* सोमा घोष
मॉडेलिंग आणि हिंदी चित्रपटांमधून आपल्या करिअरची सुरूवात करणारी अभिनेत्री रुचा इनामदार हिने मराठी कमर्शियल चित्रपट ‘भिकारी’मधून मराठी चित्रपट इंडस्ट्रीत पाऊल ठेवले, ज्यात तिचा को-स्टार स्वप्नील जोशी होता. याशिवाय तिने पंजाबी आणि कित्येक वेब सिरीजमध्येही काम केले आहे. पंजाबी लघुचित्रपट ‘मोह दिया तंधा’ यासाठी तिला २०१७ मध्ये ‘दादासाहेब फाळके फिल्म फेस्टिवल’मध्ये उत्कृष्ट अभिनेत्रीचा पुरास्कारसुद्धा मिळाला. स्वभावाने शांत आणि स्पष्टवक्त्या रुचाला सगळया प्रकारच्या भूमिका करणे आवडते. भाषा कोणतीही असो, पण ती भूमिकेला जास्त महत्व देते. हेच कारण आहे की तिचा मराठी चित्रपट ‘वेडींगचा सिनेमा’ रिलीज झाला आहे, ज्यात तिच्या भूमिकेला समीक्षकांकडून खूप प्रशंसा मिळत आहे. रुचा प्रत्येक नव्या चित्रपटाला एक आव्हान समजते आणि या प्रक्रियेला एन्जॉय करते. तिच्याशी झालेल्या बातचितातील काही भाग अशाप्रकारे आहे :
चित्रपटात येण्याची प्रेरणा कशी मिळाली? कुटुंबाचे सहकार्य कसे होते?
लहानपणापासूनच मला अभिनयाची आवड होती. मी ३ वर्षांची असताना अभिनय करायला सुरूवात केली. स्टेज परफॉर्मन्सची माझ्यात आवड उत्पन्न झाली. मी गाणे, डान्स आणि पेंटिंग सगळे शिकत मोठी झाले आहे. माझा अकॅडमिक परफॉर्मन्ससुद्धा खूप चांगला होता. घरच्यांची इच्छा होती की मी डॉक्टर बनावे आणि मी तसेच केले. पण त्यांना माहीत होते की मी यात खुश नाहीए. मग एक दिवस आईनेच मला आपल्या आवडीला पुढे न्यायचा सल्ला दिला आणि मी अभिनय क्षेत्रात आले.
आईचे सहकार्य होते, म्हणून काम करणे माझ्यासाठी कठीण नव्हते. माझे कुटुंब आणि माझे मित्र हेच माझ्यासाठी सगळे काही आहेत.
पहिला ब्रेक कसा मिळाला?
इंडस्ट्रीत माझी काही ओळख नव्हती, म्हणून आधी मी एका दिग्दर्शकाला असिस्ट करायचे काम सुरु केले. तिथेच अभिनेता आनंद अभ्यंकर यांनी एका मॉडेल कोऑर्डीनेटरचा नंबर दिला आणि फोटो काढून ऑडिशन द्यायला सांगितले. मी तेच केले आणि कित्येक ऑडिशन दिल्यानंतर मला दिग्दर्शक सुजित सरकारसोबत एक जाहिरात करायची संधी मिळाली. यानंतर तर जाहिरातीची रांगच लागली. मी अमिताभ बच्चन, शाहरुख खान, आमिर खान, जॉन अब्राहम वगैरे कित्येक मोठया अभिनेत्यांसोबत जाहिराती केल्या आहेत. यामुळे माझी ओळख निर्माण झाली आणि मला पहिला हिंदी चित्रपट ‘चिल्ड्रन ऑफ वॉर’ मिळाला, ज्यात मी एका बांगलादेशी मुलीची भूमिका निभावली होती. समीक्षकांनी माझ्या कामाची खूप प्रशंसा केली. यानंतर आणखी एक हिंदी चित्रपट ‘अंडर द सेम’मध्ये काम करायची संधी मिळाली. यात मी एका राजस्थानी मुलीची भूमिका केली होती. हा चित्रपट आंतरराष्ट्रीय चित्रपट महोत्सवातसुद्धा गेला होता. यामुळे लोक मला ओळखू लागले आणि गणेश आचार्य यांनी मला मराठी चित्रपट ‘भिकारी’ मध्ये लीड रोल दिला.
संघर्ष किती होता?
संघर्ष फार नव्हता, कारण चित्रपटात काम करणे ही माझी मानसिकता होती. जगण्याची पद्धत माझ्यासाठी वेगळी आहे. रोज काही चांगले व्हावे हे गरजेचे नाही. मी एक जर्नी ठरवली आहे. ज्याद्वारे मी वाढले आहे. सध्या मी कथ्थक शिकत आहे. कॉलेजमध्ये मी एक ग्रेसफुल डान्सर होते. मी मराठी चित्रपट ‘वेडिंगचा सिनेमा’मध्ये गोंधळ स्टाईलमध्ये डान्स केला आहे, जो करणे खूप कठीण होते. मी सेटवर हा डान्स शिकले. आनंदाची गोष्ट ही आहे की प्रेक्षकांना हा डान्स खूप आवडला. माझ्यासाठी संघर्ष काहीच नाहीए, कारण प्रत्येक क्षेत्रात उत्तम काम करण्यासाठी संघर्ष असतोच.
मराठी आणि हिंदी चित्रपट इंडस्ट्रीच्या काम करण्याच्या पद्धतीत काय फरक वाटतो?
दोघांच्या काम करण्याच्या पद्धती वेगळया आहेत, कारण दोघांच्या प्रोडक्शन व्हॅल्यूजही वेगळया असतात. भावनात्मक रूपात पाहिले तर दोन्ही सारखेच आहेत. याशिवाय मराठीत कुटूंबासारखे वातावरण असते, ज्यात तुम्ही अगदी आरामात काम करू शकता. मला हिंदीतही काही त्रास झाला नाही, कारण मला सगळे चांगले लोक भेटले, जे माझ्याश चांगले वागले आणि अभिनय करणे खूप सोपे गेले.
एखादा ड्रीम प्रोजेक्ट आहे का?
कलाकाराच्या रूपात मी ज्या भूमिका जगले नाही, त्या करण्याची इच्छा आहे, पण जर चित्रपट निर्माता ऋषिकेश मुखर्जीच्या कथेसारख्या चित्रपटात काम करण्याची संधी मिळाली, तर मजा येईल. त्यांच्या कथा आजही प्रत्येक घरात असतात. त्यांच्या चित्रपटातील भूमिका, प्रत्येक व्यक्तिच्या हृदयाशी जोडलेल्या असतात.
जीवनात येणाऱ्या नकारात्मक गोष्टींना दूर कशी करतेस?
मी खूप सकारात्मक आहे आणि नकारात्मक गोष्टीही सकारात्मकतेने घेते. कित्येकदा जेव्हा ऑडिशनमध्ये मला नकाराचा सामना करावा लागायचा, तेव्हा अतिशय वाईट वाटायचे, पण नंतर मी विचार करायचे की यातून मला काय शिकायला मिळाले आणि यापेक्षा अजून चांगले करण्यासाठी काय करायला हवे? माझ्यासाठी रोज आनंदी राहणे खूप गरजेचे आहे.
तुम्हाला कधी स्त्री असण्याचे दु:ख झालेले आहे का?
मी मुंबईत वाढले आहे, म्हणून माझ्या घरात स्त्री आणि पुरुष यात काही फरक नाही. मी माझ्या इच्छेनुसार ग्रो झाले. कोणीही मला टोकले नाही. मला प्रवास करणे खूप आवडते आणि मी खूप भटकंती करते.
वेळ मिळाला तर काय करायला आवडते?
अभिनयाव्यतिरिक्त माझे कितीतरी छंद आहेत, म्हणजे लिहिणे, चित्रपट दिग्दर्शित करणे वगैरे जे मी कामाच्या अधेमधे करत असते.
आवडता पोशाख – साडी
डिझायनर – विक्रम फडणीस
आवडता रंग – ब्ल्यू, ब्लॅक, व्हाईट
आदर्श – माझी आजी
जीवनातील सफलता – प्रामाणिकपणा आणि मेहनत
आवडते पुस्तक – लव्ह अँड बेली
आवडते परफ्युम – बर्साची, ह्युगोबॉस
आवडते पर्यटन स्थळ – भारतात वाराणसी, केरळ आणि परदेशात क्रबि.
