* सोमा घोष
विवाह आणि कमी खर्च हे ऐकताना कदाचित सर्वांना विचित्र वाटेल, परंतु आता विवाह समारंभात कमी खर्चाची पद्धत सुरू झाली आहे, कारण यामुळे वेळ आणि पैसा दोहोंचीही बचत होते. काही लोकांना हा विचार म्हणजे कंजुषी वाटू शकेल. कारण ते विचार करतात की लाकडी टेबलांवर सफेद कापड अंथरून कँडल लाइट करून आणि कमी लोकांना आमंत्रित करून लग्नाचा खर्च कमी केला जाऊ शकतो. परंतु असे मुळीच नाही.
कमी खर्चाच्या विवाहासाठी हे जरूरी नाही की आपण सर्व इच्छांना मुरड घालावी किंवा काही करूच नये. अर्थात, ज्या गोष्टी विवाहांमध्ये आवश्यक नसतात किंवा केवळ दिखाव्यासाठी असतात, त्या सोडून मुख्य गोष्टींवर लक्ष द्या. अशा प्रकारे केवळ थोडीशी समजदारी आणि योग्य प्लॅनिंगनेच आपण विवाहाला आपल्या मनाप्रमाणे व स्मरणीय बनवू शकता.
याबाबत वेडिंग प्लॅनर आशू गर्ग सांगतात की विवाह सर्वांसाठी स्मरणीय बनेल याचा मी नेहमी प्रयत्न करतो. कारण विवाहाचा खर्च व्यक्तिच्या बजेटनुसार झाला पाहिजे, जेणेकरून कोणालाही ओझे वाटणार नाही. हेच माझ्यासाठी आव्हान आहे. अशा वेळी या गोष्टींवर लक्ष देण्याची गरज असते :
डिटेलिंगवर लक्ष द्या
पीच कलरसोबत रेड आणि गोल्डनचा मेळ विवाहांमध्ये अनेक काळापासून आहे. वेडिंगमध्ये यांना खास महत्त्व असते. परंतु आता यामध्ये हलक्या आणि नैसर्गिक रंगांच्या मिश्रणालाही अधिक महत्त्व दिले जात आहे. यामध्ये तशाच कलाकृतींचे फर्निचर आणि रोपे त्यांची शोभा वाढवतात.
मोठमोठया वस्तू वापरून सजावट करण्याचा काळ आता लोटला. आता लोक आपल्या आवडीने घर किंवा विवाह मंडप सजवतात, ज्यात सजवणाऱ्याचे व्यक्तिमत्त्व आणि अभिरुची स्पष्टपणे दिसते. हे त्यांच्यासाठी एक आव्हान असते. यामध्ये दाम्पत्य बहुतेककरून बॉलीवूडच्या सजावटीचा आधार घेतात. त्यामध्ये डिटेलिंगवर जास्त भर असतो, जी बहुंताशी वेगवेगळया रंगांच्या कॉम्बिनेशनवर आधारित असते. जेणेकरून फोटो चांगले यावेत.
कमी खर्चातील विवाहांमध्ये सजावटीबरोबरच बहुतेक कपल्सची इच्छा असते की त्यांच्या सजावटीला एक छानसा लुक असावा. म्हणूनच डिटेलिंगबरोबरच छोटया-छोटया गोष्टींवरही स्वत: लक्ष देण्याची गरज असते. यामध्ये पाहुण्यांचे मनोरंजन प्राधान्याने असले पाहिजे. याबरोबरच स्टेज प्रेझेंटेशन, पाहुण्यांच्या टेबलांचा आकार गोल किंवा चौकोनी असावा आणि सिल्कचे रंगीत कापड त्यावर अंथरलेले असेल, जेणेकरून त्याला एक कोनीय व्ह्यू मिळेल.
डिझाइन मोठी दर्शवा
कमी खर्चातील विवाहांत बहुतेक लोक भिंतींवर कमी सजावट करतात. मात्र, प्रत्यक्षात एक चांगली थीम किंवा डिझाइनचा विचार करून, त्यालाच मोठया आणि कलरफूल पद्धतीने दाखविणे उचित असते. त्याचा केंद्रबिंदू विवाह असला पाहिजे. यामध्ये रंग आणि लाइटसपासून प्रत्येक बेसिक गोष्टीचा समावेश केला पाहिजे.
फ्लॉवर पॉवर
फुलांची सजावट आपल्या प्रत्येक लुकला सुंदर बनवते. आशु म्हणतात की फुलांच्या वेगवेगळया एक्सपेरिमेंट करून तुम्ही वैवाहिक परिदृश्य अधिक सुंदर बनवू शकता. फुलांचा वापर सजवण्यासाठी, नवरा-नवरीसाठी, सेंटर टेबल आणि भिंतीवरील डेकोरेशन इ. सर्व ठिकाणी काही ना काही रूपात करता येऊ शकेल. गेस्ट टेबल आणि भिंतींना सजवण्यासाठी जर कृत्रिम फुलांचा वापर केला गेला, तर खर्च अजून कमी होतो. याबरोबरच कलरफूल बेरी आणि स्ट्रबेरीजचाही सजावटीसाठी वापर करू शकता. त्यामुळे फ्रेश लुक दीर्घकाळ टिकून राहील.
नॅचरल लाइटिंग
प्रकाश योजनेला वेडिंगमध्ये खास स्थान आहे. जर ही योग्य पद्धतीने केली गेली, तर सिंपल आणि एलिगंट वेडिंगची जी कल्पना आपण केलेली आहे, ती गेस्ट आणि वेडिंग दोघांनी आकर्षक वाटते. नॅचरल लाइटिंग विवाहाचा खर्च नेहमी कमी करते. खरे तर ओपन हॉल, कोलोनियल, स्टाइल हॉल्स या मध्यम प्रकाशाच्या कॅफे स्टाईल इ. सर्व पारंपरिक आणि शिल्पकारीच्या पराकाष्ठेला व्यक्त करतात.
डिनर फिएस्टा
विवाहांमध्ये भोजन सर्वात महत्त्वाचे असते. त्यामध्ये संतुलित आहार असण्याबरोबरच त्याच्या गुणवत्तेवरही अधिक लक्ष देणे आवश्यक असते. मेनूची मोठी लिस्ट ठेवून पाहुण्यांना खूश करण्याची गरज नाही, कारण ते सर्व पदार्थांची चव घेण्यास असमर्थ असतात. पदार्थ साधे आणि गुणवत्तापूर्ण ठेवा. कारण आज लोकांचा क्वांटिटीऐवजी क्वालिटीवर अधिक भर असतो. यात सर्व्ह करण्यात थोडी कलात्मकता आणि स्नेह दाखवा, जेणेकरून त्यांना छान वातावरण लाभेल.
ट्रीट ओ ट्रीट
विवाहामध्ये आजकाल केक कापण्याची पद्धत आहे. अशा वेळी वेगवेगळया स्टाईलचे केक याची शोभा वाढवतील. यामध्ये आपण आपली कलात्मकता वापरून त्याला आणखी सुंदर बनवू शकता. आवश्यकता असेल तेव्हा तर काही फुलांनी याची शोभा आणखी वाढवता येईल.
पेहराव असावेत अविस्मरणीय
हेवी एम्ब्रॉयडरीचे गाउन्स आणि लहंग्याचा काळ आता मागे पडला आहे. अशावेळी स्टाइलिश आणि सुंदर दिसणाऱ्या गाउन्सला आज मागणी आहे. आजकाल कपल्स आरामदायक आणि क्लासिक ड्रेस परिधान करणे पसंत करतात, ज्यामध्ये कट्स आणि प्लीट्सवर लक्ष देणे आवश्यक असते. लहंगाचोली किंवा साडी, सिल्क किंवा शिफॉनच्या कपडयावर मनपसंत रंगानुसार चांगले नक्षीकामच वेडिंगला सुंदर बनवतात. त्याचबरोबर सफेद लिलीचा बुके किंवा केसांमध्ये फुले माळल्याने वधू एखाद्या सुंदर मूर्तीप्रमाणे दिसते. दागिने गरजेनुसार घेतले पाहिजेत आणि त्यामध्ये नथ, बाजूबंद आणि कंबरपट्टयाचा समावेश करायला विसरू नका.
