* पारुल भटनागर
आजचे युग डिजिटलचे आहे. कोरोनामुळे तर सध्या डिजिटल व्यवहारांनाच सुगीचे दिवस आले आहेत. आपल्याला काहीही करायचे असेल तर क्षणार्धात आपल्या कॉम्प्यूटर किंवा मोबाईलने काम होते. मार्केटला जायची गरज पडत नाही. जसे ऑनलाईन पेमेंट, शॉपिंग वगैरे. आपण घरी बसूनच आपल्या आवडीचे ड्रेस, अॅक्सेसरी व गॅजेटची चुटकीसरशी ऑर्डर करतो. जे सुविधाजनक आहेच पण वेळेचीही बचत होते. हे योग्यही आहे की जर या सर्व सुविधा आहेत तर त्यांचा पुरेपूर फायदाही का घेऊ नये? पण त्याचबरोबर हे जाणूण घेणेही आवश्यक आहे की जे प्रॉडक्ट आपण खरेदी करत आहात ते योग्य आहेत की नाहीत, ज्यामुळे नंतर पश्चाताप करावा लागू नये.
प्रॉडक्टविषयी माहिती आपण रेटिंग व कमेंट्सने घेऊ शकता.
काय आहे रेटिंग
रेटिंग भले ही खूप सिंपलशी स्टेप आहे, परंतु याचा प्रभाव खूप गहन होतो. हे वर्ड ऑफ माऊथ मार्केटिंगला प्रोत्साहित करते व पेमेंट पेड झालेल्या जाहिरातींच्या परिणामांत सुधारणा आणते. सगळयात महत्वाचे हे की ते खरेदीला प्रभावित करते.
कशी दिली जाते रेटिंग
आपण जेव्हाही काही ऑनलाईन खरेदी करता, तेव्हा खरेदीनंतर आपल्याला त्याला रेटिंग द्यायचा विकल्प दिला जातो. ज्यात त्या प्रॉडक्टविषयी आपला अनुभव सांगू शकता. रेटिंग १ ते ५ मध्ये दिली जाते. ज्याचा अर्थ हा आहे की जर आपण त्या प्रॉडक्टने असमाधानी असाल तर आपण एक स्टार द्या, चांगला वाटला तर दोन स्टार द्या, जर प्रॉडक्ट ठीक ठाक वाटला तर तीन स्टार द्या, उत्तम वाटला तर चार आणि सर्वोत्तम वाटला तर पाच स्टार देऊ शकता.
रेटिंग व कमेंट्सचा प्रभाव
जर आपण एखादा प्रॉडक्ट ऑनलाईन खरेदी करू इच्छिता, तेव्हा आपण सर्वप्रथम त्या प्रॉडक्टची रेटिंग व कमेंट्स वाचतो. त्यावरून आपल्याला कळतं की प्रॉडक्ट खरेदी करण्यास योग्य आहे की नाही. रेटिंग व कमेंट्स देण्यासाठी युजर्स स्तंभ असतात. ते आपल्या अनुभवाच्या आधारे त्यास निगेटिव्ह किंवा पॉजिटिव्ह कोणतेही रॅकिंग देऊ शकतात. ते कमेंट्स लिहूनही सांगू शकतात की त्यांना अमुक वस्तू पसंत आली नाही, यात ही उणीव आहे, यात हे फीचर्स अजून असायला हवे होते, किंमतीनुसार क्वॉलीटी काही योग्य नाही वगैरे. त्यांचे कमेंट्स इतर लोकांसाठी खूप सहाय्यक सिद्ध होतात.
पॉजिटिव्ह रेटिंग खरेदी करण्यास विवश करतात
आपण मोबाईल फोनच्या खरेदीविषयी विचार करत आहात आणि हाच विचार करून आपण शॉपिंग साईट्स खोलून बसला आहात. तेवढयात आपली दृष्टी अशा मोबाईल फोनवर जाते, जो लुकवाईज चांगला आहेच त्याचबरोबर युजर्सचे कमेंट्स व रेटिंग पाहूनही आपण त्याला खरेदी करण्यावाचून राहू शकत नाही.
‘या फोनची किंमत कमी असण्याबरोबरच याचे सर्व फीचर्सही महाग फोनसारखे आहेत आणि वेटमध्येही एवढा लाईट आहे की आपण कधी विचार पण केला नसेल. एवढया कमी किमतीत एवढे फीचर्स आपल्याला दुसऱ्या कोणत्याही फोनमध्ये मिळणार नाहीत,’ ‘एवढे फीचर्स आणि एवढया कमी किमतीत असा फोन मिळणे अवघड आहे,’ फोनचा लुक खूप चांगला आहे, ज्याला कॅरी करताना आपल्याला खूप चांगले फील होईल,’ या सर्व कमेंट्स आपल्याला लगेच फोन खरेदी करण्यास विवश करतील.
चुकीचे सामान येण्याचे चांसेज कमी
जेव्हा आपण मार्केटमधून एखादे सामान खरेदी करता, तेव्हा आपल्याला गॅरंटी नसते की ते प्रॉडक्ट योग्य आहे किंवा नाही. कारण तेथे फक्त आपण दुकानदाराचे म्हणणे ऐकून सामान खरेदी करता, ज्यात ओपिनियन कमी असते. परंतु जेव्हा आपण ऑनलाईन शॉपिंग करतो तेव्हा एका प्रॉडक्टवर कित्येक लोकांचे कमेंट्स आपल्याला खूप मदत करतात, ज्यामुळे चुकीच्या वस्तू येण्याचे चांसेज कमी असतात. कारण कमेंट्स करणाऱ्यांनी आधीच त्याला युज केलेले असते.
रेटिंग स्वत:मध्येच प्रॉडक्टचे प्रमोशन
जेथे कंपन्या आपल्या प्रॉडक्टला विकण्यासाठी वर्तमानपत्रे, टीव्ही, रेडिओ इत्यादींवर लाखो रुपये खर्चून जाहिराती देतात. जेणेकरून जास्तीत जास्त लोकांनी त्यांचे प्रॉडक्ट खरेदी करावेत, याउलट रेटिंग मात्र प्रॉडक्टविषयी एक इमेज बनवते, ज्यामुळे आपण एकतर प्रॉडक्ट खरेदी करता किंवा मग नाही.