* अमित सानदा, मॅनेजिंग डायरेक्टर, सोलफ्लॉवर
केसांची एक मोठी समस्या म्हणजे केसांवर ऊन पडणं. ऊन्हामुळे केसांचा रंग फिका पडतो. ऊन्हात खूप वेळ राहिल्यामुळे केसांचं हायलाइट ऑक्सिडाइज होऊ शकतं, ज्यामुळे नको असलेले शेड्स निर्माण होऊ शकतात. म्हणूनच हायलाइटेड केसांची काळजी घेण्यासाठी या गोष्टींची काळजी घ्या
* फक्त सोडियम लॉरिल सल्फेट विरहीत शॅम्पूचा उपयोग करा, जे कलर्ड किंवा हायलाइटेड केसांना ट्रिट करण्यासाठी असतात. केसांचा रंग खूप काळ टिकून राहण्यासाठी हे करणे आवश्यक आहे. यासह कलर स्पेसिफिक शॅम्पूचा अल्टरनेट प्रयोग करा. जो विशेषत: केसांचा विशिष्ट रंग अबाधित ठेवण्यासाठी डिझाइन केलेला आहे.
* केसांचा रंग टिकवून ठेवण्यासाठी सल्फेट विरहीत हेअर कंडीशनरचा वापर करा. यामुळे केसांना चांगले पोषण मिळेल, जे अधिक काळ टिकेल.
* ज्यांचे केस गडद रंगाचे आहेत, त्यांनी शाइन एनहांसिंग स्टायलिंग उत्पादनांचा प्रयोग केला पाहिजे.
हे जाणणे ही गरजेचे आहे की ही चमक किती काळ टिकेल आणि केस कितपत स्वस्थ राहतील, जे पूर्णपणे या गोष्टीवर अवलंबून आहे की तुम्ही केसांची किती काळजी घेता.
हायलाइटेड केसांसाठी कोणत्या प्रकारची देखभाल करणे जरुरी आहे. हे समजण्यासाठी ३ गोष्टींवर लक्ष देणे गरजेचे आहे.
तुमचे केस किती वेगाने वाढतात?
बहुतेक घटनांमध्ये निरोगी डोक्यावरील केसांची प्रतिमहिना सरासरी वाढ ५ मि.मी. ते १० मि.मी. दरम्यान होते. केसांची वाढ तुमच्या मेटाबॉलिज्म, आहार तसेच केसांसाठी कोणते उत्पादन वापरता यावर अवलंबून असते.
कलर्ड केस नैसर्गिक शेडपासून किती वेगळे असतात?
आपल्या केसांसाठी कोणता रंग निवडता, यानुसार काही विशेष गरजा असू शकतात.
डीप कंडीशनिंग
केसांना हायलाइट केल्यानंतर त्यांचं डीप कंडीशनिंग करणं सर्वाधिक गरजेचं आहे. याचं कारण असं की हायलाइटेड केस बरेच छिद्रयुक्त होतात. म्हणूनच आठवडयातून एकदा तरी हे करणे गरजेचे असतं. केसांचं कंडीशनिंग करण्याचं मुख्य उद्दिष्ट आहे की केसांना हायड्रेट करून त्यातील आर्द्रता अबाधित राखणं, ज्यामुळे ते अधिक चमकदार आणि सुंदर दिसतात.
तेलयुक्त कंडिशनर डीप कंडिशनिंग हेअर मास्कची निर्मिती करतं. हे आठवडयातून २ वेळा केस धुतल्यावर लावावं.
बेबी ट्रीम्स
केमिकल्सच्या सर्वाधिक प्रयोगामुळे हायलाइट करताना केस खूपच रुक्ष होतात, ज्यामुळे केसांची मुळं कमकूवत होतात आणि केस तुटू लागतात. मग ८ ते १० आठवडयांतून एकदा केस ट्रीम करा जेणेकरून केस स्वस्थ राहतील. तुटलेल्या केसांवर कॅस्टर ऑईलसह लव्हेंडर इसेन्शिअल तेल मिसळून लावा.
रोकथाम
केसांवर ऊन, उष्णता, धूळ, पाणी इत्यादींचा प्रभाव पडतो. ज्यामुळे हायलाइट क्षतिग्रस्त होण्याची संभावना अधिक असते. या प्रकारचे बाहेरील तत्त्व रंगांना फिके पाडतात. तसेच केसांमधील मॉइश्चर त्यांना रुक्ष आणि मृत बनवतात. म्हणून केस पाण्याने धुवा आणि मग डीहायड्रेशनपासून वाचण्यासाठी बाहेर जाण्याआधी तेल लावा.
सुरक्षा
हिटेड स्टायलिंग टूल्ससारखे स्ट्रेटनर, ब्लो ड्रायर, कर्लिंग आयरनच्या वापराने हायलाइटेड केसांना हानी पोहोचू शकते. त्यांची मजबूती आणि आरोग्य अति तापमानापासून सुरक्षित राखणं जरूरीचं आहे.
केसांना ऑर्गन तेल लावा. यामुळे केसांना अतितापमानापासून सुरक्षा मिळण्यास मदत होईल.
आफ्टरकेअर टिप्स
फॉयल हायलाइटींग ट्रीटमेंटनंतर २ कामे करावी लागतील. पहिलं तर बराच काळ रंग टिकून राहण्यासाठी त्यांची सुरक्षा करणं आणि दुसरं त्यांची मजबूती, चमकदारपणा आणि स्वास्थ्य टिकवण्यासाठी त्यांचं पोषण करावं लागेल.
ओल्या केसांवर कॅस्टर ऑईल लावा. केसांवर टॉवेल बांधा. १० मिनिटांनंतर केस धुवा. या प्रक्रियेने केस अधिक निरोगी आणि चमकदार होतील, कारण कॅस्टर तेल केसांमध्ये मॉइश्चर निर्माण करतात.
स्टायलिंग टीप्स
हिट स्टाइलिंग टूल्सचा प्रयोग कमी करा. जर हे उपकरण वापरणं गरजेचं असेल तर पहिल्यादा डोक्यावर हिट प्रोटेक्टर स्प्रे करा आणि मग वापरा.
वॉशिंग टिप्स
क्लोरीन : जर तुम्ही सातत्याने स्विमिंग पूलमध्ये जात असाल तर तिथे जाण्यापूर्वी केसांना कंडीशनर किंवा तेल लावा. यामुळे स्विमिंग पूलमधील क्लोरीनयुक्त पाणी केसांचं नुकसान करणार नाही.
पाण्याचं तापमान : थंड किंवा कोमट पाण्याने केस धुवा. कारण गरम पाणी केसांचा रंग विलग करतं.
शॅम्पूची फ्रिक्वेंसी : केस रोज शॅम्पूने धुतल्यास नुकसान होते. त्यामुळे शॅम्पू तेव्हाच वापरा, जेव्हा खरंच गरज असेल. तसेच शॅम्पू एसएलएस विरहीत असला पाहिजे. केस हायलाइट केलेले असोत वा नसोत दोन्ही स्थितींमध्ये नैसर्गिक शॅम्पू सर्वात चांगला समजला जातो.