* प्रतिनिधी
कारलं काजू करी
काय लागेल
* ५०० ग्रॅम कारली
* १०० ग्रॅम काजू
* २५० ग्रॅम कापलेला कांदा
* १५० ग्रॅम टोमॅटो
* अर्धा छोटा चमचा कुकिंग क्रीम
* अर्धा छोटा चमचा आलं चिरलेलं
* अर्धा छोटा चमचा लसूण चिरलेला
* अर्धा छोटा चमचा हळद
* पाव छोटा चमचा सुमन ऑरगॅनिक मसाला
* पाव छोटा चमचा जिरे
* १ वा २ लाल अख्ख्या मिरच्या
* १ तमालपत्र
* पाव छोटा चमचा धने पावडर
* पाव छोटा चमचा आमचूर पावडर
* थोडंसं आंब्याचं लोणचं
* १ मोठा चमचा सुमन कच्चीघानी सरसोचं तेल
* पाव छोटा चमचा लाल तिखट
* चिमूटभर जिरे पावडर
* चिमूटभर ओवा
* थोडीशी काळीमिरी पावडर
* मीठ चवीपुरतं.
कसं कराल
कारली स्वच्छ धुऊन बाहेरून सोलून घ्या आणि बिया काढून घ्या. आता यांना कोणत्याही आकारात कापून घ्या. मीठ, हळद आणि तेलाने मॅरीनेट करा. आता एका पॅनमध्ये तेल गरम करून ओवा, जिरं, अख्या लाल मिरच्या आणि तमालपत्र टाका. आता कांदा, आलं, लसूण, धणे पावडर, हळद आणि टोमॅटो टाकून परतवा. जेव्हा मसाला तेल सोडेल तेव्हा यामध्ये काजू मिक्स करा आणि आमचूर पावडर, आंब्याचं लोणचं व क्रीम एकत्रित करा. नंतर कारलीदेखील टाका. मीठ टाका. रुचकर कारली जीरा राईस वा पोळी सोबत सर्व्ह करा.
