अमृता गुप्ता, संचालक, मंगलम ग्रुप
* गरिमा पंकज
मंगलम ग्रुपच्या डायरेक्टर अमृता गुप्ताना कायमच आधुनिक, सस्टेनेबल रियल इस्टेट डिझाईन बनविण्याची आवड होती. एससीएडी, अटलांटामधून सस्टेनेबल डिझाइन प्रोजेक्ट्समधून मास्टर्स डिग्री घेतल्यानंतर त्यांनी रियल इस्टेट इंटेरियरमध्ये दीर्घ अनुभव घेतला आणि नंतर अमृता गुप्ता डिझाईन्सची स्थापना केली. मंगलम ग्रुपमध्ये त्यांनी अनेक रेसिडेन्शीअल आणि प्रोजेक्ट्सना लीड केलंय, एका इनहाउस डिझाइनची स्थापना केली आहे आणि १५० युनिट्सची डीलीव्हरी केली आहे. या व्यतिरिक्त त्यांनी ग्रुपसाठी विविध परियोजनांच नेतृत्व करण्यासाठी मंगलम ग्रुपमध्ये हॉस्पिटालिटी विंगची स्थापना केली आहे. अमृता गुप्ता लैंगिक समानताच्यादेखील प्रबळ समर्थक आहेत. त्यांच्या या प्रयत्नांची जाणीव ठेवत क्रेडाईने त्यांना या इंडस्ट्रीमध्ये महिलांची संख्या वाढविण्यासाठी २०१९ साली राजस्थानमध्ये महिला विंगची संस्थापक अध्यक्ष बनण्यासाठी आमंत्रित केलं.
नंद किशोर गुप्तानी स्थापन केलेला मंगलम समूह एक मोठा भारतीय समूह आहे. हा रियल इस्टेट शाखा, मंगलम बिल्ड-डेवलपर्स त्यांच्या उत्कृष्ठतेसाठी ओळखला जातो. अमृता गुप्ता सांगतात कि आम्ही ‘आपका सपना हमारा प्रयास’ आणि सर्वांसाठी घर यासाठी वचनबद्ध आहे आणि हेल्थकेयर, हॉस्पिटालिटी आणि मनोरंजनमध्ये आमच्या जवळ एक वेगळा पोर्टफोलिओ आहे.
अमृता गुप्ता सांगतात कि रियल इस्टेटकडे पुरूषांचं क्षेत्र म्हणून पाहिलं जातं. तर महिलाकडे डिझाईन आणि उद्योगाच्या इतर अनेक महत्वाच्या बाबींकडे एक नवीन नजर घेऊन येते. महिला निर्णय घेण्याच्या प्रक्रीयांमध्ये सक्रीयरित्या सहभागी होऊन, पारंपारिक मान्यतानां आव्हान देवून पुढे जाऊ शकतात. चला त्यांच्याशी या विषयांवर बातचीत करूया :
एक बिझनेस वूमन होण्यासाठी स्त्रीमध्ये कोणती खासियत असायला हवी?
एक यशस्वी महिला व्यावसायिक होण्यासाठी महिलांमध्ये सहानुभूती, लवचिकपणा, नेतृत्व कौशल्य आणि दृढतासारखे गुण असायला हवेत. त्यांच्यामध्ये सामाजिक रूढी बदलण्याची आणि नव्या विचारांना स्विकारण्याची क्षमता असायला हवी. कायम आव्हानांचा सामना करण्याची क्षमता दाखवणं देखील गरजेचं आहे.
महिला रियल इस्टेटमध्ये कशा प्रकारे इन्वेस्टमेंट करू शकतात?
अलीकडेच झालेल्या एका सर्वेक्षणानुसार ६६ टक्के भारतीय स्त्रिया बचत म्हणून ठराविक रक्कम आणि सोन्याच्या तुलनेत रियल इस्टेटला प्राधन्य देतात. यावरून स्पष्टपणे दिसून येतंय कि महिलांची रियल इस्टेटबद्दल जागरूकता वाढली आहे.
अनेक स्त्रियांना इंवेस्टमेंट वा फायनान्सची फारशी आवड नाहीये. मग ते घरातील खर्चाबाबत असो वा मग गुंतवणूक करण्याबद्दल. त्या मोठे निर्णय नेहमी पुरुषावर सोडतात. याबद्दल काय सांगाल?
हे खरं आहे कि अनेक स्त्रिया इंवेस्टमेंट वा आर्थिक निर्णयामध्ये सक्रीयरित्या सहभागी होत नाहीत आणि अनेकदा या गोष्टी पुरुषावर सोडून देतात. या वागण्यामागचं मुळ हे आपले सोशल नॉर्म्स आणि फायनांशीयल एज्युकेशनची कमी हे आहे. फायनांशीयल एज्युकेशन देवून स्त्रियांना जागरूक बनवता येईल. घरात गुंतवणूकीबाबत मोकळया चर्चेला प्रोत्साहित करणं देखील गरजेचं आहे. असं वातावरण तयार करायला हवं ज्यामुळे स्त्रियांना आत्मविश्वास येईल. ज्यामुळे त्यांच आर्थिक स्वातंत्र आणि सुरक्षा सुनिश्चित होईल.
समाजात स्त्रियांच्या परिस्थितीमध्ये कशा प्रकारची सुधारणा शक्य आहे?
भारतीय समाजात स्त्रियांची स्थिती परंपरा आणि आधुनिकतेचं जटील मिश्रण दर्शवितं. खरंतर शिक्षण आणि रोजगाराच्या प्रकरणात प्रगती झालीये. परंतु खासकरून ग्रामीण क्षेत्रात लैंगिक असमानता बनलेल्या आहेत. महिलांची स्थिती सुधारण्यासाठी शिक्षण सुधारणा, महिलांच्या अधिकारांचं रक्षण करणारे कायदे सख्तीने लागू करणं आणि आर्थिक सशक्तीकरणाच्या पावलांची गरज आहे. याव्यतिरिक्त लिंगभेद विरोधी कार्यक्रम आणि मीडिया अभियानाच्या माध्यमानातून पितृसत्ताक मानसिकतेला आव्हान देणं गरजेचं आहे. समान संधींना पाठींबा देवून आपण स्त्रियांची स्थिती योग्य करू शकतो.