स्थिती निर्माण होते, तेव्हा डॉक्टर त्यावर बेंजोकोन जेल लावायला सांगू शकतात.

हे एक लोकल अॅनेस्थेटिक असून सर्वसाधारणपणे कॉमन पेन रिलीफसाठी वापरले जाते. तोंडाच्या अल्सरसाठी मिळणाऱ्या अॅनेस्थेटिक उत्पादनांत आणि मलमांत हा घटक सक्रिय असतो. थंड घाव ठीक होईपर्यंत त्वचेचे रक्षण करण्यासाठी हे मलम वापरत राहणे योग्य ठरते.

नवीन उत्पादनांच्या वापरामुळे ओठांची जळजळ होऊ शकते. त्यामुळे अशी नवीन उत्पादने टाळली पाहिजेत. त्वचा विशेषज्ञांनुसार टूथपेस्ट हेसुद्धा ओठांच्या समस्येचे कारण होऊ शकते. त्यामुळे आपण असा फॉर्म्युला असलेली टूथपेस्ट वापरली पाहिजे ज्यात त्वचेला उत्तेजित करणारे घटक नसतील. ओठ ठीक होईपर्यंत बेकिंग सोडयाचा वापरही करू शकता. सूर्य प्रकाशात, हिवाळयात किंवा उन्हाळयात बाहेर पडताना नेहमी आपल्या ओठांना सनस्क्रीन लावून सुरक्षित ठेवा.

अशाप्रकारे करा देखभाल

ऑनलाइन मिळणाऱ्या मधमाशीच्या मेणाच्या डब्या गंभीररित्या फुटलेल्या ओठांवर उपचार करण्यासाठीही सर्वात जुन्या आणि प्रभावशाली पद्धतींपैकी एक आहेत. हे मेण ओठांना फुटण्यापासून रोखते आणि ओठांना आर्द्रता प्रदान करते.

आपल्या ओठांची त्वचा खूप पातळ असते, त्यामुळे शरीराच्या इतर भागांपेक्षा ती अधिक संवेदनशील असते. खरंतर ओठांवरील बाह्य स्तर हा इतका पातळ असतो की ओठ लाल दिसू लागतात, कारण ओठांचा पातळ थर हा त्वचेच्या खालील रक्तवाहिन्यांना दृश्यमान करतो आणि ओठांची त्वचा ही अतिशय पातळ असल्याने ती कोरडी आणि थंड हवा आणि प्रखर सूर्यप्रकाश यांपासून आपल्याला संरक्षण देऊ शकत नाही.

ब्रँडेड उत्पादने वापरा

जीभ ही ओठांच्या नजीक असल्याने, ती नकळतच स्वयं आपले कार्य करते. जेव्हा आपले ओठ सुकतात, तेव्हा आपोआपच आपली जीभ ओठांवरून फिरली जाते. जेव्हा जीभ ओठांना लागते, तेव्हा लाळेमुळे ओठ ओले होतात. पण काही वेळानंतर या लाळेचे बाष्प होऊन ती उडून जाते आणि मग ओठ पहिल्याहून अधिकच सुकतात. अशावेळी सुगंधी लीप बामचा वापर टाळा, कारण ते ओठांना अधिकच त्रासदायक ठरू शकतात.

ओठांना फुटण्यापासून वाचवण्यासाठी काही महत्त्वपूर्ण पावले उचलता येतील, उदाहरणार्थ :

* सर्वप्रथम आपल्या ओठांना मॉइश्चराइझ करा, कारण कोरडेपणा राहिला नाही तर ओठ फुटणारच नाहीत.

* चुकूनसुद्धा ओठांवरून जीभ फिरवू नका.

* निर्जलीकरण म्हणजेच डिहायड्रेशन हे पाण्याच्या कमतरतेमुळे होते आणि हेसुद्धा ओठ फुटण्याचे एक संभावित कारण आहे. त्यामुळे स्वत:ला हायड्रेट ठेवण्यासाठी भरपूर पाणी प्या. शक्य होईल तेवढे मसालेदार आणि चिवडा-फरसाण अशा पदार्थांपासून दूर रहा. याशिवाय तोंडाने श्वास घेण्याचा जास्त प्रयत्न करू नका.

बेसन आहे गुणकारी

भजी, कढी, लाडू यासारखे कित्येक पदार्थ बनवण्यासाठी वापरात असलेल्या बेसनात कित्येक गुण असतात. त्वचेवर बेसनाचा फेसपॅक अथवा मास्कचा वापर करून तुम्ही तुमची त्वचा गोरी आणि चमकदार बनवू शकता.

या, जाणून घेऊ बेसन पॅक आपल्या त्वचेप्रमाणे कसे वापरावेत :

रुक्ष त्वचेत जिवंतपणा आणते बेसन

रुक्ष त्वचेसाठी बेसन, दूध, मध आणि हळद एकत्र करून पेस्ट तयार करा. हे मिश्रण चेहऱ्यावर लावून १५ मिनिटं राहू द्या. सुकल्यावर पाण्याने धुवा.

या मिश्रणाच्या वापराने त्वचा ओली आणि चमकदार होते.

तेलकट त्वचेसाठी १ चमचा बेसन आणि १ चमचा एलोव्हेरा चांगले एकत्र करून पेस्ट तयार करा आणि चेहऱ्यावर लावा. १० मिनिटांनी पाण्याने धुवा.

या फेसपॅकचा वापर २-३ वेळा करा. एलोव्हेरामध्ये खूप प्रमाणात व्हिटॅमिन, खनिज पदार्थ, अँटीऑक्सिडंट्स वगैरे असतात, जे त्वचेला पोषण देतात.

हा फेसपॅक सन टॅन, सनबर्न, काळे डाग व पिगमेंटेशन कमी करण्यासाठी अत्यंत परिणामकारक आहे.

मुरूमपुटकळ्या दूर करण्यात उपयोगी

मुरुमपुटकुळ्या दूर करण्यासाठी एका वाटीत बेसन घेऊन त्यात काकडीची पेस्ट व्यवस्थित मिसळून घ्या. नंतर हे मास्कप्रमाणे चेहऱ्यावर लावा आणि २० मिनिटांनी कोमट पाण्याने धुवा. यानंतर चेहरा सुती कपडयाने अलगद कोरडा करा.

याचा वापर थोडया थोडया वेळानंतर केल्यास मुरूमपुटकळ्या नाहीशा होतात.

त्वचेवरील टॅनसाठी फायदेशीर

उन्हात गेल्याने त्वचा टॅन होते. अशावेळी टोमॅटोच्या रसात बेसन मिसळून त्वचेवर लावल्यास त्याचा परिणाम कित्येक पटींनी वाढतो. बस्स यासाठी तुम्हाला हवा एक पिकलेला टोमॅटो, एक चमचा लिंबाचा रस आणि एक चमचा बेसन. टोमॅटोच्या बिया काढून टाकायला विसरू नका.

चेहऱ्यावरील तेज वाढवते बेसन

त्वचेवर चमक आणण्यासाठी १ कप दही, १ चमचा बेसन चांगले एकत्र करून घ्या. मग हे चेहऱ्यावर लावा. १५-२० मिनिटांनी चेहरा धुवा. हा फेसपॅक दिवसातून ३ वेळा लावा जेणेकरून चेहऱ्यावरील चमक, जी कडक ऊन, धूळमाती आणि प्रदूषणामुळे हरवली आहे, ती चेहऱ्यावर परत येते.

वेदनाशामक आहे बेसन

यात काही दुमत नाही की फक्त बेसनात अनेक गुण आहेत आणि या गुणांमुळेच बेसन घराघरात वापरले जाते. शरीराच्या कोणत्याही भागाला मार लागला तर बेसन त्याच्या वेदनांपासून तात्काळ मुक्ती देते. हे प्रथमोपचाराचे एक अतुलनीय उदाहरण आहे.

मार लागलेल्या जागी बेसनाचा लेप लावल्यास वेदनेपासून लगेच मुक्ती मिळते.