– रेशम सेठी
आज घर केवळ राहण्याची जागा नाही, तर आपल्या स्थितीचे प्रतीक आणि स्वप्न बनले आहे. प्रत्येकाची इच्छा असते की त्याचे घर त्याच्या स्वप्नातील घरासारखेच आकर्षक आणि अद्वितीय असावे. या विचारसरणीने आपण घराची रंगरंगोटी करण्याची पद्धत पूर्णपणे बदलली आहे. आता पूर्वीसारखे राहिले नाही की संपूर्ण घर एकाच रंगात रंगवले, आत आणि बाहेरून समान रंग रंगविला गेला पाहिजे, आजकाल असा ट्रेंड आहे की खोलीची प्रत्येक भिंत वेग-वेगळया रंगात रंगवलेली असते. इतकेच नव्हे तर त्यांच्यावर इतर रंगांचे काही पॅटर्न आणि टेक्सचरही लावण्यात येतात. त्याचप्रमाणे बाह्य पेंटिंगमध्येही जो नवीन ट्रेंड चालू आहे, त्यात बरेच रंग एकाच वेळी वापरले जातात. आतील आणि बाह्य पेंट पूर्णपणे भिन्न-भिन्न असतात.
अंतर्गत पेंटिंग
आपल्या घराच्या भिंतींनुसार रंग, पोत आणि नमुने निवडा. आपण वेगवेगळया खोल्यांसाठी भिन्न-भिन्न थीम निवडू शकता. आपण एका खोलीसाठी एकच रंगीत थीम निवडू शकता. यामध्ये आपण खोलीला एक वेगळा देखावा देण्यासाठी एका रंगाच्या वेगवेगळया छटा वापरू शकता. दुसऱ्या खोलीसाठी मिश्रित रंगाची थीम निवडा. वेगवेगळया भिंती आणि छतासाठी भिन्न-भिन्न रंग निवडा. लिव्हिंगरूमसाठी काही नवीनतम टेक्सचरचे ट्रेंड निवडा.
अंतर्गत पेंटिंगचे नवीन ट्रेंड
आजकाल आतील भागात थीमनुसार रंग निवडले जातात. आपण समकालीन मॉडर्न थीम निवडल्यास या रंगांचा ट्रेंड चालू आहे- पांढरा, पिस्ता ग्रीन, हलका राखाडी, सॉफ्ट क्ले, हलका निळा, मोहरी, मिस्ट (पेस्टल ब्लू आणि ग्रीन यांचे मिश्रण), मशरूम कलर, लाईट ग्रे, ग्रीन इ. तसेच गडद रंगदेखील बरेच लोकप्रिय आहेत. आपण आपल्या घराला किंवा कार्यालयाला थोडेसे सजीव रूप देऊ इच्छित असाल तर गडद रंग निवडण्यास अजिबात संकोच करू नका. गडद रंग खोल्यांना डेप्थ आणि पोत देतात. आजकाल इंटिरियर पेंटिंगमध्ये काळा, तपकिरी आणि बेज रंगदेखील ट्रेंडमध्ये आहेत.
आपण एखादी बोहो थीम निवडल्यास आपण त्यात बरेचसे वाइब्रंट रंग निवडू शकता. आजकाल रस्टिक, धातूमय व वालुकामय पोत असलेले पेंटदेखील उपलब्ध आहेत.
आपण जे काही पेंट कराल त्याची फिनिशिंग चांगली असावी. आजकाल ग्लॉसी, सॅटिन, मॅट पोत चालू आहेत. जर आपण जास्त रहदारी असलेल्या ठिकाणी राहत असाल तर ग्लासी आणि सॅटिन पोत निवडा.
या गोष्टीही लक्षात ठेवा
* पेंटिंग करण्यापूर्वी पेंटसाठी भिंती तयार करणे महत्वाचे आहे.
* सर्वप्रथम भिंतींमध्ये ओलावा, बुरशी आणि भेगा नसल्याचे तपासा, जर त्या असतील तर प्रथम ते दुरुस्त करा.
* जर भिंतींवर नवीन प्लास्टर केले असेल तर ते कमीतकमी ६ महिने कोरडे राहू द्या.
* ज्या भिंती कोरडया असतात, ज्यांवर धूळ, घाण आणि ग्रीस नसते, त्यांच्यावर पेंट चांगले होते.
* जुना पेंट व्यवस्थित काढल्यानंतरच नवीन पेंट करा.
* आतील पेंट असे असावे की ज्याला डाग लागू नये आणि जो सहजतेने साफ केले जाईल.
* भिंतींवर काहीही रंगवण्याआधी प्राइमर अवश्य लावावे.
बाह्य रंगरंगोटी
आपले घर आपली सर्वात मोठी गुंतवणूक आहे. त्याला नवीन रंग काही वर्षांनी करणे आवश्यक आहे. याद्वारे ते केवळ चांगलेच दिसणार नाही तर ते सुरक्षितही राहील. आपल्या घराला एक नवीन शैली (फ्रेश स्टाइल) आणि रिलुक देण्यासाठी बाहेरील पेंटची निवड विचारपूर्वक करावी. बाह्य पेंटला अंतर्गत पेंटपेक्षा अधिक हवामानाचा सामना करावा लागतो. ऊन, पाऊस, वारा इत्यादींचा सामना करण्यासाठी बाह्य पेंटला थोडीशी खडबडीत फिनिशिंग द्यावी.
बाहेरील पेंटिंगचे नवीन ट्रेंड
बाह्य पेंटिंगमध्येदेखील फक्त एकच रंग वापरला जात नाही. कॉन्ट्रास्ट आणि जुळणारे रंग वापरले जात आहेत. मॅचिंग रंगात गडद आणि फिकट छटा वापरल्या जातात. याशिवाय बरेच पॅटर्न आणि टेक्सचरही जोडले जातात जेणेकरून घर बाहेरूनही आकर्षक दिसेल. बाह्य पेंटिंगमध्ये पूर्वी क्रीम, पांढरा आणि इतर हलके रंग बहुतेक वेळा वापरले जात होते, परंतु आजकाल चमकदार रंगांचा कल वाढला आहे. क्रीम, ऑफ व्हाईट, सीग्रीन, मिस्टीरियस ग्रे, ब्रिक रेड, सँडी, नेव्ही ब्लू, पर्पल इत्यादी शेड्स ट्रेंडमध्ये आहेत.
बाह्य पेंटिंगमध्ये एक ग्रिटचे चलनदेखील वाढले आहे. यात पेंटमध्ये थोडीशी बारीक वाळू मिसळली जाते. बऱ्याच कंपन्या अशी उत्पादनेदेखील तयार करीत आहेत, ज्यात आधीच ग्रिट मिसळलेले असते.
या गोष्टीही लक्षात ठेवा
* पेंट ओल्या आणि खडबडीत पृष्ठभागावर चांगले चिकटत नाही. घराला बाहेरून धुण्यासाठी प्रेशर वॉश वापरा, कारण जास्त दाबाने धुतल्याने धूळ व घाण दूर होते.
* घराच्या भिंती पेंटिंग करण्यापूर्वी चांगल्या प्रकारे स्वच्छ करणे यासाठी महत्वाचे आहे की पाणी आणि बुरशीचा प्रभाव भिंतींवर जोपर्यंत राहील तोपर्यंत नवीन पेंट व्यवस्थित बसणार नाही.
* भिंतींवर जे काही नुकसान झालेले असेल ते व्यवस्थित करा.
टीप्स
जेव्हा आपण आपले घर किंवा कार्यालय रंगविण्याचा विचार करता, तेव्हा या गोष्टींकडे विशेष लक्ष द्या :
* आतील पेंट असो किंवा बाहेरील पेंट असो संपूर्ण घराची पेंटिंग करण्यापूर्वी वॉल पुट्टी करणे आवश्यक आहे, कारण ते भिंतींच्या भेगा भरते आणि पेंटिंगनंतर त्याचा लुक चांगला दिसतो.
* पेंटिंगची योजना बनवण्यापूर्वी कृपया इंटिरियर डिझायनरचा सल्ला अवश्य घ्या.
* स्थानिक हवामान लक्षात घेऊन घर रंगवा. भिंती पेंटिंग करण्यापूर्वीच कोरड्या असाव्यात आणि पेंटिंगनंतरही त्यांना सुकण्यास पूर्ण वेळ दिला जावा.
