– गुंजन गौड
मैत्रिणींनो, डे आउट असो किंवा इव्हनिंग पार्टी, सनशाइन मेकअप प्रत्येक कारणासाठी अगदी उत्तम आहे. असा लुक शिमरी असला तरी या उन्हाळ्यासाठी एकदम कूल आहे, तर जुन्या लुकला करा बायबाय आणि उन्हाळ्यासाठी काही शेड्सचे प्रयोग करून या उन्हाळ्याशी दोस्ती करूया.
सर्वप्रथम बेसपासून सुरूवात करू. या मोसमात पावडरयुक्त बेसचा वापर करा. यामुळे घाम कमी येईल आणि मेकअप दीर्घकाळ टिकेल. यासाठी तुम्ही गोल्डन टिंटयुक्त शिमरी पॅन केकचा वापर करू शकता. त्यामुळे चेहऱ्यावर मॅट आणि शिमरी लुक दिसून येईल.
उन्हाळ्यातील चीकचीक, घाम, गरमी यामुळे आपल्याला साधा आणि नो मेकअप लुक जास्त आवडतो. पण रात्रीसाठी चेहऱ्यावर चमक आली तर काय हरकत आहे?
दीर्घकाळ मेकअप टिकण्यासाठी
डोळ्यांच्या मेकअपसाठी पिवळ्या रंगाची शायनी आयशॅडो डोळ्यांच्या आतून कॉर्नरला लावा. मध्ये आणि बाहेरच्या टोकाला ज्यूसी, ग्लॉसी ऑरेन्ज शेड लावा. आय मेकअप दीर्घकाळ टिकण्यासाठी आयशॅडो लावण्याआधी डोळ्यांवर आयप्रायमरदेखील लावू शकता. यामुळे मेकअप जास्त काळ टिकेल आणि आयशॅडोचे रंगदेखील उभारून येतील.
आता डोळ्याला परफेक्ट फिनिशीन देण्यासाठी बारीक आयलायनर लावा अणि पापण्यांना मसकारा लावा. ओठांना सूर्याचा इफेक्ट देण्यासाठी ऑरेन्ज लिपशेडचा वापर करा.
नक्कीच हा संध्याकाळसाठीचा सनसेट लुक आहे, पण उन्हाळ्यात चेहऱ्यावर घाम येणं साहजिकच आहे. त्यामुळे फक्त वॉटरप्रूफ उत्पादनं आणि वॉटर रेजिस्टंट उत्पादनंच वापरा.
याव्यतिरिक्त आठवड्यातून दोनदा स्क्रब करू शकता. त्यासाठी जाडसर वाटलेली मसूर डाळ, ऑरेन्ज पील पावडर, मुलतानी माती आणि जवाचे पीठ कच्या दुधात एकत्र करून लावा. या हर्बल स्क्रबमध्ये ऑरेन्ज पीलच्या ऐवजी मोसंबी किंवा लिंबाच्या सुक्या सालीदेखील वापरू शकता.
जर घाम जास्त येत असेल तर रूमाल किंवा टिशू पेपरने टिपून घ्या. यासोबतच टू वे केक जवळ असू द्या. गरज पडल्यास थोड्या थोड्या वेळाने टचअप करत राहा. हल्ली बाजारात बऱ्याच प्रकारचे रिफ्रेशिंग स्प्रे मिळतात, जे अगदी थोड्या वेळात ताजंतवानं करतात. जर तुम्ही वॉटरप्रूफ मेकअप केला असेल तर अशा स्प्रेचा वापर करू शकता. हा स्प्रे चेहऱ्यावर मारून सुकू द्या. तुम्हाला अगदी ताजंतवानं आणि रिफ्रेशिंग वाटेल.
उन्हाळ्यात त्वचेची काळजी
सनशाइन मेकअप टिप्स वापरून तुम्ही समर दीवा नक्कीच दिसू शकता, पण या रखरखीत उन्हात गळणाऱ्या घामामुळे मेकअप वाचणं थोडं कठीणच. म्हणूनच या काही टिप्स आहेत, ज्यामुळे तुम्ही मेकअप जास्त काळ टिकवू शकता.
* या दिवसांत चेहरा धुण्यासाठी डीप पोर फेस वॉशचा वापर करा. यामुळे त्वचा मुळातून स्वच्छ होईल.
* दुसरी महत्त्वाची स्टेप म्हणजे टोनिंग. यामुळे त्वचेची छिद्र बंद होतात. त्यामुळे घाम कमी येतो. टोनिंगसाठी एस्ट्रिजेंट उत्तम पर्याय आहे. अल्कोहोलयुक्त एस्ट्रिजेंटमुळे थंड आणि फ्रेश वाटतंच आणि त्वचेवरील तेलकटपणा कमी होतो. छिद्र कमी करण्यासाठी चेहऱ्यावर कोल्ड कंप्रेशनदेखील करू शकता. म्हणजेच एका मऊ मलमलच्या कपड्यात बर्फाचे तुकडे घेऊन चेहऱ्यावर मसाज करू शकता. त्यामुळे छिद्र बंद होतात.
* उन्हाळ्यात त्वचा तेलकट होते असं काहींना वाटतं. त्यामुळे कधीकधी स्त्रिया मॉश्चरायझर वापरत नाहीत. पण या तेलाव्यतिरिक्त त्वचेला ओलाव्याची गरज असते. ही कमतरता भरून काढण्यासाठी चेहऱ्यावर जेल बेस्ड मॉश्चरायझर लावू शकता. याव्यतिरिक्त त्वचेचा पोत सुधारण्यासाठी कोरफड जेलदेखील लावू शकता. यामुळे त्वचा ताजीतवानी होऊन त्वचा उजळ व चकचकीत दिसेल. तसेच हे त्वचेचं उन्हापासून रक्षण करेल.
* मोसम कोणताही असो, सूर्याची हानिकारक किरणं त्वचेला नुकसान पोहोचवू शकतात. त्यामुळे त्वचेचं रक्षण करण्यासाठी एसपीए आणि पीएयुक्त सनस्क्रीन लोशन वापरणं गरजेचं आहे. यामुळे तुमचे युवीए आणि यूव्हीबी या दोन्हींपासून रक्षण होतं. मेकअप करण्याआधी कमीत कमी दहा मिनिटं आधी सनस्क्रीन लावा; कारण सनस्क्रीन लावल्यावर घाम यायला सुरुवात होते. अशावेळी टिशू पेपरने दाबून घाम पुसा, जेणेकरून सनस्क्रीन त्वचेत मिसळून जाईल.
* चेहऱ्यावरील अतिरिक्त तेल काढण्यासाठी फेसपॅकचा वापर करू शकता. त्यासाठी अर्धा चमचा चंदन पावडर व अर्धा चमचा कॅलमाइन पावडरमध्ये टोमॅटोचा गर व मध घालून चेहऱ्यावर लावा. सुकल्यावर थंड पाण्याने धुवा. हा पॅक वापरल्यामुळे रोमछिद्र बंद होतात आणि घामही येत नाही.
