* पाककृती सहकार्य : संजय चौधरी
- थ्री कोबी भजी
साहित्य
* १८० ग्रॅम सफेद कोबी
* १८० ग्रॅम लाल कोबी
* १८० ग्रॅम चायनीज कोबी
* ५० ग्रॅम चिरलेला कांदा
* १ लहान चमचा चिरलेलं आलं
* १ लहान चमचा चिरलेली लसूण
* १ कप बेसण
* २ मोठे चमचे दही
* १ मोठा चमचा चिरलेली कोथिंबिर
* १ लहान चमचा धणे पावडर
* अर्धा लहान चमचा जिरे
* चिमूटभर लाल मिरची पावडर
* १ लहान चमचा चिरलेली हिरवी मिरची
* तळण्यासाठी तेल
* मीठ चवीनुसार.
कृती
तिन्ही प्रकारची कोबी स्वच्छ करून कापून एका भांड्यात मिसळून घ्या. मग सर्व साहित्य एकत्रित करा. बेसणाचे घोळवून त्याचे मऊ गोळे बनवा. आता हे मंद आचेवर सोनेरी होईपर्यंत डीप फ्राय करा. लसूण चटणीसोबत सर्व्ह करा.
- मँगो मालपोहे
साहित्य
* दीड कप मैदा
* १ चिमूट वेलची दाणे
* १ मोठा चमचा रवा
* १ कप दूध
* १ मोठा चमचा दही
* १ चिमूट बडीशेप
* अर्धा कप ताज्या आंब्याचा गर
* ४ मोठे चमचे ताज्या आंब्यांचे तुकडे
* तळण्यासाठी देशी तूप
* १ कप साखरेचा पाक.
कृती
एका मोठ्या बाउलमध्ये मैदा, रवा, बडीशेप, वेलची, आंब्याचा गर, दही आणि दूध मिसळून मिश्रण बनवा. मग हे मिश्रण ३ तास फ्रिजमध्ये ठेवा. आता एका तव्यावर तूप गरम करून पॅन केक म्हणजेच मालपोहा बनवा. दोन्हीकडून पॅन केक भाजून घ्या. आता गरम पाकामध्ये पॅन केक डिप करा. अतिरिक्त पाक काढून प्लेटमध्ये ठेवा. आंब्याच्या तुकड्यांनी सजवून सर्व्ह करा.
- राजमा समोसा
साहित्य
* १८० ग्रॅम मैदा
* २ मोठे चमचे रिफाइंड
* चिमूटभर ओवा
* मीठ चवीनुसार
* मिश्रणाचे साहित्य
* १२० ग्रॅम राजमा
* २ मोठे चमचे चिरलेला कांदा
* २ मोठे चमचे चिरलेलं आलं
* १ मोठा चमचा चिरलेली कोथिंबीर
* चिमूटभर जिरा पावडर
* १ लहान चमचा चिरलेली हिरवी मिरची
* अर्धा लिंबाचा रस
* चिमूटभर लाल मिरची पावडर
* मीठ चवीनुसार.
कृती
मैदा, तेल, ओवा आणि मीठ मिसळून कोमट पाण्याने घट्टसर पीठ मळून घ्या. मग पीठ एका कापडात गुंडाळून ३ तास ठेवा. राजमा मऊ होईपर्यंत शिजवा. आता मिश्रणातील अन्य साहित्य राजम्यामध्ये कुस्करून एकत्रित मिसळा. आता पिठाचे लहान गोळे बनवून पुऱ्या लाटा. त्यात मिश्रण भरा आणि समोशाचा आकार द्या. कडा हलकेच दाबून बंद करा. आता समोसे गरम तेलामध्ये सोनेरी होईपर्यंत तळून सर्व्ह करा.